富泰家 (Closed)

位於旺角的富泰家是我的私藏小店。旺角不缺美食，但找一個地方吃一餐簡簡單單的，卻是難能可貴。富泰家提供簡單的飯餐、招牌撈麵及高溫石燒牛扒，價錢相宜，而且環境舒適。富泰家持有酒牌，我點了啤酒享受輕鬆愉快的晚餐。富泰家注重食客的健康，飯餐會配上一碗蔬菜，絕對是值得表揚。富泰家是一間有熱誠的餐廳，我特別推薦。Fu Tai House, located in Mong Kok, is my hidden gem. Mong Kok is not lacking in culinary delights, but finding a place to have a simple meal is truly precious. Fu Tai House offers simple rice dishes, signature tossed noodles, and sizzling hot stone-grilled steaks at affordable prices, all in a comfortable environment. They also have a liquor licen

趕時間的一個晩餐跟大隊來到這裡太習慣3小時食飯時間的我好趕看上了個一人套餐可以選兩樣菜絕對是貪心人之選點了個粉絲雜菜煲和沙姜汁蔥油雞因為我們大排人一起點餐理所當然都等得久更不幸的是為什麼在下那個最遲到😅不過也沒關係先吃菜吧 沒想到能那麼大份連雞也是整整一份一人餐其實是二人餐吧配上紅米 感覺上更有營養紅米煮得很淋 在下喜歡而且味道也很香沒想到紅米的香味比白米更甚雞雖然大大碟但雞油很多 去皮吃的在下𠰋光後的肥油骨和皮佔了一半不過雞肉還真滑..整體而言是不錯的就是太趕時間無法好好亨受

買完野3個人搵下有咩食，見到富泰家無乜人排就入左去，叫左1個辣腸豬頸肉芝士撈麵，2個豬頸肉湯烏冬，2杯特色朱古力奶茶同埋1杯特濃朱古力。野飲到既時候發現黎左2杯朱古力，1杯朱古力奶茶，就即刻同送餐既女仔講，但講極佢都唔明，咁算由佢，點知後尾望到原來由頭到尾佢根本帶住耳機(聽歌果d)……食物到，全部都好普通，烏冬被同行朋友評為衰過自己係屋企煮😂我個芝士撈麵都係好平凡既芝士撈麵（葵廣果間好食好多），根本唔值呢個價錢！總之無下次！

🐮美國高級牛板腱 200g跟餐--$88✨🤩熱辣辣嘅鐡板即燒✅牛板腱份量足✅好鮮嫩✅肥瘦均匀✅套餐送沙律、薯角、特色飲品&雪糕🤩✅可配白飯/意粉/撈麵 (+$5)-----個人評評分❤️：8.7/10性價比💸：8/10環境📷：7.8/10回頭🤓：會總結：肉嘅質地幾好👍🏻建議跟餐🤩有飯、特色飲品、沙律薯條同雪糕(佢會後上 有次唔記得叫🥲)！！可惜撈麵要加錢😤個人覺得價錢應要包埋！ 餐黎講食物均衡，唔會有某樣野特別多！

通菜街最特別嘅地方就係食肆同埋零售鋪一齊共生，將一條街用到最盡，🤭除咗平時食嘅放題同埋打邊爐之外，當然都會想試吓其他菜式，🤗例如好似茶餐廳呢一類全港18區都一定有唔少嘅餐廳究竟喺旺角食嘅又有咩唔同呢？😏而今次就嚟到一間都算係幾大嘅富泰家嘗試一下，通常我都零瀉鍾意茶餐廳嘅焗飯，因為又有芝士又夠晒熱辣辣仲要係即叫即整夠晒新鮮😳焗鮮茄辣汁牛脷飯—— 🍅通常食焗飯都係食開白汁底，而今次就試吓蕃茄辣汁，嚟到嘅時候都係一如以往嘅熱辣辣，🍅牛脷嘅份量亦都出乎意料嘅多大約都有四塊，每－塊都算係幾厚身，所以都唔錯，仲要肉質都算係幾好咬口, 至於飯底就感覺一般，🍚通常都係炒飯底嘅焗飯而呢一度就齋用咗白飯，🍚相對嚟講都仲有少少濕潤度，就冇咁乾身。 至於個蕃茄辣汁除咗蕃茄都係大大個之外，辣汁就反而感受唔到裏面嘅辣，🌶️反而整體都係比蕃茄醬同蕃茄汁覆蓋晒，就有少少遺憾。😥當然如果飽肚嘅話絕對係幾好嘅選擇😂富泰家 (旺角)旺角通菜街1A-1L號威達商業大廈地下K-L號舖

行開旺角想坐低食個撈麵，經過見到呢間舖頭就入咗去 。60幾蚊食個撈麵的確唔平，但係想坐定定食下頹嘢所以都照食。叫嘅都係無乜技巧嘅食物。撈麵就係撈麵嘅味道，司華力腸就係司華力腸咁。食得依啲都唔預特別好食啦。但係你叫落單嘅時候先係最考功夫嘅時候。明明成間鋪有三個店員 叫佢，揮手，有晒眼神接觸，個個都走咗去唔想落單咁。你唔想落單唔好返工呀嘛😹釀雞翼餃子撈麵 $67呢個份量超過分，得兩隻釀雞翼。唔會再食，都唔建議大家食。司華力腸拼雞扒撈麵 $63套餐跟低糖綠茶/紅茶

豬頸肉芝士撈烏冬味道🌟🌟🌟🌟4/5價格🌟🌟🌟🌟4/5分量🌟🌟🌟🌟4/5味道同以前新記芝士撈麵唔係同一種感覺，呢度嘅芝士撈麵感覺更加卡夫芝士😂味道不錯，份量都幾好兩個人食兩個撈麵+2杯嘢飲都係百零蚊唯一一個問題就係等咗好耐囉😅漏單

大雨天，原來想食既餐廳又要排隊，所以機緣巧合黎左呢間。有聽過話呢到既撈麵好好食。黎到見到，d撈麵份量真係非常之多，我估計應該有2餅麵。第一碟叫既係牛柳粒、司華力腸。撈麵原本嘅辣到已經訂咗，有少少辣辣地好惹味，好開胃。牛柳粒係超級無敵多，然後唔會硬，炒得好好食，反而我覺得司華力腸得半條，仲要再剪開一半，好似少咗啲。不過，總體來講都幾好食。第二碟係豬頸肉同埋雞扒。雞扒同平時茶餐廳食到嗰啲一樣，豬頸肉有另外嘅秘製汁，幾好食。反而小食，釀餃子雞翼，麻麻哋，感覺好似喺出面唔知邊度食過嘅批發，入面嘅餃子香料味太重，令到我哋完全食唔到雞嘅味道，不推薦。總括而言，黎呢度食撈麵就啱啦！

今晚食咗一間好好味😋嘅石板燒🍽美國牛板鍵，有飯🍚又薯條🍟、沙律🥗、飲品🍹、重有甜品雪糕🍨下次要再食多次先得😍正呀…價錢合理，一家四口👨‍👩‍👦‍👦食得好開心🥳老闆好好人，本身諗住埋咗單走人，原來有雪糕送，重要額外送多一杯比我哋，因為我細仔同我share ，所以我哋叫咗3個餐！服務唔錯，環境坐得舒服！我同老公都一致認為可以再食，重要推薦朋友同屋企人去試吓先得呀⋯⋯正呀佢地環境坐得舒服！

女人街食晏選擇頗多，我今日就來到 「富泰家」試試個午餐。😁座位舒適空間感高，地方乾淨企理。午市套餐焗飯意粉樣樣齊不錯啊！🍴龍蝦汁海鮮龍脷柳意粉底$52仲包一杯凍紅茶，認真無得輸。👍食落都有龍蝦汁味，意粉軟糯有意粉香，急凍龍脷柳食落都可以，沒有雪味還有魚香。🤣掂👍滿足的一餐免收加一就是 $52 ✌🏼

呢間出名食芝士撈麵嘅，不過今次試咗其他港式撈麵，都一樣咁正，好有香港原味道。今次叫咗一份蒜香牛柳粒撈麵比自己，份量十分多，自己都食唔晒！蒜香牛柳粒撈麵 配 紅茶蒜香牛柳粒撈麵嘅牛柳粒份量都好多，肉質好好，燒到剛剛好，好多肉汁好juicy。撈麵有口感，又吸收晒醬汁同肉汁嘅精華，食落口味道一流，好香好好味。熱辣辣，幾好食。餐飲仲跟咗紅茶一杯，啱晒食完之後飲，去一下油膩感。（不過其實個撈麵都唔係話十分之油膩)

富泰家我諗大家如果以前係mk返工或多或少都係成為你lunch 其中一個經歷過的選擇新店應該是搬遷後的店了雖然已經忘記了原本去食店的路線但還是記得那回憶中的美好一看餐牌就很感到通脹帶來的傷害吧但相對如今的餐廳已經算很相宜了叫咗芝士豬頸肉撈丁邪惡之選店家還特意加入大量芝士粉在表面好很邪惡芝士是加入了牛奶感覺應該混入了幾種芝士不會太鹹但香與滑都做得很好忍唔住每一口都盡力沾上大量芝士去吃吃吧如果你和我一樣都有這樣的回憶

今晚比人帶咗去呢間餐廳食飯，佢話呢間餐廳啲撈麵好好食所以我決定叫芝士撈麵！芝士雜菌撈麵一上枱真係好有驚喜，一嚟到已經嗅到好香芝士味，又落咗好多汁！麵底份量岩岩好，食落去好有口感！個芝士麵入面仲用咗唔同嘅菇去煮，配有椰菜。唔想食肉嘅話，呢個麵真係係一個唔錯嘅選擇！唔想食芝士的話，可以叫返普通撈麵，一樣好香口彈牙，其實仲叫咗一份雞扒撈麵(不過冇影到相)，有少少蔥花係雞扒面上，煮炸得好香。個餐會送紅茶/綠茶，所以食個麵再飲番杯茶之後，都唔會覺得好油膩

垃圾餐廳 等候時間太耐 撈麵同佢講爽脆d 照比個淋既 同佢講更換 佢話好多單 然後話等好耐 然後唔更換， 小食拼盤 每樣野都唔係規定有多有少，最垃圾係個湯烏冬，自己屋企整都整到，雞粉，都唔會有咁多好評 伏到喊，所有嘢都唔更換。個西蘭花最後先到，係中間既時候已經話整緊，最後先到差唔多食完野。小店應該唔想麻煩，但係我喺度受罪，取消都唔得，無服務質素，食物質素都唔得如果要去自己諗一諗接唔接受到。想取消都唔得。全部野都夾硬嚟。

近來，每次同阿仔出街食，佢都嚷著說要食牛扒，所以，近排係多左去食平靚正的平民牛扒架。而這一次一家三口在旺角的街頭，在女人街的兩旁找地方食飯。看了好幾家，也有心大心細，結果，這一間《富泰家》有牛扒餐，也有素食餐，符合晒身旁兩個人的要求，於是大家就推門而進去一試。當時是四人的限聚令，看得到餐廳做足了防疫措施。在門口量度了體溫之後，就安排我們三人坐在餐廳的一個位於角落位的檯。在女人街兩旁找到有時尚餐廳的餐牌中有好幾樣素食的選擇，算是非常好的了。而太太就點了一個野菌雜菜湯烏冬。這是一個純蔬食的鳥冬，清湯底，整個麵的味道就是來自菜同菇。店方也加了少少的素食油膏來加強味道。太太再加點點辣油來吃，立即變得很惹味。幫兒子點了一個石板西冷牛扒。要求了七成熟的扒，連石板一起端來時，在扒的邊旁看得出可愛的血紅色。這是一片原味的靚牛扒，只是用了鹽來做調味，令我們吃到的，是純正的牛肉味道。此外，牛扒的肉質嫩滑，但吃起來又有少少肌肉感。在味道上同肉質感覺上，是值得令人稱讚的。我就點了一份辣汁茄王焗牛脷飯。少少辣，也有足夠香的蕃茄味。牛脷的肉味當然也是十分之香。雖然，是白飯底，但茄汁夠多，令到每一口飯同牛脷，都充滿