富泰家 (Moved) New Location

尋晚經過呢間店覺得價錢okay野食都好似唔錯就入去試下我點左醬燒豬頭肉白飯，男友就點左煙鴨胸撈麵飲品係檸檬紅茶同熱珍珠奶茶珍珠奶茶唔夠甜，可能我平時飲鍾意較甜啦但都算大杯，因為平時出去飲熱珍珠奶茶都好細杯等左唔係好耐我個飯就到啦，有生果送豬頸肉都幾好味，有埋泰式辣醬男友個撈麵都唔錯，佢都話好似營多個種味道我就冇食到生果，佢收碟之後，見到佢會放番落雪櫃服務生態度都幾好，會留意住有咩需要我地一致認為d野食味道中上，會再黎幫襯！

lunch set:蘋果提子汁雞排薯菜-個汁係橙橙地色,有幾粒提子(但係又唔係新鮮又唔係提子乾,不過有少少juicy!)唔會好甜,做得好出色.唔係間間店有!雞排-雞肉好嫩,好滑,同個sauce都match.薯條-20條左右,係曲式粗的,外勁脆,內軟.津白-好juciy橙-3 片連皮,其中一片好甜!係新鮮的,唔係切定放左好耐果d低糖綠茶-standard台式果d咁大杯,好夠凍,都feel到ok低糖,比大家樂的好!朋友的蕃茄炸魚柳紅糙米飯-魚柳炸得好好,好乾身,雖然個汁味道唔特出,只係見到兩片蕃茄,但係魚柳已取回不少分數.佢地d set的presentation好好p.s.佢地o既服務態度好好,個個都aggressive得泥好有禮貌,跟得好足客人的要求(即使無request都知道人地有咩need,同客人關係close得泥又唔會令人覺得煩厭!!

每一次去完迪士尼呢....都總會搭港鐵出返旺角黎呢間食撈麵.......可能我地成班朋友.....比較專一啦...次次黎親都只食撈麵......雖然佢有紅米飯....但不太attract我囉......成班朋友.....個個都叫撈麵....我地諗左好耐都唔知個汁點整既....有小小spicy....但好味......我總是叫蒜香牛柳粒撈麵......到而家都覺得好好味.....朋友叫左個蟹蓋撈麵.....好味但得2個蓋.....仲有雞扒等等......加上飲品及水果.....真係抵到爛.....

行過舖面，見到以紅米飯健康主打，仲有生果食跟朋友入內一試。主要係紅米飯同撈麵的選擇，我想食麵，但見圖片好似即食麵，係的話我就會選擇飯我問職員係咪公仔麵，佢答我係台灣麵，咁我就要o左啦.點知一黎，一聞味道已經好熟悉。因為我係營多撈麵既fans，再試，根本就係營多, 仲要係來自印尼添。即食撈麵當然好食啦, 咁又點係台灣麵.仲話秘製醬汁，搵鬼笨.而且，我唔覺得佢其實好健康，我叫雞扒，朋友叫牛仔骨，都係油浸.我之後足足飲o左兩大杯水都好口渴, 食o左咁多味粉....唉.抵食既.但呢間一定唔係台灣野！！

係旺角搵食，平有平食，貴有貴食！今次經過哩間食台灣嘢，見有紅米飯，會幾健康就幫襯吓佢食個午餐！環境幾乾淨企理，D侍應都幾好招呼，睇完餐牌叫咗個葡式排骨紅米飯，配低糖紅茶，都係$27（全日免收加一）。整體哩講，咁嘅價錢一客午餐，有菜、有肉、有餐飲及生果，算OK啦！如果講質素，個葡式排骨紅米飯無乜特別，葡汁排骨OK，排骨幾滑唔肥，份量好足；但白米飯乾身咗D，紅米亦較硬，雖然叫紅米飯，不過紅米佔飯嘅份量就好少。一兜仔少油嘅灼菜心，加幾片蘋果，算老闆對健康飲食嘅少少誠意。而餐飲可揀低糖綠茶或紅茶，又係健康之選。

十月中約朋友食飯, 因為上星期屋企單嘢仲未請佢\食飯呀!!朋友介紹咗我嚟呢度, 因為呢度係少有既食市有「紅米飯」食架!我叫咗個「豬軟骨紅米飯」, 啲豬軟骨都幾「淋」幾好食呀! 係肥咗少少...而朋友既係「脆煎雞扒紅米飯」, 都OK啦! 但都係多肥膏咗少少...另外我叫個杯「芝麻珍珠」, 朋友既係「荔枝玉露」, 杯「芝麻珍珠」都幾香幾重芝麻味喎!整體嚟講呢度既嘢食都唔差, 服務亦算OK,最鍾意呢度可以揀配紅米飯, 個餐\又有菜又有生果(應該每日既生果都唔同款), 夠均衡! 份量亦適中! 不過紅米飯應該加咗調味料落去一齊煲, 如果唔落調味我更加鍾意! 咁樣埋單都係$82, 抵! 我諗我都會再幫襯!!

其實之前未聽過呢間野, 食物比預期好喎!我試左個豬頸肉撈麵，除左"咸"左少少之外，真係幾好味, 份量都岩岩好.侍應好有禮貌!

平時都好鐘意去~~d野食唔錯~~好健康好好味~~服務都唔差(不過都未算好好)但有d野唔知係咪存心騙人~~本身叫左個撈面~~~話係咩自創首創既台灣野~~來到之後呆左~~~雖然係好食~~但佢其實係超市有得賣既營多撈面.....而且唔係台灣野~~~而係印尼既出品.....營多係代理...好似有小小欺騙客人~~我都做到大廚~~嘿同埋個餐有生果跟~~好多時都忘了比我~~我自己又忘了....係咪存心騙人就唔知lu仲有次叫左唔要辣~~佢來錯左....之後就咁洗左個面就算....仲有小小辣~~個面無曬味~~難食...不過唔理佢係咪台灣野~~~都算好食既~~ 下次都會再去

呢日我地來到旺角的女人街食野。我地叫左兩個餐，一個係脆雞扒撈麵，個麵幾ok，幾彈牙，有陣營多撈麵味。另外個餐就係士多啤梨骨，呢個就差啦，個骨唔熟，ｄ醬又係普通jam，擺係隔離俾你點，唔係煮入去，好鬼取巧。個餐包埋生果，都算唔錯，飲品就揀左芝麻奶茶，好似芝麻糊味，幾特別。

一直覺得在旺角沒什麼好吃的，一係就將價就貨，一係就物不所值，沒服務也要加一茶錢，等於搶。走在女人街，很多食肆唔知食乜好，看到這間小店，居然一間無名小店要等位，唔通好好食？價錢又唔貴喎，不如試下啦。叫了脆雞扒糙米飯，送三小舊蘋果，一小碗菜和一碗飯，份量剛好，另叫了紅酒牛扒餐，可配天使面，糙米飯，薯菜等，我改了佢地出名的撈面，因為看到隔離台食得津津有味。糙米飯餐只需三十元，我俾八分，夠熱，味道適中食完唔口渴-->少味精。牛扒餐五十八元，其實係三塊大牛肉加撈面，有前盤(1隻田螺+1粒薯蓉)，及一杯苿香綠茶(好香好味道)，個主菜我俾五分，再揀我唔會食咁貴，因為無果種質數。總括來說是可推介的。唔加一，好服務亦是吸引之處。

終於都試左。行到女人街的頭頭就搵到了。係小店形式，服務好有禮貌。店面亦整潔，不過無toilet就差d。除了比一班男食客嘈住之外，基本上都係坐得舒服，吃得舒服的一餐。呢度係食健康食物的，多是紅米飯。我叫了香脆雞扒撈麵，暖暖叫的是鹽酥雞翼紅米飯，他那個的有少少橙同菜。兩個都好味，賣相亦佳。無包飲品的，是半價可以加，我們要了鴛鴦珍珠，加$9。價錢到算ok。無加一的，$65。

2 人晚餐, 個人幾鐘意食野環境地方既舒服. 富泰家呢類食肆正好, 同附近蒜頭屋, 小蕃茄差不多, 店舖雖少, 但坐既地方夠舒服已經足夠了.點了:醬燒豬頸肉紅米飯$30 送菜及水果, 飲品半價司華力腸伴豬扒撈麵$26, 轉左做天使麵, 送水果, 飲品半價飲花生珍珠同香芋珍珠, 因為半價, 所以兩杯加埋先$17醬燒豬頸肉紅米飯: 豬頸肉切到好薄, 好香甜, 肉質都好靚. 紅米飯即係糙米, 有益健康.司華力腸伴豬扒撈麵: 兩樣都煎得好香, 好入味, 不過就多左d 油.野飲方面香芋珍珠就輕微淡左少少.

過年前又同一大班同事o黎食團年午餐.今次叫o左珍寶腸牛扒配紅米飯.紅米飯份量仍然偏少;牛扒就好失望,好薄之餘,重整到好似普通快餐店o既OK汁薄牛扒咁,一D牛味都冇!好彩杯柑桔青檸綠茶OK.來o左咁多次(有D冇寫食評)都冇乜改善,實在令人失望!以後除非係部門聚餐,唔係我都唔會來幫襯!!

今日慶祝同事生日,午餐o黎o左呢度食.我地一共十九人,部門大部份同事都o係度,好似部門聚餐咁!我特別叫呢度幫我做個頭盤(原本o既lunch set冇架!),原來係煙三文魚配蘋果沙律,味道唔錯,三文魚用洋做成的裝飾裝,好有心思,似酒店style.主菜我叫o左什菌汁伴豬扒紅米飯.跟上次不同,紅米飯己經變番正常,冇鹹味和冇拌蛋絲,豬扒味道一般,但勝在不硬易切易食;生果除西瓜外還另加火龍果;餐茶的柑桔蜂蜜不太甜,不錯!如果上菜快D就重好,因為我地食到過o左鐘!!

呢間食店係我個同事推介,因為係佢親戚開關係,有VIP卡,所以幫襯過lunch同tea.先講lunch set,呢度自稱係康餐,小油低脂,用紅米飯同送鮮果.果日試過士多啤梨牛肋骨紅米飯餐,跟配菜(毛豆)及鮮果(西瓜)一份,另送低糖綠茶.士多啤梨牛肋骨味道幾好,牛肋骨間中比較韌,紅米飯係用蛋絲拌紅米+白米飯,味道鹹鹹地有D怪,我諗係落鹽!!毛豆味道好淡,應該係白烚;低糖綠茶好少甜但好大杯,ok好飲.Tea就係送外賣!因為有同事請,所以叫好幾款:1.混醬吐司- 花生mix草莓最正,厚身吐司好脆又大塊2.富士吐司- 似公司治,不過唔用煙肉用蟹子3.秘製牛肉開面吐司- 即牛肉吐司,味似沙爹牛肉,ok4.鹽酥雞翼薯條伴田園沙律- 雞翼好正,沙律似鬼佬沙律,唔只得生菜,重有D唔知叫咩名菜5.蒜香牛柳粒撈麵- 牛柳粒夠蒜頭味,撈麵加辣粉,幾辣同幾鹹!Tea set由$15-26,包餐飲;Lunch set$27-29不過店內冷氣太勁,食好快凍,已經叫老板娘校暖D!我覺得食物平均質數唔錯,不過部份味道過濃或過淡,要adjust 下.