銀座神樂屋 (Closed)

😤我從來都未食過咁難食既放題成間店唯一入得口只有牛奶雪糕和烏冬揀了$288餐 牛羊豬食物非常非常差先講湯底 湯底揀了韓式味增和壽喜燒兩個湯底鹹到苦 😨狂加水都勁鹹牛肉好厚好鞋 😳吉x家d牛仲好食過佢豚肉咬左一啖巳經唔想再食所有肉都沒有再order 所有食物要凍唔凍 要熱唔熱刺身叫了雜錦刺身盤擺盤是沒有問題 但重點刺身是暖的 成盤刺身都好唔新鮮 好驚食完肚痛極度失望 到熟食 天婦羅只叫了蝦天婦羅 都可以咁難食 同埋凍左串燒所有均唔熱外皮燶到苦燒到乾哂水我懷疑燒完放左一段時間先拎出黎比客人所有食物都係暖唔係熱壽司最後比多次機會佢 但都係火都黎有紫菜既淋哂D飯酸到爆 刺身唔新鮮最差係....... 隔黎枱埋單走 店員執枱落洗碗車應該有碟未食過既牛 （但巳有血水）店員交比另一位店員放返落雪櫃我知 出街食飯預左唔衛生 但點解要比客人見到知道好耐都未試過係香港食過一間咁伏既放題

因為疫情冇得去旅行，相信好多人都會好掛住日本，唯有食日本野當去咗日本旅行啦🤪。係華美粵海酒店入面有一間日本餐廳，午市賣日式定食，晚市係放題邊爐。今次就試左午市定食。/蛤貝味噌烏冬鍋 配五件壽司定食 🌟蛤貝湯底好有鮮味，會令人忍唔住飲哂d湯，真材實料冇用味精，仲有豆腐，幾種菇，夠大鍋足料，加埋壽司夠哂飽。/山海烏冬鍋五目飯刺身定食🌟/蒲燒鰻魚飯定食🌟/燒魚定食🌟燒魚的賣相好吸引，魚皮有少少脆，煎完有魚油好滋味！/每個午市定食套餐會有個日式雪糕，滿足感一百分。

作為灣仔區上班族,是銀座神樂屋的常客,很喜歡它的lunch set, 中午也經常座無虛席, 由於對它的刺身及炸物有信心才會想試它的晚市放題。放題以無限時 火鍋,刺身,壽司,炸物...etc任食作招徠, 平均2××-3××一位價(未加一), 我覺得定價合理,於是第一次試食晚市放題。試了中位價288一位(未加一)有牛/豬/羊片任食,可惜三樣都失望!!!(牛)一點都不肥, 是一片很瘦又厚的牛片, 超級"鞋"及乾,食完一round就放棄encore(豬)安慰自己會比牛好, 怎料也一樣"鞋"到好似煲完湯的豬肉片,也是放棄encore(羊)口感的確比前兩樣好 但"蘇"味好明顯, 喜歡的會喜歡, 不喜歡小心會弄到整個湯底都是"蘇"味(利申:平時接受小"蘇"味的羊)最後全部放棄encore!!覺得在佳寶自己買最平既肥牛都比它好食=,=見隔離桌點了最貴的牛小排, 肉紋靚好多, 可能要點最貴才可入口,可惜就算點最貴, 只有牛會好食些,豬同羊都係同288一樣, 唔化算!至於刺身同炸物完全沒有問題!!!其中螺刺身非常甜,甜蝦非常新鮮,赤貝很爽口!!!友人也很滿意帶子!!!!如果回本價食at least兩rou

今天係同事的farewell 飯，有人請梗係高興喇呢間餐廳是第2次去，每次1點時都非常多人，服務員都不停走來走去...好彩今次我地12點食，所以不用等就有位....一坐低睇menu(sor 又帶影一弓），都多選擇，我揀左個天婦羅烏冬+5件sushi...外貌非常豐富，壽司就正常發揮...個撈烏冬不錯，彈牙，加埋d年糕，咬落有層次😂...係天婦羅個size不是太大...總括而言，埋單$115+1，有埋甜品幾抵食👍🏻...建議book左位12點去食

出左糧，點都要搵間好啲嘅餐廳慰勞下自己，咁就同同事揀左神樂屋，價錢同份量成正比，有甜品又有野飲，食物質素仲好好添！我就揀左海老天婦羅炸年糕撈烏冬五件壽司定食，今次前菜係紅蘿蔔同白蘿蔔，無乜味道，同過往嘅開胃小吃不同。烏冬係紫菜蛋絲撈豉油咁，烏冬煙韌，上面嘅海老天婦羅同年糕炸得好靚，擺碟亦好得睇。五件壽司係每款各一，質素保持一貫水準，每次最開心最期待就係佢嘅帶子壽司。😋通常我地都係食到尾聲就order甜品同野飲，甜品每次都係冰凍軟雪糕，但一段時間後都會轉另一口味嘅軟雪糕，相信呢度嘅軟雪糕係唧出來後再放入雪櫃，雪糕滑，奶味濃，可以媲美貴價牌子。飲品就唔記得影相，因為都係一般嘅啡茶。😆

香港人真係好鍾意打邊爐同放題，生日飯局當然缺一不可，所以揀左呢間無限時日式火鍋+放題慶祝朋友生日🎂呢度收費係有4個唔同價錢，分別在於肉既種類，我地揀左最貴$388，可以試晒所有肉，正！放題首先點了個刺身拼盤，魚生新鮮，款式都有9種，而壽司都有起碼20款，選擇都算幾多，當然仲有串燒，天婦羅，炸物等提供串燒雞翼表面燒到微燶，醃得好入味，好食茶碗蒸個蛋都幾滑，味道唔太咸，不錯清酒雜錦蛤貝，唔係好食到酒味，應該煮既過程酒精都差不多揮發晒，蜆細細隻無沙，真係可以食到好多隻日式火鍋特選牛小排d雪花紋好均勻，肉質鮮嫩，唔洗點醬都已經好食嚴選豚肉切得薄薄的，淥一陣好快熟，一點豬膻味都無，出面仲放有菜，菇，丸，粟米等等卑大家選擇，全部配料都係無限供應甜品甜品都有4款提供，抹茶卷蛋食到濃濃既抹茶味，唔太甜，焦糖雞蛋布甸香滑，無諗過甜品竟然會有驚喜

灣仔附都好多餐廳 中午食飯就揀左呢一間位於酒店入面既日本餐廳中午餐牌價錢唔算貴 一個定食 有餐飲有雪糕都係70蚊起 我見到八件壽司加一個烏冬都係百零蚊左右不過我就揀左個雞烏冬 凍檸茶個雞烏冬好重既黑胡椒味 飲完個湯個人好似都暖左d 不過有d人可能會覺得有d辣 烏冬同雞既份量都好多 雞唔會好鞋好韌 入面仲有d娃娃菜餐飲叫左呢一杯凍檸茶 中規中矩 正常水準 但我既感覺 呢杯野有d似雀檸 加兩片檸檬就搞掂食完之後仲有個雪糕 但無影到相 係一個哈密瓜同雲尼娜既兩溝 食完岩岩好飽哂

晚餐，任食，食材新鮮，豬肉同牛肉都好好味，好味過好過大型打邊爐餐廳，魚生壽司和其他熱食都好食。值得推介的一間餐廳。飲品任飲。價錢唔貴，食物質素比起其他放題為好。

灣仔商業區中便宜舒適的OL飯堂，今天大約12點左右到了餐廳，餐廳剛開始營業，位置還有很多，但過了半小時之後就滿席了。午餐的套餐真的十分便宜一個小火鍋烏冬加6件壽司也只要115塊錢。但今天我選了溫泉蛋牛肉烏冬跟5件壽司，也只是110元而已。不過很可惜烏冬比較韌，不是軟綿綿的那種；而壽司飯比較黏；但刺身不錯。最後的甜點， 雲呢拿加朱古力軟雪糕很棒！灣仔地區一個日式套餐只要120左右，又有飲品又有甜品，CP值很高，可惜我點錯了套餐了吧。最麻煩是沒辦法訂位，一定要排隊。

今日去咗灣仔食晏晝飯～由於一行太多人，所以我哋一早訂咗位，去到等左5分鐘到就可以入去坐啦～餐廳非常寬敞，面積好大，餐廳安排左幾張枱拍埋俾我哋午市定食嘅選擇都幾多，我就揀咗呢款有八件壽司同埋湯烏冬嘅餐。佢有埋前菜同埋甜品。前菜普普通通，冇乜印象。主菜嘅壽司我覺得一般，魚生咁個唔算高質素，尤其是係吞拿魚，唔夠肥，冇乜吞拿魚味。 反而熟嘅壽司就正正常常，不過不失啦湯烏冬係麵豉湯湯底，配上香蔥同埋天婦羅嘅咋皮，幾有層次感幾特別～ 最後甜品係哈密瓜雪糕，味道好假，食咗一兩啖就停咗手埋單連埋+1多過$100，感覺普普通通，可一不可再。

好多happy Friday 都係lunchtime 同同事到神樂屋食呢個餐 好抵食 食咁多野都只係hkd 115跟同事都很愛牛肉烏冬鍋加六件壽司🍣定食 首先講個牛肉鍋 佢個湯底好濃郁 入面還加了冬菇、溫泉蛋 、金菇及娃娃菜 佢啲牛肉份量絕對唔少 同埋啲烏冬好滑 而且放在鍋入面 有時攤耐咗仲keep 到熱哄哄 所以通常我都會食得津津有味六件壽司包括帶子 三文魚 🍣 同埋吞拿魚 好新鮮 同埋 其實份量有點多 通常都食唔哂餐廳環境幾好 同埋裝潢比較日系 只係lunchtime 都蠻多人 有時都要等候一會才入到去 同埋覺得人手比較唔夠 有待改善 至於食物的質素都不錯

前身為【銀座藏人】進行變革後，變身為【銀座神樂屋】。🌞🕐午市主打定食，有飯、烏冬、 壽司等等，另有一杯冷/熱飲品和自家制扭紋雪糕。一般午市時間都人頭湧湧，出餐時間較長，所以我哋會有策略地食，等入座時要諗定點邊個餐，一坐底就要落單兼order餐飲，食到中段就要上雪糕，雪糕到時就要叫埋單🤣。🌛🕖晚市主打火鍋放題，同時供應任食刺身、壽司、串燒及炸品等等，有機會我都要試下先🤗。🍱我點了五目飯味噌酒粕湯定食🍱🥄五目飯在飯添加幾種料，有蒟蒻絲、香菇絲、紅蘿蔔絲。。。米飯很軟綿綿。🥄味噌酒加入酒粕散發米香味，增加美味。🥄刺身有三文魚、甜蝦、帶子，好新鮮，水準都不錯。🥄天婦羅有鮮菇、大蝦、蔬菜，炸至金黃色外層酥脆，香而不膩。🍨是日雪糕: 牛奶水蜜桃，雪糕似忌廉般，奶味超重，微酸水蜜桃，口感順滑，配搭一流。同事點了🍱彩花魚生飯定食🍱🍱香濃滑雞烏冬鍋四件壽司定食🍱

星期日中午一行大人小朋友合共三十人到灣仔銀座神樂屋日本餐廳食午餐。先後遇上4名不禮服務的女侍應。先是第一個女侍應，用參半的廣東話幫我們落單，我已指著餐牌 「20B 、10F」，她沒有覆單就走開了。到第二名女侍應上餐時，不斷叫「11H」，我重複指著餐牌告知她，我叫的是「20B 、10F」，沒有叫11H。她的語氣反問我「現在你喺唔喺唔要呀」，之後就走開了。到第三名女侍應送上同一個餐，不斷迫我要接受這個餐，我都是重複「我沒有叫這個餐，麻煩你先check 落單記錄」。第四名女侍應則大大聲跟第三名女侍人話「個客落錯單呀」。第一名女侍應又走過來堅稱她沒有落錯單，錯的是我。我沒有再跟她們爭論，吃完便離開了。幫襯這家餐廳已超過10年，自從舊一批員工離職後，她們的服務態度就變得每況越下。

以前叫藏人，唔知幾時改左叫神樂屋，但都係抵食，所以中午時通常都要等十五分鐘先入坐。今日我食柚子豚肉烏冬，勁多菜同豬肉，味道可以，但湯底今日有D淡。另同事叫了牛肉烏冬定食，配蒸蛋同壽司。依度蒸蛋唔錯，壽司一般。另一個常吃是五目魚飯定食。同事話今日個湯好淡。

12月是食唔停的一個月，除了生日飯，還有做冬、聖誕及新年聚餐，總之每星期都有不同飯局。壽星仔想食日本菜，同事立即搜尋灣仔區有邊間好食，想起之前光顧的「神樂屋」，其午餐選擇多，定食約$100起，除了丼飯，還有烏冬配壽司等，於是決定食呢間。🔸 牛肉烏冬鍋六件壽司定食烏冬鍋除了牛肉外，還有溫泉蛋及金菇，壽喜燒味道既湯底，甜甜哋味道唔錯，烏冬略嫌淋了一點，而牛肉尚算肥美。壽司有三款，分別是三文魚、吞拿魚及帶子，都算新鮮，但壽司飯略為鬆散，一夾就散開。飯後還有餐飲及甜品，當日甜品為雙色雪糕。本身烏冬鍋份量頗大，加上壽司及甜品，很飽足的一餐。Ps. 人多的話，最好預先訂位，因為平日午市時段頗多人幫襯。