呼吸咖啡茶館 (Closed)

同朋友2人想係mk食個tea，傾下計，休息一下，所以我就提議黎呼吸。因為一直都有黎開，覺得都係傾計既好地方。朋友一坐低，都話覺得唔錯，幾舒服。我地坐左室內，本身都想坐室外，因為真係太熱頂唔順，涼返冷氣好d！就係因為太熱，所以立刻要叫個凍野飲。藍梅yogurt都幾正，唔會太甜，又唔會酸，岩哂呢個天氣！同岩我呢d365日都減緊肥既港女因為我地做完運動，所以都好肚餓，我就叫多個芒果大蝦天使冷面我覺得都幾好食，又係好岩夏天！而且重點係d芒果一d都唔酸，成日都好怕芒果酸，但可能因為當造，今次食好甜，好香芒果味！

呢排同朋友行街行到攰嘅時候想去搵一間樓上Cafe坐低食下野傾吓偈結果發現原來依家有三層 都有唔同嘅主題首先我哋試咗一個雞扒冷麵 食落去感覺好清新面係落咗麻醬 令到成個雞扒感覺幾好食雪糕也很不錯

8號風球後既一日，成日都不停落雨，晚上因為要喺登打士街食飯，所以提早搵一間附近嘅Cafe坐下hea下～大廈入口好隱蔽哦😮普普通通～唔係特別好飲亦都唔係特別難飲，因為叫咗少甜，味道會淡D又幾香濃喎～飲完一口亦會留有甘苦味係口內我鍾意又大隻又入味好好味～仲要$20炸反而食唔到牛油味，但的確幾香幾惹味...問題黎啦，咬咗幾啖後超級甜，點解嘅？我鍾意食鹹鹹地多啲喎餐牌上寫到好似好吸引，但食落口就完全兩回事，首先茄汁唔夠酸，薄餅塊麵包口感差，入面係林嘅，中間有火腿亦都凍嘅，黎到時，Pizza已經唔夠熱幾得意喎～真係飲到西瓜冰冰涼涼嘅感覺，本身以為係正綠茶要食埋舊西瓜先有西瓜味，清甜幾好飲！我覺得唔似冷麵，似天使麵多啲，檸檬先係重點，一定要吱到吱唔到汁為止，因為麵嘅份量多，因為有檸檬汁先可以帶出成個麵嘅味道出嚟依間Cafe靜靜地都幾好，環境舒服，不停咁有人出有人入，都好受歡迎，最多嘅係年青人幫襯，都會有叔叔上到黎坐出邊一邊食煙一邊飲啤酒傾計上黎休息下傾吓計食下野都係一個好既地方選擇

⚪️ 雜菌黑松露意粉⚪️ 煎帶子海鮮忌廉汁墨魚意粉(Pasta Set $128 跟水果沙律及$42或以下飲品)⚪️玫瑰花瓣咖啡⚪️雜莓沙冰一向對樓上咖啡店沒有太大期望 因為大多為了跟朋友聚會玩樂 可以坐久而不會趕着交桌子的感覺😂今次去這間咖啡店卻有另一種感覺一入門口是有點復古的感覺 環境幽靜 空間也很夠 跟地鋪的咖啡店更相近😄可能是平日去 人不算多 可以坐得鬆動點了兩個意粉Share 雜菌黑松露意粉都較常見 味道還好 而煎帶子海鮮忌廉汁墨魚意粉 忌廉味偏重 帶子如果多一隻會更好😂兩款都用扁意粉 口感不錯👍🏻⚪️ 綠茶冰淇淋窩夫 ($76)最後用了一個甜品作結 窩夫沒有想像的好吃🥺個人認為太薄身 內餡又太實 雪糕就有兩球 但整體還是失望 P.S. 飲品跟環境都是很好打卡的 唯有户外地方的煙味會飄入內 有點不舒服

一班朋友想傾計，又怕被人趕走，挑選地點好重要，所以首選都係cafe為主！呢間cafe位置不難搵，只係如果以樓下後巷裡面的外圍景觀，未必想像到裡面樓上有cafe！呢間cafe有幾層，我今晚於2樓進餐，所以只能評論2樓景況！大約有7-8圍，都坐滿人，很熱鬧，menu主要都是以報刊形式印刷，頗為新穎！飲品款式多樣，而且每人低消都要一杯飲品，咖啡類，朱古力類，果茶，沙冰，甜品都有，食物都有小食及意粉冷面，咖喱汁的各類飯餐！我自己揀選了咖喱汁牛柳粒飯，其他友人都相繼差不多，但唯人數眾多，出餐快的只有咖喱的餐點，因為製作簡單，意粉類的朋友就等了起碼10分鐘，但都明白製作需時，都合理！牛柳嫩滑，配合不辣的咖喱汁，相當日系，而且配合！飲品挑選了朱古力沙冰，朱古力味道濃郁，menu還有一個是特濃，不知道味道如何！職員都很友好，會主動收拾和體貼！整體這次飯局都很舒服！

呼吸咖啡係一個聊天很好嘅地方,沒有限時,2-4樓都係屬於呼吸咖啡的,6點多嚟到,大堂有指示話要上4樓登記,當時因爲唔多人,所以唔使等位,到晚上8點左右就開始多人,甚至爆場,但都唔算太嘈,設有室內及室外,室外可以俾客人呼吸🚬,的確係一個談心唔錯嘅選擇👍🏻環境：室內室外設計都幾特別，地方清潔。洗手間就有陣味，但係可以接受！店員：有禮貌，好好人，好nice！食物：不過不失，尚可接受飲品：唔錯！都幾好飲！會想試埋其他！

兩個女仔喺旺角行到好攰想坐低傾吓計就會嚟呢一度，嗌咗一個三文魚沙律🥗，好足料既三文魚，一個BBQ Pizza🍕，pizza好大份，同埋瑞士雞翼🍗好多汁好好味，兩杯水果茶有埋水果係入面吾錯呀，就喺度傾左兩個幾鐘先走，環境好舒服好輕鬆，途中店員都唔會吹你真係好好啊～

份量好少 味道一般，叫野食 點都要叫埋野飲，反而單叫野飲又得，焗你叫多啲，服務還可， 電梯又壞 ，行上4樓，食餐飯都要一波三折...........................

約咗好耐冇見嘅朋友食飯所以想揀間可以坐得來啲嘅咖啡店坐下 咁就嚟到呢間cafe 你都係要上樓嘅估唔到樓上都有外面老天嘅地方可以坐咁我哋就揀在出面錯嘢食方面叫咗個天使麵都覺得唔錯

比以前差好多，態度又差，失望。叫花茶加熱水每次要加$10, 但menu 內無寫明，落order 都無提，下次都唔好再去，完全無服務可言，出邊好既有質素既 cafe 大把，幫下果啲質素高既仲好。而且只係收cash，尼個咩世界，人人都少帶cash，唔會再嚟。失望x100000入邊係多人，但如果係 4F, 室外勁多煙民，啲人出出入入，啲煙都入晒室內，室內都好辛苦又令隻眼唔舒服，而且室內勁嘈，好似街市咁，以前去過好多次，依家已經變晒了。

好朋友生日，諗住叫個蛋糕慶祝一下，點知蛋糕一黎到，我地就見到有霉菌響蛋糕上面。叫個侍應過嚟，佢竟然話係焗蛋糕時上面果片金黃色嘅效果，大佬你係咪當我第一次食蛋糕？！擺到明就係發霉，我叫佢睇真啲，佢就叫咗個阿姨出嚟，個阿姨話蛋糕係前日焗嘅邊有咁快發霉，一副不屑嘅眼神，話係焗爐焗蛋糕時既效果。過左陣個侍應走黎，話佢cut左個蛋糕，同一個餅上面都係有呢個「效果」，所以唔換比我地。一句唔好意思都冇，同埋冇認過錯。其實我唔係要佢賠償d咩，只不過作為一個食客，食物發左霉，餐廳簡單認左去咪得，我本身都幾鐘意呢間cafe,黎過幾次，今次對於食物質素同埋態度都好失望。我唔知呢篇文會唔會被openrice post出黎，如果唔post, 咁openrice其實都好唔老實。

其實我已經唔係第一次泥呢間呼吸cafe食野了😆我最中意呢間Cafe環境舒適，昏昏暗暗頗有氣氛，唔同層數都有唔同裝潢。情侶泥到又可以一邊食一邊慢慢，係忙碌嘅生活中抖一抖，等我哋嘅靈魂都呼吸一下😚可能因為餐廳有幾層嘅關係，所以都無坐滿客人。當日因為節日無得叫dinner set，所以我哋散叫~檸檬汁煙三文魚冷麵 ($79)酸酸嘅醬汁令人開胃，佢仲有比檸檬再加酸味，不過我哋覺得唔洗加個味就剛剛好🤣特別之處係佢哋將煙三文魚砌成玫瑰花啲形🤣雖然有啲汁，但略厭冷麵有啲乾。紅酒牛尾飯 ($85)個人較喜歡呢個。牛尾唔會過腍，剛剛好而且牛尾好入味，吸曬醬汁嘅味道。而加左啲配菜可以中和番牛尾嘅膩😋西班牙冰咖啡 ($49)有雲呢拿雪糕係面，當雪糕開始融化，甜甜嘅雪糕中和番咖啡嘅苦澀味，所以甜度適中。值得一讚係佢哋用嘅冰塊係由咖啡結冰製成，咁樣就唔會好似一般冰咁怕溝淡左杯咖啡。比利酒冰咖啡 ($65)比利酒味香濃，溝埋咖啡又唔會太苦，味道特別。木愛酒之人必定要試試呢個咖啡🤣同上冰塊係由咖啡結冰整製成。

今日放工後，約左朋友傾D野，所以就去左佢推介的呼吸Cafe⋯ 之前網上都見過人推介，所以我都有D期待。餐廳都幾Moody，環境暗暗地，而且唔會好嘈，幾岩幾個朋友傾下計。餐廳有提供Dinner Set，98蚊任揀一份飯麵，就可以跟一份水果及飲品。水果有驚喜！佢除了切粒的水果外，仲有乳酪撈埋一齊。我揀左份日式豬排飯配忌廉白汁。豬排炸得幾香口，而且內裏唔會太乾。最正的係汁，佢夠香，撈飯食一流。飲品我揀左杯Green Tea Latte，綠茶幾香，但不會過濃，加埋奶整體幾滑。

話間呢間cafe係由細黎到大，最啱三五知己上黎吹水chill下。今日就約埋班姊妹上黎聚下喇！🙂由於都黎過好多次，大家一坐低餐牌都唔駛睇就知道食咩好😀首先呢度係首推「啤酒」，呢杯唔係啤酒咁簡單，其實佢係蜂蜜綠茶，有手打泡泡係面，飲落去甜甜地，潤喉嘅感覺。然後主食就揀咗煙鴨胸冷面，佢有啲生菜係底同埋有沙律菜配碟，煙鴨胸份量都好足夠，有成4大舊，相當JUICY仲肉質鮮嫩，配埋凍凍嘅冷面，好開胃啱哂胃口唔係好大嘅姊妹們❤❤**去完呼吸所有童年回憶返哂黎，其實得閒上黎hea一陣都係唔錯嘅選擇！**

一月中，星期天下午，天氣有霧。中午友人來電約晚飯，看到還有大把時間，於是在介紹下到了附近的這家咖啡店。大廈入口不易找，在後巷裡，咖啡店佔三層，下面好像關了於是我們就到了四樓去。我們選了戶外座位，二話不說我先點了一瓶麥氏鹽田啤酒，本地手工啤，之前沒有試過，麥味不算重，偏酸，卻與啤酒花配合得恰到好處。朋友不喝酒，點了士多啤梨楊桃手打果茶，果茶是新鮮水果現打的，所以要花一點時間。草莓香氣足，不過入口稍微偏淡，冰碎溶化以後味道就更淡。加點了一份波浪薯條，薯條偏油，光吃不點蕃茄醬的話根本不夠味，應該要問服務生要點胡椒跟鹽，這個薯條其實很普通，不過三十多塊要求就不要太高。咖啡店的食物跟服務質素本來就不會要求那麼高，純粹找個地方喝一杯消耗時間，這裡的整體是不過不失的。