富臨酒家 (Moved) New Location

進入酒樓、座下、看看餐牌任食火煱,與樓下的告示牌是兩回事,並不是每位58元就算+1,應該70有找....原來要收每人頭的茶和湯底錢.哈哈真捉蟲.蟲就搵唔到(係好事),但每一樣的食物的用具就有些駭人,我所講當然是未清洗得切低,好似行出去拿食物的用具..."正"可以o羅ISO 999 絶對"Wu Joe" 難得一見,還可再見,放係桌上的碟和膠basket是給我們放食物,o夷!第一隻,好油.第二隻,有漬,第三隻,有包皮(係食叉燒包的皮)...Basket 打算放菜類食物...o華!唔識寫..."lim".食物方面...有驚喜.那些唐生菜有好多啡色的東西,應該未洗得清,到最後,總算安全離開.唔好至是講差的一面,好的地方就係光猛,唔係點看到以上咁多野呀!

近日開始沒有填紙仔叫食物, 要出去搶食物, 好慘, 人又多食物又cheap, cheap到食唔到人, 我無講笑, 蝦和白蟮很快就被搶哂, 白蟮又唔新鮮, 熟食又唔好味, 現在平過之前,但無用, 我希望佢無改到重好

Never go there again.熱菜(熟食)完全唔掂魚蛋-腥Dirty environment$58 per person plus extra charges up to $95It's very expensive and unreasonable.

星期一至四八十幾蚊一個人,有一日放工我呢個火鍋狂心癮起,一個人入去食, 熟食我冇乜留意,因為我淨係想食火鍋, 八十幾蚊一個人,當然唔會望有好上等既料,但有好多唔同丸類, 肥牛一大盆,都有少少肥架,唔錯,一般火鍋料山根鮮魚片牛展冬菇冬瓜公仔麵都有,我食左好多金菇,佢地俾客裝菇菜既膠"篩"好污糟咁,有好多陳年漬,建議用碟裝好過.飲品任飲,有竹庶水,酸梅湯等, 仲有架糖水車同雀巢杯裝雪糕任食,埋單冇加一湯底費(通常一個人要收湯底費約40幾蚊),真係就咁八十幾蚊,以後一定會再返去食,平平地但好岩過下口癮. 如果要坐得靚食好料就唔好諗呢度啦.

本人剛於幸福樓飲早茶,叫了早點12.8, 加茶錢每位5.0, 總數為$17.8, 再加一應為$19.58, 比盡$19.6, 但係單收$20.本人查問收銀員為何19.6會變20元, 答案是四捨五入!!!!此答案實在離其!!!!!!你估如果客人最後吃了19.4,酒樓會否用四捨五入唔收四毫,簡直荒謬!!隨了在此處寫出此事, 本人亦會向消費者委員會投數.隨了收錢荒謬之外,他們的衛生亦有很大問題,本人吃了三日早餐(早兩天沒有出現四捨五入情況:-)), 每次都要自行更換筷子,因為每次我都可以從筷子的污積看出上一個食客所吃的食物!

回歸當晚去左食火鍋, 大致上火鍋的食物都好新鮮, 但熱盤方面就麻麻, 等別係叉燒唔係太掂, 好乾!服務方面: 一般! 間唔中漏單...

上個禮拜日同老波來試住佢地嘅任食火鍋。入到去見到有多款熱葷。老婆話D滷水鵝翼好味，又入味。本人就過去望望，發覺裏面仲有豬耳tim。味道的確唔錯。而火鍋方面，本人記得佢地舊時無論生熟食物都放晒出來比你地去搶，但係今次去已經改左用order紙。每次畫完張order紙比waiter，D食物都好快黎同冇漏單。D白鱔片新鮮肥美。手打墨鱼丸亦好彈牙，好味。糖水有4款，我就最鍾意個紫米露。啤酒，汔水同Dセ乜夏姑草任飲。初初讀下例食評都驚會唔會比錢來受氣，但係食完又覺得幾好wor. 會有下次。唯一唔好嘅就係佢地見有幾款熱葷比人攞晒都冇攞新嘅出來。本來都冇セ所為，但係其中一款系係炒蜆。

朋友突然說很想打邊爐,在沒有計畫下到了這兒.其實很久前也光顧過,不過印象是不大好的.數年後重臨舊地,心裡也暗想會否也是同樣感覺呢?$98位任食的打邊爐.與門口招牌所寫的價錢($58位)有佷大的出入.因為也想不到其他的地點,便隨著帶位的小姐進場.先見到一列熱葷,食品種類蠻多.但是因為一心想打邊爐,所以也沒有嘗試.我們選了鴛鴦湯底.不知道是什麼湯,2款湯底都很咸!材料紙的選擇也算多.不過每一份材料的份量也很少(EG,手打丸每份只有4粒),有些材料(EG.肥牛)的單一份量和多過一份的份量是一樣的!手打墨丸很爽口.海蝦略嫌不夠新鮮.其他材料不過不失.醬油方面,有自助自選配料,EG.蔥花,蒜泥,XO醬...不過,很多配料給取光也沒有人加添.飲品也是任飲的.竹庶水是沒有竹庶味,反像冰煻味水.而汽水是1.5L樽裝,算是較為抵飲的!啤酒也是任飲,不過只有一款不知名的大陸啤酒.最很我嘗試了甜品--紅豆沙和喳咋.真的是糖水,沒有太多的紅豆味和喳咋味.很失望!唯一要讚的是,雖然有一兩個伙計的態度不好,但其他的(連運碗碟入廚房的)有禮地對答和道謝!我想這是這間店子還能生存的原因吧...

以前去過幸福樓食火煱幾次..但近一兩年冇去了..星一去了吃lunch, 叫了個套餐同埋幾碟點心. 個餐有菜, 一盆膳飯, 很普通的, 而d點心都唔係太吸引.

　　我同女朋友2個去到坐低已經有4 -5 台自由行, o個度先自助打邊爐要自己出去拎,冇得order既, 我出到去想拎野食啦, 點知d 野食勁少, 得d corns, 豬紅, 腸,菜,豆腐, 同埋空碟. d 肥牛一出,所有人就要沖出去搶!! 所謂既d 自由行仲成碟成碟咁拎!! 完全冇機會食到.我只係拎左少少金菇,豬紅同菜黎食,我女朋友只係食左2碗豆腐花. 勁慘. 等到d 自由行走左之後,以為會好d 啦,點知一樣冇咩改善.一有d 新既菜拎出黎，ｄ人就即刻沖出去，　情況慘不忍睹．　好似去左非洲冇野食既地方咁．山根,魚蛋冇, 肥牛(要出去搶),咩丸都冇, 肉就更加唔使講!如果自問搶食好叻,唔搶唔開心的話就一定要去幸福樓感受一下!ps: 食完仲肚痛左成晚!

放工已經好累, 唔想再多行, 所以近近地去左呢度食啦, 上到去好多人係度任食邊爐, $48有火鍋重有得自取燒臘同點心, 下次可以try try叫左3碟小菜, 一個係鮑汁炒什菌, 西蘭花炒駝鳥肉, 黑椒雞柳牛柳, 好快就上台啦, 鮑汁什菌蠔油味好重, 味道不錯, 什菌款式多, 炒得又爽口, 唔錯唔錯西蘭花炒駝鳥肉個蘭花ok, 蘭花炒得好翠綠好鮮艷, 但係駝鳥肉雖然夠厚片有咬口, 但係炒得過左火, 有點un, 味道又係蠔油味.....??黑椒雞柳牛柳伴埋西芹, 雞柳切到好似絲咁, 好細條又幼, 份量又少, 牛柳煮得有點過時, 又係un的, 但個量就多, 但un的比我又有咩用呢? 黑椒味淡淡的, 但係都係好重蠔油味的.......service ok, 坐得都ok, 地方闊落人又唔多, 但我諗下次點菜時要小心選擇啦

尋日端午節同屋企人去飲下午茶,4個人叫咗9樣點心,埋單先知一百蚊都唔駛,超抵!1)腸粉x22)山竹牛肉3)燒腩湯河4)咖喱魚旦豬皮蘿白5)蠔汁鮮竹卷6)蝦餃7)燒賣8)春卷4人共消費: $86

上星期六同家人(3位)係1時左右去,點知道唔係好多人去,我心諗個段時間應好多人的.個時D員工仲多過客人.D食物真係唔好食,好似是是但但更. 可能幸福樓多數係D大陸人去的.更我地咪叫野食啦,睇下MEAU,原來個段時間係優質時間,D野食好貴,好似茶$都要8元一位. 小點好似要1X元. 我心諗唔係呀. 更都沒辦法啦. 都叫左野食. 埋單時,個時係2時,我見張卡上寫免茶. 但個WAITER睇下睇下張卡. 原來佢唔免我地茶$. 我地問佢點解,佢同我地SAY,要係好似1:45前埋單先有免茶. 我問你地的STAFF沒同我地SAY,佢話門口有一個BANNER係到,都有寫.TOILET附近都有好多垃圾. 唔太乾淨. 原來點解2.15後會有更多人來吃啦,因為係有DISCOUNT,當中我都發現點解有D人早D埋單. 有D人係優質時間唔叫野食,只係坐,直至2.15後才叫野食.

上星期日中午(4/30)一行三人光顧﹐叫了一個套餐+兩個點心。套餐包括1) 蒜蓉蝦蒸飯這個叫做比較好的﹐幾特別﹐整體上較淡口。蝦唔算大隻﹐不過好香蒜蓉味。(2) 燒味雙拼叉燒半肥瘦﹐味道OK。雞就比較"un"(由於並非雪雞原故?)﹐而且幾肥(3) 蒜蓉炒菜這個最差﹐好油但係一D味都無﹐懷疑師傅唔記得落鹽點心叫0左燒賣+奶黃飽燒賣好細粒,奶黃飽唔夠熱﹐奶黃又少。衛生方面都唔好得去邊﹐地毽好多垃圾﹐廁所好污漕。最嚇人的就係廁所附近有一條走廊﹐放滿晒一蘿蘿垃圾﹐雖然酒樓已經用屏風擋了一部份﹐但係都覺得好得人驚....雖然2:15下午茶時段點心好平﹐但係我應該唔會再幫襯。

阿M個朋友，媽媽&妹妹，三個人得閒飲茶，叫左五碟野，都要成一百二十幾蚊，好貴，仲一肚氣添．三個小點加兩個中點，又等得耐；ｄ食物無以前咁有水準．我地見到出面張poster寫住免茶芥，單上亦都印有免茶芥幾隻字．到了埋單，竟然照單全收，即叫waitress問個究竟；佢話：依家過左兩點鐘要茶錢架喇，朋友話：你地寫到明話係免茶架喎，then，waitress話：出面張poster都寫明喇．傻架，寫到咁細隻字，邊個會睇到，分明係取巧；最後都係要俾架喇，唔想再討論，再講亦都無意思吧！