楓林小館

Open Now

Now Closed

提早慶祝母親節，帶亞媽去灣仔搵食來到老字號既楓林小館，沿長長樓梯上二樓.樓梯間的一木, 一畫有一番味道店內有2人卡位枱, 圓形4-5人的半圓卡位枱.兩款都幾舒服!公眾假期, 都有幾款二人餐供應兩個人, 可選一款特價點心, 係半價既! 二人行，點左兩款點心, 一隻乳鴿滿足亦夠飽了.招牌乳鴿好大隻，好有肉汁，好JUICY有香口蝦片拌碟賣相也不錯燒賣半價點心選了燒賣大大粒燒賣用的蝦好大隻，每粒有兩隻蝦以上馬拉糕是原籠的, 一籠有四件黑糖味好香，軟熟!之前喺附近返工, 成日來開餐年幾無來, 食物質素依舊保持. 欣賞!12點左右, 客人陸陸續續入座來之前最好訂位, 店內座位不多. ⭕️全店職員戴上口罩 ⭕️進店前量度體溫 ⭕️每枱提供酒精搓手液 ⭕️座位間有距離感

母親節將近，帶屋企人黎到銅鑼灣呢間楓林小館食小菜，裝修典雅，卡座有私隱度，坐得舒服👍🏻不過店員好似唔太夠，好多時舉左好耐手都冇人過來鎮店之菜就係紅燒乳鴿，一隻$78，檯檯都必點，仲有其他小菜，上菜前有一碗麻椒花生$10，好惹味，辣得黎幾過癮🤣紅燒乳鴿 $78 8.5/10乳鴿皮帶金黃色，薄而帶有油光，肉質幼軟入味，濃濃油脂香，店員仲要準備手套同濕紙巾，非常貼心🥰鐵板小炒王 $118 8.5/10用左鐵板去上菜，熱辣辣香氣撲鼻，食到最後仲有煙出😆材料有大量蝦乾、魷魚、腰果、花生等等，加左XO醬去炒更香口黃金蝦炒飯 $108 8/10飯炒得出色，夠乾身且粒粒分明，完全唔濕口，啖啖充滿住咸蛋黃香味，蝦仁爽口，食落幾重鹹蛋黃味，而且比得好足，份量夠2-3人食，最後都要打包先走🤤

約了相公去灣仔一間曾在沙田大圍出名吃乳鴿的小館，他點了我愛吃的乳鴿，這老店子以往也很馳名燒乳鴿，一口咬下去已知保刀未老，乳鴿仍然鬆化不乾不韌，且非常好味。伙記上了一籠三件很大的蝦餃皇，果真是蝦餃皇很大的蝦，又爽又香又甜，值得吃。欖角冰梅骨浸出少許梅子味。最後上了滑蛋蝦仁帶子炒河，蛋滑蝦又爽正。

今天跟朋友逛完美食節後，看到差不到晚飯時候，就慢慢走到去銅鑼灣看看有什麼好吃的，經過剛好看到這間，覺得挺特別的，就進去試試！花尾龍躉球魚湯泡飯（１６８元)本來是打算叫２個飯的，但店員特別提醒了這個份量很大，可以不用叫其他飯，足夠２人吃了。本來也不太相信，但送到來以後真的是震驚了，滿滿的一大碗！奶白色的魚湯，面上還有大量的花尾龍躉球，下面是白飯，整個看起來就非常吸引！魚湯味道非常鮮美，配合起嫩滑的龍躉魚球，真的令人一口接一口的不斷吃飯！而這裡還特別配上了炸香了的白飯，讓你拌著泡飯一起吃，為軟嫩的魚和泡飯增加了香脆的口感，挺特別的組合，味道也很好！椒鹽鮮魷（１１８元）這個跟平常在大排檔吃的椒鹽鮮魷完全不同，這裡的是包上了厚厚的麵衣再去油炸的，所以吃起來外面非常酥脆的，但內裡的鮮魷就是非常嫩滑的，感覺非常特別，味道也很好！

晚上跟朋友於銅鑼灣鵝頸橋附近找了一間中菜館，店家於樓上空間寬敞，環境較寧靜。晚市原來生意頗好，幾乎滿座，很多家庭光顧。茗茶每位$15、花生$10及加一服務費。原本打算一人叫一款主食，幸好侍應提醒份量非常多，絕對不可能吃光，故叫了一主食一小食。花尾龍躉球魚湯泡飯 - $168拆出大量新鮮的龍躉肉完全沒有魚湯，肉質鮮甜、口感滑嫩。白色的魚湯頭充滿濃郁的鮮甜味，還帶點蔥花、西芹絲、芫荽及菇片。另外再加入些金黃的脆米，吸收了鮮湯，咀嚼時發出「咯吱咯吱」的輕脆口感。椒鹽鮮魷 - $118鮮魷比較特別，全使用魷魚身，金黃酥皮十分香脆，新鮮的魷魚口感煙韌，帶點水潤的感覺，十分嫩滑彈牙。

食物一流，雖然價錢偏高，以一客豆腐都要108，算貴。叫左2隻乳鴿78隻，味道一流，可以encore賽螃蟹好味，la大部分員工服務正常，唯一係有個高大西裝嘅廣東話講唔正嘅部長，見我地唔係叫貴價小菜，句句有骨，加上一句，你地唔食都唔好叫我落單今時今日，係咁嘅環境，呢個價錢，好多選擇食到一吐氣，想食餐飯開開心心，仲要俾人白鴿眼加上間鋪地點完全唔就腳，係2個地鐵站中間未搬嚟呢間鋪時，細個成日食，新鋪亦食過3次，就因為今次，如非必要，唔會再去

中午與太座人在灣仔正在找尋開餐地點抬頭看遠見一兒時在新界某區常見之名店招牌決定一試 。已入座客不多很容易地找到卡座, 菜單有各類點心, 主食和小菜, 我們選了特價蝦餃皇, 另選了鱆魚馬蹄蒸肉餅及波蘿咕嚕蝦球跟白飯, 亦試了以前著名的燒乳鴿 。蝦餃皇鱆魚馬蹄蒸肉餅波蘿咕嚕蝦球燒乳鴿

訂左呢間初三飲茶，應該冇人同我爭掛。去到一定唔少得食乳鴿。招牌乳鴿係冇得輸的。因為唔太肚餓，我地點左蝦餃，炸雲吞&鳯爪。蝦餃，材料新鮮，好大隻，好味炸雲吞都好味😋。鳳爪就正常啦～總結：飲茶，乳鴿係好味的

途經銅鑼灣，竟然發現楓林小館重開，上去試吓啦！上面懷舊風味濃厚，裝修好有古式風味，私隱度極高。臨近新年，見到佢有年糕同芋頭糕，我想一次過試晒三款糕，店長好好人，俾我一碟有晒三款可以試！😘佢嘅蘿蔔糕好好食，配xo 醬（吾食辣都冇問題，就甘煎已經好好食），perfect match👍🏼芋頭糕，香脆，餡料夠，非常好吃😆年糕，椰汁味濃，外脆內軟，煙韌軟糯，吾痴牙👍🏼👍🏼意想不到嘅好食😋依家淨系開到4點😭希望疫情快d過，我想食晚市💕

上次誤打誤撞去左楓林小館，之後食完再search，原來最出名係乳鴿，所以決定再去試下招牌菜乳鴿一開四上， 熱辣辣，皮好脆皮本身個乳鴿比較淡味，有俾鹽同一個類似喼汁的汁酸酸地，我兩樣都有落，個汁又幾好味，好開心仲跟左蝦片！見燒賣寫住話$19.9 諗住試下，黎到都幾大隻，蝦同豬肉都係幾新鮮，幾爽口有豬肉味諗住嗌個迷你糯米雞試下，點知都幾大隻下，食完一隻己經好飽，最後食唔晒，待應叔叔好貼心咁主動過黎問要唔要俾個袋我拎走，呢到啲待應好細心服務態度幾好

好耐之前聽同事講 大圍嘅楓林小館係幾好食 點知大圍店幾年前執左 而家去左銅鑼灣 今次嚟到銅鑼灣一於嚟試一試佢啦 可能因為限聚令 星期日嘅夜晚成晚都得2枱客 好似包左場咁 一於叫佢呢度最出名嘅乳鴿啦 由於我地係晚市第一枱客 所有野食都係廚房即落單即整 全部熱辣辣 有我鍾意食嘅蝦片呀 咬落去脆到成場都知我食緊蝦片 乳鴿果然係好好味 唔洗點任何野都好食跟住叫左個嘟嘟芥蘭煲 d蝦乾好多好重手 上枱真係渣渣聲好有獲氣仲有呢個冰梅骨 酸酸甜甜 咬落去仲脆嘅 送飯一流呀成餐好靜（無人）好舒服 包場咁一個樓面serve我地 openrice book位仲有85折添呀 可以一試

Happy gathering with friends~友人們鍾意食中菜，甘就試下呢間，見佢既評價都唔錯，估唔到又有驚喜wo🎉我地四個人都嗌左好幾款野食，就係因為人多d先可以試到唔同既野食： 1. 香酥鴨 - 又脆又酥，好好味丫，必食2. 金沙魚皮 - 有驚喜，唔會得個咸字3. 冰梅骨 - 淋左dd，但個味好送飯4. 老火湯 - 章魚節瓜湯5. 蓮藕餅 - 好香口，入口既蓮藕係脆架6. 炒粉絲 - 因爲有小朋友要食下粉麵，好重手，好大粒蝦乾！夠爽身！甜品方面，叫左個椰汁紅豆糕（但唔太多椰味）+@椰汁桃膠（呢個反而好足料同好入味！凍冰冰食岩岩好！估唔到係後街都有間唔錯既中菜館，下次可以同屋企人黎食👍🏻

今日同媽媽慶祝生日，一行5人黎到，環境都可以，中式設計，有中式擺設，燈光都可以，坐位都舒服，要行樓梯一層，大家要留意食物點心價錢是高級中菜價值，但食物質素就真的普通。1. 椒鹽鮮魷鮮魷是中間白色部分，不錯，熱辣辣脆卜卜，點上喼汁2. 黃金豆腐粒外脆內軟，中間豆腐都軟滑，中間部分有點凍凍的，如果細粒點可能會好一點3. 鮮蝦炸雲吞脆卜卜的外皮，比較硬身的脆皮，中間蝦細細隻，點上酸甜汁，也可以4. 蝦仁燒賣皇比較肥，上面蝦都大隻，但一籠燒賣只有3隻，中間的口感都可以，但比較肥比較膩5. 楓林蝦餃皇蝦餃皮上到枱已經爆開，中間蝦都爽口，但質素是普通的6. 上素蒸粉果這個不錯，粉果脹卜卜，中間的餡料都算多，不錯7. 豉汁蒸排骨排骨的骨部分多肉少，也是比較油膩8. 豉汁蒸鳳爪蒸鳳爪軟腍好入味，質素普通，豆卜也入味9. 懷舊馬拉糕馬拉糕軟腍好鬆軟，比較甜了點

楓林小館楓林小館是大圍廣東菜名店，殺出新界在港島開店，理應有其實力。點了三個餸菜，等了一會，侍應走過來問我們，乳鴿到了沒有，為何那麼久還未來。但其實他可以看看空空如也的桌面便知道。我們無奈地回答他：乳鴿未到啊...尷尬mode哈哈。正當心𥚃有少許疑惑食物質素時，餸菜上碟了。紅燒乳鴿果然是這店的招牌菜，皮脆肉嫩，肉計豐盈，香噴噴，很久沒品嘗過好吃的乳鴿了，兒時的味道！欖角冰梅骨，用上嫩滑的梅頭豬肉，炸後將欖角和梅子醬與排骨，酸酸甜甜，香、脆、軟之合體，另一道上乘之作。沒有拍照的鮮百合准山炒蓮藕片，素菜大匯合，食材新鮮，很清新的感覺！最後還送了芝蔴糊給我們。廣東菜應有的鮮和細緻，這間大致都做到。環境更是中菜館之中難得的清靜，整體用膳感覺良好呢！

呢間楓林小館，以前係喺大圍嘅，好耐好耐冇去食喇。原來佢搬咗去銅鑼灣，所以就約咗朋友一齊去試下， 一嚟到發覺個裝修好精緻，同埋坐得好舒服。因為呢度最出名乳鴿㗎，所以我哋一定要揀乳鴿，好驚喜，竟然有個好正嘅2人餐喎……決定試下，呢個餐好多嘢食㗎，有乳鴿啦，又有老火湯，再有大個匙羹嘅蝦餃，裏面好多好多好蝦㗎幾乎九成係蝦肉，超正另外，佢嗰個涼瓜龍躉煲好足料，多到呢完全唔似2人份量，我都有啲懷疑師父可能畀錯咗，整體嚟講，呢個餐只係＄298，連埋茶加一都係三百幾蚊，絕對超值，一定會再嚟