餃里 (悅湖商場) (Under Renovation)

有朋友住悅湖，今朝過去搵佢時買左呢間餃里既餃子上去，估唔到都幾高質，值得推介一下間野都幾嚴謹就係喺悅湖商場的角落，對面係悅湖第八座我11回去到悅湖，佢地岩岩開舖，我就嗌左韭菜湯鮮肉餃、六隻泡菜鮮肉餃子、六隻素餃同埋六隻紫菜鮮肉餃本身諗住食咖喱鮮肉餃㗎，不過我太早去到，佢哋未有供應，所以最後就嗌左素餃等左大概20分鐘，一拎上手已經聞到熱辣辣餃子既香味，即刻想去我個friend屋企度開餐🥳先係呢個韭菜鮮肉餃，呢一個我揀咗配湯，其實淨係望個湯底就覺得好濃郁，第一啖梗係試咗個湯先，個湯仲熱辣辣，飲落唔濃清甜我同個朋友都係好鍾意食韭菜，呢度嘅韭菜都好足料，好香，同埋見到啲韭菜鮮綠色都知道佢哋係新鮮整跟住係呢個泡菜鮮肉餃，泡菜好足料，食落去唔會太辣，如果唔係好食得辣嘅都食到，但係佢又冇搶走豬肉嘅味道跟住嚟到呢個紫菜鮮肉餃，呢個味道會比較清香，冇泡菜咁濃味然後到呢個素餃，入邊我睇到嘅有沙角、粉絲、冬菇、翠玉瓜其實我同個朋友本身係食肉獸，平時絕對唔可以轉數搞，不過今次誤打誤撞叫咗又覺得幾好食，不過當然我地都係中意食肉餃多啲啦，如果本身唔係太食肉朋友，我覺得佢哋會鍾意呢個素餃整體黎講啲餃都幾好食，希望下

經外賣平台叫左外賣，叫左3碗，淨係嚟咗兩碗，打電話叫佢再送 ，佢就話要收舖，都算，問佢退款，咩都話唔知，仲要收我線，態度不知所謂，啲餃又爛食，皮同餡分開哂，唔會再有下次。

入到屯門諗住試下呢間餃子店～呢間只限外賣生餃+熟餃，不設堂食！位置比較偏遠少少，因為佢位於悅湖山莊入面嘅細商場，而且仲要轉輕鐵先入到去，基本上都係俾附近啲街坊入去買黎食。對於非居民黎講，係有少少唔方便，而我就買左生餃拎返屋企煮，幸好我開車入去有25分鐘免費parking!閒日6點鐘入到去都有4-5個人排緊隊，我就order左2打芹菜餃（$46）+1打紫菜餃（$52），個人比較中意放湯煮，另外再附上柚子汁+菜甫！先煮左2隻芹菜+2隻紫菜～（因為太好食，唔記得影相！）餡料包得非常飽滿！而且咬落去好爽口，個皮亦唔會覺得好厚，真係貨真價實！唔係求其塞少少餡料，再整到個皮好厚個啲餐廳，真係要俾like! 再配啲柚子汁一齊食，絕對可以提鮮！至於個紫菜餃，我就比較中意呢款，因為好難得地可以將紫菜當餡料咁包！而紫菜份量亦好多！反而我覺得唔洗點任個醬汁，就咁食更加好，因為咁先試到每樣材料嘅精髓！

之前黃店餃子選舉已經見過佢個大名，今次終於可以試吓啦！😚🥳今次我就喺OpenRice度事先落單😆製作時間大概15分鐘倒，跟返個app個預設時間去攞就得啦，方便又快捷我揀咗韭菜同芫荽餃子🥟加咗上海麵（$8）湯麵係用豬骨湯湯底🍲好有老火湯既味道☺️餃子全部都皮薄餡靚，因為我揀嗰兩款餃子都係綠色菜，分唔到邊隻打邊隻😂變咗好random咁食，要咬一淡先知係咩餡料🤣🤣上海麵係扁平軟身個隻，份量都好多，食完餃子🥟之後都飽到食唔哂d麵😵‍💫店舖暫時都係只接受外賣訂單，未有枱櫈提供。附近住戶或返工既人士都可以黎試下🙋🏽‍♀️😋店舖都有冷凍既餃子🥟可以買返屋企自己煮🏠

最近去朋友屋企開Party 樓下不嬲都好多小食佢話樓下有間餃子好正 又夠juicy 又夠足料加上我本人超愛餃子 所以即刻去食先！我覺得佢最好既地方係有得雙拼同三拼一次可以試幾種口味因為平時食開餃子都一定係一款咁叫所以依個位真係好讚！依個係咖喱煎餃～ 咖喱味都好濃但佢又出奇地match到陣味啵佢入面啲料係有少少洋蔥但其實唔係好食到洋蔥味因為咖喱陣味就再出啲既泡菜都唔錯🤪入面好足料嫁完全係一啲韓國泡菜既味道但係佢又唔會太辣所以都唔錯 依款就係紫菜 紫菜份量都好多 夾埋啲肉又係一種好match 既配夾而且佢啲紫菜唔會係好痴牙個種咬落都唔錯！我個人大愛芝士豬肉餃子依個真係好正呀！咬落係流心芝士咁爆出黎再夾埋粟米 夠哂咬口又好味韮菜都好好食 好出味雖然食完個口會好大陣味不過真係必點！1我地仲叫左個餃里撈麵又香又夠煙韌而且佢仲可以揀辣度如果配上湯餃就應該會更加出色下次要叫埋湯餃試下先！而且佢既店員都好有禮貌如果等得奈都會同我地講定先🥰

成日都聽人哋講佢哋嘅餃子好大粒個湯餃個湯仲要好好飲今日放假要去屯門碼頭整少少野終於有機會買到佢返屋企食啦由於佢現場冇即食位又想飲到佢啖湯唯有買生餃配湯屋企自己煮餃子煲熱啲湯佢哋仲有我最鍾意食嘅菜甫跟😍😍媽媽都話正最後買咗兩打平時我都係一餐食8隻我真係睇少左佢嘅份量我煮咗6隻飽到上心口本身已經大隻.仲要足料我覺得呢個係happy Friday嘅首選簡簡單單又飽肚仲要好好味好彩買咗兩打問咗佢話可以放一個星期當然快啲食晒會好啲啦

咁岩去開屯門當然周圍搵吓嘢食啦餃里係悅湖山莊入面仲有得免費泊車，可以一試（不過要25分鐘內）重點要講係呢一間冇得堂食只有外賣🤣望入去見到有人即場包餃子，好家庭式，我今次就外賣左少少生餃返屋企煮同9隻三拼自由選煎餃.椰菜鮮肉係爽口感覺，清甜挺好吃的，肉唔會好肥.紫菜鮮肉好特別，好多紫菜又唔錯，唔會好草青，餃子皮有D厚但食嘅時候有勁度都ok，湯餃可能會好好多.芝士粟米鮮肉餃咬開之後，d粟米跟住跌落黎，個組合冇得輸，芝士味道突出好好香而粟米甜既，好岩like芝士既朋友.素餃餡料有大量粉絲、紅蘿蔔絲、粟米、冬菇、馬蹄、雲耳，一咬就好香菇味，味道又夠refreshing.買水餃會送餃子醋和辣菜脯，我好喜歡吃湯餃配辣菜脯，輕微辣味好過癮。

打完針想食清清地喺屯門區唔知食咩好第一時間諗起就係食餃子上次只係試咗生餃但好想試一試湯餃今次終於有機會可以試到—韭菜鮮肉湯餃 （$42 9隻）要揀一樣最鍾意嘅必定係韭菜始終韭菜有浸特別嘅味道 同埋食菜感覺比較健康個湯係椰子雞湯 拼餃子淡淡香味餃子同湯浸埋一齊 亦都有椰子味再加左上海麵 $8 同埋分湯飲完亦都唔會覺得好重味精 健康首選—除咗湯餃亦都叫咗生餃返屋企煮今次叫咗咖喱同埋紫菜煎黎食咖喱未食過唔會覺得淡但又唔會好辣啱晒平時鍾意重口味但又想食健康嘢嘅人-特別一提就係個菜譜每一啖都加菜譜同餃子一齊食更加突顯到餃子嘅鮮味食完仲覺得唔夠添！

煎椰菜鮮肉餃9隻配撈麵湯韭菜鮮肉餃9隻配湯麵湯蕃荽鮮肉餃9隻配湯麵 全部餃子配麵都係一律$50椰菜餃係招牌，都係我最愛，所以只有椰菜餃叫左配撈麵。少少辣，好食又開胃!😛3款餃子，每一款的餃子都皮薄，鮮肉餡料多，粒粒餃子都完整無缺。椰菜爽甜，韭菜及蕃荽比較似樣，但係味道就大不同， 韭菜味未入口味道已經濃烈，蕃荽就走低調，入到口，蕃荽味先會走出黎! 湯走平實路線比較淡，唔會咸，淡淡的湯去襯托出餃子更鮮味!唔會搶走主角:餃子的風頭附送醋和辣菜脯，辣菜脯配餃子食，輕微辣味又多一種風味! 除左煎椰菜餃外，我都有比家中小朋友食韭菜餃及蕃荽餃，因為呢間餃子真係新鮮又冇味精，小朋友真係可以食! 最後所有餃子，湯及麵連湯都食清光!好正呀! 點解話呢間野真材實料，因為係等待期間，可以見到姐姐有即場包緊啲餃子! 粒粒冇花冇假的! 我有時都會叫生餃返屋企打邊爐，個個朋友都話好食!

以前去屯門碼頭，都只去附近的海趣坊和啟豐商場吃飯。這天路經悅湖山莊，沒想過內裡有一個商場，而裡面還有餃子店。本來打算買湯餃，但想多買一點跟家人品嚐，決定買生餃子。餃子的款式眾多，有素菜餃，適合素食人仕。喜歡辣的話可選咖喱餃和泡菜餃。我就點選了椰菜餃，韮菜餃和紫菜餃，每款各一打。為了確保餃子品質，店家還附上烹調方法。椰菜餃餃子大大粒，份量足。口感紮實而且啖啖肉，非常美味。內裡的椰菜也帶出清新的感覺，吃得津津有味。紫菜餃同樣地有豐富的餃料，紫菜味也很濃郁，味道令人難以忘懷。韮菜餃這是為老婆而點的餃子，韮菜味突出，與肉味也配合得天衣無逢。下次經過屯門碼頭，一定要再去幫襯。

在附近開了一段時間都未試過，早兩日囡囡講食過一次幾好食，所以今日就即管買來試試啦！今日買了芝士粟米煎餃，另外再買多一盒生嘅椰菜鮮肉餃子，芝士粟米煎餃帶到回家即食，還暖的，有微微芝士香，不會濃到好漏果種，沒點任何醬料都已經好夠味，椰菜鮮肉餃我用左大地魚粉來煮，椰菜好爽脆，感覺好新鮮，我食左每樣3隻已經夠飽了，餃子大大隻脹卜卜，不想煮飯時，買啲生餃煮麵的確很好，我呢啲c奶仔又多一個偷懶嘅選擇了

隱世超級驚喜餃子店！不能只有我知道！！.屯門悅湖商場有一間超靚嘅餃子店，唔止門面用心設計，裡面嘅一班包餃師傅更係經驗老到，粒粒都好足料，真材實料唔係包空氣，我覺得唔係住呢頭都可以買返屋企食.價錢大約係$40左右，分湯需要加$，如果買返屋企食，就建議分湯，餃子皮一直浸住會影響口感，分湯就最好，唔怕淋晒.今日去郊遊完特別肚餓，所以叫左3款餃子，再加左2個麵只有外賣，沒有堂食架.一打開香到呢，即刻開餐！椰菜鮮肉餃9隻$42；分湯$2；加麵$8超推薦呢個口味！鮮肉緊緊包住椰菜絲，食得出椰菜爽口口感，菜肉比例平均！.紫菜鮮肉餃9隻$48；分湯$2平時好少食到，紫菜味好香！同樣又係用鮮肉包到實一實，唔會過彈，同餃子皮配合得好好.咖哩鮮肉餃9隻 $48 煎餃驚喜地好好味，煎餃更加食得出皮薄餡靚嘅感覺，個皮有啲似日式煎餃子嘅薄皮，呢個價錢加質素可以話係超左班.睇埋橫切面.餃里拌麵$15辣菜圃加辣汁拌麵，可以揀辣度，麵質屬扁身粗麵，麵條係薄身，同菜圃一齊食好夾，份量好大又好味，cp值爆登！

見到餃子界youtuber都有介紹, 今次試咗屯門嘅呢間隱世餃子店。住喺屯門碼頭嘅街坊就有口福啦！試咗幾款湯餃同煎餃，都好出色。芹菜鮮肉餃呢款餃比較少見，芹菜味好出，配埋個湯底係一流。每一粒餃都好足料，而且芹菜同鮮肉嘅比例剛剛好。香荽鮮肉餃有好香濃嘅芫荽味，餃子保持肉汁，最適合芫荽控！！！紫菜鮮肉煎餃睇幅圖就知道佢係煎得有幾靚，剛剛好，個皮唔會太厚。咬落去紫菜有啲爽口，都係其他地方比較少食到，值得一試。清新素煎餃賣相唔錯，雖然冇咗鮮肉味，但係用粉絲同蘿蔔絲做餡料，好清新嘅味道！健康之選最後一定要題嘅係佢嘅辣菜甫，同柚子醬油，將餃子嘅鮮味帶出來，一定要試！整體表現都好好，要留意嘅係佢只係有外賣，冇糖食嘅，住喺附近嘅街坊一定要試吓

呢間手工餃子店開咗喺悅湖都一段時間 但都未有機會試 終於試到就明點解成日都見到咁多人喺度等ps呢間係得外賣 冇堂食我呢次叫咗5款唔同口味既餃子 有芝士粟米 泡菜 紫菜 韭菜 香荽 店員會有卡套標記返唔同既口味 好貼心都係生既 攞返屋企煮都好好味😋會配埋辣菜脯同埋豉油～芝士粟米呢款好得意 好少可會試到餃子有芝士味 同啲肉好夾 好得意好好味 好重芝士味 中意芝士既人一定會中意！仲有呢款都係較特別既 泡菜餃子裡面好足料 食到泡菜鹹鹹甜甜既味 好惹味 食到原汁原味而且淨係少少少辣 唔食辣既人都肯定啱食！紫菜味都好出色！因為真係好好好好多紫菜 食落好fresh 會比起上面兩款淡味啲啲 感覺好健康好清新另外香荽都好推！因為佢都係好重香荽味 好多料 大大啖咬落去大滿足！其實呢間既餃子都好出色 餡料十分豐富！而且好多味 唔揀生餃可以揀湯/煎！3打餃子都係$158 好抵🤩🤩必encore!!