甜圓坊

Open Now

Now Closed

琴日打完風，條街成三十幾度， 行幾步就已經熱到滴曬汗。 見到對面街有間舖頭食挫冰，即刻入去涼下冷氣。內部座位唔算闊落，勝在乾淨企理，出餐速度快。招牌迷你挫冰佢個名雖然叫迷你挫冰， 但係個份量就比我預期中大得多，同出面嘅正常份量差唔多大。 配料非常豐富 ，有九種，分別係紅豆，薏仁，綠豆仁，西米，芋圓，湯圓，地瓜圓同珍珠。挫冰係煉奶底，入口甜甜地又冰涼，消暑一流。鹽酥雞新鮮炸起， 熱辣辣 ，卜卜脆。 外皮鹹鹹地 ，內裏有少許肉汁， 唔會話好油好咸。

朋友帶我到位於深水埗「甜圓坊」台式料理。這裏有多款台式食品,價錢又親民,性價比高。🌟香酥排骨飯 🌟排骨醃得夠入味,大大件豬扒可以將個碗蓋住,炸得乾身又香脆,真係現點現炸的。🌟原味蛋餅 🌟蛋餅煎得好香,餅皮又唔會太厚,配上雞蛋和芝士,加埋醬汁特別好食,有台灣食早餐嘅感覺,好有地道風味。🌟芋泥巴斯克蛋糕🌟芋泥口感幼滑,又有濃郁芝士,好睇又好食。整體來說:鋪面乾淨,有吧檯和雙人座位,座位寬敞,坐得好舒服。呢度主打係食甜品,招牌綜合竽香挫冰,下次會試下食這個。

⍥ 嫩鮮芋奶凍 ❙ $35底下唔係冰而係涼粉所以唔會凍冰冰👍🏻總共九款食材 紅豆 薏仁 珍珠 湯圓 綠豆仁西米唔會一舊舊😌地瓜圓 芋圓唔會太硬或太粉我最欣賞佢唔會好甜！仲有粒UCC既淡奶提供配搭咁豐富呢個價錢確實好有良心抵食到癲囉🤤🤤🤤⍥ 油蔥拌麵 ❙ $38好簡單！真係蔥油、麵、蛋、兩條生菜🤣🤣🤔蔥油係成個麵既靈魂但完全唔夠香真心唔掂佢真係無資格叫蔥油拌麵囉🫠🫠😫零滿足感！！！碗細細但麵幾多 細食既會飽蛋同菜就都係果啲啦 無謂提🙂⍥ 玉米肉鬆蛋餅 ❙ $38蛋餅係煎到脆脆地 亦可能因為咁🤔😓未夾起已經漏晒啲餡而粟米肉鬆本身係老友🤝🏻呢個配搭實無死！不過口感幾乾加上蛋餅又偏硬乾乾硬硬咁😕我就麻麻地但朋友覺得好好食🤣🤣🤣

香酥排骨饭，没有骨头的排骨，想想就好味，配上酸菜和腌黄瓜，风味十足，不够吃菜脯蛋，巨好吃，一个人完全都可以吃光一盘导致最后的甜点都没肚子吃了，喜欢吃蛋的千万不要错过菜脯蛋，多吃的话可以让老板口味淡一些

每次黎都必會叫滷肉飯，佢做得好入味，而挫冰又係每次黎都必點，拼盤每樣都幾好食價錢相宜，小朋友都好鐘意食佢d滷蛋，炆得幾入味，另外一提佢d辣椒油又係自家製做得好好味用黎滷飯一流！

外面望落去好似好簡陋，但係又坐滿人，老公想食刨冰，見佢有，就入去試吓啦，座位方面係比較狹窄嘅， Menu都好似好少嘢食，但係價錢都好抵，所以決定一試。一上枱個剉冰真係驚喜，$45居然有咁大兜，分量十足，材料豐富，仲有薏米感覺好健康，啲冰唔係只係水整，應該係用咗煉奶水整，食落去會甜甜地，唔會食到尾冇味，加埋唔同配料，夏天食一流！值得推介！不過佢有人均消費$30 ，我哋兩個人，所以就嗌咗珍珠奶茶同埋鹽酥雞，個鹽酥雞好好食，脆卜卜，裏面又好Juice，唔會話好油膩，外脆內軟。珍珠奶茶就普普通通，$23都可以接受。價錢好抵，性價比高，又唔駛加一，佢仲有飯同蛋餅，下次可以再試。

細佬喺喺呢間小食店附近上班，放工約到我來到這區吃一餐。吃過後，感到有點驚喜一間小店都算不錯，平時會到鐵x吃（台式連鎖店），所以今次去到呢度的確有點驚喜，個麵簡單得來爽口、蔥蛋餅也不錯不油膩，再加上飲品也不會太甜，本人也比較喜歡。

每次嚟深水埗都會諗起 甜圓坊🫶🏻平價得嚟又足料仲要好好食！！！喺家後隔離 可以食完餃子再過嚟食冰！咁多款嚟講 最愛💜蜜芋頭剉冰 $40一大碗剉冰本身有黑糖水上面再淋咗芋泥同煉奶🥛好好食😭側面就鋪咗四大嚿蜜芋頭同一堆芋圓芋頭甜得嚟夠粉 芋圓又夠煙韌😋夏天食冰真係一流！🤤🤤🤤注意返有最低消費$60‼️如果齋嗌一個冰係唔夠數的～而且佢加料都最多加2樣 所以就算仔加爆料都係未到數😂😂😂😂😂

鐘意食台灣野嘅我 經朋友介紹就嚟左哩間度試下 如果唔係朋友介紹都真係唔會搵到哩間野 哩間台灣野真係經濟又實惠 我最推介係佢嘅肉鬆起司蛋餅 好足料 蛋餅皮又唔會太厚 下次都會嚟再食！

店名: 甜圓坊地址: 深水埗基隆街205號地下深水埗站A2出口，行5分鐘環境: 4/5價錢: 5/5味道: 5/5呢間台灣菜主打價廉物美，好食得黎又平，人均$80已經可以食到好飽！極力推薦佢哋嘅滷肉飯，係暫時係食過最好食嘅滷肉飯🤤手工滷肉飯❤️❤️❤️❤️❤️$40佢地嘅滷肉採用半肥瘦豬肉製成，下面嘅飯亦唔係白飯咁簡單，有特別加上左佢地嘅滷肉汁，一啖飯一啖滷水蛋，超滿足😍香酥排骨飯❤️❤️❤️❤️$50排骨炸得入味又香脆，仲有成4大舊，肉質嫩身👍🏻伴碗嘅酸青瓜味道開胃，望落唔大碗，但食落其實好飽🙈細食啲嘅可以2個人share食😂肉鬆起司蛋餅❤️❤️❤️❤️$38蛋餅加肉鬆同芝士，永遠係蛋餅嘅好拍檔，好有台灣早餐店嘅感覺，配上佢地嘅醬汁，平實而不花巧🤩招牌綜合芋香剉冰❤️❤️❤️❤️❤️$45芋圓，地瓜圓，西米，紅豆🫘，綠豆仁，珍珠，湯圓，薏仁，再淋上滿滿煉奶係冰上面，甜而不膩，而且超大碗，就算2個人share食都好飽🙈CP值極高，超推薦🥰#stitchfoodie深水埗#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介

餐廳除左出名食芋圓圓子等甜品，仲有多款地道台灣鹹食。一入門口，侍應就用台灣國語歡迎人食客，非常有氣氛。餐牌上既價錢完全唔覺得貴，親民。而且選擇多，仲有各類甜品、飲品選擇。香酥排骨飯($50)，望落細細碗，但米飯壓得實，所以食完好飽肚。而且熱辣辣，食到中間，都見到冒煙。排骨大塊，有切割，方便分件食。滷得入味，香酥但唔油膩。玉米起司蛋餅($38)，值得一讚，蛋餅頭尾2件既內餡，都一樣多。因為有時其他鋪頭，食到既蛋餅得中間幾件，餡料先多。但尼間係，件件都一樣滿瀉。粟米甜，芝士拉絲，蛋皮酥，唔係煙韌款。芋泥奶露($30)，芋頭控必點，有大量芋頭碎、西米，奶味十足。雖然甜度固定，但完全唔會超甜。招牌綜合芋香剉冰($45)，甜品當然必點，幾飽都要叫。因為超級超級抵食大份，配料仲要多。大量煉奶淋在剉冰上，剉冰內層，原來係蜂蜜味，非常好食，初時以為可能只係得面層既煉奶味。其中芋圓、丸子、黑糖珍珠煙韌Q彈。芋頭綿，就算2人share，都飽到上心口。整體，有2人座、又有bar枱，以深水埗大部分鋪頭黎講，座位算多。食物美味，抵食，食飽過黎食甜品，都好吸引。

一間位於深水埗嘅台灣小店，小店除咗有熟食之外，仲有台灣甜品-芋圓！而佢嘅芋圓甜品亦都非常出色，大家經過必要一試！——招牌綜合芋香剉冰 HKD45呢個係你絕對唔可以錯過嘅甜品！芋圓口感煙韌，味道香，唔似普通一般芋圓，單純只得口感！正！另外出色之作就係佢哋嘅小丸子，小丸子糯米味香，口感非常煙靭！紅豆亦都非常香甜，芋頭亦都非常香！整體而言十分出色！鹹酥雞 HKD40鹹酥雞即叫即整，香口小食，份量都足夠，女仔share啱啱好！鹹香味同雞粒好夾！值得一試！——評價：❤️ Cp值高🏠 台灣小店🥣 必食芋圓甜品推介指數：❤️❤️❤️❤️（五個心心為滿分）

價錢、味道同份量都完美還原台灣嘅台式剉冰👍！・・・・・・・・・・・・・・・・・・・・🍧 招牌迷你剉冰 HK$32・味道：喺煉奶糖水冰底下竟然食到芋圓嘅芋頭味，同地瓜圓原本甜味，0甜但可以keep到天然瓜味真係少有。・口感：芋圓大粒，同珍珠小丸子一樣keep到煙韌彈口，冰亦冇凍到芋圓硬哂。紅豆半泥半豆狀態，薏米綠豆仁都夠粉。🍨 嫩仙芋奶凍 HK$35・味道：仙草唔算好重草本/黑糖味，其他配料味道同上，唔錯喎～・口感：西米煮得夠耐所以夠軟熟，唔會痴埋一舊分唔開，其他配料同上！・・・・・・・・・・・・・・・・・・・・🤰性價比：高～🤰9衝度：9衝～🤰結論：$30蚊湯碗size咁大嘅迷你(?)台式「冰山」，抵到爛！・・・・・・・・・・・・・・・・・・・・環境：正常餐廳格局，枱同櫈偏細。衛生做得好好！服務：侍應姐姐們超細心叫我哋用後面枱張櫈放背囊，愛了🫶

𝓔𝓷𝓳𝓸𝔂 𝓲𝓽 𝓫𝓮𝓯𝓸𝓻𝓮 𝓲𝓽 𝓶𝓮𝓵𝓽𝓼正宗台味挫冰｜甜圓坊｜去台灣最鍾意就係食佢哋嘅冰同芋圓，次次去親都要食。深水埗呢個糖水舖嘅冰做到好似之前喺台灣食過嘅一樣，好懷念招牌綜合芋香挫冰抵食得嚟又好味，超級推介！必點分量十足，個挫冰成座山咁，成碟冰材料都好豐富，有芋頭、地瓜圓、芋圓、小丸子、綠豆仁、紅豆、珍珠、薏米等。地瓜圓、芋圓、珍珠都做得超彈牙，Q彈煙煙韌韌，好有咬口。最鍾意係芋頭，好鬆軟粉綿。冰係牛奶冰再加煉奶，唔太甜剛剛好。呢個份量幾個人食都得，再加埋價錢唔貴質素又高，值得再encore~

甜圓坊，英文叫Garden of Desserts，好明顯店家主打甜品。店內提供各式各樣嘅台式甜品，好似燒仙草、紅豆湯、三色冰。綜合唔同platforms嘅意見，甜圓坊算係人氣台式小店，最受歡迎嘅應該係，嫩仙芋奶涷和招牌綜合剉冰。除咗甜食，甜圓坊仲有供應一般常見嘅台式麵食，好似滷肉飯、拌麵、蛋餅。甜圓坊位於深水埗， 相較於坊間一般嘅台式店，價錢實惠得多，不過味道就屬於正正常常。嫩仙芋奶涷非常豐富，一大碗有地瓜圓、芋圓、湯圓、珍珠、紅豆、西米、薏仁、綠豆仁，配上仙草糖水。地瓜圓、芋圓、湯圓、珍珠，呢啲都算煙韌，不過味道唔係好濃郁。仙草糖水，仙草好滑，糖水唔算好甜。Overall 都算唔錯，以咁嘅價錢嚟講，可以試勻晒咁多樣，大滿足。仲試咗鹹酥雞、原味蛋餅、手工滷肉飯、油蔥拌麵。鹹酥雞即叫即煮，的確熱辣辣，外脆內軟，但入面嘅雞肉無咩味；原味蛋餅，好有喺台灣早餐店食到嘅感覺，配搭店家自家製嘅醬，唔花巧好平實；手工滷肉飯嘅滷肉好肥膩下，撈埋飯一齊食係重口味嘅😂，不過個蛋無咩味；油蔥拌麵都係正常嘢，唔特別。其實overall，以佢嘅價錢喺香港嚟講，甜圓坊嘅食物算係唔差，可以話係正常水平。如果喺住喺