Gangnam OPPA (Closed)

朋友生日, 提議到此餐廳, 好彩預先訂位, 星期五晚飯時間滿座, MENU都幾多野食, 最後揀左辣炒年糕同一個special dish, 3個人叫兩款野食都好夠辣炒年糕, 份量好大份, 除年糕外, 仲有好多韓國魚蛋,餃子, 紫菜入面係粉絲黎, 湯底微辣, 每款食物都好入味, 年糕口感好qq, 魚蛋滲左少少辣汁更惹味,餃子涵就係普通肉涵Special dish , 有我最鐘意既芝士, 內有八爪魚, 雞肉, 外邊圍住有紫菜卷, 魚蛋, 芝士, 芝士粟米, 待應黎到就提我地食左八爪魚先, 原因係煮耐左會變硬, 辣汁微辣,八爪魚好入味,  芝士用爐煮溶, 可配粟米或雞肉都好正, 而魚蛋及紫菜卷點辣汁或芝士,味道都唔錯running man主題餐廳叫野食舉牌待應就會黎

上網見到呢間用running man做主題的餐廳 見幾得意 就約埋朋友一齊上去試下 六點幾去到 大約已經有三分一人了 氣氛環境都ok 好多有關running man既裝飾 待應們都穿上running man 既隊服 野食係我們既重點 因為岩岩放工 好肚餓呀！但餐排同running man主題冇關 係正常的韓食🤔🤔Haha 我們叫了辣雞+五花肉＋鮮蝦分量好大份呀 賣相幾靚 d雞好入味同都幾滑 d五花肉肉質ok😉但d蝦就有點失色 有點“梅” 不太新鮮 😟食到一半 我們還加了拉麵期間有職員幫我們搞拌下 睇下火 哈哈 個職員不小心彈到我朋友個袋 職員好有禮貌甘道歉 還送上免費的桃汁一罐 最後我們都食不完甘大份 份量真的好夠 😂味道都不錯 但材料就要改善下 🤗🤗

早前得知呢度1200-1700全單有7折，自己又冇食過呢間，於是即刻約朋友黎試下。中午時間冇咩人，我地黎既時候得兩台客。食到一半已經得番我地一台，完全霸氣地包場😂每張台都放有小玩具，有冇人同我一樣覺得呢個公仔好似金剛😂😂😂Oppa先為我地送上前菜我地三個人一共叫左兩樣野：首先系八爪魚排骨 （$348），左邊系排骨，有8件，每件都大大舊，好多肉😍😍而且肉質幾淋，好易咬👍🏻爐邊放有芝士，沾上芝士食真系邪惡至極😏😏右邊系八爪魚加年糕。個人覺得八爪魚有少少韌，吾夠爽口彈牙，但個汁辣辣地好惹味😌 撈芽菜一齊食更正，佢會索晒個汁😍😍 年糕就煙煙韌韌，幾有咬口。側邊仲有腸仔、蛋同紫菜肉鬆飯團。飯團比較少餡，有d乾。另外叫左半份🍯蜂蜜蒜香炸雞🍗，都幾大份。蜜糖超多呀😍😍😍😍😍每件雞都沾滿左蜜糖，甜甜地好正👍🏻 雞肉肉質鮮嫩吾鞋口，炸粉亦都吾厚，而且炸得香脆，加埋香蒜就更香。炸雞仲附上粗薯條同薯角呢～最後埋單三個人每人$120有找，有折既話都食得過既😌😌

中同姊妹團有人酷愛韓星，其中她的男友樣兒勁似劉在石XD今次慶祝3月壽星GATHERING! 特登帶佢地黎到近期幾出名嘅RUNNING MAN主題餐廳<<GANGNAM OPPA>>!!油彩灰危牆好型格，貼滿RM節目的海報，截圖仲有其中一集水槍大戰嘅主題牆壁！好想拎起手掃底食緊野嘅人呢間點餐個文化係!!舉牌！上面隻手已經代替左你隻手 XDD仲幫埋你講5該 WAHAHA另一邊提醒你炸雞要配啤酒/燒酒!!飲品櫃都有好多韓式果汁同汽水！港人至愛忌廉溝鮮奶同白提子汁朋友叫左個桃汁！好好飲好甜!白噴噴嘅白桃味~~我同友人叫了HITE同MAX~~呢2款都係韓國出名嘅牌子~~~甘甘地不苦！好夠氣好爽！小食方面有泡菜、粟米沙律同酸蘿蔔！味道確係一流！酸味最刺激食慾~朋友加埋先得個5個人！我地竟然痴哂線叫左4個DISH!本身仲有個炸雞，個肚食到就爆，最後CUT左！第一味係芝士炒年糕+3色飯！呢味一個大鐵盆載住好多好野食！雞蛋卷！蔬菜天婦羅！紫菜包飯！同埋辣魚糕！個紫菜包飯越燒越脆！有好多飯焦燒左出黎！仲有天婦羅！不過油左少少~ 有我中意的茄子YOYO仲有魚糕辣汁正到爆！魚蛋

同學勁愛韓國食物，便一齊試下這間。午餐時間沒有太多人，而午餐12:00-15:00可享全單7折！oppa態度很好~我地不停叫oppa整呢樣個樣，態度依然無變，笑容很好食物質素普遍不錯4人lunch每人126尚算可以！

見呢間野網上好評都唔錯,但事實完全不符第一次打食評就係俾左呢間野服務員方面，幾個朋友上到去，只得2-3個侍應，除左個女，其他人面無變情，你叫野食佢無反應，一句聲都無，寫完就自己走左去，送菜就咁掉係檯面到，有咩服務態度，大家心照啦！食物方面，以為好評就無問題啦，點知叫個所謂既cheese ribs，竟然係一點味道都無，旁邊放左D凍既2條切開既港式廚師腸！無錯係廚師腸，D cheese無味道，好少，圍住既蛋又係無味，個野都唔平，$3xx蚊，但食D呢D野，感覺中伏！ 另外既菜色都非常非常普通，炸雞炸過龍，無肉質，某快餐店好食好多，佢唔值$1xx野飲方面，我未聽過韓式菜無水飲，要飲每杯水$5？？係香港真係好少見，但又要收加一服務費，請問何來服務呢？總括，呢間野令人好失望，環境好逼，唔似相中講既咁大，通風系統差，成間野充滿油煙，坐左15分鐘，隻眼已經俾油煙罩住，好唔舒服希望大家要食呢間野真係要唸清楚，相信出面仲有好多好食韓食店，但呢間唔太合格

去到唔算好少人，但侍應只有兩三人，先講環境空間狹小，通風系統差，整間餐廳充滿油煙......食完出黎會全身油煙味。再黎食物，一啲都唔值，叫左一個鐵板有金沙骨，三個飯團，幾舊非常道地嘅廚師腸，少量墨魚仔同年糕，當然有芝士同蛋喺鐵板旁邊啦，十分抱歉，芝士無芝士味，蛋無蛋味，都算.... 金沙骨同廚師腸係凍嘅⋯⋯即使有個爐喺鐵板底結果都係一樣⋯⋯ 承為$358/鐵板。第二樣野食，半份炸雞同薯條，非常極度普通⋯⋯ 某某快餐店炸雞會好食好多，炸雞十分乾身，會有醬，就係茄汁承為$96。不得不提，$5/杯水，$15/罐裝可樂.....仲有加一服務費...... 好唔想比......如果一般韓式食肆絕對唔會連杯水都收你5蚊，前菜少量泡菜，少量粟米，少量酸蘿白。如果係running man 粉絲去到會覺得佈置真係好求其下..... 會覺得自己去左Halloween 佈置場地多啲，唔值得囉！如果唔係粉絲仲更加唔洗考慮......

心血來潮想食炸雞，來到這間以大熱的韓國綜藝節目《Running Man》為主題的餐廳。先來吞拿魚飯糰，五件圓圓的飯糰，包着吞拿魚碎，灑上芝麻及紫菜。咬下去嚐到新鮮的吞拿魚味道，吞拿魚的份量多得擠出來。其次是魚糕湯。外表像關東煮，一盤六格，在爐上加熱，食物則以竹籤串起。魚糕食落滑溜，也不油膩，質感厚實，教人一口接一口。最後到主角，奶油麵包炸雞。忌廉奶油包着炸雞，味道出奇的配合。炸雞咬下去外皮香脆，肉汁飽滿，外邊的奶油香口順滑，一點也不膩。奶油與炸雞兩種極致的配合相互提升了味道的層次，教人食上癮。餐廳味道不錯，韓味十足。價錢雖不便宜但份量十足。下次可以試其他口味。特別一提這個梨汁，果汁味濃。

今日公司OT，放左工約左個好同事食飯，佢係超級韓食迷，我想吃日本野，佢死都要來呢間先肯食，坦白講，我唔鐘意食泡菜，韓國炸雞，無法就下佢啦！呢度D裝修，成個防空洞咁，我唔係好Like，同事係Running Man 迷，話裝修好型，不過我鐘意佢有D好玩野，例如叫野可以舉過咁得意的大牌，又有D好玩具同自拍區，重有D著住Running Man Sports look 的韓個侍應招呼都好友善。前菜我講明，唔食泡菜，我最怕食泡菜!!!，同事佢改左醃白蘿蔔同混左沙律醬粟米，我愛醃蘿蔔多D，因為爽脆又開胃，反而有沙律醬粟米，我不覺得好食。炸紫菜卷，好似素食鋪個D咁架！入面有D米飯咁，食時外面都香脆又有紫菜味，加埋酸甜汁，其實似我食素食鋪D紫菜卷味架！個韓式鍋貼，我問同事無無泡菜，有泡菜一定唔食，佢話入面係菜和豬肉，我試一口，個皮好煙韌，唔以中式D鍋貼咁咁多汁，不過入面D餡不太重味，都唔差, 算好吃，佢知我唔愛炸雞，叫左個魚糕湯，好大份，其實我覺得佢有關東煮Feel，個湯係麵豉湯，清清地，唔算好咸，魚糕好有魚肉味道，彈牙得來帶少甜，加埋湯內有烏冬和冬菇，其實十足關東煮Feel，幾好食，唔係好重味精，有住

早陣子看了雜誌介紹,一家新開張的樓上韓國餐廳,是以Running man為主題的,我這個粉絲當然要來朝拜一下啦約好了朋友,星期5晚上來,超多人呀,幸好可以在門外坐著等30分鐘後,終於可以入座由於這兒食物出名是大份的,所以我只敢叫了一個芝士大拼盤.否則一定吃不完上場的時候,相當大份,雞肉,韓國蛋,蔬類通通在這兒火鍋是用來保持溫度,令食物一直很熱最喜歡芝士拉雞,味道超級棒,惹味程度一流拉芝士是一門學問,今次我也算是高分吧當中也有韓國飯團,味道也是不錯,碰上芝士什麼味道也是好反而不太喜歡蔬菜類,味道不是克好吃真不錯,看到別人叫炸雞,下次一定要試試

今晚同朋友慶祝生日，係一個好開心既日子丫！特登book 左以running man 為主題既gangnam oppa到食飯慶祝下啦。餐廳雖然細細地咁，但入面既特色布置的確幾吸引，有追開running man既人應該都會覺得係呢到食野幾開心！食物方面，有無限refill 前菜，有粟米，醃蘿蔔同泡菜，味道又甜又酸，加埋沙律醬，好開胃!我地五個人叫左4種野食，4個都係窩物，味道十足，亦且份量都唔少，食到個個都好飽呀！其中我最中意最推薦係呢一款韓燒豬腩肉加炒辣魷魚鍋當中一鍋2個食法好正! 個石頭鍋烘到好熱，令到上面排列整齊嘅肥腩肉片燒得好均勻，肥瘦分明嘅肉質，入面嘅油脂出哂黎，代替了食用油，而中間嘅魷魚烘得岩岩好，好彈牙，原隻上枱，每一小隻都染紅了! 辣得好過癮!有朋友生日，我地準備左蛋糕，不過冇帶火機，職員都好細心地借左支火槍俾我地！我地食得好開心，食到last order 先走！

一向對韓風冇特別留意既我今次同熱愛K-pop既朋友去食呢間 Running man 既主題餐廳。一上到去出,已經有個oppa企係度,等我仲講廣東話,但原來這個係真oppa,唔識中文。唯有用英文溝通。睇到餐牌,係丧屍主題,難怪有d似 Halloween佈置。叫左魚糕湯,奶油麵包炸雞,吞拿魚飯團,水蜜桃果汁,提子汁。奶油麵包炸雞,巨型的麵包,白色奶油本來看似好油好膩,但食落唔覺,醬汁好正,真係除左炸雞同麵包諗唔係到有咩可以佢咁夾。食麵包加汁都已經令味覺好豐富。再者,雞既分量好多,廚師亦好細心,係麵包內有炸雞,麵包外亦有,令想多汁少汁都可自已調整。建議可3人叫。魚糕湯好似打邊爐,魚蛋更用木籖穿好,非常方便整同食,配料冬菇好香,吸到魚湯味。而湯底好清香,淡淡魚味。此湯非常多料,建議可4人叫呢個。而且魚糕湯中和炸雞熱氣,滋潤下口腔。水蜜桃果汁,提子汁都有果肉粒,中和下濃味食物,又健康,比叫啤酒好。總體主題餐廳非常有特色,枱上有小遊戲玩,餐廳佈置亦好用心。

Runningman係韓國有名嘅綜藝節目，想不到會黎到香港開主題餐廳。場內嘅佈置好有趣，店主想食客能融入環境，將餐廳佈置成被喪屍感染嘅氣氛。若食得辣嘅，辣炒八爪魚加五花肉係唔錯，八爪魚細細粒，好煙韌。五花肉層次分明，肉質鮮嫩，但因有爐煲住，最好唔好煮得太耐，五花肉煮得耐就會好韌。另外可以再配多一種芝士醬，今次選擇左車打芝士醬，八爪魚加d芝士醬唔係好食得到有咩分別，辣味已蓋過左芝士醬嘅味道菜式樣樣都大大件，好抵食，無另追加配料都已經好夠食。你地都黎試下la

今天小妹同朋友慶祝生日 佢哋想食韓國嘢 於是去Gangnam Oppa 間店有好多Running Man相 又有啲Hallween（可能唔係？）佈置 都幾搞鬼！預早book咗枱 但個場比較細 加上我哋人數多 又有個friend剛剛落機 拖咗隻喼嚟 lol 所以都要等一等 老闆OPPA（應該係？）佢唔識講中文 但態度加分 會盡力地get我哋講嘅嘢 :0)講返食物 第一個上嘅係一盤有飯有蛋餅有年糕嘅拼盤 佢哋準備咗個gas爐畀我哋燒返熱佢食 睇住年糕上面嘅芝士慢慢溶 好治癒呀！味道方面 唔太濃燶味 但仍然有韓式辣醬味 就算唔食到辣嘅朋友 都話接受到到飯 其實小妹見佢係個白飯加啲紫菜碎喺面 無咩特別 原本諗住唔食 但無奈朋友們趕住收盤 就分埋俾小妹 點知 原來好好食！佢絕對唔只白飯咁簡單！佢成個飯都有好香嘅韓式紫菜油味 而入口就一啲都唔油 只係知好香好香！小妹開始有啲後悔最初唔食 所以偷左朋友嘅一啲黎食！如果再去，小妹一定要再叫呢個拼盤！份量其實幾多 加上主要以年糕 飯呢啲主食做底 如果兩個女仔去，叫一個拼盤應該都夠飽

朋友生日，黎左呢間Gangnam oppa餐廳食飯慶祝。餐廳以Running Man作為主題，牆上有running man嘅公仔作為佈置，桌上亦有木桶大叔俾我地一路食飯一路玩。前菜有泡菜，粟米，醃蘿蔔等都係可以refill,味道酸酸甜甜，粟米帶沙律醬，幾滋味。我地叫左幾樣野食，全部味道都唔錯!其中有一個鍋，入面有春村炒辣雞，加埋炒辣年糕，隔離仲有軟芝士，紫菜粉絲卷，幾粒丸類，啲芝士超正，可以拉絲，又煙煙韌韌，微咸，配埋紫菜粉絲卷食超夾，一脆一軟，新做法!另外一份魚糕關東煮都好好味，用了清湯泡製，魚糕片放滿每一格，總共8格，仲有冬菇絲，同其他蔬菜類，好清甜，好爽，魚片鮮味十足，yummy! 呢間好岩大group gathering,又得玩插劍桶game,又有得食，滿載開心!