Fûhn (The L. Square) (Closed)

行過銅鑼灣搵野食，見到呢間野寫住It’s fuh not pho好似幾得意，就行左去試。都知道佢應該係食越南野。晚上8點唔算好多人，入面裝修都好試正，有落地玻璃窗望到大街馬路，感覺都好開揚。睇落個menu都算好多選擇，小食有好多款式，一般咩炸蝦餅，紙米卷，炸扎肉通通齊全。佢有樣幾好就係每樣款式口味都算好多，好似湯粉，撈檬咁，每樣都有好多口味，生熟牛唔在講，雞絲豬扒連A4和牛都有得揀，不得了。我地兩人食就揀左個特上小食拼盤，雞肉，春卷蝦餅，炸扎肉，扎肉卷，仲有個叫做椒鹽炸軟殼蟹，聽落都幾鬼得意。主食就叫左生熟牛肉金邊粉，雞絲撈檬。另外叫左個扎肉紙米卷，野飲當然唔少得就係越南滴漏咖啡。不得不提佢個menu仲有版係專門素食，好有心！小食拼盤首先上場，仲有兩款醬汁配搭，一款係泰式辣醬，另外一款似係他他辣醬。蝦餅炸得鬆脆蝦肉爽口，椒鹽軟殼蟹好惹味，仲有啲風沙蒜頭，好夾。另外炸扎肉同埋炸紫米卷都好脆口。生熟牛湯金邊粉，個湯底好濃郁好入味，仲有香料配搭埋有香茅好新鮮好清新，牛肉煮得唔會過分老，有生熟之分。雞絲撈檬，睇落似係一般簡單嘅食物，但黎到會有驚喜，碗撈檬嚟到見到有好多配料，有炸蒜炸洋蔥有蔥花，

一向有留意開熊貓嘅各位，其實都知道熊貓好鍾意食麵。但係熊貓有時覺得約人哋食飯，因為食麵好似俾人一種好速食的感覺。不過熊貓最近就發覺到一間，高質嘅越南美食，而且佢嘅越南粉都好高質。呢間越南餐廳位於鵝頸橋附近，店舖裝修得很舒服，環境很不錯，很適合與朋友一起來談天說地。當然食物還是重點，各位朋友如果好似我咁鍾意食牛，一定要點這個特色牛湯粉。入面材料非常吸引，包括了幾種唔同種類嘅牛肉，牛丸，牛柏葉等。份量很多不在話下，最緊要牛肉是非常高質，大家不容錯過。小食拼盤亦是重點推介之一，這店的特色是，可以按照個人份量而選二人或者三人的拼盤。這個特色蝦春卷特別好吃，是必點推介。飲品方面，亦有很多選擇。我和朋友分別選了青檸梳打和椰青。和三五知己聚餐，不一定要去吃西餐，內地很高質舒適的越南餐廳便是一個很好的選擇。下次朋友聚會，我也會再來光顧。

今天要到灣仔買電腦顯示屏，途經銅鑼灣，正值午飯時間，便來到這裏。柚子鮮蝦沙律$98，蝦肉爽口彈牙，柚子酸酸甜甜，份量不少，加上大量的蔬菜🥬，感覺健康又開胃，如果想多一點味道，可以加些越式酸汁。生熟牛肉牛坑腩片$72，牛肉是採用美國安格斯的，牛肉味道濃郁，而牛坑腩片偏瘦，帶點嚼勁，河粉是金邊粉，口感比較硬。越式滴漏咖啡$38，是必次吃越南菜必點的飲品，原因是喜歡它的濃郁咖啡味道，和鍊奶的香甜。😍

不久之前去了越南🇻🇳, 今次就在香港吃越南菜~ 這裡環境不錯, 地方闊落, 可以和一班朋友來吃晚飯。餐牌上的食物款式都幾多, 有湯麵、撈檬、小食、飲品等等。點了一個柚子鮮蝦沙律和朋友一起分享。我們自己分別點了特別牛湯粉、素菜湯粉。飲品方面, 點了一杯新鮮椰青和一杯牛油果奶昔。牛油果奶昔 🥑 — 質感很creamy, 飲品的牛奶味較為突出。柚子鮮蝦沙律 🥗 — 大大份的, 裏面有柚子、沙律菜和大蝦, 鮮蝦質感爽口鮮甜, 份量很多, 柚子酸酸甜甜, 幾開胃, 是不錯的前菜。素菜湯粉裏面有素肉、冬菇、時菜, 裏面亦有芽菜作配料。我選擇了要金邊粉做麵底, 另外亦加入了牛筋片。金邊粉的份量非常多, 好像吃極也吃不完似的。牛筋片幾爽口, 素肉幾入味。特別牛湯粉 — 選擇了要河粉做麵底, 亦額外加入了扎肉。

好耐無食過生牛肉河，今晚同朋友兩個試下依間fuhn。基本上每張枱都叫左碗生牛肉河，當然我哋都吾例外，叫左一碗大嘅happy share。好大一碗，先飲一啖湯，湯底充滿牛肉味，牛肉都好好食。值得一讚嘅系，佢啲配菜辣椒切得夠薄，方便入口，夾埋芽菜，葱一齊食，加小小辣椒醬，酸酸辣辣好開胃。朋友叫左豬頸肉撈檬，又系勁大一碗，豬頸肉切條炸，食得出系即叫即炸，仲好熱辣辣，而且咬落保留到肉汁，加上小小炸蒜，好香口，推介！另外叫左個軟殼蟹牛油果沙律，勁大一份，沙律菜好新鮮，上面有兩只即炸嘅軟殼蟹，哈哈，我同個fd吾洗爭，一人一只，正！飲品方面，朋友叫左一個椰青，我叫左一杯牛油果奶昔，啖啖牛油果香，賣飛佛！依間餐廳嘅嘢食份量大大份而且味道真系幾吾錯，下次同朋友食嘢都會再嚟。

今日去左銅鑼灣上堂，上完堂已經2:30超肚餓，非常快咁去搵間餐廳食個飯。一出大廈，行一陣見到有座食肆餐廳臨立既大廈。上面全部都係餐廳，我就入去搵間餐廳食個飯啦。我最愛越南粉，1樓就係Fuhn啦！我叫左生熟牛肉金邊粉，再追加牛肉！牛肉超正，牛味極濃極香嫩，生牛肉馬上浸入牛骨湯入面。牛肉香嫩份量非常多，加上芽菜、香葉和青檸，湯底非常滋味。牛骨湯清甜，完全唔油膩！金邊粉爽口。我再加點一個椰青，清甜香口。

I have encouraged myself to try this restaurant who claimed like North America style Vietnamese food. I was somewhat disappointed. But I must say this is probably one of the best HK. But cannot even come close to the Vietnamese I used to have in Toronto. The taste and condiments served is not really authentic. The style is very close to London UK Vietnamese. So, the owner shouldn’t make such a strong claimed when he doesn’t know what he is serving.

今次喺銅鑼灣呢度搵到間非常高質嘅越南菜。⁣⁣⁣⁣🇻🇳⁣⁣⁣⁣生熟牛肉湯粉（大） ($85) ⁣⁣⁣⁣⁣⁣呢度嘅湯粉可以自己揀麵底要金邊粉定係河粉。😚 入面牛肉係用咗有認證嘅安格斯牛肉，超有肉味。🐄 而且湯底好清甜，冇落味精。😋 麵唔會住得太淋，啱啱好爽口。😌 今次嗌咗「大」已經咁大碗，唔知「加大」會幾大碗呢。⁣⁣⁣⁣😂⁣⁣⁣⁣越式手打炸蝦餅 ($88) ⁣⁣ ⁣⁣⁣⁣炸蝦餅新鮮炸起熱辣辣。🔥 外層非常酥脆，入面嘅蝦肉就好彈牙。🦷 而且蝦都好新鮮，零舍有蝦嘅鮮甜味，齒頰留香。🥳 而且作為手打嘅蝦餅，蝦肉特別有質感，有唔少咗一粒粒嘅蝦肉，非常高質。⁣⁣⁣⁣🍤⁣⁣⁣⁣椰子雪糕配荔枝爆爆珠 ($48) ⁣⁣⁣⁣⁣⁣呢個椰子雪糕亦係不得了。🤩 超有椰子嘅自然嘅味道，口味一啲都唔似人造。😇 而且入面有啲椰子味粒，更加迫真。⁣⁣⁣⁣🥥

今日約了朋友在銅鑼灣吃晚飯，朋友話想食得特別一些，所以我們決定去食越南野！餐廳係L square 1樓，地點很方便，很容易便找到。裝修簡約，地方都大，坐位坐得舒適！而且侍應都有禮貌，點餐後更會主動覆單，服務態度很好！餐廳的食物種類也很多。而且價錢不太貴性價比高！我同朋友點了二個小食，第一個係軟殼蟹米紙卷，一黎到已經望到好足料!而且菜好新鮮，食落很有口感同很有清新的感覺！而另一個小食就係我覺得必點的越式手打炸蝦餅！炸得剛剛好，食落外脆內軟，而且係真材實料，每一囗都足滿了蝦肉，很彈牙，配合埋醬汁，真係好好食！而主菜方面，我地就點了特式Fuhn飯，一個飯已經有好多樣食物，包括有雞扒，豬頸肉，牛肉，炸春卷，雞蛋及蔬菜！十分豐富！飲品方面，就點了椰青和菠蘿沙冰，椰青新鮮，味道清甜，而菠蘿沙冰，充滿菠蘿味，但又不會太甜，很清涼！

今日同朋友黎到cwb諗唔到有咩好食 日本菜打邊爐泰菜又食到厭哂search下vietnamese餐廳搵到呢間咁多好評就試下呢度都算黃金地段 價錢簡直算超值呀！行樓梯上左一樓 呢度裝修行簡樸越南風坐得都幾舒服唔會過份逼～生熟牛肉湯河（大） （$88）勁推介叫呢個 ～份量勁大碗 牛肉上果時半生熟 淥一淥就熟哂 好嫩口 岩岩好！個湯底好清既牛骨味 唔係味精咁 落埋芽菜 青檸 又提升左個味我冇落枱面果樽酸汁 因為想清清地飲佢既牛骨湯就夠哂味！大碗size女仔黎講食埋小食落肚真係會食唔哂 太飽 建議女人可以叫個普通size燒豬頸肉飯 （$68）試食左兩舊豬頸肉 勁香～唔會un 細細舊好易餸飯又係午餐勁飽肚之選 我係附近返工既話應該會成日食特上小食拼盤 （$168）呢款就正喇，每樣有兩舊！好岩兩個人share 可以一次過試哂餐廳既特式食物上菜果時新鮮滾熱辣 炸到岩岩出爐仲係好熱有兩款汁 千島沙律醬 + 酸甜醬炸蝦餅 炸春卷 軟殼蟹 都係特別出色既炸粉唔會太厚 好香口白桃梳打（$30）同埋青檸梳打 （$28）我飲白桃梳打 好好飲！ 唔會過甜 會再encore呢間餐廳啊 兩個人都係百令蚊

呢間店好耐之前同屋企人食過 之後一直念念不忘咁啱最近為食既男朋友話好想食軟殼蟹就book左同佢撐枱腳首先當然係軟殼蟹炸得好脆 香料掛到係脆漿到 香口惹味再配埋個醬同少少酸蘿蔔絲 油炸都唔會膩！主食原本想試和牛河 點知賣哂咁就叫左個特式牛特式牛可能因為料多 所以最細都係L size上左黎面盤咁大 本身都擔心食唔晒點知男朋友一個人食左9成啲料好有牛味 食得出係新鮮有水準既牛肉牛丸都好彈牙之後就係烤豬頸肉比想像中大份量 切成細舊烤到脆卜卜 飲酒既話 送酒一流全晚最驚喜既就係牛油雞翼出奇地好味咸香既脆皮下 食到有少少甜味 牛油香再配埋炸蒜！ 可以食十隻呀！飲品都好有誠意越南咖啡冰沙 配埋粒粒咖啡凍 好飲又過癮

原來銅鑼灣廣場附近有個 The L. Square ，入面都幾多食肆，今日就去咗試呢間Fûhn😋入面係類似囍越嗰種型格裝修，枱擺得算迫，但坐落都唔會話迫夾。不得不提吧到幾侍應都幾有禮貌，服務態度唔錯，而且望落有幾個唔係香港人。👱🏾‍♂️👩🏾‍🦰越南菜嚟講，定價算幾進取，應該同芽莊個啲差唔多價錢🧐香茅雞扒撈檬($69)，雞扒份量算幾多，佢係炸雞扒，但食得出同茶記個種拎倉底雪雞炸嘅唔同，咬落仲有肉汁唔會好乾同無雪味。佢炸嘅方式同我屋企好似一樣😍😍食落個味勁似細個屋企炸嘅雞翼，太有回憶今次連皮都食埋🤪🤪🤪🤪 幾特別嘅係佢唔用普通生菜，而係採用沙律菜🥬🥗我都係第一次見，芽莊都好似係用生菜絲。估唔到又幾夾，成件事變到好似好fresh咁，伴碟蘿蔔絲好好食🥕但貪心的小狗嫌炸花生同蒜唔夠多。同埋最大問題係個魚露只酸唔甜，如果可以唔齋酸會更好🤗🤗🤗🤗越南三式飯($98)，分別有炸扎肉、炸雞翼、香茅豬扒同太陽蛋，一樣有沙律菜伴碟，仲有豉油比你落，感覺想fusion香港茶記🥶🥶🥶🥶雞蛋煎得幾靚仔，其他炸物都好香脆，唔會話好油，香茅豬扒好鬆軟。肉嘅份量其實好多，正常女仔未必食得曬，但係價錢真係偏貴，越式頹飯成舊

呢一晚同朋友食飯，嚟到銅鑼灣食飯，又想食啲 清爽少少嘅食物，但又唔想食咁貴，於是來到呢一間越式小店。 都幾多人客，好彩我哋都算早到，一入到去都仲有位坐，唔使等位。食物嘅款式都幾多， 都真係花多眼亂。先叫咗一客牛油果軟殼蟹沙律， 有兩隻大大隻嘅軟殼蟹，份量都唔少，加上底下有好多清新嘅蔬菜同牛油果，加埋店內嘅醬汁，味道好開胃好清爽。而且軟殼蟹外面炸得好香口，入面好juicy，好食！另外仲叫咗個特式牛湯粉， 有牛柏葉、牛筋、 牛丸、生牛肉等等，都幾豐富， 而且個湯仲好香，好濃沃嘅牛肉味。特上小食拼盤都好吸引， 尤其係個扎肉腸同埋春捲， 食越南嘢點可以唔試呢。至於呢個蒜香牛油雞翼都係必食之選，有好香嘅蒜蓉味，但又唔會太油膩 ，鍾意食雞翼嘅人一定要試下。最後仲叫咗個椰子雪糕，配埋荔枝爆珠，椰子味好香濃，入面仲有少少嘅椰絲，好似越南街頭食到嘅雪糕一樣，清甜消暑，作為飯後甜品唔錯。呢杯柚子梳打亦都好refreshing，好香柚子味， 唔錯。

收工約朋友食飯，順便去銅鑼灣行街買嘢， 呢間專食越南嘢嘅Fuhn一向水準唔錯，而且坐得舒服。單單係湯粉都已經有好多款式，有必食嘅牛肉，亦有素菜選擇，啱曬唔同人口味。不過女仔嘅胃口比較細我哋就嗌咗兩碗大嘅生熟牛河share，再加啲小食。居然仲有埋甜品，正！同去越南一樣，有芽菜、香菜嘅配料，食落非常正宗。而主角嘅生牛河亦都非常出色，香濃嘅牛骨湯底，配上嫩滑嘅生牛肉， 味道非常之夾，而且仲有好香濃嘅肉味。牛油雞翼同樣唔錯，炸得脆卜卜，而且好香蒜蓉牛油味，非常惹味。雞翼咬開仲有肉汁，保留到雞肉嘅嫩滑。小食拼盤相當豐富，有札肉腸、蝦餅、春捲、軟殼蟹、雞翼等等，每樣都有兩件，好適合大班人share， 尤其蝦餅炸得好香脆，入面嘅蝦滑亦好彈牙，必食。柚子蜜梳打非常解渴，清新開胃，最啱食完香口嘢之後飲。白桃沙冰亦都好啱女仔， 酸酸甜甜，好香果味。以銅鑼灣嚟講，價錢亦都算合理，而且坐得舒服，一大班人傾計聚會都唔錯。

豬頸肉撈檬擺設好靚嘅粉，有沙律菜放入個碗到，令人更開胃，豬頸肉整法好特別，逐條燒得好香脆，放左入碗粉到都唔會淋，酸辣汁調配得好適中，啲粉好爽脆。超級好食。扎肉湯金邊粉扎肉同我係越南食果啲一模一樣，好新鮮，湯底係用雞湯，唔會覺得係味噌湯，我揀左金邊粉，好夾好好味。椒鹽軟殼蟹有相當大嘅三隻軟殼蟹，炸得好脆，而且啖啖肉，點埋佢地秘制嘅千島醬簡直一流。越式炸春卷同香港春卷皮唔同，係更加鬆脆。扎肉紙米卷個皮好煙銀，入面包有生菜，紅蘿蔔，扎肉，檬粉等，一啖咬落去好有口感，點花生醬好好味。