富臨酒家 (Moved) New Location

見到有張贈券送條魚, 今日帶媽及豬豬女友來食, 試吓先~6點來到, 係剛開門; 員工都仲briefing 緊....地方都好乾淨, 未齊人, 坐了電視前面等媽先.電視只有亞視.... 仲未收倒其他台...又勁多雪花... 冇得睇港女踩港仔....媽都好快到; 看看menu, 叫餸先!除了送果條魚, 另叫了炒菜, 豆腐素鵝, 牛仔骨;炒菜先上, 蒜多, 夠晒熱, 唔油, 菜新鮮, 不錯, 不錯!豆腐素鵝都係好多人叫的菜色, 28蚊超抵, 炸得脆, 唔油, 點d醋, 一流.牛仔骨本係黑椒味的, 但想食蒜味, 問問部長, 又改倒;呢味略為遜色, 牛仔骨油左d又燶左d, 蒜味係冇既; 唔合格...魚最後上, 我們4人, 張券寫明條魚有成斤半架;睇落又真的有斤半, 剛熟, 魚好好食, 鮮味, 交足功課!再送你一碟仔生果.服務很好.4人食了唔洗三百.走果陣,發覺人人都係食蒸魚的, 似乎送魚又真係招倒客黎噃. 開始多人入場, 食晚飯及打邊爐的各一半啦.原來打邊爐都幾抵打吓, 看看其他檯打又似ok, 都可一試既.

黄金時間都係得六成人， 的確係有原因.一開始就發現個爐係壞, 好彩伙計好快手換左. 不過， 就算個爐無壞, 都要成20分鐘先煲滾個湯...湯底方面, 要左個鴛鴦鍋, 不知道是什麼湯, 2邊湯都係無味, 淡如水材料都麻麻，唔係好新鮮, D菜好污糟, 丸類份量很少食物種類普通過普通, 又唔好味, 又污糟, 點會有下一次呀

富臨酒家樓下有外賣甜品,是在灣仔吃飯後拿回公司慢慢吃甜品的最佳選擇泰式糕點椰汁綠茶糕和椰汁咖啡糕是最好吃的,煙煙靱靱,椰汁味又香,$5一件(切成兩塊),非常抵吃又好吃中式糕點也不錯,全部$5一件大大件,好抵吃,其中桂花糕好多材料(如元肉,杞子),有咬口,又好香桂花味山渣糕酸酸甜甜的,好好吃紅棗糕的有濃濃的紅棗味,冬天吃最好了南瓜糕好特別,南瓜味雖雖然不算濃,但不知道加了其他甚麼, 配合得好好,味道很不錯芝麻糕就麻麻地,因為芝麻味不夠濃不夠香,基本上那糕是沒甚麼味道那個負責外賣的婆婆也很好服務,有問必答,有禮貌有笑容,又可以要求她把糕點放進盒子中,再給你叉子,那樣拿回公司吃就很好了

到灣仔富臨酒家吃飯order 12人全包宴HK$1488D 餸菜麻麻地完全唔值$1488唔會再去光顧。。。其中"金磚伴蟹蓋"冇蟹肉、好難食。。。鮮蟹肉燴魚翅非常、十分難食腥鰛鰛的。。。清蒸海星斑居然蒸唔熟經理用刀切條魚都切唔落要拎入廚房翻蒸之後條魚中間位都係粉紅色。。。脆皮芝麻雞味道OK。咸咗少少。。。上海翠肉包成晚呢個最好味

處於灣仔頭, 近金鐘, 公司一大班人, 去飲茶, 通常都只有少量選擇. 以前叫幸福樓, 地方說大不大, 有沒有第二層沒有研究. 其實公司有同事生日, 叫了一檯點心, 由炸點至蒸點都不錯, 來得算快, 可能要就一就金鍾快閃黨, 所以以快為主打.經理好落力, 落力推介食物, 推介到我們嫌佢煩, 騙佢話已經叫了其推介的荷葉飯, 上菜時來的是西施炒飯, 經理以為出錯飯....想收番....我地即刻俾張點心紙佢.....我們的確是叫了西施炒飯.....佢一臉不歡, 又繼續推介荷葉飯, 但我們已夠食.....份量都幾大, 可以快, 可以飽肚.

下晝黎呢到食埋lunch先返學11點入座見有平價點心>潮州粉果($7.8)有3大隻..隻隻都好飽滿只係層皮太碟>蘿蔔糕($7.8)好好味~食到蘿蔔絲~唔似其他地方咁食到成口粉...~~12點後等齊人再叫過野食>荷葉飯($68)其實係炒冷飯料少得可憐十萬個唔抵食!!!唔會再食!>鮑魚雞粒酥($20)有4隻...都ok脆~~味道ok~~不過都幾貴下...~>咸菜豬肚($28)幾多料~抵食~味道o岩o岩好~唔會太咸~不過d豬肚有d太大件...食到棚牙好累!!>白灼芥蘭($38)大碟就夠哂大碟但係好貴...$38...o係第二度食一定唔駛咁o既價錢...茶錢每人$8埋單$214...3個人食...算貴...

下晝放學黎呢到飲茶一入到去坐低個侍應就走埋黎promote佢地d餐煩到我同mama死左話左「唔需要」...但佢仲係死纏爛打好似冤鬼咁....不過好在d點心真係幾好味!最欣賞佢地o既南瓜煎堆!好好味!!不過四隻真係多左d...食唔哂~另外就係蝦餃~隻隻都飽滿~唔錯!咸菜豬肚係最失敗之作d咸菜已經林哂冇咬口....加上豬肚份量少得可憐...仲要收$28一碟...貴貴貴!!唔抵!!!!不得不提!呢到o既上菜速度慢過蝸牛如果你真係肚餓等食o既話一定會等到成肚火建議大家先買定d小食頂住個肚先~

電視劇中講及一期一會意思係一生人相遇往往只得一次機會，今次富臨我就好肯定真係一期一會- 唔會再去咯間酒樓裝修唔錯，午市來說亦唔算嘈食物質素方面，非常普通，我生平第一次見到燒賣係會散，珍珠雞入面竟然無乜餡，煎腸粉竟然係一餅餅唔係一條條既...價目方面亦非常唔清楚，埋單時竟然將上一台客既單print 埋比我地睇，如果我地唔check 單，一定中招啦~ 單單d 一點，已經可以black list 喇

赤口之夜廢事o係屋企煮送黎左呢到食dinner一早就黎左因為驚冇位果然不出所料...7點就差唔多坐滿哂人>燒鵝半隻新年乜野都貴燒鵝更加唔駛講...$128半隻而且唔係大隻不過幾好味~層皮好脆!~肉好入味!!正~~>上湯浸豆苗o係豆苗賣到$20半斤o既日子呢到依然維持$78一碟豆苗份量冇少到~真係好難得~~>清蒸海斑仔$128~好細條..冇法..新年個個都要年年有魚有條魚食下都算唔錯lu...

晨咁早搭車黎呢到飲茶可能係平時日子朝早冇乜人唔駛等位直衝入去無菜不歡的我梗係叫白灼時蔬預左佢冇靚菜俾架喇...原來係平價生菜~都唔緊要啦...不過太多油.....花生南乳豬手得3隻~不過隻隻都ok大隻~幾抵食~味道都唔錯蝦腸條腸短左一半每條腸得一隻蝦仔似食淨腸多d....豆苗餃呢個係全日最好之作好好味~皮薄料多very good!!~~susume~~棉花雞呢個都唔錯味道ok~汁冇一peapea咁~幾好!馬蹄糕偏甜...顏色唔自然唔係幾好....不過糕身軟熟~鐘意食甜o既朋友應該會鐘意~埋單$103~抵食抵食!要提醒大家一點就係呢到上點心極極慢如果肚餓o既話...會餓死例如個豬手....豆苗餃足足等左15分鐘...雖然咁樣可以表明佢即叫即蒸但係都唔係慢成咁掛.....

果日係呢度飲茶...叫左幾樣野食....蘿蔔千絲酥----口感一流...必試之選!!鮑汁紋鳳爪----個侍應話好食...咁咪試下囉....食落都ok冧...千層馬拉糕----真係一層層架...有d心思...唔似一般馬拉糕!!xo蒸蘿白糕----食左少少...都唔錯!!重點係個荷葉飯...$68...初時都冇乜興趣...但個部長過黎sale...d同事又未飽...咁咪叫一個囉...好快有得食...出到黎...大大個...賣相都ok...個部長仲話好足料...食落真係好好食架...個部長話每日賣完就唔賣...要食就要早少少...好搶手咁話喎(唔知真定假..)呢度好似開左唔係好耐...裝潢都幾令...有幾戔吊燈...睇落都好新...午市仲有d套餐...好似好抵食...但我得3個人...怕食唔晒...下次再叫...d人既服務酒樓黎講都幾滿意...起碼都識加下水...介紹下我有咩好食...整體都唔差...值得再黎...三個人午餐先食佰零蚊...灣仔區算係咁...下次再去睇下有咩新野先~~

先講貴的方面:「瑤柱上湯雜菜」$55裡面有咩料??白菜仔、西蘭花、金菇、唐生菜**各少許大蝦米、粉絲、瑤柱**各少少許咁就$55!上次o係美孚o個間都唔只咁少料!起碼有幾隻冬菇!呢碟野勁唔抵....平:芝麻雞:一隻$78十分抵食~肉質唔錯~味道好~層皮脆~~可取之作~~金銀饅頭:唔錯唔錯~冬天鐘意食饅頭o既我o岩哂~~$22好抵~~富臨最衰o既地方就係飯後糖水要俾$$..最平o既紅頭沙都要$8...= =

先感謝閣下於網上提供寶貴的意見予本集團。有關灣仔店點心部出品水準的意見反映，本集團已交由有關部門專責跟進及作出改善。如日後有任何問題，歡迎致電本集團顧客服務熱線，本司將安排專人聆聽閣下的意見反映，謝！顧客服務熱線:2353 5866【辦公時間:星期一至五　　早上十時至下午五時】

呢間野開左冇耐見係富臨集團~估都有返咁上下水準!>菜苗餃 $20有4隻...一般水準~嫌裡面有肥豬肉..想增加口感?>蒸蘿蔔糕 $15..呢個ok~不過唔及美心好~>雞蛋豬腳薑 貴!得一隻蛋..乜而家雞蛋貴到得一隻?>蟹粉小籠包 特點..差唔多$30..得3隻...層皮唔夠薄...>"立"味荷葉飯 全日最精彩的一味送!離哂譜! 原本係叫干炒牛河..但係個侍應走埋黎sales荷葉飯 於是叫黎試下啦...!!!! 不知所謂!! $70!!係$70!! 換黎o既係一大塊荷葉+一大pea豉油撈飯 "立"味??完全見唔到!!!!!!!!! 咩水準?!!!?!!?! 以後唔駛再叫...大家要食就自己諗過啦... $70......

冬天到, 最佳與良朋共聚的晚飯方式, 莫過於一起去"打邊爐". 公司在灣仔, 為了方便太家, 亦以經濟為原則, 我們選擇了最近又最便宜, 而且剛剛由幸福樓轉手的富臨海鮮酒家"打邊爐". 宣傳單上寫- 晚上任飲任食, 都係每位68元(只限2小時). 價錢雖然超價, 但食到一肚氣.我們一行四人在12月7日晚上6:30到達酒家, 叫了一個清湯+沙爹湯底及接近10樣食物, 落單時約6:50分. 等了大約10分鐘後, 湯底到了, 好香啊!! 所以眾人都熱切期待食物的到來. 與朋友談天說地一番後, 時間已經到了7:15分, 我們都很奇怪為何還沒有食物, 於是叫侍應跟單. 又再等了15分鐘, 到7:30了, 丁點兒食物還沒有來, 我們又再次要求跟單, 亦要求部長加長我們進食時間. 等..等..等.. 等到7:45分, 終於有食物啦.. 可惜, 煲內的水已蒸發得七七八八, 要找人加水先可以放食物. 唉..放食物時, 先發現order 的丸類, 什麼四寶丸之類的都沒有. 心想, 可能是太忙, 忙中'流'單都唔出奇, 所以那都不要緊了, 食其他的東西吧. 我們第一輪叫了肥牛, 生蠔, 金菰, 羊肉