火將軍外賣專門店

Open Now

Now Closed

在keeta看到這間外賣店 第一眼就被藥膳黃酒花膠雞湯吸引住沒想到竟然唔差嫁喎 好多湯料 而且個湯都好濃郁 正👍🏻碗飯都幾大碗下·秘製海南雞飯雞件都算係滑嫩 唔錯·厚切豬扒煎蛋飯依個塊豬扒堅係好厚！感覺好抵食 豬扒都算係幾嫩 勁多蔥 襯飯真係一流👍🏻·個湯都真係建議大家都要飲下唔係味精湯！勁足料！·原本係嗌黑糖醬油雞髀煎蛋 轉左上海麵一開蓋 siu4我 雞髀呢？！立即打去比舖頭 老闆勁好人 搵人送返隻髀過嚟但變咗隻炸髀😗好大一隻熱辣辣嘅髀如果您鍾意食炸野 一定覺得會好正🙌🏻但…我都係想食返醬油雞髀🍗多D🥲•飲品方面都好推薦 聲稱100%自家製作飲品花旗蔘蜜：不太甜 仲有d花旗蔘響底下面 正👍🏻鮮檸檬薏米水：唔太甜真係好緊要 酸酸甜甜 感覺不錯桂花烏龍冷泡茶：清清地唔錯啊！

返工咁辛苦，大家覺得要點樣慰勞自己呢？就係叫一個好食嘅外賣啦今次我叫咗之前都叫過好好食嘅外賣，就係火將軍外賣專門店。我用咗唔同嘅角度去分析一下今次嘅餐飲體驗。黑糖醬油雞髀煎蛋飯份量剛剛好，味道方面，雞髀有濃濃嘅黑糖味亦都有醬油嘅鹹味，調味做得相當好，雞髀亦相當入味，配上煎蛋，這個配搭非常之好。10分開胃，下飯一流。雖然係滷水的煮法，亦唔會整到太鹹，另外亦唔係好油，對身體負擔不大。桂花烏龍冷泡茶外送$60嚟講，竟然包含動的冷泡茶，真的10分驚喜，桂花烏龍味香濃，份量亦不少，值得一試。付款方法：信用卡人均消費：$60改善方案：如果有啲配菜，例如蔬菜類嘅食物會更加好。下次希望試吓瑞士汁煮厚切豬扒煎蛋飯配鮮檸檬慧米水

同事介紹第一次食，今次點左：生炸脆皮雞脾煎蛋上海麵咖喱汁，個麵分湯上，唔會浸冧哂，塊雞扒大過我塊面😁有台灣鹽酥雞嘅風味，炸到個皮脆卜卜，肉汁 keep 住 juice ，再加杯大大杯檸檬薏米水，正呀！仲要係$50咋，一個簡單午餐，帶比我無限滿足！

點左個花膠雞雞湯米線，湯底有加蟲草花紅棗及其他藥材，雞無雪味，好食，仲要送埋飲品，重點係價錢平，$50有找，奶茶，檸檬薏米水，檸檬茶都好飲，最好係米線同湯會自動分湯。

雖然佢位置唔係特別開揚，但係佢嘅黑糖豉油雞髀同埋佢啲薑蓉，真係非常出色。食得出用心做嘅餸，食完唔會多味精感覺。仲有佢嘅醉雞米線，同埋佢出色嘅炸豬扒，有得揀飯有得揀米線，份量十分足。

第一次試呢間，我地去到嗰時餐廳入面都有啲人，落單等咗10-15分鐘就拎得。我地叫咗吉列豬扒煎蛋飯、口水雞飯同花膠雞米線。估唔到份量都幾大，塊豬扒好冧好好食，仲要差唔多有兩隻手掌咁大👐🏻口水雞嘅辣度似麻辣咁樣，恰到好處👍🏻米線嘅湯唔會好多雞油😌另外因為係外賣，所以米線同湯分開裝。返到屋企將個米線倒落湯到嘅時候，發現個米線竟然唔係硬晒一餅咁樣🥹最後仲送咗大大杯野飲，好欣賞佢地唔只有汽水揀，而係有洛神花茶、花旗蔘蜜、五花茶...... 好適合好似我呢啲唔太鍾意飲汽水嘅人！

外賣食物嘅質素，經常叫外賣諗住冇咩特別期望，50蚊都唔使嘅價錢應該平凡得夠平凡，怎料....我叫嘅嘢好簡單叫呢個黑糖雞髀煎蛋飯，怎料這隻雞髀畀我覺得嘅感覺有少少意料之外，平時出邊食開嘅雞髀應該手抆抆乾浸浸，啲肉仲要實或者梅梅地，呢隻雞髀畀我覺得不是放咗兩至三日嘅感覺，咬落去嘅口感有點兒鮮嫩，加上都有入味，我諗以後嚟保田呢邊嘅話會幫襯呢間舖頭😄儘管裏面畀我覺得有少少簡樸，環境尚算企理，看見煮嘢嘅人有用心嘅感覺，令到呢餐外賣有啲色彩。

我今次已經第5次外賣自取快靚正，10-15分鐘左右可以自取食過瑞士汁厚切豬扒煎蛋飯同嫩雞米線$46一個餐+餐飲叫做抵食夾大件食物好味過一般茶記食物呢個唔多講之前都有人食評讚過我反而欣賞係個附送餐飲除咗夠大杯，奶茶係樽裝仲竟然有啲健康之選例如有五花茶、花旗蔘蜜、洛神花茶、桂花烏龍茶、薏米水我好多時都因為都想飲杯五花茶而叫火將軍外賣最後提一提拎外賣時，要記得自行執餐具、飲筒我初初買嘅時候試過唔知返到屋企先知無餐具🍴

有超過廿年廚藝經驗嘅大廚嚟到屋苑開外賣專門店就唔使同你講擺盤~ 唔使攞嚿紅蘿蔔雕花😏用實力展示俾街坊睇，你絕對會encore佢嘅<<瑞士汁煮厚切豬扒煎蛋飯(配蔥油)>>($46)多謝當地街坊推介呢塊豬扒俾我，何謂堅「厚切」⚠️佢真係冇呃你!!!厚到最少有2cm什至1吋😳仲要好大塊!!!佢仲可以免費要求多飯😧所以呢位街坊表示…佢平時兩公婆追加3嚿<<醬油豬手>>($8)就可以大人細路都食到飽飽👨‍👩‍👦我見到嚿豬手未清乾淨啲毛係有少少抗拒🫣不過冇毛嘅部分又真係幾好食!但我最欣賞都係塊豬扒🐷睇色水就知佢好入味! 瑞士汁味道剛好~咁深色都唔會過鹹🤎而且肉質嫩得嚟唔會冇晒口感，keep到豬扒應有嘅咀嚼感~~~係有啲料到👍🏻附送嘅老火湯仲要好大碗! 好足料! 夠晒火喉!絕對冇交hea貨🤜🏻🤛🏻不過…🤨🤨🤨🤨🤨街坊係用網上平台預訂咗會外賣自取，但我哋去到先知佢哋收唔到呢個order!好彩佢都好快起到貨👏🏻但我發現Openrice都有人鬧過佢漏單🤔唔知邊一方錯，但如果唔係單一事件嘅話…佢哋要認真處理吓🧐將軍!加油🫡

今日試過火將軍脆炸雞翼陪滷肉，味道真係幾好，雞翼大隻，加埋d味粉就更加香。滷肉軟糯，如果有配菜就更好，balance d 健康 d。檸檬薏米水正常味道，唔太甜，岩我口味。下次應該會試埋個雞腿。

食過幾次，炸豬扒，咖哩都好味，但唔知點解幾次啲飯都係室溫，完全唔熱，我係買完5分鐘內食，同埋落場時間可以5點前開返就好，因為應該有部分人收5點，仲有奶茶同湯都好正。

返工想叫個外賣食，突然醒起有同事推介食呢間新開既火將軍咁就不如試下啦經一個外賣平台11點半落單，諗住叫佢地1230送到一個中頭綽綽有餘點知1245打去問，話我地係自取，但其實一早已經收左我地運費，咁如果我地真係自取，點解要收我地運費呢？1315再打去催，餐廳表示自己做起左個外賣，但未有車手接直到1405外賣終於肯出現外賣仔表示 去到間餐廳 其實個餐仲未做好，佢都要等多5分鐘先拎到最後我地個外賣1415先送到而拎上手個餐仲係熱的，到底係漏單定點都無從得知不過呢間嘢唔會再幫襯🙂

敢喺疫情下開餐廳，冇返咁上下實力同膽色，都應該唔會咁做，所以見佢新開張，就一於試下。雖然依間餐廳主攻外賣，但鋪頭內都有張bar枱，有少量位可以堂食。我兩點幾去到，外賣單就多，堂食就冇人，隨便坐都得。叫左份招牌厚切吉列豬扒煎蛋飯+凍OT少甜, 雖然眼見多單，但等左10分鐘唔洗就有得食。去拎飯ge時候，眼見淨係得盒飯，仲奇怪緊塊豬扒喺邊，點知原來塊扒大到要分開左裝。一打開個袋，塊吉豬大過塊面，同豪大大雞排有得fight，加上即炸，而且真係厚切，食落啖啖肉好邪惡。味道方面仲好好味，有得自己加調味粉，有海苔、辣椒等等，食落真係好似台式鹽酥雞，好味。最後杯凍OT都好飲，有茶香同飲到茶澀味。咁樣都只係賣$46, 希望佢哋真係做得住la.

呢間喺盈豐商場既食店，第一次幫襯，企喺收銀機前，差唔多 5 分 鐘落唔到單，係咁叫我等等，等等叫左生炸雞肶飯配蔥油、煎蛋（$46)可能太多單做唔切，不過唔係藉口，比晒錢話要等 20 分鐘，咁我唯有坐低等。等下 等下 差不多  25 分鐘先攞到個飯，攞返屋企，飯唔熱，雞肶皮太硬好難咬，係硬唔係脆，唉等咁耐咁難食 其他蔥油正常，煎蛋正常。可謂失望之餘又浪費時間等。應該無下次。

呢間食肆我幫趁咗冇8次都有6、7次，次次都掛住食唔記得影相，今次終於記得啦😆。我仲記得第1次入去買外賣，係佢開業冇耐，我比門口啲食物相吸引，第一次係叫咗生炸脆皮雞脾煎蛋飯，同亞瑪咖哩薯仔牛腩飯。炸雞脾好香脆好味，仲有蔥油配襯，正👍🏻👍🏻👍🏻，咖哩牛腩都好好食，不過我嫌牛腩少😆。之後幾次外賣我都必定係炸雞脾飯做胆，再試其他不同野食，試過海南雞飯、川辣口水雞飯，而我個人會較鍾意口水雞既味道，不過2款雞飯都係屬於多骨少肉😅；又試過花膠雞濃湯米線，湯都幾好味😋；厚切吉列豬扒煎蛋飯既豬扒又係好香好脆好食😋；家鄉冬菇滷肉飯，味道係好好食，啲汁真係好似炆冬菇既濃汁😋，對於我呢啲鍾意撈汁食飯既人黎講啱晒😋；而今晚除咗炸雞脾飯，我就試咗黑糖醬油雞脾煎蛋飯，呢款雞脾都唔錯，啲雞肉好滑，不過我都係鍾意炸雞脾多啲😋😋除咗飯，佢地既例湯同將軍奶茶都好飲。😋我每次都會叫😆。報告完畢😆😆😆