鳳城酒家 (Closed)

We, two, have visited this restaurant several times. We like their pig lung soup but haven't seen it in the menu for long time. disappointed!.Yesterday, we tried it again. We orderd (1) the suggested twin dishes: fish roll of half fish + Jie Jie Chinese lettuce and (2) Um Chun chop shue served with lettuce . Fish roll is still up to standard. Jie Jie Chinese lettuce is fresh with the exotic marinated shrimp egg smell. Fairly good.However, those lettuce leaves served to roll up Um Chun chop shue

寫食評前看到好壞參半...7 : 6, 銅鑼灣店試過了, 今晚試試荃灣店, 就看看我今晚的遭遇吧!星期天...六點幾去到, 只有一兩枱客, 我們被安排在靠邊四人位, 部長介紹每枱可選一種特價菜式, 我們選了清蒸海斑仔, $58 (約14兩), 另叫生啫農家菜, $5x, 後者先上, 砂煲燒熱, 倒下蝦醬再將生菜拌勻, 好再唔太鹹, 生菜都幾爽脆! 然後等了大半個鐘...條魚都未上, 問了一位姓梁主任, 她以教訓式口吻回應....條魚生劏, 新鮮蒸...梗耐啦, 如果即上, 你都唔敢食啦! 無耐地...再等了約十分鐘, 就黎啦....大小足秤, 夠滑, 有啲位置幾實下, 以 $58斑仔都幾抵, 不過, 連白飯兩碗, 前菜, 茗茶加一, $172, 抵唔抵就真係見仁見智! 市道差, 人手不足, 舉手既客都好多, 食物環境還可以, 但服務就真係麻麻地!

媽咪生日，諗住搵間酒樓食個全包宴，平時都有到鳳城飲茶，食物質素不錯，認為夜市食飯都唔會差我去邊，點知就咁就出左事.............花姿蝦仁: 都幾好味既，不過不失啦炸鮮奶拼野雞卷: 炸鮮奶尚可，雞卷好似翻炸過咁，咬落有渣雞絲生翅: 都係一般貨色，味道一般 我地將遼參改左上湯龍蝦伊面，點知成個餐，最差就係呢一個，真係唔好味蒸啜魚及貴妃雞: 冇特別，又唔係難食囉........ 壽包: 個賣相認真嚇人，一d宦唔靚，好失望呀糯米反: 呢個我都欣賞的，幾好味可能我要接受千幾元的全包宴，質素就係咁，話晒都包晒加一，飲料各樣，不過我自己就會繼續去飲茶，只係唔會再食全包宴

15/11/2008去飲下午茶都幾多人呀我地叫左碗燒鴨檬粉,味道真係唔錯,不過碗野入面有d不知名既黑色野炸粉果幾特別,入面係包蝦食完炸就係蒸既粉果,味道真係一般咖哩蒸土魷,d土魷都幾爽,咖哩都夠味叫左芝麻蛋散,不過漏左單

今日去左荃灣鳳城擺滿月(得一圍, 都係屋企人食飯), 開頭都ok, BB好乖, 無乜喊, 食到最後埋單先至最激氣, 俾完張卡簽完, 有以下對話部長問:「會唔會俾D貼士打賞吓」, 我答 : 「..... 會唔會呀?.... 唔會喎」部長:「咁D招呼好唔好先?」我答:「麻麻啦」部長黑面後離去。原本好開心的滿月酒, 我係度諗咪我做得唔啱?我唔俾貼士係咪好cheap, 攪到我好唔開心,我以前都去過鳳城(黃埔),記得都幾好, D菜同裝修都ok ,一心諗住滿月去食吓啦, 但係今之响荃灣的招呼同野食都係普普通通, 咁咪無俾貼士囉, 所以經過呢件事之後,我永世都唔會再去。

媽媽星期六放假的話，一定來這裏飲早茶。鮮蝦腐皮卷，夠香，蝦爽。鮮竹卷普普通通。黑椒牛仔骨夠惹味，不過肉貴，份量較少。星期六早茶也有特價，感覺很超值。^^

同老豆阿媽三人來吃飯, 點了:1)大良炒鮮奶: 好淡口, 一d奶味都冇. 好懷念順德清暉園既大良炒鮮奶.2)生炒桂魚卷: 呢個唔錯, 我阿媽話條魚好新鮮~3)鍋貼大明蝦: 有d似中式既蝦多士, 幾好味. 4)生菜鶉春松: d生菜包個個都係圓形既而且差不多size, 感覺幾高級. d鶉春松好嫩口, 最正呢個餸.

上星期六晚同家人去到荃灣鳯城食晚飯,d招呼都幾好,見到菜牌有好多野都想食但因為人小唔食得好多所以就只叫咗半隻炸雞,扣肉同埋抄豆苗.全部味度都唔錯而份量都相當足夠,個炸雞皮脆肉滑食晒都唔多夠於是就加咗個炸鮮奶個脆漿就硬咗小小但入面就好滑味度OK!連兩支啤酒埋單400蚊都算抵食喎!但到最後去洗手間時見到個廚房哥哥小解完居然唔洗手就走噃出去,嘩!即時d反胃.睇唔到就話姐.再好味都係假食落肚喎!

因為男友上左大陸, 所以今日約左AMY去食下午茶, 她說這裡食物不錯, 所以就決定係度食, 以星期六黎講,呢度等位都算快, 大約等左十五分鐘就有位, 仲要係一張二人檯,好野!因為肚餓, 所以拿拿淋點野食, 叫左:-1)流沙芝麻飽- 好甜, 好香芝麻味 (但食落似雷沙湯圓, 只不過外面用既係飽黎)2)燒賣- 蒸得好靚,好新鮮 (有蝦, 同埋肥豬肉唔係好多)3)煎魚餅- 外表金黃色, 好靚 (食落魚肉非常彈牙, 皮又脆, 我非常推介)4)鮮奶燉雞蛋- 好香蛋味, 唔太甜, 幾滑5)渣渣- AMY話幾多渣同幾香(等我下次有機會試下先)食飽飽又繼續行街街LU

12月3月是母親大人的生日, 一行5人想搵一間坐得舒服唔太迫嘅酒樓, 於是想起呢間做點心不錯的酒樓, 但晚市實在令人失望!! 因為大部份餸都好鹹!1) 雞絲趐-- 味重, 太鹹2) 海參鵝掌-- 汁太鹹太杰, 海參size大細不一3) 炸子雞-- 好味, 出奇地比一般好味, 果然係招牌菜, 但除此之外...4) 西蘭花炒鴛鴦斑片-- 一d斑片炸咗, 一d無炸, 都ok, 起碼無咁鹹5) 桂花榚-- 有菊花片, 清香清甜6) 黃金南瓜露& 紅豆沙-- 前者ok, 後者超甜, 尤如放糖落口,本想好好的為母親大人慶祝一番, 但這間晚市實在不行!! 食完後發覺味精超勁, 令人頭痛, 唔怪之得無乜人坐得舒服啦, 完來唔好食, 我想這是最先亦是最後一次來這間食晚市!

(17/11/07)今晚有擺酒,噪之餘,上菜亦要等....八點有枱,轉個頭book變左8:30,八點半去到,仲要等到九點。魚缸有很粗很粗的花點鳝,要左一份$349,來到每人都分唔到一舊(我地有六人)!問問之下,一份只有十四兩。如果以斤計要$390斤,一條有七斤重啊!用燒肉、蘿蔔炆,味道冶味,至於花鱔肉較腍口,平時食開那品種好味D。好失望星期六日無做焗魚腸,甜品生果都無。改左要兩碟鹵水,及凍食的鵝翼。推介鹵水的。紅燒沙田豆腐,粉絲雜菜煲,沒特別。紅燒雜菌炒牛肉,幾好食,好餸得飯。栗子炆雞煲,栗子唔夠腍,而且食得出,炆完雞才放栗子,o徙晒。鳳城野雞卷,做得好,是連肥油都炸脆晒。呢度只做到一半,吃時仍見肥肉,吃時很有罪惡感。(夾酸瓜減肥膩吧)

2007年11月9日夜晚一家人去做老襯1.食物價錢貴，一般垃圾的廣東菜色貴到利浦，比起荃灣其他酒家簡直係謀人寺；一條垃圾河鮮鯪魚成$150一條；2.服務態度差，等成半個鐘先有得食；個肥婆落錯單又唔認；3.食物正垃圾，等成半個都係食垃圾，味道差又難食；4.搵笨招數，坐底先比三碟垃圾小食，辣椒醬、青瓜、花生誠惠$30；奉勸各位汁到錢都唔好去！

終於發現到邊度有鐵片灌湯餃！鳳城酒樓賣點係懷舊，9月23日同家人去飲茶，無意中發現該店有鐵片灌湯餃，須然味道只屬一般，但係好懷舊。除咗鐵片灌湯餃之外，仲有鵪春蛋燒賣。

同爸媽飲茶，媽咪話想試下。我地叫左點心，不錯。最難忘係流沙芝麻飽，好突別，不過幾甜，冷左食就唔好食。叫左半隻炸子雞$55，因為次次去飲宴，食到依味都冇辦法食得落，但真係好好食，新鮮!釀青椒就最唔好食，d肉唔好食，但d汁好野味。其他點心就唔係咁記得，但都幾好食。服務都一般，因為冇乜侍應。

話說我媽去飲下午茶(3pm)，首先入去無人招呼，要自己搵位，搵到了，執檯那女人就粗魯地執檯喇，睇Menu，發覺黏住D食物，很不衛生，之後叫左六碟點心，都係普通點心，一般貨色，埋單竟要$98，計埋茶$頂多都係70左右，何來$98，就知道媽媽被呃了，100%Sure佢地計錯數，可惜當時我行開左，如果唔係一定Check單。另外坐我地對面個伯伯叫左碗鴨飯好耐，侍應先扮曬去廚房追單，後來伯伯再追，先發現原來係漏單，伯伯呆坐都無飯食，真慘！