漁品酸菜魚火鍋放題 (Closed)

朋友早排工作很忙日日開夜車無啖好食，忙完過後好想大吃一餐，所以今晚就約他來吃烤魚啦！一上樓梯已經有很多魚類佈置很有特色，人多時候可以有位置給客人坐著等好貼心的。點了一個黃花烤魚二人餐酸菜味，配料也很豐富，有黃金炸魚皮、響鈴芋頭、蔬菜拼盤、稻庭烏冬同雪糕添。另外還有生啤或梅酒選擇，我們點了梅酒這款味道香醇，梅味很出有果香。小食黃金炸魚皮炸得非常乾身，很脆口啖啖咸蛋香味。主角出場啦！香料十分豐富，有子彈泡椒 花椒 芫茜 芹菜 紫洋蔥等等，香氣撲鼻。還有配菜薯仔蓮藕雲耳芽菜咸酸菜蜂巢豆腐等。大大條黃花魚很新鮮，肉質嫩滑用酸菜湯底很夾，朋友說這個烤魚真的色香味俱全。而這個靚靚層架放著配菜很精緻呀！蔬菜拼盤有不同種類嘅疏菜，很健康吧！最後還有甜品，沖繩海鹽雪糕同埋菠蘿椰子雪糕，很美味又滿足！

食酸菜魚食得多，打邊爐就第一次。黃金炸魚皮先上，原來是加咗鹹蛋黃粉，食起上嚟多個口感，魚皮脆炸好食。上枱的酸菜魚是七成熟的，下面有2個生火爐，滾下滾下幾過癮。配菜有娃娃菜，金菇，雲耳，豆卜，少量薯粉，分量不太多，湯底微辣中帶甜, 叫多個白飯2個人就差唔多（仲可以叫出前一丁/韓國麵/米線/烏冬/薯粉）。雙併蝦丸墨魚丸新鮮彈牙爽滑，$60/6粒當然有質素，西班牙黑毛豬梅肉稔身又薄快熟。餐廳係要行上2樓，平日晚上去都好多人，好爆。

本來看到放題有外賣可以叫，想著試下啦。上面寫2-3人份量，但是其實得1-2人，如果係成年男人都可以一個人食曬。入面魚片超級少，大約10片左右，其他都唔多，拿上手好重，但是多數都係湯底，好似叫左個114元外賣湯底，下次一定唔會再叫外賣

之前已經好想試下， 今次終於有機會， 朋友一早訂定檯， 我們四位大約八點到達， 店內環境有空間感， 唔會太過逼夾。 價錢每人$275， 首先來了幾款小食， 醃製苦瓜、 鳳爪、 炸雞和蝦多士，比較喜歡蝦多士香口又 好味。 然後到刺身， 海膽特別鮮甜好味。酸菜魚， 辣度剛剛好， 魚片的質感嫩滑好味🤤👍🏻。 食完酸菜魚之後開始打邊爐， 火鍋湯底有幾款， 我們叫人蔘雞湯， 火鍋配料有海鮮拼盤和肉類、丸類和菜類， 海鮮拼盤幾款裏面， 最新鮮是鮑魚和蝦， 鮑魚鮮甜， 蝦肉亦很彈牙。 肉類有豬和牛， 反而兩者我覺得肉味不夠好。 丸類有手打， 彈牙新鮮。 菜類有幾款，都很新鮮的。 飲品方面啤酒汽水樣樣齊， 最正仲有梅酒🥃、紅酒🍷和白酒🍸。 最後食埋杯雪糕🍦， 食到好飽。整體來說我第一次來感覺性價比高， 但朋友之前已經食過， 他們覺得今次種類沒有之前多， 不過就好適合喜歡飲酒的朋友🥂， 因為二百幾一個人就可以飲飽食醉。😁

行咗十幾公里山、又攰又口渴、朋友提議去大圍食火鍋放題...諗住食火鍋唔係豬就牛、最多咪海鮮囉！點知除咗呢三樣之外仲有一大盤魚生、同埋大大盤酸菜魚（唔鍾意酸菜魚又可以叫胡椒豬肚湯）、我就揀咗酸菜魚、個湯超好味、我飲咗五大碗。加埋任叫嘅豬、牛肉火鍋同埋其他包埋嘅四大小食、我真係要用兩隻手抱住個肚落樓🤪到瞓覺嗰陣時仲係回味無窮呀😋

估唔到大圍新界區嘅市中心，都食到酸菜魚。間餐廳好大好多位好寬敞，有得食放題，但係我同朋友食唔到咁多野，所以揀咗酸菜鍋加火鍋配料。原條魚和烤魚，但當日太早未有鱸魚所以俾咗條班我哋，好正，哈哈！有兩個員工幫你將成個烤爐，連烤盤以及上面嘅食材放上枱拆掂係三服務值得一讚然後開火，滾一陣等魚同配料熟咗就可以食。下一段有好多韭菜芫荽等等嘅配料嘢味香濃，酸菜汁唔會太鹹，魚好滑。好大條魚，真係原條上，拆開啲魚肉嚟睇，入邊啲肉又白又滑淡淡都係肉，好少細骨。入邊啲魚肉幾靚！雖然有少少魚鱗但係魚皮都好好食。我同我朋友都好鍾意食魚，最鍾意嘅火鍋就係酸菜魚，今次呢個酸菜魚鍋好高質素，好好食一路滾住一路食好大厭，但冷氣夠涼，唔會焗住d味好多原本有嘅食材配料，洋蔥，菜等等，仲有蓮藕片，蒟蒻塊。廢到呼吸聲先重喎踢出，即係酸菜湯，雖然食到最後個湯底會偏鹹，但係叫資源加番啲湯就冇事，可以繼續食㗎啦。湯底嘅蒟蒻俾你增加飽肚感，但係又唔會學有浸何俊我咁因為唔會變肥。最後我同朋友食晒成個鍋，同埋需要佢嘅所有配料。

大圍漁品酸菜魚放題真係物超所值，一d都唔孤寒，今次係第二次黎食，食物依然上盛新鮮，魚生及海鮮都十分新鮮，酸菜魚味道一流👍👍仲有任飲啤酒、梅酒、紅酒、白酒，$300食到咁新鮮嘅美食真係超值👍👍甜品仲有雪糕同冰糖燕窩😍

邊爐之友有好介紹，火車沿線好方便，一於去試試地方好寬敞，有空間感，坐得舒舒服服先來一大鍋滾水，原來用來消毒食具，喺呢段期間，真係好重要跟住上四小吃，包括雞腳，話梅苦瓜，魚柳，黑松露蝦多士，做個前菜也不錯好快著上次身併盤，有生蠔，帶子，海膽，蝦，北寄貝，油甘魚，樣樣都新鮮甜美雖然呢度打正旗號食酸菜魚，但係水煮魚同雞煲都可以選擇，我哋都係揀番酸菜魚，仲可以揀小辣，魚質嫩滑，還有魚腐同闊麵，滑滑闊麵索曬麻辣湯底食完之後開始打邊爐啦，我哋揀咗牛骨湯底，湯料仲有花膠，雞腳，紅棗，蟲草花，啖湯好甜打邊爐有點少得海鮮，佢哋提供鮑魚，海蝦，青口，沙白，扇貝，鮮甜美味仲有靚牛靚豬，唔會話過肥，呢兩個我哋忍唔住encore多一次基本嘅炸物，丸類，餃類，蔬菜，梗係唔少得。呢度仲有一樣嘢就係白酒，汽酒，梅酒任飲。平時少飲酒嘅我哋都要飲番杯白酒其實除咗刺身同海鮮，其他都可以任飲任食，今次飲咗兩罐飲品，一杯白酒，最後食埋杯雪糕先走。星期一至四仲唔使加一喎。

發現咗呢間超抵食放題，呢度最特別嘅係俾一個價錢可以食晒餐牌上面嘅嘢食，而且大部份仲係任食，嘢飲又係任飲，一至四夜晚嚟每個人都係275 ，仲要唔使加一，真係好抵食！一坐低，侍應好貼心咁將餐具放入爐中加熱消毒，相當衛生。之後就會送上大大盤嘅新鮮航空六刺身，入面嘅蠔大大隻，帶子夠厚身夠鮮甜，海膽亦都好新鮮，最特別嘅係附上幾包四州紫菜，包住海膽食好正！另外仲會有小食四小碟，我自己最鍾意黑松露蝦多士，好香黑松露味。之後侍應就我哋食咩魚，因為我哋樣樣都想試吓，所以就嗌晒酸菜魚、水煮魚、同埋辣子雞，哈哈！酸菜魚係放喺電池爐嗰度加熱，魚片好滑，另外仲有好配菜，有豆卜金菇黃芽白等，啲配菜索晒酸菜魚啲味道，酸酸甜甜，好開胃！水煮魚一大盆放上枱嘅時候，成盤紅色好吸睛，水煮魚比酸菜魚更惹味，魚片一樣滑，辣到啱啱好，即使食唔到辣嘅朋友，呢個辣都可以接受。至於辣子雞好有鑊氣，每件雞件都細細件，日本方便入口，食多幾件都唔怕！食完咁多嘢之後，其實都幾飽，不過呢個餐抵食再重可以食埋任食火鍋，我哋揀咗胡椒湯底，承認跟住就會比一盤靚牛靚豬、一盤菜同丸。不過最正嘅就一定係海鮮船！有大大隻蝦、新鮮鮑魚、青口同埋帶子、仲有好多隻

住在沙田大圍的同事講起佢屋企附近有間漁品酸菜魚火鍋放題好抵食，有酸菜魚、刺身、海鮮、火鍋配料和飲品，特別係酒精飲品都係任飲，星期一至四重唔收加一服務費。大家聽到口水流，放工齊齊去食好嘢！入座後，侍應送上一盆清水，開爐煮滾啲比我哋清洗碗筷消毒一下，有做防疫措施！之後就送上任食的肥仔四小食，我哋鍾意食黑松露蝦多士，外層香脆，內裡彈牙。香辣雞腳入味。跟住再來一盤刺身（一次性），刺身新鮮，最喜歡生蠔同海膽，鮮甜冇腥味。雞煲、酸菜魚、豬肚湯三揀一，我哋揀咗酸菜魚，一大盆酸菜魚放上爐上滾住食，份量十足，酸菜魚酸辣開胃，魚肉嫩滑，配上香濃的湯底， 惹味十足。食完就揀湯底食火鍋，數款湯底中我哋揀咗沙嗲湯底，湯底濃郁惹味。跟住上咗一盆一次性的深海郵輪海鮮拼盤，有鮑魚、扇貝、青口、生蝦、大蜆和沙白。所有海鮮都好新鮮，鮮味又彈牙。火鍋配料任食：牛板腱和豬梅肉都係高級肉，肉質鮮嫩，韭菜餃、魚、墨魚丸、蝦丸都係自家製作，尤其是墨魚丸和蝦丸都是手打的，鮮甜又彈牙，非一般急凍丸類。炸物用雀籠裝飾擺放得好精緻，有自家製的響鈴、炸芋頭、炸魚皮，蔬菜拼盤亦好新鮮。主食有韓國麵、出前一丁、讚岐烏冬。

第三次幫襯，第一次覺得佢上菜太快，但味道好好，第二次上菜改善咗，味道依舊好好，好滿意！今次第三次，但應該係最後一次，小食及刺身味道依舊，酸菜魚酸同好咸，完全唔辣，墊底薯粉小到應該得6條！火鍋胡椒豬肚湯完全冇胡椒味，超級極咸，後尾要叫佢唔好加湯只係加水，海鮮盤啲青口臭左，雪糕由以前任食到而家一人一杯！老實講，如果$275做唔住其實應該選擇加價，如果加價但比返哂以前既野我其實我ok,始終可以無限時任坐既餐廳真係好小，以前既質素賣到$300都冇問題，而家一樣賣$275，成餐飯除左咸就係咸囉！又冇埋雪糕任食，以後唔會再幫襯了！

酸菜魚打邊爐 再加上放題 這樣的配搭非常吸引 價錢都是275/位 在大圍區這個地方不容易找到 價錢比市區便宜了不少這裏的食法很有步驟 一共有七個步驟 由餐前小食 到打邊爐配料一應俱全 很有心思餐前四小食 最欣賞的就是蝦多士 不油膩 但餡料豐富 令我回味無窮 再來就是刺身船 想不到放題竟然有海膽 還有超大隻的生蠔及帶子 真是令人意外主角酸菜魚 魚肉新鮮很滑 湯底不會很辣 味道不夠酸 稍為失色 但很怕辣的朋友將會很喜歡 吃完酸菜魚後 又會更換湯底打邊爐 我點了菌香牛骨湯 味道很濃 亦有牛肉味 不用點醬料已經很夠味火鍋配料包括了鮑魚 青口等等海鮮 非常名貴 海蝦亦很新鮮 另外牛肉豬肉等等配料亦可任叫 絕對可以滿足所有人的胃口

小食話梅涼瓜：涼瓜爽脆，醒胃小食，話梅若可再多一點的話味道會更加突出！麻辣雞腳：麻辣味剛剛好，對於唔太食得辣的我，已經覺得非常滿足。黑松露蝦多士：新鮮酥脆，難禁一試再試，我一共食咗三碟，但如果唔鍾意炸蝦多士，會覺得有少少油。剌身六點：有生蠔、海膽、帶子、北寄貝，仲有蝦同埋油甘魚添，新鮮爽甜，自助餐有咁既級數既剌身送，超值！我哋揀咗酸菜魚煲，湯底味道濃郁，生魚片細滑其他配料都好入味。份量仲好大添！跟住換咗個邊爐湯底，食胡椒豬肚湯，豬肚好林好入味，仲有啲粉腸添，都算洗得幾乾淨嘅！呢個套餐，一系列嚟咗啲火鍋配料，有個海鮮拼盤，肥牛、豬腩拼盤，響鈴、炸芋頭拼盤，蝦膠、墨魚膠、韭菜餃同魚皮餃，仲有一盤雜菜添！臨走梗係要食返個甜品啦，叫咗一杯朱古力及海鹽味雪糕，為呢一餐自助餐畫上完美嘅句號。雖然，係任食套餐，但第一轉嚟嘅食物，都已經足夠有餘，飽到捧住個肚！座位闊落，坐得好舒服，而且服務員態度唔錯，上菜都算上得幾快，係自助餐類型的餐廳很少有的。

呢間漁品酸菜魚火鍋放題，我哋食過幾次午市時段任食放題，可以由中午12點食到晚上六點，有刺身頭盤，跟住有酸菜魚同雞煲，之後打邊爐就有海鮮丶肥牛丶蝦丸丶墨魚丸等等。除咗刺身同海鮮，其他嘅食物都可以任食，仲有汽水啤酒飲等任飲。我哋食過幾次每次水準都保持得好好，服務都唔錯，價錢又非常合理。老實講，我哋唔係識佢幫佢買廣告，但真心覺得真係值得幫襯呢間用心嘅舖頭。大圍呢頭其實都冇其他同類型嘅舖頭，真心值得幫襯。好似今日咁，我哋第一次試佢嘅酸菜魚，非常有驚喜。因為本身我哋都唔係好好酸菜魚，驚會有魚腥味，但今日試過之後，覺得佢煮得好好味，好開胃，啲魚又冇魚腥味，連我個friend唔食魚俾我叫佢試吓之後都試咗啲，之後佢都不斷話好食。 極力推介！最後補充少少，其中一樣我哋最欣賞嘅，係佢一開頭就會比一窩熱水我哋，用嚟滾餐具，確保衛生。

好不容易來入大圍，又是與女朋友尋覓晚飯的時候，為了在大圍吃甜品所以嚟到附近先吃晚飯，路過看見這家火鍋放題，無論是價錢及外觀都十分吸引便膽粗粗上樓上看看！想到餐廳以看見很多人頭湧湧的場面，吃飯選擇餐廳其實最主要看看多不多人或是很清靜，既然人頭湧湧便已知我們沒有進錯店，便透過店員帶位面坐下來！經過凍飲品雪櫃時，居然看到有嘉士伯啤酒，而且還是免費任飲，喜歡喝酒的我已經興奮不得意！在經過醬料櫃時看見十分多及齊全醬料已經覺得物有所值，正常在外面打邊爐或吃火鍋，醬料通常是另計的！衛生工作亦做到十分足夠，先把餐具在火鍋爐上湯熱消毒，已經令客人十分放心！小吃自動送上基本上所有東西都是自動波完全不用向店員下單！刺身拼盤在我們吃完小食後便送上，刺身相對新鮮！而且還併得很漂亮！在吃刺身拼盤時店員變走來問我們吃什麼主菜和火鍋是什麼湯底，我們便選擇了水煮魚胡椒豬肚湯底！水煮魚大大盤而且亦十分足料，辣味十足，不會過份辣而影響味道！胡椒豬肚火鍋湯也很夠味道，但是胡椒要煮很久味道才出來！之後便陸續上了火鍋配料包括一盤海鮮，一碟炸物響鈴，一份餃子肉丸，還有豬肉牛肉！海鮮同樣十分新鮮生猛，鮑魚及鮮蝦仍然會動的！火鍋當然離