楓林小館

Open Now

Now Closed

好耐之前聽同事講 大圍嘅楓林小館係幾好食 點知大圍店幾年前執左 而家去左銅鑼灣 今次嚟到銅鑼灣一於嚟試一試佢啦 可能因為限聚令 星期日嘅夜晚成晚都得2枱客 好似包左場咁 一於叫佢呢度最出名嘅乳鴿啦 由於我地係晚市第一枱客 所有野食都係廚房即落單即整 全部熱辣辣 有我鍾意食嘅蝦片呀 咬落去脆到成場都知我食緊蝦片 乳鴿果然係好好味 唔洗點任何野都好食跟住叫左個嘟嘟芥蘭煲 d蝦乾好多好重手 上枱真係渣渣聲好有獲氣仲有呢個冰梅骨 酸酸甜甜 咬落去仲脆嘅 送飯一流呀成餐好靜（無人）好舒服 包場咁一個樓面serve我地 openrice book位仲有85折添呀 可以一試

Happy gathering with friends~友人們鍾意食中菜，甘就試下呢間，見佢既評價都唔錯，估唔到又有驚喜wo🎉我地四個人都嗌左好幾款野食，就係因為人多d先可以試到唔同既野食： 1. 香酥鴨 - 又脆又酥，好好味丫，必食2. 金沙魚皮 - 有驚喜，唔會得個咸字3. 冰梅骨 - 淋左dd，但個味好送飯4. 老火湯 - 章魚節瓜湯5. 蓮藕餅 - 好香口，入口既蓮藕係脆架6. 炒粉絲 - 因爲有小朋友要食下粉麵，好重手，好大粒蝦乾！夠爽身！甜品方面，叫左個椰汁紅豆糕（但唔太多椰味）+@椰汁桃膠（呢個反而好足料同好入味！凍冰冰食岩岩好！估唔到係後街都有間唔錯既中菜館，下次可以同屋企人黎食👍🏻

今日同媽媽慶祝生日，一行5人黎到，環境都可以，中式設計，有中式擺設，燈光都可以，坐位都舒服，要行樓梯一層，大家要留意食物點心價錢是高級中菜價值，但食物質素就真的普通。1. 椒鹽鮮魷鮮魷是中間白色部分，不錯，熱辣辣脆卜卜，點上喼汁2. 黃金豆腐粒外脆內軟，中間豆腐都軟滑，中間部分有點凍凍的，如果細粒點可能會好一點3. 鮮蝦炸雲吞脆卜卜的外皮，比較硬身的脆皮，中間蝦細細隻，點上酸甜汁，也可以4. 蝦仁燒賣皇比較肥，上面蝦都大隻，但一籠燒賣只有3隻，中間的口感都可以，但比較肥比較膩5. 楓林蝦餃皇蝦餃皮上到枱已經爆開，中間蝦都爽口，但質素是普通的6. 上素蒸粉果這個不錯，粉果脹卜卜，中間的餡料都算多，不錯7. 豉汁蒸排骨排骨的骨部分多肉少，也是比較油膩8. 豉汁蒸鳳爪蒸鳳爪軟腍好入味，質素普通，豆卜也入味9. 懷舊馬拉糕馬拉糕軟腍好鬆軟，比較甜了點

楓林小館楓林小館是大圍廣東菜名店，殺出新界在港島開店，理應有其實力。點了三個餸菜，等了一會，侍應走過來問我們，乳鴿到了沒有，為何那麼久還未來。但其實他可以看看空空如也的桌面便知道。我們無奈地回答他：乳鴿未到啊...尷尬mode哈哈。正當心𥚃有少許疑惑食物質素時，餸菜上碟了。紅燒乳鴿果然是這店的招牌菜，皮脆肉嫩，肉計豐盈，香噴噴，很久沒品嘗過好吃的乳鴿了，兒時的味道！欖角冰梅骨，用上嫩滑的梅頭豬肉，炸後將欖角和梅子醬與排骨，酸酸甜甜，香、脆、軟之合體，另一道上乘之作。沒有拍照的鮮百合准山炒蓮藕片，素菜大匯合，食材新鮮，很清新的感覺！最後還送了芝蔴糊給我們。廣東菜應有的鮮和細緻，這間大致都做到。環境更是中菜館之中難得的清靜，整體用膳感覺良好呢！

呢間楓林小館，以前係喺大圍嘅，好耐好耐冇去食喇。原來佢搬咗去銅鑼灣，所以就約咗朋友一齊去試下， 一嚟到發覺個裝修好精緻，同埋坐得好舒服。因為呢度最出名乳鴿㗎，所以我哋一定要揀乳鴿，好驚喜，竟然有個好正嘅2人餐喎……決定試下，呢個餐好多嘢食㗎，有乳鴿啦，又有老火湯，再有大個匙羹嘅蝦餃，裏面好多好多好蝦㗎幾乎九成係蝦肉，超正另外，佢嗰個涼瓜龍躉煲好足料，多到呢完全唔似2人份量，我都有啲懷疑師父可能畀錯咗，整體嚟講，呢個餐只係＄298，連埋茶加一都係三百幾蚊，絕對超值，一定會再嚟

經openrice 訂座, 到達的時候大廳只有我們一枱客, 他們還有VIP房, 我們被安排坐在一張圓枱卡位, 十分舒適, 我們只有兩個人, 所以只叫了兩碟餸菜, 而我地既選擇亦十分正確, 雖然單價偏高但份量十足, 食到捧住個肚走, 我地叫左荔茸香酥鴨同花膠瑤柱炆伊麵, 荔茸香酥鴨 - 外脆內軟，鴨件無骨甘香啖啖肉再配合已調味的軟綿芋泥，味道可口，雖然此餸為油炸，都會令人一件又一件放入口。加上此種餸菜乃功夫菜，真係買少見少。花膠瑤柱炆伊麵(無影相) - 唔知伊麵係唔係因為本身油定好吸油, 好多時候食炆伊麵都會食到成口油, 但呢個唔會, 食到有一粒粒切碎左既花膠之餘, 花膠既味道亦都滲入左D伊麵度, 令成個伊麵充滿鮮味而不是死鹹。整體而言，兩度餸菜皆是有水準之作，值得再次幫襯。

限聚令放寬 終於可以成group人出來同檯食飯搵左間坐得舒服既中菜館 🙂招牌乳鴿🈚️得輸 豬肺湯雖然豬肺唔算多，但好清甜👍🏼石斑超級大條 好抵食🤩蝦膏芥蘭好野味😋

先前係呢間試過中午飲茶，點心唔錯，又有折頭👍今日再試吓晚飯小菜。係Openrice訂位，有8折仲有Asia miles，即刻訂位。一行6人準時到達，叫了乳鴿、湯、蔥雞煲、豆腐和另外兩款菜式。菜式陸續送上，不單馳名乳鴿，樣樣菜式都好好味道，特別是鐵板百花豆腐，熱辣辣，豆腐又滑;蔥雞煲嘅雞雖然少了些，但勝在勁多蔥，夠晒香味🤩食飽飽，仲有糖水送。惟一就係價錢貴咗少少，如果晚飯折扣可以多番少少，就肯定會經常幫襯😁

新的楓林小館位於銅鑼灣, 但地點還是舊店一出大圍地鐵站來得方便, 有老闆的兒子及舊店老師傅一齊經營, 於我而言, 最重要還是吃她的紅燒乳鴿, 在大圍的原店, 是我在香港吃過最出色的. 新店的依然保持其肉質酥香多汁, 只是外皮不夠脆, 外表色調有點暗紅, 始終要找好質素的乳鴿越來越難, $78一隻來說我覺得還好, 如果享受一手拿着整隻乳鴿的霸氣, 可以選擇免切. 另一道名菜茘芋香酥鴨荔泥香滑, 鴨皮比乳鴿來得香脆, 而且帶有豬油香味, 是正宗的做法, 因為豬油有凝固食材的功能, 當然吃下去就很有罪惡感了!

楓林小館呢間老字號，好耐之前就係沙田出名，開到黎銅鑼灣佢會點呢？入到去睇吓菜單，依然見到有最出名既乳鴿，即刻叫左一隻！再叫多兩個菜～先講乳鴿，好香好脆口，加少少鹽更食到佢既油香味，正！再者，服務員爽快，友善，座位寬闊，有機會再去！

成日都經過依間茶樓，不過一值都無食過，同事有張coupon, 一行人就去試下。茶樓環境唔錯，坐得唔迫，都算舒服。食材都高質，成餐飯都好食。XO醬炒腸粉:足料， 腸粉好滑，炒得好入味，唔太油，多牙菜，玩上滑滑嘅腸粉，口感好好，又可以減油膩感。椒鹽豆腐: 脆醬薄，豆腐滑，做到外脆內軟嘅效果，差唔好多晒先記得影相。芝麻汁秋葵:冷盤來的，好健康，芝麻醬d秋葵原來好夾，秋葵爽脆，加上芝麻醬，可以蓋住秋葵嘅青草味。依款唔錯椒鹽鮮魷:煮法似脆炸鮮魷多d, 個皮好厚，用咗脆醬，唔似食開嘅椒鹽鮮魷。個人唔喜歡食種煮法，我幫鮮魷退殼先食 😛😛炒飯:唔係好記得個名，不過好食，飯粒粒乾爽，不過唔係粒粒都有蛋包住，材料十足，都幾多蝦。芝麻卷:夠滑，有好香嘅芝麻味，足料我一向都好鐘意食蝦餃，對蝦餃要求最高，佢食間我被中上，皮都算彈牙，煙韌，但係可以更好;蝦size中等，不過蝦味唔太出。但係比起好多連鎖店，佢都算唔錯。 鹹水角: 新鮮炸出黎，唔錯炸素鵝:饀好足料，有冬菇絲， 韭黃，但係我覺得唔炸嘅好食d

大圍名牌菜館.樓面非常友善服務好👍🏻.我哋有叫生炒糯米飯之後先生有提醒我們怕我們叫太多食唔曬要打包貼心服務👍🏻 乳鴿必不可少水準保持如一皮脆肉嫩有汁👍🏻脆皮雞都幾好味只喺覺得熟咗啲👌🏻蝦子柚皮非常出色😋生炒糯米飯正又夠味我懷疑有少少豬油成份所以飯特別有光檡及香氣😋薑汁炒芥蘭Ok.甜品喳喳好味唔太甜👍🏻黑芝麻卷Ok👌🏻總括而言在銅鑼灣及灣仔一帶嘅食市中給最有驚喜一間👍🏻

#cassiegocwb-今日瘦編同朋友繼續係銅鑼灣一帶搵好野食，因為朋友想食清淡啲，我地最後揀左依間中菜。入口係地下，鋪頭係二樓，上到去幾大，可以好舒服咁坐卡位。🙆🏻‍♀️-有得好似平時飲茶咁叫點心，不過我同朋友選擇叫Lunch Menu。圖一嘅係野菌炆豆腐冬菇，圖二嘅係魚湯魚滑米粉。另外仲加左蝦仁燒賣皇。💕-整體黎講，味道都算唔錯，達到正常中菜嘅水平。魚湯魚滑米粉好足粉，有超過10舊魚滑，魚湯湯底都好濃郁。野菌炆豆腐冬菇好入味，最後餐廳仲送左碗蓮子紅豆沙，好淋好多沙，食到好滿足。🥰-味道評分▶️🌕🌕🌕🌕🌑 (4)抵食評分▶️️🌕🌕🌕🌗🌑 (3.5)回購評分▶️️️ 🌕🌕🌕🌗🌑 (3.5)-➡️楓林小館 (銅鑼灣)📍銅鑼灣謝菲道379-389號特麗樓1樓及地下5號舖-

-🦄楓林小館-芥末秋葵 Hkd48Rating🌕🌕🌕🌗🌑花膠濃湯浸時蔬 Hkd78Rating🌕🌕🌕🌗🌑-唔知大家食過楓林小館味呢🤤我就係第一次食Haha因為得自己一個人所以食既野都有限😂叫左個前菜冷盤既芥末秋葵👻不過佢係完全唔辣架 所以唔食得辣既朋友都可以食唔洗怕佢會太辣 而醬油味會比較重🤙🏻秋葵都比較爽脆 可能烹煮時間唔係好長作為一個冷盤真不錯 令我覺得超開胃呀❤️-然後到主菜既花膠湯浸時蔬 份量唔係好大😂但估唔到都有返咁上下花膠 花膠湯清清地岩曬我口味菜心雖然好大條但勝在鮮甜🤙🏻💜再配埋啲蒜頭同草菇其實都可以好惹味架-等下次再有機會去叫下其他野食先🤤🤤-

本來帶著期望去食乳鴿，但是可能我們太早去到，叫咗柚皮、炸乳鴿、苦瓜炆斑腩、豉油王炒麵。柚皮好入味好吃😋炸乳鴿還可以接受，苦瓜炆班腩好好吃😋最後來到豉油王炒面非常之鹹又好多油的，最失望😞是那位經理自己見到那碟炒面有問題🤨她都沒有自動幫換個一碟