大鍋口海鮮火鍋店 (Closed)

五月頭先裝修完嘅大窩口，已經好多人去食，母親節book位同媽咪慶祝。裝修完環境令左d，通風都好咗少少，但係佢哋啲卡位嘅椅子好熱！嘢食差唔多冇乜點變。一直最吸引我嘅墨魚滑同墨魚丸都變晒！以前有手打嗰種彈牙，依家完全無晒！佢哋嘅蝦超級大隻同新鮮，肉質好扎實。母親節就加錢叫咗美國桶蠔同埋桂花膀，桶蠔兩隻大兩隻細成$88，好唔抵桂花磅有八至九塊，爽口但係都偏貴。另外，佢哋新出左有雪糕，分別有綠茶味同雲呢拿味。基本上兩種味道差唔多，甜甜地，有少少沙冰嘅感覺。總結，會再嚟食！不過要預留時間等電梯！

下晝5:15，一條友原本響11樓等緊一X堂！ 點知老公話大鍋口今日裝修好開返！ 即刻漂返上16樓！可冇乜人知同加上咁早！即刻入得！ 先講下新場 ，環境好好！ 地下唔駛再跣住入！卡位坐得好舒服 ！冷氣好勁！唔會覺得好熱！ 7:30前結帳！仲要減$10！即係$148減$10對於兩條友食！食飽走人平$10係好Ok! 睇返佢舊餐牌同新餐牌係有少少唔同左！廣島蠔,美國桶蠔,珊瑚蚌, 桂花蚌, 極品肥牛粒等冇加價，只有極品肥牛加左$20野飲選擇比較少各式醬料我地叫左鯊魚骨猴頭菇湯底同埋另外叫多一碟廣島蠔 我不嬲都好欣賞呢到嘅手切肥牛!好好味!! 鱔片好味, 好新鮮 無影到脆鯇魚腩, 九肚魚, 雞子 都係好新鮮仲有呢到D 蝦...都唔係流..!!堅好味..!!!我地點左三四次..每次都有成四隻!!! 以下呢款就係"是日海鮮推介" 賣相相當唔錯! 再叫多ROUND 手切肥牛, 都係好OK呢到都有軟雪糕任食!!!不過我地食到勁飽無食到!整體相當唔錯!食物, 環璄..我都好滿意!!裝修完...加晒分!good!!

今晚11:30來到，仍然要等位，幸好只等了5分鐘，或者因明天是公眾假期，今晚全場爆滿。因2人行，我們被安排坐在幾張大圓抬的則邊，感覺有點逼，但最慘的是，開始大約食了15分鐘後，覺得有點熱，而且焗促，冷氣抽風不太好吧免費湯底選擇不算多，最穩陣還是沙爹湯，味道還可以，只係太多油。下次試蕃茄豬軟骨湯，因路過見到好多人都點了這個湯底😉總括而言，食物大部分都中上，無漏單，食物出菜快，除了啤酒，又有任飲，以晚來說計，$141埋單已經超值。

6:30 到達, 眼見大部份座位亦未有人, 以為立即有位. 得到的回覆是 "沒有位, 不能給你等候時間". 職員的態度十分囂張, 有趕客的味道, 也像是沒有讀過書一樣, 估不到這樣的人也有人請.公司的政策十分愚昧, 欠缺彈性, 座位竟然留給不知會不會來的 "預約客", 也不留給親臨及齊人的客人, 管理層也實在不懂做生意, 本末倒置, 也容許職員以粗劣語氣對待前來的客人, 簡直不知所謂的服務.本人在此有極不愉快的經驗, 絕對不會再次踏足此店. 好的火鍋店有很多, 但一定不會是這一間.

這間餐廳口碑不錯，所以今晚一家去試試😋 一走入商場已嚇了一跳，大大話話有超過一百人圍著商場等𨋢😓 最後等了超過十五分鐘才去到餐廳。我真懷疑如果一旦發生火警，根本無法逃生！食物確實不錯，尤其任食火鍋中算出色，食物新鮮有質素，手切肥牛賣相及味道也很好。另外手打墨魚丸爽口彈牙，值得一試👍🏻但打邊爐除了食物之外，最重要是冷氣，這間餐廳熱到不得了，根本無法專心享用，所有食客都以手中不同的紙張不停撥動，也實在太熱了，就算食物可以，也絕對沒有下次！😡

今次朋友生日提議去呢度！必須提前好多預約，價錢$148 再加—，任飲任食兩個半鐘，我地十幾日前已經預約，(食完之後，再介紹朋友去,已經預約到要兩個星期後！)我地—行四人，去到已經人山人海，人群密雜較嘈！濃煙密佈！入到去急不及待，馬上揀吓食乜！上食物都算快！火鍋料新鮮！當日湯底係，南北杏木瓜雪耳魚湯！正！清甜冇乜味精！整體上食物新鮮，價錢相宜，但係最美中不足係個，抽風系統！勁差，冇冷氣，好熱，差Ｄ缺氧！！！出咗間鋪成身油煙味好臭！真係要改善😰😰😰😰

九點半入座，120一位包湯底包醬料包，任食任飲竹蔗茅根道地烏龍茶韓國檸七忌廉溝鮮奶。店員雖然很忙但照顧尚算周到，推飲品加醬料全部即叫即到，而且會主動加湯，完全唔使叫。唯一缺點係飲品唔夠凍，但如果你有叫啤酒可放入冰筒雪一雪先。入座時醬料已放桌面，食物來得快又沒有漏單。分量大，叫一兩round已ok。推介一隻外表橙色內有少少芥未味嘅芝心丸，出面未食過。牛有牛味。韭菜餃也好食。墨魚丸墨魚滑彈身。有菜心苗同芥蘭苗，好新鮮，出面食好貴。如果冷氣可開大啲更好。

同組仔女reu， 佢地推介黎呢間咁就試下啦。 雖然book 左位，但係都仲等左至15分鐘先有位。 但等既位又窄又焗，就真係唔係咁舒服。 入到去好快就有人同我地落單拎飲品咁，如果凳背放左外套既話，會有個套cover 住件衫，咁就乾淨喇呢個咁貼既服務，讚呀!至於食物，蕃茄湯底夠香又酸酸地，食到好開胃。 至於一定要推介既就係墨魚滑，佢地係拎個好似筒形既容器放既，仲有個匙羹俾人分落個鍋度。 其實都幾好玩， 我組女仲拎黎，話要整個心形黎食都幾特別吖。 至於食落，好香又滑又彈，讚!!

上一個月向佐敦分店食過晚市時段火鍋～任食價錢甘既高質數念念不忘～今晚介紹多兩位朋友去荃灣分店試下～9:30pm宵夜時段～ 睇下有冇差別先？😆是日星期六，9:30pm坐不虛席～ 我地book左位唔駛等即入得✌🏼️2個半鐘任食～ 開動囉！先點飲品，指定免費選擇多👍👍👍調味料也足料通常第一round ~ 一定最重手叫勁多野食😁野食點完好快送到你面前冇漏單👍值得加許😂我們4人～份量每碟剛剛好全力推介：肥牛👍👍👍（靚過好多酒樓👍）海蝦新鮮彈牙，聖子（是日海鮮）新鮮仲識郁架👍👍👍坐卡位～ 6人坐的梳化👍 坐得鬆動成抬都係食，食，同食✌🏼️😁😁😁追加豬肉，羊肉也不錯朋友F 獨食的雞公子~ 😅 她十分enjoy蔬菜類選擇眾多～稻庭烏冬彈牙👍👍👍總結：宵夜時段食物質數依然👍～待應姐姐們好忙送食物，有新單加野食舉手都好快好nice應你！兩位朋友都好滿意是次我的推介～ 4位食得之人食光冇浪費✌🏼️✌🏼✌🏼2個半鐘的大滿足～食完行返大個圈散步先消化落到格～仲有聽日要好好跑返幾k減番先得啦😂💪

大窩口 這一個名在火鍋店中都算響負盛名了，原因就是它食物的種類，質素都名列前茅。 先介紹它的是日海鮮，每天也有不同，有時候是青口，有時候是蠔，而今天的是新鮮的瀨尿蝦。的確，每一次都讓人驚喜。當然，做同區火鍋店中算是比較昂貴。但也物有所值的。 第二樣值得讚賞的是響鈴卷，有響鈴卷食的火鍋店已經不多，味道什佳的更是稀有。它不是用超市隨處可買的響鈴，相對所用的比較脆，比較大。豆味比較香。 當然，也有不好的地方，特別是地方太滑了，容易太跣底了。另外，人手不太夠。當口渴是要用上一段時間才可等到飲品來。頗不滿意。但大至也是可以的。

早打去訂位, 已經放棄佐敦嗰間, 早三個星期打去荃灣, 話未開如訂位, 就早兩個星期再打. 成功. 嘩....... 當日樓下等LIFT條龍係何其........ 長.... 要等起碼兩至三個字架... 不過可能係星期五掛. 上到去.. 嘩.... 超級多人喺個COUNTER附近囉.. 不過我無理係WALK IN 定訂左位, 總之我就直衝去個COUNTER 度.... 話訂左七點啦. >_<~~ 訂左位都要等. 等左三十分鐘. 仲要吹左幾次. 以呢個情況. BOOK左枱都要等, WALK IN 嗰啲我唔明點可仲有位囉, 但個COUNTER姐姐都照收單架喎. ANYWAY. 等左三十分鐘.... 終於有得坐... 食物, 係新鮮既. 海鮮, 都係新鮮既. 當天既是日海鮮係蜆.... 啲蜆攞到埋泥, 係仲識得開蓋關蓋架. 最需要食既, 當然係花膠, 同帶子啦. 但我地得兩個人, 次次都泥得兩舊. 話咁快就攪掂.. 於是... 我就將需要既數量加到十(但人數KEEP二).... 但泥既, 都係得兩粒仔.. 於是...我就將人數改到十 (數量KEEP住個TICK)... 哈哈.

今天係媽媽既生日，所以一早就book左檯去打邊爐！呢間鋪之前都黎過幾次架啦，今次再幫襯打篇食評先～呢間野既野好多都好新鮮，特別係牛肉同海鮮！牛肉唔會太肥，唔係厚切，肥瘦均勻。最好係次次都黎得好足，叫幾多有幾多，唔洗成日ORDER咁煩。佢有好多款手打丸可以揀，好食又彈牙，最好食我覺得應該係芝士丸，芝味濃郁。另外炸魚皮都好正，好脆。怕熱氣既人可以叫竹蔗水飲，打邊爐唔洗下下都飲可樂既，哈哈。

與同事們共敍想食火煱，這間可食2.5小時，比一般任食長半小時已多了暢談時間，而且地方算寬敞，不覺得空間擠逼。這裡的肉類幾有質素的，肥牛不會過肥，亦不是厚切，有點像安格斯肥牛，薄切、肥脂均勻。愛羊肉的我叫了兩碟，大部份都自己食晒，很有羊味，不過第二碟略肥。如之前的食評，其芝士丸味道濃，大家都讚好。還有多款手打丸可選擇，菜餃是餃子類中最好食的，值得推介。這裡還有花膠、海蝦、帆立貝，是日海鮮是蜆。這些都很好。蜆雖然是細，但肉質鮮而且肥美。飲品方便除汽水，還可叫樂天果兩隻梳打汽水，更有道地烏龍茶，正！這餐成人$148，小童$78，要加一，真的抵食。

大約十點半左右到達 要排隊等位 等待時間唔係短 但係值得首先 佢係任飲任食兩個半鐘 完全有足夠時間可以飲飽食醉先走 裏面地方好大 環境都ok 員工服務態度唔錯 絕大部分野食都係任點 叫左個牛腩湯底 幾唔錯 薏米水亦都好清甜 值得一試另外 牛肉同芝士丸係推薦必叫 牛肉唔會好'un' 一點再點 芝士丸入邊全部都係芝士 絕對唔係佳寶貨色 啲芝士係識流出黎嗰種 所以必食👍唯一美中不足的地方係有時order左既嘢會無黎但整體好好 會再幫襯

荃灣「大鍋口火鍋」我們一班朋友都經常幫襯，任食火鍋來講，這間食物的質量是幾好的！價錢又抵！款式都好多！每次也預先book位，人都幾多，但地方闊略，不會太逼。nice! 自選湯底有好多款！用料一點也不馬虎，喜歡清清地可㨂：皮蛋莞茜湯底；喜歡濃味可㨂：蕃茄薯仔豬骨湯底！湯底都好足料架！我自己有幾款比較喜歡的推介：「墨魚滑 」！好食！好彈牙！「花膠仔」！不錯！不錯！（Ps. 留意Maybe會成日走單），這款好多時要order第2次才有得食！一係就賣哂。「滑牛肉」！比肥牛好食！滑嫩的牛肉！「串蝦」！新鮮！有時D蝦重識郁架！「稻庭烏冬」！必食！原次必定會order 的！爽滑的麵條！正！（Ps. 留意這款maybe會成日走單）特別的配料：牛骨髓、青口、油炸鬼、豬粉腸，鵝腸（我自己不食，朋友話洗得好乾淨）......等！菇類，同蔬菜類都好新鮮！！有好亦有些不太好的，就是：牛栢葉切得太細，同太碎！，另外，雲呑也不太好食！豬肉丸，四寶丸都麻麻地！（個人意見）Ps ：待應反應都幾快！食物來的速度也夠快！不用等好耐！讚！