GāGǐNāng 飯館 (Closed)

一直以來心目中潮州菜就是傳統的蠔餅和蠔仔粥聽聞海港城新開了一間精緻的潮州菜我就來試一下平日黃昏過去店子只有幾圍客人店員很有禮貌安排我們坐在窗口位，景觀飽覽碼頭和對岸景色前菜是咸酸菜和麩片我把咸酸菜吃得一片不剩咸，甜和酸味調教適中十分開胃麩片香菇一貫油膩， 我還是少食先上了護國菠菜羮（$108）味道比較清淡潮汕紅燒蜂巢豆腐（$148）主要吃醬汁和蜂巢豆腐配合穩打穩扎正當我認為這裏跳不出普通食店的格局欖菜焗虎蝦（$298）上枱讓我們精神一振聞到欖菜的香味已讓我垂涎三尺🤤虎蝦鮮嫩啖啖肉加上煎鬆了的欖菜咸香味非常新奇但配合今天上菜十分有層次當吃完惹味的虎蝦端上了六公館海膽燴飯（$268）原來除了海膽還有不同種類的松茸香味已飄滿整張桌燴飯口感像是risotto海膽和松茸的味道十分濃烈每一口都吃到不同層次最後選了不會太甜的桂花烏龍蒙布朗（$128）作結茶味香濃但不嗜甜的我還是淺嚐

難得聽日公眾假期端午節，約左閨密食中菜慶祝下，順便放工去海港城購物購物！有間新開中式潮州菜，就「格GI躝」一下！一坐低俾佢個境嚇襯！靚到成個海景都睇到，既有情調又浪漫！點左個川貝枇杷燉鱷魚肉（$188）同閏密傾計潤下喉，上菜時點住火坐暖佢，傾到入哂神都仲暖粒粒，入面仲要好足料！要慶祝當然唔少得點啲炸物、開胃菜香芒他币蝦球（$288），啲沙律醬加芒果汁調教得剛點好，用來送飯送到舔舔脷！蝦球都相當新鮮，肉質唔會爛容容！心郁郁好想食魚，除左醋菜魚就條星斑！價錢略貴—— 荷花蟲草星斑球$468，但真係好厚肉，四個人都夠食呀！內質好嫩滑，吸哂荷葉同蟲草香，蟲草花入哂味，一啖過食哂感覺更佳！

最後點少得我地最愛甜品！叫過桂花烏龍蒙布朗 $218 完成今日美滿嘅一餐晚飯！烏龍味濃郁，碟邊啲配料都好正，猶其個梅乾！
仲有最抵贊個口罩套，非常細心！

晚上試吓新開嘅飯館，同六公館係姊妹餐廳。餐廳內大約有100個座位。我哋點了4樣食物及一壺菊花茶。1）胡椒豬肚湯一客2）海膽燴飯3）茶燻雞4）桂花烏龍蒙布朗小食及茶芥另外收費胡椒豬肚湯夠辣，海膽燴飯只有兩人份量，入面有羊肚菌，好濃郁嘅菌味，幾好食，冇溜的感覺。查分雞去骨上碟，有濃濃嘅煙燻味，雞件很嫩滑。甜品桂花烏龍夢布朗都好好食，唔會太甜之餘，忌廉亦沒有太滯的感覺。以上嘅食物，色香味俱全，只是價錢不平民。加一服務收費，可訂檯。

為慶祝媽咪生日，就揀咗哩間創新潮州菜餐廳🍴餐廳裝修帶有中式味道之餘又有現代建築感，環境寬敞，一邊欣賞維港夜色一邊享受美食，真係好正❤️😆1️⃣魚籽鵝肝鹹蛋酥擺盤精緻，香濃嘅鹹蛋酥配鵝肝好夾呀😆2️⃣香芒他他蝦球🦐 爽口嘅蝦球配特制他他醬，必叫菜式！👍3️⃣荷花蟲草星斑件 魚肉非常新鲜又滑，配上蟲草感覺好補身4️⃣潮州糖醋煎麵 幾特別嘅菜式，表面脆身，配上意大利黑醋同黃糖👍5️⃣桂花烏龍蒙布朗 桂花烏龍慕絲食落好Fresh💕 加上蛋白餅、芝麻薄脆增加層次，仲有薑糖、花生糖等伴碟🤤6️⃣金瓜福果芋泥芋泥好滑，馬卡龍好食7️⃣金鉸剪腸粉 講賣相已經滿分💯 腸粉帶有濃濃椰子味👍期待下次中午時間試吓佢哋嘅點心呀🤤💕

1️⃣ 北海道帶子春菜沙律 $168起初以為係一盤嗰啲沙律🥗原來係一粒帶子切片🤣再加半條春菜再切條😂嗰兩行黃色係酒味嘅醬🍾紅色一粒粒酸到飛起😹味道就不過不失～始終都係食環境🌃+相機食先📷計埋加一差不多$200一粒帶子絕對有更好嘅選擇😎/2️⃣ 香蔥和牛炒脆米 (即係炒飯🤣) $188呢個就出色好多喇😎雖然和牛超級小菜多😥但夠鑊氣夠味加埋脆脆好有口感✌🏻/3️⃣ 前菜 $28酸菜+豆卜+辣椒油🌶️酸菜ok 係甜嗰款酸菜我同侍應講想加多啲辣椒油佢先講要另外加錢買多份😂前菜同水都要收錢但唔一早講聲因為好多人平時都唔會另叫野飲/酒就係咁加水 埋單先知原來每枝水咁計錢😂/4️⃣ Trimbach Gewurztraminer White Wine $138 落單後上網睇下枝酒幾多度先🥂見到$198一大枝😂sosad🤣食物一般但有美景搭救晚市進餐人數不多但十分十分嘈

尖沙咀向來係各式美食匯聚之處，要數多選擇而又可以食埋景觀，鄰近碼頭坐擁維港海景嘅LCX實為頭號心水。附近有多棟商廈、寫字樓，即使疫情底下中午時間仍食客不少。入座先送上前菜，咸酸菜鹹中帶酸、爽脆清新，烤麩筍片醬油香濃、稔軟多汁，兩者一清一濃，惹味開胃。揀選咗清淡而甘香嘅菊花，毫不濃澀嘅青茶帶淡淡青草香，解渴同時消滯。雖然係潮州菜館，點心種類同一般酒樓無大分別。價格偏高，但以LCX地段以言尚算合理，茶芥盛惠$25一位。蝦餃燒賣絕不可少。燒賣大粒飽滿，豬肉混和粒粒鮮蝦，口感結實，中意有咬口嘅人可以一試。白兔造型蝦餃，小朋友一定中意😍餃皮偏厚身煙韌，相對無咁易散，蝦肉鮮美爽口，配上菜館提供嘅XO醬，增添咗香辣鮮味進一步提升。初嘗欖菜餃，粉皮質感濕潤軟糯，輕薄易破，裹有菇絲欖菜內餡，鹹鹹香香，有啲似茶粿嘅風味。上海人早餐一定要配包點，一見有大包即刻剔紙🤪雞包有拳頭大小，包身熱呼呼、好鬆軟，餡料豐富，有雞件、豬肉、火腿塊、菇片，飽足感十足。加入潮州風味嘅鵝片撈粗。粗麵比一般車仔麵嘅幼身，以滷水汁拌勻調味，鹹甜適中，五香味突出，好香；鵝片切絲，份量頗多，佔三分一比例，每啖麵都食到有肉👍🏻👍🏻

[🇭🇰香港- 尖沙咀].🔻六公館嘅姊妹店,專食新派潮州菜,餐廳午市有點心供應,傳統嘅點心fusion咗少少,好似蝦餃整到兔仔造型,推介"梅菜黑豚包","小梨子咸水角","手撕鵝肉撈粗麵";另外“脆皮和牛脷”係必食;係海港城裏面位置都算方便,相比酒樓嚟講坐得舒服,食物嘅質素都唔差👍🏻.🔻🍽 GāGǐNāng 飯館📌 地址: 尖沙咀廣東道3-27號海港城海運大廈3樓OT310號舖.#tummysready #tummysreadytoeat #tummysreadyinhongkong #tummysreadyattsimshatsui #tummysreadyforchinese #tummysreadyfordimsum

#嘆住無敵維港海景食「潮菜」食得多傳統潮州菜，又想有點新意，可以試下尖沙嘴海港城新開的GāGǐNāng飯館，融合中西新舊食材和煮法，更加入本土特色嘅創新「潮菜」。入到餐廳感覺同傳統打令舖感覺完全唔同，餐廳寬敞舒適，仲可以嘆住無敵維港海景食晚飯，簡直係視覺和味覺嘅享受。呢度嘅食物精緻美味，今次點左自選嘅滷水拼盤，簡左鵝肝、鵝片和大腸，剛好一人一件唔怕多食會感到肥膩，肉質幼滑入味。食完冷盤，再黎一個胡椒豬肚湯醒醒胃，豬肚爽林，湯底濃濃嘅胡椒夠香辣驅胃寒！而呢個香芒蝦球夠曬吸睛，啖啖肉的蝦球配上清甜香芒他他醬，食慾即時提升～最後食埋個海膽炒飯，感覺有點似 risotto 意大利飯，creamy 飽肚仲好入味。- GāGǐNāng 尖沙咀海港城海運大廈OT310OT310, Ocean Terminal, Harbour City, Tsim Sha Tsui-

星期二同老公去咗尖沙咀海運大廈食飯， 一上到去就畀好漂亮嘅景色吸引住。對住維港嘅無敵大海景 ，成個餐廳嘅佈置仲好grand添！.我哋揀咗：六公館黑毛豬叉燒 /法式封油鴨沙律/ 黃金反沙芋條伴公爵雪糕/ 六公館海膽燴飯/ 日本舞茸菇浸大芥菜。.必食推介嘅六公館黑毛豬叉燒果然名不虛傳，入口即溶，仲好juicy添！.法式封油鴨沙律 十分特別，喺好新鮮嘅沙律菜上面，仲有一塊塊外脆內軟嘅鴨片，好好味！.六公館海膽燴飯係我至愛， 飯汁十分之香滑，再配有大大塊新鮮嘅海膽喺上面，令到味道更加濃郁～.侍應仲好細心幫我哋揀咗個 日本舞茸菇浸大芥菜㖭！佢話過菜淋淋地啱曬阿女食^^.最後上埋個甜品 黃金反沙芋條伴公爵雪糕， 雖然等咗成十分鐘先到，但係見到成個擺設同埋乾冰做出來嘅煙霧效果，覺得十分值得！雪糕亦都充滿香香嘅茶味 ，食完係口入面不斷回味～

🎂與家人都喜歡吃中菜式💙配上維港夜景環境舒適💚員工好客又熱情的服務❣️與六公館同一集團的呢🦋叉燒是一定必定要吃啊🌈知道我生日仲送上蛋糕🍰真的很sweet 很細心呢🥂大家都快d 一齊去試下啦😝

I feel bad for the chef and owners...... the food and ambience is great but a few bad apples really can ruin the whole image. Called over 10 times for a reservation.... phone was not answered once during their opening hours, finally when they answered I was met with the most unbelievable response and attitude. When I stopped her to ask why the attitude, she froze and hung up the phone. Despicable.

兩公婆行街經過見到間餐廳個名幾得意。我係潮州人當然知道呢間係「自己人」菜館。太太嘅口味已經比大多數潮州人嘅更加潮州人，所以就訂張枱今日同兩個女嚟飲茶。餐廳環境唔錯，佈置比較西化，對住維港靚景。點心以廣東點心為多，中等價錢，比酒店中菜廳平，比街坊酒樓貴。蝦餃唔錯，幾鮮味，灌湯餃幾夠料，有原隻瑤柱，點心一般都唔錯，唯獨鮮蝦腸粉較差，啲蝦又嚡又冇味。潮州點心叫咗個韭菜粿，太太話皇后街街市曾記嘅好食啲同平啲。甜品叫咗個好耐冇食嘅清心丸綠豆爽同埋個外型好有特色嘅鳥巢布甸。

聽朋友講 逢星期一至五飯館下午三點至五點會有放題優惠 而且味道唔錯 於是我早三星期已經預訂左星期日去試試雖然星期日冇放題優惠 但因為友人極力推介 於是去試試 位置好容易搵 位於尖沙咀海運大廈LCX門口附近店舖裝修亦都不錯 坐得幾闊落而且幾舒服 仲有海景望每個人座位上 仲有一個口罩套 細心👍🏻由於今日係星期日 冇放題優惠 所有點心都係要單點 而且呢間餐廳係主要食潮州菜 於是點心都係要潮州菜為主春風得意腸粉 $58初初我以為春風得意腸粉係包着油條 但係呢間係包住春卷 而且得兩條 份量好少☹️燒賣 大部份點心只係得三粒 而且比較細粒 好正常既燒賣雖然叫欖菜黑豚肉包 但係一啲欖菜味都冇 而且呢個其實係我地叫豬肉包 唔juicy完全無特別😖一般的韭菜粿潮州粉果都係有三粒 但我食左一粒先影相 冇特別的糯米卷棉花雞呢個棉花雞只係得兩舊雞 但個價錢要$58 完全唔成比例 本身我對呢間餐廳充滿期望 但結果我用失望去形容 其實我覺得收得人呢個價錢 就應該俾多少少份量 點心份量又少 而且大部份得三粒 老實講尖沙咀大把其他酒樓選擇 我完全諗唔到要再去呢間餐廳既原因 我唔會再去呢間

感覺非常差的一間餐廳。如果你淨係食景咪ok囉首先，我遲左十分鐘才到，朋友準時到達，一黎到問都冇問直接想開支sparkling water俾我朋友，我朋友stop左佢 問佢sparkling water幾錢（價錢我是忘記了）但其實呢間係中菜館 佢係有收茶錢既 但not until我地問係咪有茶 佢先話係呀 跟住先問要邊種茶。到我黎到，短短幾分鐘 waiter多次打斷我地對話 問我地叫野食未🤷🏻‍♀️ 眼看冇人排隊、有好多吉位、而且只係7點幾 廚房未收爐吧？我唔expect呢個價位既餐廳要rush我快啲叫野食 快啲食完走人 整個customer experience好差到食物方面 叫左signature（好似係）鵝肝鹹蛋蘇 好一般 知道係凍食 但配搭上似係凍左果種口感 唔係凍食都好食果種 而且個鹹蛋蘇好似係街度買番黎果種😂😂 都係果句 呢間餐廳既格調、定位 我會對佢有expectation 由於幾失望 之後叫左個炒飯 同埋甜品反沙芋之後 我都唔記得仲叫左啲咩😂個反沙芋又係唔好食 出面糖太厚太硬

海港城依間新嘅潮州菜, 見到個裝修加埋靚靚海景, 同埋廚房師傅們個班底已經知唔野少, 終於放工搵到班同事一齊去試試佢 .. 呢度好多菜式都好特別. 味道 擺設 配搭都做得好到位. 我都忘記咗有幾耐未試過食一餐飯一路食 一路讚. 識識吓大廚洪師傅仲出嚟同我哋傾吓計設計菜單嘅心得.. 好親民- 首先講吓佢個滷水鵝肝先. 佢做一啲都唔乾. 烹調時間控制得啱啱好. 食落去個鵝肝味夠哂香. 拼埋個滷水豆腐 呢個配搭真係一流 😋- 封油鴨髀沙律. 封油鴨髀好容易會做到乾柴. 好好彩今次食到四個字「皮脆肉滑」. 最趣緻嘅係碟旁擺左幾粒西瓜roll左啲芝麻. 口感好清新 🤗- 香芒他他蝦球（一人前）. 香芒醬汁包住蝦球. 而佢汁醬個調味啱啱好. 唔會食到好漏. 個蝦球食落去仲要係脆身. 冇得輸 😍- 潮色凍魚. 好驚喜呢間餐廳選擇咗馬友來做呢個菜式. 魚身油香更重. 肉質更嫩滑. 極度推介👍🏻👍🏻👍🏻- 椰香脆皮雞. 菜式賣相非常精緻. 分量亦不少. 雞嘅皮去除多餘油脂後好脆口. 咬落去嘅雞肉有非常之重嘅椰香味. 🤤- 煎蠔餅. 個蠔餅好似Pizza咁上枱. 仲要係超厚版本. 啱晒我呢啲懶人. 唔使夾