福岡漢堡扒 (鴻威大廈)

Open Now

Now Closed

呢間店主打係100%澳洲和⽜，而更加過癮就係客人可以DIY材料配搭，然後 Chef Lemón 上身，親自炮製自己既套餐，真正既「自己漢堡自己煎」，要幾成熟？要心形定長方形，全部由自己話事，老老實實，有時食野除咗講野食好唔好味外，成個食野既體驗都好緊要，可以一路煎一路食，我自己就覺得新奇兼有趣啦！今次我就選擇咗波蘿煙肉和牛漢堡扒，因為我叫二人套餐，所以重有一個芝士泡豚丼飯、沙律、泡菜同麵豉湯。先講吓個波蘿煙肉和牛漢堡扒先， 漢堡扒上菜時就係球狀既，咁自己可以按自己喜好逐次切出⼀⼩團，然後放在高溫既⽯⾯上輕烤，大約三四秒就翻一翻，本身澳洲和⽜既⾁味都好濃既，食落第一口就feel到鬆軟多汁的牛肉。如果可多D口味，就可以試下將波蘿同煙肉和煙肉加埋漢堡扒一齊煎，等漢堡扒可以吸收下波蘿同煙肉既精華，味道真係非常唔錯。唔好睇個漢堡扒球好似好細個，只係輕輕按壓，將肉平均分佈係⽯⾯上，其實都可以燒到好多次。 波蘿煙肉和牛漢堡扒芝士泡豚丼飯順帶一提，店員真係幾好服務，食到咁上下會主動幫你換走舊石。總括黎講呢，如果你是漢堡控，又想試下自己整 (係屋企淨係要清潔呢下可能已經令好多人卻步)，就真係絕對唔可以錯

這個暑假未有機會去日本旅行，未有機會品嚐我最喜愛的和牛，路過旺角這間福岡漢堡扒，起初以為食漢堡包，開開門口餐牌，發覺很有特色，是美味的黃牛加上多種配料配搭。叫了菠蘿黃牛煙肉漢堡扒加巨峰提子特飲食漢堡扒的方法很簡單，將適量的漢堡扒鋪平在石上，每隔3秒就反轉，就可以享用美味的漢堡扒。天氣非常熱唔熱，好在餐廳提供大大杯特飲，配上燒和牛漢堡，簡直是絕配。#福岡漢堡扒 #旺角 #旺角美食 #燒和牛漢堡 #foodie #hkfoodie

石板牛扒食得多，石板漢堡扒就第一次。見到鋪頭有韓文，莫非係韓式日本(福岡)和牛店?! 叫左個二人餐，有芝士蛋蒜和牛漢堡扒、墨西哥辣椒和牛漢堡扒、和牛乒乒乓拌飯，加多杯西柚特飲。上枱兩大球日本和牛漢堡，一份有蒜片，一份有大量墨西哥辣椒，下面都有D蛋汁。和牛漢堡都是生的，需要於石板上煎熟，生熟度可自由控制，3成又得、全熟又得，如果剛上枱就要“反面”得快D，如果唔係就好快會燶。食左一兩次就可以慢D，唔夠熱就可以換石板。其實幾好玩幾新穎。跟餐仲有一大碗和牛乒乒乓拌飯，其實係和牛粒、沙律菜煎蛋配韓式辣醬。有D韓式辣醬個飯無咁乾，配埋5成熟自己親手煎既JUICY和牛，非常好味。有芝士個球會比較香，而鍾意食辣既墨西哥辣椒又好吸引。和牛味好香，油份十足，生又得，燶少少香口D又得。配埋大大杯西柚特飲，完美的一餐！

旺角熱石和牛漢堡第二次來到這家店了，這間店真係幾多人嚟，六點多嘅時候鋪面已經坐滿很多人啦。鋪面不算很大，但座位亦比較寬敞，因為是熱石煎扒，每一個位置相片都有抽油煙機，所以味道不大兩人套餐💰355芝士🧀️蛋蒜和牛漢堡扒墨西哥辣椒和牛漢堡有兩款不同味道的和牛漢堡扒，配料不一樣，但操作是一樣的。有好大的和牛漢堡扒，需要用個鏟將每次的份量鏟出嚟，然後放到熱石上面煎，等到差唔多熟嘅時候就翻面，按照個人喜好處理性唔同嘅成熟度，每一口都係充滿住滿滿的和牛味👍👍和牛乒乒乓拌飯呢一個飯都好大碗，和朋友兩個人食差啲食唔晒！一啖飯配一啖和牛，都好滋味㗎😆另加飲品：蜂蜜生薑茶&金橘檸檬特飮飲品好大杯，生薑茶薑味真係好濃郁，都幾辣㗎 ；金橘檸檬都好清新，推薦！

之前尖沙咀見過,原來旺角都有分店!🔥門口光猛乾淨👍🏻依加仲好方便用QRcode落單就得!店入面有分四人枱同面向牆嘅單人座位,一家人黎食又得,自己一個燒亦都唔需要怕尷尬👍🏻牆上同枱上張紙都有教點食,唔使擔心唔識食😆另外雖然係燒肉,但係一啲都唔覺大油煙👍🏻我地叫左個二人套餐,都幾抵食!包麵豉湯同沙津🥗我哋分別都加錢叫咗特飲,冇諗過巨峰提子特飲咁大杯🤣飲極都仲有,好味得黎好解渴👍🏻飯好快就黎左,好香麻油味😋肉碎唔算好多但配埋漢堡扒食夠唒,撈埋蛋一齊食更加香滑❤️主食漢堡扒只需要用鏟切開到細細份壓扁放上石上面燒,每三秒反一反就食得😍過程好有趣,石板燒到唔夠熱員工仲好主動幫我地換~呢隻口味酸酸辣辣好惹味🌶️中意食辣必點!另外漢堡扒份量都幾大份,食落好重牛味,正!超級無敵多炸蒜片!蒜片脆卜卜增添唔少口感!而且仲有好多芝士,個蛋好香🤤真心唔錯.溫馨提示🩷舊石板真係好熱,小朋友或者大人都要小心呀😂

📍 福岡漢堡扒 (旺角)我地叫左個兩人套餐ver4～仲包埋麵豉湯同沙律🥰剷一舊仔漢堡上熱石到壓平燒一燒再反下佢燒埋另一邊就食得～漢堡扒油份夠 入口有肉汁 肉味香濃 燒到出面焦焦地 唔洗點汁都好味 有得食有得玩嘅體驗🤪▫菠蘿煙肉和牛漢堡扒呢個會有幾片煙肉同菠蘿 酸酸甜甜 食落清新啲~▫芝士蛋蒜和牛漢堡扒▫️芝士泡豚丼份量好多 泡菜加芝士好惹味 唔食得辣既人都食到～泡菜夠爽口▫百香果特飲▫金橘檸檬特飲超大杯😳😳飲完透心涼職員好好會主動幫我哋換熱石 好貼心

📍福岡漢堡扒🇭🇰 旺角花園街3-5號鴻威大廈地下7號舖今次第二次食！第一次食覺得好得意 同埋好驚艷地好味🤤今次試咗新味都唔例外👍🏼👍🏼最鍾意佢有條管即刻抽走啲油煙 食完啲衫同頭髮都冇味舊石唔熱嘅時候可以叫職員幫手換記得唔好煎太大塊～ 如果唔係好容易比油濺到😋 二人套餐ver 2 $355-芝士蛋蒜和牛漢堡漢堡扒來自日本福岡產地 我成日都好好奇點解係韓文字🤣🤣啲肉好香牛肉味！好嫩 肉質彈牙 唔會太油太多脂肪鍾意嘅話可以點佢比嘅醬汁/淮鹽啲芝士拉到絲！ 正！-墨西哥辣椒和牛漢堡辣椒好香 好fresh！呢個有驚喜👍🏼👍🏼-和牛乒乒乓拌飯超大碗🤣有啲和牛肉碎同沙律菜啲飯粒粒分明 唔錯

-福岡漢堡扒-@旺角.看見名字的時候還以為是食日式燒肉的，原來這個附上熱食的食法是韓式的熱石燒肉。.每個座位上都裝有小小的抽氣煙囪，用熱石煎漢堡扒的時候便不怕薰到滿身煙味。.和牛漢堡扒下面都鋪滿蛋漿，用本身的鐵板熱力就可以煮熟煎蛋。而和牛漢堡扒則要放到熱石上燒熟，漢堡扒的生熟程度可依照自己喜好而決定。.兩人套餐Ver.4 ($366)有菠蘿煙肉和牛漢堡扒和芝士蛋蒜和牛漢堡扒、還附芝士泡豚丼飯，飲品選擇了百香果特飲。.每個餐都有泡菜、味噌湯和飲品。.菠蘿煙肉和牛漢堡扒的煙肉分量不少， 煎香後十分惹味可口，加上清甜的菠蘿配在一起，不會覺得很油膩。.芝士蛋蒜和牛漢堡扒可以做到拉絲效果，超級邪惡。.和牛漢堡扒本身都幾高質，我喜歡食香口一點，便將兩邊都煎得比較金黃焦香。但食落依然滿滿肉汁，肉質嫩滑。.芝士泡豚丼飯雖然已經叫了小飯，但依然覺得好大碗。泡菜和豚肉份量好多。泡菜調味不錯，送飯一流。.百香果特飲份量非常大。.店員都好積極幫客人替換熱石，非常細心。

本來見到佢個樣好似好得意，仲要係一個負評都無，就諗住去滿心歡喜咁去試呢間餐廳。首先入到去一浸好臭既油煙味。叫咗一份最細嘅漢堡扒芝士蛋餐。點知嚟到見到放生嘅牛肉去啲熟嘅蛋上面，點樣可以咁樣熟同生既野擺埋一齊食？個職員見到我攞咗一支水入嚟，即刻喺度大叫叫我唔好喺度飲，要收開瓶費？下？至於食物質素：極度油膩！將舊沾滿油既石要係上面燒熟先可以食，真係搞唔掂⋯⋯⋯ 啲雞蛋係有生肉味，而且鐵板上面都有彈到全身都係⋯⋯Overall I had a really bad dining experience here and would not recommend it at all!

之前疫情時食過都唔算差！今日再去食！真係未必再去咖喱吉列豚肉o飯跟可樂好似$48+10%服務費 水都冇杯要收服務費最重要係啲飯未熟透！好似食緊意大利飯！由於唔想浪費碗飯所以冇要求求換！但食完牙較都軟吉列豚用偏肥！麻麻哋！咖喱就幾香！不過相信未必再幫襯！

終於係香港試到第一次自己燒漢堡扒了🇰🇷🇰🇷有得食又有得玩( ´▽｀)🍴兩人套餐 (ver.4) $392嗌完之後先上套餐跟左嘅味噌湯同前菜，仲會有泡菜、鹽同燒肉汁比你燒漢堡扒嘅時候調味🧂🥩菠蘿煙肉和牛漢堡扒 (中)🥩芝士蛋蒜和牛漢堡扒 (中)跟住就到重頭戲漢堡扒，staff 上嘅時候會先將吸氣位同石頭對準～咁燒嘅時候就會好快吸走曬啲煙💨 然後自己將適量漢堡扒擺係舊熱石上面，好快就食得！和牛漢堡牛味好濃，入面仲有啲軟骨，有咬口，口感一流👀配搭唔同組合亦令和牛漢堡層次再提升，我自己就鐘意配蒜片芝士～鐵板上面仲有蛋可以食，吸曬啲牛油味好正🥩🥩🍚芝士泡豚丼飯大得過份！滿滿泡菜、豚肉仲有超多芝士😍米係珍珠米黎的～配上漢堡一齊食都不錯呢～🍹百香果特飲 (+$18)🍹金柑檸檬特飲 (+$18)兩杯野品又係大得過份lols 味道比得上出面啲手搖，呢兩款清清地，食完飯同漢堡再飲好c服🤰

朋友喺福岡食過向我推薦試試呢間喺旺角既福岡漢堡扒，每人一個小小圓鐵板小煙通，有得食有得玩好似幾過癮！ 最吸引既係漢堡扒係可以揀用和牛架！兩人套餐(ver.4)+菠蘿煙肉和牛漢堡扒（中）＋芝士蛋蒜和牛漢堡扒(中）+芝士泡豚丼飯+罐裝飲品x2飲品我地升級左做百香果同埋巨峰提子特飲（+$18），大大杯好好飲！芝士泡豚丼飯勁多拉絲芝士，食得好幸福！主菜菠蘿煙肉和牛漢堡扒同埋芝士蛋蒜和牛漢堡扒既和牛都係樣有超正既油脂香，成個過程好好玩，芝士蛋蒜同菠蘿煙肉味都各有千秋！

今日同朋友約咗去信和買玩具，買完玩具之後佢就帶咗我黎佢摯愛嘅福岡漢堡扒～入到去就聽到播緊韓劇ost，勁有韓國feel🇰🇷*兩人套餐 （Ver.4) $366-菠蘿煙肉和牛漢堡扒上菜嘅時候就已經感覺到鐵板熱辣辣，冒曬煙咁，迫不及待想自己煎漢堡扒🤤一將肉餅放落塊石到，牛肉嘅牛脂已經湧曬出黎，肉汁滿滿，好食又好玩💗而且呢個配上菠蘿同煙肉，超級清爽解膩～-芝士蛋蒜和牛漢堡扒比起前一個，呢份漢堡扒就邪惡好多😈漢堡扒上面有好多芝士，燒熱咗之後仲會拉絲添～配上炸蒜片，口感豐富咗之餘又香口咗😋-芝士泡豚丼飯份量超多嘅丼飯～上面好多芝士、泡菜同豚肉，食落微辣，好開胃🤤-百香果特飲&紅棗蜂蜜茶百香果特飲超清甜消暑，好適合夏天☀️紅棗蜂蜜茶女性養生首選～底部仲有好多粒紅棗，真材實料🫶🏻

今日晚上拎完COUPON，就去左廣華醫院馬會條街附近搵野食。之前係尖沙咀厚福街見到呢間店，都已經好想去試下。估唔到現在旺角都開咗分店。咁就拉埋個FD一齊試下啦。餐廳有兩邊位，有向牆一人位。亦有二至四人卡坐檯位。裝修以日本常用的木系設計，簡而光亮。就算檯檯都用熱石燒緊漢堡扒，都唔會太大煙或油煙味很重。餐廳有5個種類既兩人套餐選擇。我同朋友叫了Ver.4. 餐廳二人Dinner Set   $366菠蘿煙肉和牛漢堡扒(中)芝士蛋蒜和牛漢堡扒(中)芝士泡菜豚肉飯菠蘿煙肉和牛漢堡(中) 芝士蛋蒜和牛漢堡扒(中) 會用鐵板型式上。再加一粒燒到勁熱既熱石。一放生和牛漢堡扒，就會出煙。所以每一個座位都設有一個吸油煙既管。要砌到一細粒先好放上熱石，唔係會好易中間唔熟同彈到油到自己手。當舊石唔熱時，可以叫店員幫你換石。漢堡扒來自日本福岡產地，非常鮮嫩肉味濃，脂肪平均食落幾彈牙。煎熟後更加美味，唔點佢比既醬汁都已經好有味。另外可加錢加配料上和牛漢堡扒: 芝士、香蒜、菠蘿、煙肉、墨西哥辣椒、白飯。芝士泡菜豚肉飯超大碗，泡菜同豚肉都超多，好惹味。加埋芝士無得頂。西柚特飲及巨峰提子特飲另加＄１８跟餐叫了特飲。兩

又來到這間和牛漢堡扒專門店，漢堡扒採用澳洲和牛製成，質素有保證🤤 餐廳裝潢簡約休閒，環境氣氛舒適，適合二人約會或朋友聚餐🥂 晚上7點前已經滿座，好受歡迎~這次點了兩人套餐 (Ver. 4)，每人都隨餐附上醬椰菜絲及味噌湯芝士蛋蒜和牛漢堡扒 (中)✨和牛漢堡扒好有驚喜，燒熟後肉汁油份溢出，肉質非常嫩鮮滑 入口即化，牛肉香味非常濃郁，搭配芝士及蛋食用好好味🤤 還加入蒜片令味道更豐富菠蘿煙肉和牛漢堡扒 (中)✨這款亦有驚喜！肉質鮮嫩多汁，搭配著煙肉、菠蘿及芝士，口感更加豐富，帶來意想不到的美味組合。絕對是一個令人回味無窮的選擇芝士泡豚丼✨份量驚人！豐富的芝士融化在熱騰騰的豚肉上，啖啖香辣椰菜及芝士，讓人回味無窮。這碗丼飯絕對是芝士愛好者必點的絕佳選擇，攪勻食用超好味🤤巨峰提子特飲✨熱蜂蜜柚子茶✨超大杯，解渴又解膩😚