風流居酒屋 (Closed)

朋友介紹呢間心機食肆，話係飲嘢傾計嘅好地方。今日一於黎試試。六點幾入座，我係第一個客。登上木樓梯到二樓，環境雖小但整潔雅緻，有居酒屋的親切感。叫咗炸物丶燒物及丼後，叧外兩張枱亦陸續坐滿。鰻魚丼先上，味道不過不失。因為鰻丼較濃味，個人認為跟啲日本蘿蔔或子薑會更佳。跟住係明太子燒淮山，內裏保持爽脆濕潤口感，外面燒得乾身，明太子都比得好大方，不俗。自己鍾意食天婦羅，叫咗個考牌。其實個脆漿都OK嘅，可惜實在太油啦！成張吸油紙都係一達達嘅油漬，尤其係茄子、冬茹，更加係油淋淋！幾支炸秋葵中有一支好老，完全唔想食。總體而言，間舖環境幾warm，招呼唔錯，老闆亦都親切，但都係香港人扮日本野，有形無神，普通食嘢都可以嘅，但係大圍同樣價錢有好多更好味嘅選擇。而且作為一間和食居酒屋，老細你知唔知喺日本對筷子打直擺係好大吉利是架......

小明友開學之後，父母真系忙過返工。真系要搵返啲同聲同氣既家長一整去消消氣，剛好沙田地保推介風流屋酒屋，聽個名已經心如亂麻啦！宵夜重要去風流。。。。一行三對父母黎到呢間大圉風流居酒屋，記得開GOOGLE MAP搵，如果唔系，保證搵唔到！之前未試過黎，睇op就話比較近大街，哇，足足搵左十幾分鐘先搵到，我估可能黑麻麻掛。我地最終比預約時間遲左少少，不過可能因為係夜，店內客人唔多，所以都留返二樓間房比我地。居酒屋裝潢簡單，木枱木櫈，最特別係房內放左個凍櫃，一定唔系用來做裝飾，因為地方貴，好好了用每寸空間。不過我地都坐得舒適。由於有點肚餓我地都馬上點菜。

第一次光顧。服務很殷勤，環境比較擠但還算整潔。醬燒三文魚套餐魚肉很多，好吃。米飯也不錯。魚肉上有菜絲，魚肉下有蛋絲甚至有新鮮而且飽滿的三文魚魚子！真是驚喜！味增湯顯太鹹而且沒有蜆的鮮甜，有點不足。但整體還是滿意。

上OpenRice尋找新野食...去到大圍呢間風流居酒屋...聽店員講係最近開業..兩人同行點左個燒牛仔骨，黃花魚一夜干，同埋一個海鮮魚生飯。牛仔骨外脆內嫩...海鮮飯好足料黃花魚一夜干再配埋柚子汁，正店鋪環境8分...食物9分（滿分為10分）....價錢又合理...店員招呼十分週到...有傾有講...有推介食品..店裡還設有貴賓房..可以適合一家大細..或者一班朋友仔...值得一試...一間不錯的居酒屋

朋友係大圍地頭蟲，基本上食勻晒所有大小店，近排佢力推我呢個從來唔踏足呢區既人去試呢間新開既居酒屋，仲話試左一定返唔到轉頭無介紹錯，上星期食完後，今個星期已經心掛掛帶埋屋企人黎食多次，好食得黎又唔貴，性價比非常高係地鐵站行5分鐘就到，都算易搵，但位於小巷內，如果唔係朋友帶路，會好易skip左呢間隱世居酒屋。居酒屋有三層，第一次同朋友去係坐底層既吧枱，同師傅會有較多互動。第二次，因為較多人，我地被安排坐上樓上既房，同包場無分別，私人空間較大。特上刺身盛合刺身盤有劍魚腩、三文魚腩同牡丹蝦同活赤貝。厚切劍魚腩，入口軟綿肥美。三文魚腩油花分佈均勻，入口甘香。牡丹蝦鮮甜彈牙，活赤貝口感則爽口不失海水味。有頭甜蝦甜蝦好有驚喜，價錢合理之餘，仲要有手掌咁長，啖啖肉之餘，肉質爽身又鮮甜，忍唔住啜埋蝦頭，蝦膏濃郁帶回甘，好正馬糞海膽相比起加拿大海膽，馬糞海膽較細少，但口感較滑而且味道亦較甘甜。用最傳統食法，以紫菜包住海膽同飯，再加少少青瓜絲同wasabi同食雜錦刺身沙律完全無諗過呢盤沙律有咁多刺身，仲要唔係求其用啲平刺身去hea你，有三文魚、甜蝦、赤貝、劍魚、八爪魚等等，而且夠凍同用麻醬撈，只係賣一百蚊鬆