大鍋口海鮮火鍋店 (Closed)

每位一百五十八元打任食邊爐都幾抵食，有時懶都寧願在這裡吃飯，今次叫了醉雞鍋，再叫不同的食物，汽水都選擇可以而且仲有雪糕，但最後沒有吃雪糕。湯底方面醉雞味都幾濃仲有藥材味，但有點奇怪越食越甜，回到家有點口乾。醬料選擇五六款都正常，羊肉好蘇味重而且有點厚身有點難咬，雞肉不好吃，牛肉質素不錯食了幾碟，魚選擇多又新鮮，蝦都幾爽口，餃子有點咸料都夠，菜幾乾淨同新鮮，響鈴不夠脆但都可以接受，最後食了差不多個半鐘就離開，二人三百四十七元都可以而且坐得都舒服又有電視睇。

同妹妹出荃灣買嘢，突然好想打邊爐，其實我任何時候都想…😄， 第一次食上到去環境唔錯，安排2人座卡位，唔逼又舒服👍🏻， 食物質量都唔錯，佢哋有個apps 登記做會員送你一客"極品肥牛粒"😋，我哋緊係即埸download蝕底啦😆

#中意嘅請分享請點讚🍻----------😋任食火鍋2小時 $168呢度嘅湯底選擇好多：四川麻辣湯底、沙爹湯底、花雕醉雞湯底、皮蛋芫茜湯底、椰子滑雞湯底、胡椒豬肚湯底、新鮮豬筒骨湯底、鯊魚骨猴頭菇湯底、元貝章魚冬瓜湯底、鮮蕃茄薯仔豬軟骨湯底。而食物種類都好多，肉類、海鮮、丸類、小食、菜類。其中手切牛都唔錯，雖然係任食，但肥瘦平均。海鮮仲有白鱔片、花蛤、海蝦，全部都好新鮮，唔會有腥味。飲品都係任飲，除左汽水，仲有好多韓國飲品，有竹蔗茅根。食到最後仲可以試下自助雪糕機，有雲呢拿同綠茶味，綠茶味好濃雪糕夠滑，仲有好多配料任你加，有餅碎、麻糬、朱古力。----------所有食物都好快上到，唔會好似平時食放題咁要等好耐又會漏單。不過一到晚市等位就要等好耐，唔想等嘅一定要預早訂位。----------🔎大鍋口海鮮火鍋店🚩荃灣眾安街55號大鴻輝(荃灣)中心16樓全層🚩旺角彌敦道628號瓊華中心16樓🚩佐敦彌敦道219號莊士倫敦廣場12樓

車婆婆要就近吃火鍋所以選到大鍋口海鮮火鍋店，咪睇佢放題形式啊食物種類多又新鮮真的很抵食呢！ 任食火鍋兩小時成人，除了任食亦有任飲多個雪櫃擺放了多樣化的飲品！！他們所提供的食物也相當多，大部份食物都是任點任吃，只有日本廣島蠔、極品肥牛粒、美國桶蠔、極品肥牛和桂花蚌需要另外加錢才可以享用。打邊爐好重視湯底，我地今次見天氣凍，就點了胡椒豬肚湯底，飲落都重胡椒味，豬肚夠爽脆！雖然是任食火鍋，但平均食材質素都高而且選擇都多。下次都會繼續。

本人與先生於2019年7月22日，晚上9時30分，2位惠顧用點餐紙落單時，寫了要6碟肥牛，但只上了一碟於是再落單點了6碟，但依然來了一碟，就同服務員講 需要6碟，但得到的答覆係: 你唔夠先再畫! 態度極之惡劣!再同另一位服務員講，先黎咗6碟，但後來就換來兩位服務員的白眼，同埋聽到她們在說我和先生的不是。真係好想知任點任食意思係咩？有以客為先嗎？係咪需要每位顧客點多於一碟嘅時候都需要寫一張紙？有環保意識嗎？實在好失望!永久blacklist!

服務態度十分不佳！！！！！！！！！2人等位超碼要等2個鐘，只要同員工熟就可以入去先十分差勁👎👎👎、及不公平要前面等好耐既人一等再等。以及明明店入面有4人枱係空既都唔俾2人既入去，一定要等到2人枱有位先入等，所以每次見到有3個以上既人遲過我地黎既都即刻就有空位或等候時間都不長，都會感到十分氣憤😡🤬🤬！強烈建議2人去食既要訂位先或唔好去食，再重申一次荃灣既服務態度認真差勁😡，公私不分🤬。

早在上星期日外家已率先吃了端午節飯，車婆婆要就近吃火鍋所以選到大鍋口海鮮火鍋店，咪睇佢放題形式啊食物種類多又新鮮真的很抵食呢！ 任食火鍋兩小時成人＄168/位，除了任食亦有任飲多個雪櫃擺放了多樣化的飲品！！  混醬的同時選擇湯底我們十人可選兩個湯底，第一款是椰子滑雞湯奶白色的湯頭內有紅棗、椰子和雞件味道也清香。  另一個是元貝章魚冬瓜湯底內有香菇、冬瓜和原隻章魚，這款湯不油膩用來烚菜一流！  點了很多生料不能盡錄介紹其中必吃的吧！家人多是牛魔皇這兒的手切肥牛和滑牛肉都質素不俗，另有是日海鮮這夜是新鮮沒沙的花蛤、還有白鱔片和大大隻的生猛海蝦，光是這三款海鮮已夠回本一大半了！  炸響鈴卷浸數秒索湯吃真心吸引，我當然睇了當吃了啦！  大大隻的生猛海蝦有我手掌那麼大隻，味道鮮甜肉質紮實我們這一家吃了不知多少轉！！ 墨魚滑味道不算很鮮但質感頗彈牙，喜歡這味的可以一試！  還有邪惡的鵝腸、牛柏葉和蟹爪棒肉，我最喜歡吃蟹柳不過這些精製食物還是少吃為妙！   手切肥牛我都不知他們吃了多少盤，肥瘦均稱相信味道口感也不俗！ 魚皮餃是車婆婆的最愛當然要點吧！味道中規

夜既約左大同食飯，人多多，天氣凍左d，大家what’s app group 相量之下去了大窩口打邊爐。我地大學開始到而家工作左兩年，都總有一次黎呢度打邊爐。由於任點，我地首先叫左各自食品，例如肥牛，金菇，墨魚丸，龍蝦丸，芝士丸，獅子狗，菜，粉絲.....一邊傾計，一邊食！大家最愛都係肥牛

7:00拎飛排隊，等7張飛，等到8:00門口已經無哂人，之後d 3-4位即拎飛即入，白白等到8:45先入得，戇居居咁睇住d人可以即刻入去，然後得自己係到等食完聽日又要番工！7張飛都等2粒鐘，又無講定等幾耐，門口個職員態度又差，中哂伏！

諗唔到食乜好，就去任食打邊爐！！本身個人唔鍾意任食😣覺得質素差🤐但係對大窩口任食打邊爐感覺不嬲吾錯今日決定同個friend再戰一開始等咗半個幾鐘先入得去但係佢哋俾咗張大枱我哋坐得非常舒服仲對正電視可以電視撈飯正正正我哋叫咗豬肉又叫牛肉肉類整體新鮮每次想份量唔多兩個女仔都食得哂👍🏻👍🏻👍🏻值得一讚係佢個蝦滑做得唔錯又有蝦味又彈牙蔬菜同菇類都洗得好乾淨😆令我哋食得放心整體來講選擇嘅款式唔算超多但勝在樣樣都做得好用心上菜又快份量合適一定會再去

掃墓前早已跟親友們說好了掃墓後會一起用膳，於是表哥一早便提議到「大鍋口」吃火鍋。這全因為他早已吃過他們的火鍋並感到價錢相宜，質素又不錯，所以我們便提早訂座。到了吃火鍋的當天，感覺這裏的環境只屬一般，地方雖然相當大，但枱與枱之間的空間相當狹窄。雖然這裏沒有什麼環境可言，但是這不是我們前來的重點，我們的目光都投放在他們的食物上。他們所提供的食物也相當多，大部份食物都是任點任吃，只有日本廣島蠔、極品肥牛粒、美國桶蠔、極品肥牛和桂花蚌需要另外加錢才可以享用。由於我們的人數也頗為多，所以點了兩個湯底，一個是胡椒豬肚湯底，而另一個是沙嗲湯底。胡椒豬肚湯底胡椒豬肚湯底的胡椒味相當惹味濃郁，不過豬肚較為薄身，所以口感只屬一般。沙嗲湯底沙嗲湯底的沙嗲味亦相當濃郁惹味，不過就有點過鹹。手切肥牛肥牛的色澤相當紅潤，脂肪分佈也頗均勻，吃上去肉香味也不錯，意外地美味!鮮蝦滑; 墨魚滑鮮蝦滑和墨魚滑兩者都不夠爽口彈牙，同時又不夠鮮甜，整體的味道和口感都只屬一般。炙燒芝心丸炙燒芝心丸的口感相當爽口彈牙，而內裏的芝心芝士味亦相當濃郁，這亦是意外地美味!金錢牛𦟌金錢牛𦟌肉味香濃，同時亦相當鮮甜，味道真的不錯!自家製韮菜

身在荃灣，想打邊爐即刻就諗起”大窩口海鮮火鍋店” 啦。“大窩口海鮮火鍋店”因為價錢平，性價比高，所以成日都大排長龍咖！ 想食既朋友仔要早啲去排隊啦！仲要預啲時間係大鴻輝樓下等升降機丫！

好幾年前有舊同事介紹大鍋口，個陣仲係佐敦店，當時都真心覺得好好食，又多款戈揀，啲野又新鮮。好耐無食過之後今日再食，點知最後有啲失望。。。因為接近10點先去等，所以前面都係得4張枱，等左一陣就入得。但一入到去個卡位，張枱仲有啲殘楂，張椅又濕嘅🤨 叫左人黎抺，但都「凝」住仲係污糟。。啲餐具都感覺污糟，要用濕紙巾抺。咁老實講啲野食都okay ge，尤其係魚，都算新鮮。雖然野食okay，但啲污糟都應該令我唔會再黎

性價比極高嘅任食火鍋👍肉類選擇好多，最鍾意肥牛，分量多又好食，豬頸肉反而有驚喜，爽口好吃，加上吸晒湯底濃味超好食，飲品選擇多,唔怕揀唔啱,啤酒都任飲食飽記得叫雪糕食😆

兩位桌我由六點正開始等，等到八點，竟然話前面有人訂左位，七點半比左啲岩岩出現既人入左去坐，垃圾到爆，我嚴重黑名單呢一間餐廳，門口帶位仲串，無服務，無禮貌，我唔明佢地做咩，同埋會帶人食，前面黎親身等既人，就一直等，啲人未齊既，就入去坐先，咩世界，當自己米芝蓮餐廳？難怪以前咁多人黎食，依加無啦，等諗啲人會寧願去第二間，都唔會再黎呢到。