風流居酒屋 (Closed)

呢篇文章只係寫一個普通的午餐，好評略多，因此一嘗風味。首先一定要提醒既係，旁邊有另一間非常相似的日本餐廳，但其實係食拉麵，入面啲嗰間先係風流居酒屋。環境舒適，不大，有兩層，冷氣幾凍，建議帶多件褸。我坐樓上，窗旁邊有不同的日本漫畫，個人覺得幾貼心，亦更接近日本地道餐廳。叫了一個雜錦魚生丼，午餐價才68元，如圖。有三文魚、蝦、蟹子、帶子、北寄貝等等，魚生新鮮，飯量足夠，滿意。送湯，加十元有飲品。隱世日本餐廳，值得一試。

跟住朋友黎到大圍村屋，估唔到都會揾到間高水準居酒屋。佢係村屋入口位置，我地一行5人被安排到一間房仔入面，感覺我地又可以暢所欲言啦XDD先上2客前菜，特別鍾意食山葵，雖然好辣，但係好好食我地叫左一堆串燒，最欣賞係牛肉粒串燒，煮得實在太好味啦～牛肉又唔韌，而且個汁好入味，之後我地仲encore見多一客刺身大大盆，最好食一定係吞拿魚腩，雖然未到入口即溶，但口感已經好接近；其次係帶子、海膽，鮮甜味美因為我地男仔多，最後叫左一堆壽司卷物，務求要填飽我地個肚，當中有我至愛鰻魚壽司，而估唔到牛油果軟殼蟹都非常唔錯

哩間之前中午黎過食拉麵，內裝修的確係居酒屋，但樓梯好狹窄😂今次第一次黎晚餐，男友訂了一個小房加埋其他朋友一齊為我慶祝生日，雖然無門，但隔音效果唔錯！佢既食物質素亦非常高！魚生刺身亦非常新鮮，擺盤吸引！（其實佢啲碟碟碗碗都好靚）串燒！有日本居酒屋既感覺，味道帶點燒烤而又多肉汁，有驚喜尤其係個牛柳粒同牛舌！但係食哩啲真係唔夠飽，我地仲追加了壽司以及卷類（有飯先可以醫肚）我地仲嗌了一支sake！整個氣氛真的非常棒！好體驗～有點兒意外咁好食

喺instagram見到風流居酒屋啲相賣相唔錯，終於有日經過大圍就去大圍村睇吓係咪真係咁得。一去到侍應都好有禮貌咁話地方唔夠，詢問我地搭檯mind唔mind，而我地都係旨在食，亦唔介意屈就，就乖乖地行咗上二樓。或者係本身住元朗，日本嘢太多選擇，打開餐牌，已經覺得冇乜驚喜，而且價錢亦唔算超值。因為本身係畀佢碗牛肉烏冬吸引到，就決定嗌一碗試先，而由於天婦羅都幾測試到一間日本餐廳嘅功架，什錦天婦羅亦都係非叫不可嘅。加埋個壽司盛、蔥吞拿魚卷同燒廣島蠔，唔係求飽，已經合共超過六百蚊。魚有魚味，但唔至於非常鮮，醋飯冇乜特色，食完唔會心思思。海膽形態保持到，唔苦，但亦唔鮮甜；星鰻連鎖店水平，略霉。牛肉烏冬同天婦羅都可以算抵食，前者豉油湯底幾甜，後者炸漿算薄，可惜蝦唔彈牙。最失望係個廣島蠔，都預咗係唔連殻嗰種急凍廣島蠔，但都比想像中苦澀。冇嗌酒水，人頭各三百，環境確實係cosy，或者一班朋友五六個人傾偈買個場係抵嘅。

呢間風流，今次係第三次食。。。第一次，帶著家人黎食，水準，品質都算是中上。。。絕對有驚喜，價錢大概5~600蚊人頭，是可以接受，值得既。。。到了食第二次，冇更多既親朋戚友黎食，食物質素已經有所下降，價錢當然冇變過啦。。。都算了，有時候，人總會失手。。。機會也是留給有準備的。。直到今天，家人慶生，我再比多次機會你。。。點知就係最最最失望既一次，由點菜到上第一度主菜，需時45分鐘，講緊既都係魚生，而人客也不是特別多，追了，追了。。。還是得個追。。。點羊冇羊，總之想食咩就係冇。。。加拿大海膽冇，店員推介另一種，ok...我都接受。。。但黎到兩回事囉，$298...個軟殼蟹卷物，D飯見到都唔想食囉。。。很少寫食評既我，都忍不住即刻出手，寫到冇心機寫。。我諗呢次會係最後一次囉。。埋單扣左之前老闆第一次比我既VIP 9折，都要$1700多。。如果好食抵食，$3000都可以。。但呢餐都差不多2000, 加上食到一肚火，我諗再冇下次了

首先想講，間野個位置都真係幾難搵下。難搵到應該有唔少人好似我地咁入錯左佢隔離，比較近大街個間。記得唔係街角咦間，係佢隔離條巷仔轉入去個間！姐係咦間！搵得咁辛苦飲啖水，回一回氣先！.ok！入返正題！曾經有個朋友問我：其實點為之一塊好食嘅刺身？唔係淨係睇新唔新鮮就得㗎啦咩？我嗰時冇直接答佢，而係同佢講：只要你食咗一塊好食嘅三文魚，你就會識分點為之好食嫁啦！而今次咦間Omakase，就正正印證左我咦番話！佢既刺身真係一很流！咁坐低左落完單，就出現左第一樣食omakase必食既野！就係咦隻勁香鰹魚味既蒜頭啦！自從第一次食過佢之後真係一試愛上，搞到有時都會因佢而想食omakase！然後就到咦碟10分滿分我比9.9分既刺身啦！個0.1分去左邊？去個冇得無限refill到呀！佢真係好好食呀！特別係咦塊三文魚拖羅簡直係世界級！除咗放入口有入口即溶嘅口感之外，仲會有種揸緊汁嘅感覺！冇錯係揸緊汁因為只要你微微用上下顎一壓，啲魚油都會好似榨汁咁樣湧出嚟，咦種好似比塊拖羅口爆嘅感覺真係畢生難忘！先唔講魚脂嘅份量已經有幾刺激味蕾，三文魚本身嘅香味都非常濃。而且唔會因為油脂味太重被搶過，而係兩者嘅香味互相切磋、互

大圍小巷中原來有呢間環境非常日式既餐廳，真係好似去左日本食居酒屋咁。前菜叫左月見免治雞肉棒（＄32)，燒得有少少乾身，不過點埋蛋豉油都不錯。之前係日本食過既明太子醬淮山（＄28)，估唔到呢到都有，淮山燒得好香，帶有些少焦香味，再加上明太子獨有既香味，雖然係素食但都非常好食！日式雞骨腸（＄28)，腸仔包住雞骨，好香既肉味加上雞油香。食完前菜就進入omakase既部分，我地叫左菊（＄600）。油甘魚刺身，非常厚身，食落肥美並有濃濃既魚油香味。紅鯛魚刺身，做法好特別，燒到個皮脆身香口，再配合埋鯛魚本身濃厚既魚味，好夾！黃花魚一夜干（＄128)，一夜干既做法令魚本身乾身，魚既香味亦都大大提升，再加上燒魚既香味，令成道菜都非常惹味。帆立貝刺身，好大隻呀真係，見到都已經好開心，食落都好鮮甜，但我成日覺得中間塊檸檬蓋過左少少帆立貝既甜味，我會prefer唔好擺。大拖羅，超級肥美，入口既溶，但相對上魚味就少啲。金目鯛壽司，鯛魚新鮮，魚味夠重。活赤貝壽司，本身對赤貝無乜好感，但呢個赤貝付我改觀！首先舊赤貝非常大舊，入口好滿足，而且佢厚身得黎帶點爽口，而且好濃貝類既海水鮮味，好正！牡丹蝦，我既至愛，呢隻

今次見去開大圍就搵下附近有咩好野食🍴比個名吸引左【風流】居酒屋🎏至上次系大埔第一次去居洒屋,今次系第二次喇😆其實都幾難搵😅原來留意頭頂位置有個黄色招牌縮左系條巷仔入面,門口擺左間小木屋招牌去到可能適逢小周末,話full booking得返吧枱難得黎到吧枱都照剎🔪入到去地方比較窄對壽司刺身一向麻麻地既我嗌串燒多🍢牛油粟米🌽估吾到甘大條原條上😱牛油好香粟米好甜七味雞軟骨改不掉壞習慣食食下先記得影相📷加上一上枱已經聞到好香忍吾住自己食先其實本身系好大碟咖醬汁大啡菇師傅會將個醬另上,照顧到鐘意鹽燒既人不過我就幾鐘意個松露醬蒜蓉燒廣島蠔woo~好香好香蒜蓉味呀d蠔都算大隻肉質好爽口月見免治雞肉棒大鄉里第一次食不過接受吾到撈埋蛋點汁食厚燒牛舌心我既至愛食左甘多間串燒終於食到一間系好食咖喇點好食?系爽咖!!吾un又吾會系炆林果種仲要系個面脆入面好juicy所以最後都再追加多一串阿波尾雞心平時好少食雞心,定系好似未食過即管嗌黎一試先原來系甘好食咖,吾同雞肝既質地系爽口吾系粉,不錯!!焦糖菠蘿🍍點解可以甘出色咖?燒菠蘿食得多宜家哩個加埋焦糖相信鐘意食甜既一定系必嗌面頭脆脆既焦糖包住入面非常juicy既🍍

大圍貼地廚師發板·おまかせ🇯🇵🍣平時大家食Omakase都要千千聲，究竟$600 Omakase有咩食？😋「菊」小鉢刺身五點五貫寿司席卷一本牛肉烏冬甜品*先上前菜小鉢有螢光魷魚、蟹膏蟹肉及鮟鱇魚肝，最欣賞蟹膏蟹肉，味道極鮮。右口魚薄切刺身右口魚薄切刺身配上特製酸汁，質感軟潤味鮮，師傅刀功了得。油甘魚質感軟腍，魚油味挺香。鯖魚呈透亮粉嫩色，閃亮的魚身非常奪目，鯖魚脂肪含量較多，魚肉肉質嫩滑柔軟，細膩鮮味，滿口魚鮮，餘韻在口中久久不散，再配以薑末及香蔥作調味，為其擗腥，鯖魚的甘甜味更顯突出。超大隻牡丹蝦刺身😍牡丹蝦晶瑩剔透，呈迷人的粉嫩色，肉質肥美，味道鮮甜可口，帶有爽潤粘口的質感，甘甜新鮮的味道，實在令人驚嘆！拖羅帶有迷人粉嫩色，質感油潤軟腍，魚脂極香口，拖羅帶有魚鮮，非常肥美。深海池魚壽司池魚肉質結實，咬落爽脆富有彈性，味道鮮甜油潤，手握醋飯酸味適中，不易鬆散。帆立貝壽司帆立貝面層充滿光澤，味道非常鮮甜，肉質肥美可口，質感既爽口又嫩滑，油潤感覺叫人難忘～海膽軍艦海膽色澤金黃飽滿，入口嫩滑creamy，味道甘香鮮甜，沒有一點腥味，而且份量不少，非常豪氣呢！接著出場的壽司是火炙左口魚邊壽司

同朋友慶祝生日，5人食，食物份量超級小，野又貴，無人食得飽，完全無甘既價值。無下次海膽壽司 有兩款，價錢相比，係double價。朋友話想試，各叫左一set.最慘係1 set 得兩件但無乜驚喜final 賣單，八百幾左右 完全覺得唔值。上去間野地下鋪好細，我地要上3/F 樓梯勁長，又窄，有個朋友跌倒了，手又受傷。職員藥水膠布也無，後來先買支黃藥水…完全中伏 ,好唔掂。係大圍做到生意，仲要呢個價，真係完全surprise...

三月既生日飯，排到三月尾先食到～哈哈～朋友推薦呢間係大圍既居酒屋，食物質素高，又坐得舒服～距離大圍火車站不遠，不過有機會Miss左個門口其實個燈箱都好明顯～係啦！就係個度！你行入去，就會食到好野架啦！朋友拍板叫左 菊 omakase $600Omakase唔需要再多介紹了～大家都知係廚師發辦～估唔到大圍都有！咁唔駛下下都出銅鑼灣尖沙咀先有得食麻～首先黎個 小鉢Side Dish有我最喜歡既蒜頭漬超邪惡，但又好食又好香口既蟹肉蟹膏魷魚都好好食，不過我自己本身有少少怕連頭食既野刺身五点 大拖羅 (左後)，油脂香味很濃～深海池魚(左前)同牙帶魚(後中)，點酸汁就最好食！深海池魚係季節限定，肉質厚實，認唔住要追加添呀～帶子（右後），十分之厚大～ 肉質甜美～帶子放係檸檬片旁，沾上少少檸檬香氣，感覺很refresh~ 赤貝（右前），爽口，濃濃既海鮮味，我好鍾意～刺身件件都厚切，又十分新鮮！質素超卓！單單係刺身已經值回票價啦！五貫壽司 & 席卷一本中排：左口魚裙邊壽司、蝦壽司前排：金目鯛壽司、 鰝池魚壽司、拖羅壽司後排：吞拿魚茸小卷，雖然已剁碎至茸，但其香氣仍未流失～小卷令人回味。牛肉烏冬十分之好食

今日下午喺OpenRice搵緊今晚食乜好，先知原來大圍有呢一間居酒屋，果度職員好好，一收到我喺網上嘅booking就打俾我confirm，好有效率同清晰。去到發現呢間居酒屋係喺巷仔入面，唔怪得平時行過都冇為意。呢度一行入舖面就係吧檯嘅位置，侍應帶我地上去先發現原來上面都仲有2條樓梯通去唔同嘅房仔。我地坐果間房有3張枱，空間細細，都幾岩兩三個朋友黎傾下密計。而且房入面有mon係駁左日本嘅電視頻道，我覺得氣氛幾好。餐牌選擇都幾多，而且都幾吸引。鹽燒海蝦好抵，30蚊有2串，食落係有膏嘅，而且啲蝦肉結實，應該幾新鮮。翠玉瓜有啲苦，不過係我地唔好彩姐，人地點知果個瓜苦定唔苦。雞皮同雞腎都好食，雞翼係超水準，大隻又好食。芥辣八爪魚軍艦都好食。我地仲叫左個叉燒烏冬，$48，清清地又唔貴。

閒日放假，上開飯仔搵下大圍有咩好野食本身都中意食日本野，見到一間叫「風流」居酒屋的晚餐有不少好評，但午餐的評價不多，於是就去試試。很多選擇，最終選了香蔥吞拿魚蓉飯。等左一陣，就有得食，吞拿魚蓉份量不多，比正常份量少，之前在其他地方食過的吞拿魚蓉的顏色都是粉紅色的，但這裡的吞拿魚蓉卻是淺啡色的印像已經一般，當時非常餓的我，唔理咁多，即刻食番啖先！點知......飯唔係軟綿綿的又淡口，好似無落醋咁，食多幾啖先嚐到少少壽司醋，再食又無咩味道，飯既質素好差吞拿魚蓉唔香又唔新鮮，呈淺啡色的，只是切碎了的吞拿魚肥膏位同根位，沒有真正吞拿魚肉蓉，成碗飯靠紫菜碎同芝麻離吊味，因為我本身好肚餓同唔想浪費食物，所以勉強食左8成，之後再食唔落啦實在太難食啦！從來都無食過咁難食既吞拿魚蓉飯！連標榜碟碟8蚊的連鎖壽司店既質素都好過呢度好多好多！我明白這個午餐價錢唔貴，閒日少人幫襯，但都唔駛比d咁差既質素既飯比人客對呢間居酒屋印象極差，唔會再幫襯！

風流居酒屋.大圍的一條小巷裏 有一間很有日本風味的小居酒屋 除一般的燒物之外 也有平價版的廚師發辦🍣 1️⃣前菜小砵: 瑩光魷魚/蟹膏蟹肉/鮟鱇魚肝 2️⃣刺身五點: 池魚/油甘香/ 金目鯛/左口魚/大拖羅3️⃣壽司五貫: 海膽/三文魚子/赤貝/帶子/吞拿魚4️⃣吞拿魚蓉小卷5️⃣牛肉烏冬6️⃣甜品刺身與壽司的質素當然不能與價錢貴一倍的高級鮨店比 但要是想一嚐廚師發辦 也是個不錯的入門選擇😌牛肉烏冬也不錯 牛肉嫩滑 要是烏冬再彈牙點就更好了☺️

位於大圍的 風流居酒屋最近推出超便宜的Omakase套餐。同樣可坐上吧台吃壽司，不過跟真正的廚師發辦則有點不同啦，偏向居酒屋的風格，只是每道每道菜呈上，但質素也不錯的。Omakase $600/位Omakase包括: 五種刺身，五種壽司，牛肉烏冬和甜品。刺身包括: 左囗魚邊，深海池魚，油金魚，金目鯛，中拖羅。薄切的左囗魚邊，肉質爽脆，需點上酸汁食用。深海池魚和油金魚勻屬厚切，但味不夠濃。金目鯛炙燒後，魚香味濃，好好吃呢。中拖羅則軟腍肥美，魚油很重呢。壽司包括: 赤身壽司，赤貝壽司，赤蝦壽司，帶子壽司，三文魚子壽司，左囗魚邊壽司。當中帶子壽司和炙燒左囗魚邊，帶子軟滑，魚邊魚油充足，味道不錯。只是三文魚子壽司的紫菜快速腍掉了，烤一烤更好啦