賀喜 (美孚新邨) (Closed)

同事今天相約飯聚, 地點選在他上班的地方附近, 來到這家日本料理, 空間感夠, 座位闊落, 就決定今晚在這兒晚餐。 東京什錦魚生盛，當然有三文魚、油甘魚、八爪魚、活帶子 赤蝦、油甘魚、拖羅等，好肥美！又鮮！無得彈！ 其中赤蝦質素最佳, 鮮甜軟潤, 是拼盤中最好食的。 松葉蟹腳沙律， 松葉蟹腳刺身鮮甜，蟹籽既份量夠多，沙律鮮甜又夠爽！雜錦天婦羅，虎蝦入口外層香脆，炸漿感不重，而蝦肉亦夠新鮮爽彈，而一口番薯天婦羅的味道真的超級香甜，一啖一粒的相當滋味。是日廚房推介是厚燒鰻魚玉子，當然不可錯過！ ，層層堆疊綿密鬆軟的蛋皮，包容捲起甜蜜美味的鰻魚，讓人頓時幸福滿點。 整頓飯令我們最難忘的, 是師傅熱心工作的態度, 每事為客人設想, 做到最好, 實在很窩心, 很令人感動, 服務100分, 在這間店, 人情味比食物更加可取呢。

估唔到美孚都有隱世日本料理，今日好好彩我同個同事放工經過美孚，搵到呢間日本餐廳，Yeah!我哋叫咗壽司刺身同埋天婦羅，樣樣都非常之出色。壽司我哋揀咗加州卷，幾好味！我哋揀咗個東京豐州刺身盛同埋刺身-間八，啲刺身非常之新鮮，魚肉好鮮甜，好refreshing! 佢個炒飯亦都好夠味，啲飯炒得好乾身，無得彈！我食埋個苦瓜天婦羅，口感超好，卜卜脆嘅天婦羅就好似食snakes 咁，食到我哋好開心。最後食埋個南瓜露，佢嘅南瓜味好清甜，又係冇得彈！呢一餐真係大滿足！

#賀喜中午打算吃一下清新的日本菜最近子吃太多東南亞的食物有點想吃吃別的找到美孚一家日式店吃個 #和風午餐 ！今天點了夏令御膳大阪汁煮牛舌一聽名字就覺得好厲害好高級的菜一來！東西很多師傅做得不馬處連配菜也不少！牛舌煮得很入味做得很軟不用咬好久！而且很在咬口能夠保持牛質的那份鮮嫩沙律方面菜很新鮮和風醬汁很開胃玄米茶是茶包的是傳統的日本料理必備的茶品之一一百多元的午餐雖然有點貴但勝在食材新鮮烹調夠入味份量多所以以香港物價來說算是化算的

🐷🐷🐷▪️東京銀座天婦羅定食 ($158)依個定食配埋三色刺身，白飯，麵豉湯同夏令甜品。天婦羅方面炸得香脆熱辣辣上碟，當中表現較為出色既係炸蝦🍤入面香口彈牙唔會淡味。不過就略嫌炸得都幾油，對女士終身事業黎講係一大威脅😹 三色刺身選用左香港人最常食既三種，啱曬大人細路，而且新鮮厚肉，不愧為專做日本定食既餐廳！〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️東京築地八本壽司配加州卷 ($168)係最常食到既八種壽司同加州卷👻 份量上一啲都唔係交hea貨，甜蝦壽司選用既蝦隻係連鎖店食到既1倍size✋🏻 依間既海膽就無咁鮮味，可能我撞正左批無咁正既貨。不過份量搭夠，海膽份量一啲都唔吝嗇！呢個餐都係跟麵豉湯同甜品。果日夏令甜品係南瓜蓉。100分呀！ ！咁大個女好少食南瓜嘅甜品，今次清涼鮮甜既南瓜蓉為我留下左個好印象😋〰️〰️〰〰️️〰️〰️〰️4/5🐷〰️〰️〰️〰〰️️〰️〰️🔸Overall ($326+1)📍賀喜 (美孚)美孚美孚新邨第5期蘭秀道1-24號地下N2號舖

兒㽒女生日，點名想食呢間日式料理，真係冇介紹錯，呢度既刺身好新鮮，食物好有質素，好好味，性價比高😋呢度有dd居酒屋feel, 不過餐廳唔算大，如果人多，會比較難等位，建議早d到！

好耐無食日本野，但係兩個雞仔胃又唔想食放題，搵左間日式小店撐下枱腳。入去坐低，侍應十分有禮貌👍🏻餐具有店舖名，雖然甩甩地，即係有番咁上下歷史。餐牌入面選擇好多，睇到花多眼亂😂先黎一份刺身，有我最愛嘅帆立貝同埋甜蝦，好鮮甜。再嚟一個壽司set，刺身同飯嘅比例啱啱好，再配上芥末豉油，正。呢隻蠔，我可以獨享😍係我最愛嘅海水味，但係都無損隻蠔既鮮甜味😍😍😍好似我最愛嘅fine de Claire 😍套餐既麵豉湯，唔太鹹👍🏻再嚟過叉燒蛋包飯，切開中間仲有少少係滑蛋，入邊嘅叉燒切到大小剛好，而且10分足料👍🏻呢個師傅親手製嘅南瓜露甜品，真係不得之了咁好食！難得我朋友唔鍾意食南瓜嘅，都食晒。

「喂！你成日去果間大圍日本野，大師傅去左美孚。」 做日本貨的朋友某日忽然聯絡我叫我要去一次美孚店。坦白說，又不是頂級餐廳， 師傅的高低真的很大分别嗎？ 何況那邊的手藝也不差…不過在朋友邀請下，還是去試一次。結果？當然是大驚喜。一入到餐廳內，接近滿座六十多個座位，只有一名大師傅和一名助手。循例坐在壽司吧前，看著師傅行雲流水，沒有多餘動作地完成一張又一張的單，動作夠快，成品也好看。的確令我信心大增「不要太麻煩師傅，我們點些熟食吧。」朋友說。所以就先點上一客蟹子沙律和蛋包飯set。 蟹子沙律算是香港日餐的定番，每家餐廳都會做，但背後還是有些學問，蟹柳的來貨，青瓜會否過軟，還有沙律醬的調味。這裏的成品就十分不錯，沒有雪味也沒有過冷，愈簡單愈看到真正的功力。蛋包飯隨後也到了，日本蛋用上傳統的關西調味，飯炒得粒粒分明，個人其實是偏好茄汁飯做內涵，但這裏的炒飯確實做得好。附上的鰻魚卷有著淡淡的山椒香，加上能多令卷物入口即溶的好手勢。吃得我和友人滿心歡喜。其實一直在觀察大師傅手勢的我，覺得大師傅明顯是有實力的，也有許多好魚料。但最讓我在意的是這一件-劍魚。劍魚油份重，但在眾多魚料中最容易有腥味和雪味。

美孚有一間日本料理叫做賀喜，餐廳有吧枱可供選擇，所以我哋今日坐係吧枱一邊欣賞師傅整壽司嘅過程，一邊耐心等候我哋叫嘅嘢食。望住師傅整左幾盆刺身之後，我哋叫咗一個刺身，原條日本池魚$238，師傅將原條厚切後，都有十多塊，池魚特別鮮甜，亦有很濃的魚味，原條新鮮切出黎，果然唔同d！食完之後店主仲幫我地將池魚攞去加工，仲炸到熱辣辣同脆卜卜！我哋仲叫咗一個加州卷$52 ，有六舊加州卷，加州卷上有滿滿的蟹籽，飯質幾軟身！燒物方面，鹽燒油金魚頭$128和雜錦天婦羅🍤$95鹽燒油金魚頭煩得十分香口，皮脆魚肉嫩，魚皮燒得非常甘香，唔錯最後就係雜錦天婦羅，有兩隻大蝦，冬菇、南瓜、秋葵、茄子等等，薄薄的粉漿，令整個天婦羅層次分明，亦唔會炸到好乾！✌🏻

唔係朋友入伙，都唔會去美孚， 參觀完之後 順便請佢食晚餐😍由於她住第五期關係 ，樓下已經很多食肆， 揀咗間 的的色色嘅日本料理"賀喜" 餐牌選擇好多，我地 就揀咗大阪二人前料理🍣有蟹子沙律北海道精選4點雜錦刺身， 油甘魚🐟，三文魚， 北海道甜蝦🦐， 同埋活赤貝。 油甘魚非常厚身 ，入口充滿油香， 三文魚 十分鮮味， 甜蝦鮮甜彈牙， 赤貝很爽口😋😋極上雜錦壽司盛拼招牌卷二本， 藍鰭吞拿， 日本帶子 三文魚腩 玉子豆腐 蟹子， 我兩款卷物 ，蟹籽，飛魚子， 玉子 ，用鰻魚鋪咗喺上面， 口感十足雜錦天婦羅， 大蝦大隻， 紫蘇葉 ，茄子，南瓜，蕃薯，冬菇， 十分薄脆卜卜🍆🥔鹽燒三文魚餃，魚皮燒到卜卜脆，很多油脂， 很香😋😋冷稻庭烏冬， 滑而且彈牙， 好大碗呀好飽啦😂甜品哈密瓜 十分清甜爽脆。 此間少少的鋪頭服務十分周到， 食物新鮮 價錢大眾化👍👍

今日收工同同事去美孚食飯聊天，我好鍾意食日本菜所以係附近問人有冇日本菜食呢？街坊介紹蘭秀路嗰邊有三間日本菜館，我過到去揀咗了一間叫賀喜。我倆坐低後每人負責叫一個菜，然後大家共享，我朋友叫咗個東京豐州刺身盛加配海膽黃金卷，我最喜歡食飯，只有了3件壽司是不能滿我的於是我再order個蛋包飯配賀喜招牌卷三本。刺身盤有鮮甜的鮮蝦、厚切的三文魚、彈牙的八爪魚、鮮味的帶子，還有味美的吞拿魚＋大大件鰻魚壽司同海膽黃金卷，海膽非常新鮮，正。跟著待應遞上一碗鰻魚炒飯，我O咀地説我們沒有叫，待應回答是跟刺身的，嘩一聲，太豐富了，於是立即吃一大啖，炒飯不太濕、有咬口。跟著再上一個蛋包飯跟鰻魚壽司同麵豉湯，我2互望一下，又繼續食雖然有點飽但係個蛋包飯酸酸地非常開胃，最後仲有小甜品，這餐大件夾抵食應該多一位朋友都夠食。由於我們不想浪費食物，各自攞出飯盒打包，明天加些菜就可以做lunch啦。

本人在美孚附近上班有一間日本料理餐廳bookmark了很久今天終於有機會一試🍽三文魚壽司三文魚厚身有口感入口很滑🍽吞拿魚壽司食落完全無根 魚味濃郁吞拿魚油潤甘香🍽北海道甜蝦壽司每一件用上兩隻甜蝦甜蝦鮮甜黏口 無雪味🍽池魚壽司池魚上面加上少少薑蓉首次嘗過這個配搭薑蓉能帶出池魚的鮮味🍽韓國馬糞海膽壽司海膽份量多 完全不吝嗇韓國馬糞海膽非常新鮮食落鮮甜滑溜又creamy🍽鹽焗銀杏第一次嘗試岩岩焗完就上枱超級熱 要等超過5分鐘先剝到殻幾新鮮 不過個人不太喜歡銀杏 中間少少苦🍽海鮮炒烏東用料充足 醬汁是大阪燒醬整體配合得幾好

姊妹住美孚，中學既時候成日會一齊去美孚自修室溫書，之後就好少去喇。呢日搵開佢順道一齊食飯，佢好鍾意食壽司，所以去食日本菜。打開menu覺得樣樣都好吸引😋，最後揀咗大阪蛋包飯配賀喜招牌卷3本（配麵豉湯，夏令甜品）（＄148）同埋東京築地八本壽司併加州卷2本（＄168）。自己鍾意食大阪燒，而蛋包飯用咗大阪燒醬，燒醬同d飯既味道好夾，飯入面仲有叉燒粒👍👍招牌卷上面鰻魚既魚肉嫩滑，仲有炭燒香正呀！🤤姊妹對佢既東京築地八本壽司併加州卷2本都讚不絕口，一上碟已經覺得d魚生新鮮又肥美😋 無論係海膽定三文魚抑或北寄貝都冇腥味，食完之後一直話好正😆跟餐甜品係南瓜露🎃，又香又滑~

今日又搵到間本地日本食店係美孚港鐵站C出口, 大概行5分鐘就到門口已經望到, 好有居酒屋情調餐廳有table位, 亦有counter位, 可以望到廚師為人客整料理食物方面, 好多元化刺身, 壽司, 炸物, 天婦罹, 燒物, 串燒....岩晒食唔食魚生的人客除了單點, 亦有二人前同四人前的套餐店員亦好熱情, 會主動詢問人客有無特別喜好想食咩同埋佢地會介紹返今日主打有咩新鮮時令食物由於多數都係食生文魚, 劍魚, 吞拿魚的刺生今次店員推介我地食---竹簽魚呢客拼盤有3種食法1食) 薄切, 入口好鮮甜, 完全無魚腥味2食) 火灸燒了少許表層, 微香, 比較厚身, 好有口感(不過我食完, 覺得薄切比較好味)3食)聽到相中的魚頭孫尾嗎? 三食就係店員會等你食晒所有刺生之後將魚條拎去炸, 配上檸檬汁食好香脆, 不過有D小骨, 食時要注意小心第二道我地點了卷物好大舊好豐富, 每種口味有兩件配合少許牛油果, 有少少雞蛋同蟹汁, 食感滿足第三道係熱食沖繩苦果真係好好食啊! 完全唔苦加上廚師用了味淋去煮, 甜甜地好好味除左苦瓜同雞蛋, 仲加入左豚肉最後點了三文魚頭又係燒得好香, 啖啖肉雖然係平日晚上黎光顧但

每次財經新聞都會看到提及美孚新村，因為美孚是香港的藍籌屋苑，這個我很少踏足的地方，因為印象中沒有很多出名的食肆，不過友人介紹，我便來到了。座位有三、肆拾個，裝修有點像新派居酒屋。A.東京豐州雜錦刺身盛$175，配日式迷你鰻魚炒飯、麵豉湯、夏令甜品。東京豐州雜錦刺身有油甘魚、甜蝦、帶子、爪魚和間八魚，每款解凍得剛好，各種刺身都很鮮甜美味，其中以間八魚最為突出，間八又名章紅魚，體積比油甘魚小，入口感覺爽口彈牙，廚師以柚子胡椒，帶出間八的鮮甜。日式迷你鰻魚炒飯，醬油顏色雖深，不過味道一點不過鹹，鰻魚被切成粒粒，混在飯內增加鮮味，給予一種另類鰻魚吃法的感覺。J.大阪蛋包飯配賀喜招牌卷三本$148，配麵豉湯及夏令甜品。賀喜招牌卷三本用鰻魚包着牛油果、蛋、蟹柳，想不到四種食物加在一起，是一個不錯的組合。大阪蛋包飯一個經常在日本旅遊節目內看到的蛋包飯，蛋的外表加了些沙律醬和醬汁，內𥚃包藏著加了醬汁的炒飯，吃著時口感豐富，怪不得在日本非常有名。由於吃完刺身，感覺不錯，很有興趣試試壽司，便點了海膽$35、帶子22、梅子油金魚$23、池魚王$35、劍魚腩$35、吞拿魚$27。果然每款壽司🍣都沒有令人失望，

曾經有兩個月時間在美孚上堂，都會在美孚新邨附近搵食。的確，這裡餐廳好豐富。最近重回舊地，發現不少餐廳都換上新面孔。也同時發現，原來一直沒試過它。賀喜在美孚新邨也有一段時間，走居酒屋的路線，沒想到美孚也有居酒屋。坐在吧枱一直看著師傅埋頭苦幹，非常專注，好有型！特上時令豐州手握雜錦壽司盛(十本盛) $268時令壽司包羅萬有，三文魚腩，油甘魚，劍魚腩，深海牡丹蝦，鰝鰺魚，和牛，海膽，日本帶子，日本藍鰭吞拿魚，碎蔥吞拿魚腩，非常豐富。從不同刺身的色澤也能感受到食材的新鮮程度，特別是海膽，雖然大多的日本餐廳都有海膽供應，但提供出色海膽的確寥寥可數，鮮甜沒腥味，一試難忘。自家製𩶘魚湯看似普通的日式湯，入口會被它香滑而鮮甜的感覺吸引，而且湯中還有𩶘魚肉。大阪蛋包飯配賀喜招牌卷三本 $148蛋包飯賣相吸引，配以大阪燒的醬汁，味道香濃，中間用上炒飯，感覺更豐富。招牌卷除了大片鰻魚，中間又加入牛油果，蟹柳，蛋和蟹籽，帶出豐富的口感。牛油果天婦羅大蝦卷 $62牛油果配天婦羅，香脆而不膩，大大件件，滿滿的口感。南瓜露最後餐廳送上自家製南瓜露作為甜品，口感香滑，連一向不喜歡吃南瓜的我也覺得出色，喜出望外。如果喜