銀座蔵人 (Closed)

以灣仔來說，這兒的環境真的很不錯，約朋友lunch最好，還不用訂檯。這次朋友臨時相約吃飯，也不愁沒有"好坐"一點的地方。點了壽司/烏冬set和壽司/拉麵set相比之下，原來烏冬真的比拉麵優勝，因為前者比較有咬口，後者相對較淋。壽司仍然是有欠水準，特別是那塊tuna，一見顏色就知質素如何了。附雪糕及飲品，飽飽的。相信仍然會來 - 為的是烏冬和環境。

上次夜晚同幾個FD 食..6點半去到,食到十點半..冇時限,任食刺身,食到勁飽,好正~!D 三文魚好新鮮..不過我就狂刷甜蝦..燒鰻魚&燒魚頭都好有水準..牛油燒元貝&明太子雞翼都唔錯.D 侍應好NICE..會主動同我地介紹咩好食..聽佢地講都有好多日本人成日黎幫襯..果日去都有幾枱日本人..不過佢地飲酒HIGH 得濟..有D 嘈..刺身師傅都係日本人..識講廣東話~好勁!總括黎講..值得再去食~!

和朋友和這裡午飯。餐廳在酒店內，環境不錯，又不用book位。點了壽司烏冬定食($60) - 前菜是蘿蔔牛腩一如所料，壽司有5-6件，上面的魚生質素當然不怎樣。烏冬有一點彈牙，不過不失。另附送餐飲及芝麻雪糕(雪到好硬...)，okay抵食吧。

Went with friends on a weekday for lunch,many set lunches for around $6x including side dish, main dish and drink.The sushi came as it appeared on the menu, so did the main dishes. In general, the food was ok, however the ramen was tasteless, so after adding the soy sauce from the sushi, it enhanced it.The tea was good, western tea, however my fd complained about his coke, saying it tasted different.

呢間嘢最好嘅優點就係無乜客,只要你對食嘢嘅要求唔高,過時過節又訂唔到檯食飯,藏人會係一個好選擇,最緊要唔好要求有五星級嘅享受,但咁嘅價錢食放題都算OK >>>最少都可以嚟試一次,就算搵笨都係最後一次......

一行十二人來呢度食. 當晚大約7:45pm到﹐環境暗暗﹐食客唔多﹐靜靜地既好。因為我地十二人﹐所以座到最入果間大房。打開menu ﹐發現佢地原來段人數而限你地每次叫野既碟數。但係可能當晚無乜人既關係﹐我地一輪嘴咁叫都冇stop我地。食物方面﹐每種魚生都新鮮兼肥美﹐由其係三文魚﹐甜蝦同禜螺。牛油燒帶子都幾好﹐好香牛油味又唔乾身。鯖魚亦燒得好香同juicy。但係d軍襤壽司就唔係咁得。紫菜係淋既﹐飯好似屋企煲果d廣東米咁。亦呼籲大家千其唔好叫冷麵﹐因為佢地會用一個超大既碗比好多好多你﹐一上臺都比佢地嚇左一跳。出麵d放題係用好似載麵”si”湯果d細碗ga ma。服務方面﹐可能我地座既位置係最入﹐所以有時要係咁"yarp"d服務員先見到。

昨晚吃dinner buffet唯一可取是串燒雞翼和湯烏冬冰鮮番茄正常水準壽司的飯會散所有魚生也沒有特別味道味贈蜆肉湯味淡串燒豚肉實過石頭煮牛肋骨肉偏鹹炸茄子中間竟然有肉, 你估煎釀三寶天婦羅大蝦的蝦"枚"天婦羅海鮮賣相差, 味道似旺角街頭炸物場地十分好, 夠大夠闊落, 人客少夠靜局, 食具精美年青waitress 很nice但有小昆蟲四圍飛, 竟停留在sushi 上

日式放題$188 +10% (包1杯汽水) Mon - Fri1800 - 23002230 last order食物推介：1) 刺身三文魚、甜蝦、八爪魚、鱆紅魚、吞拿魚新鮮、好味，尤其甜蝦，超甜！2) 壽司有10多款3) 軟殼蟹、彩虹卷4) 沙律醬煮蝦球味道好得意，蝦好爽！5) 自家製豆腐豆腐超滑，唔錯！6) 牛油燒元貝好香牛油味，唔會太漏。7) 鹽燒北海道花魚味道一般，我嘛嘛，魚肉有乾！8) 雞翼串燒好味！隻雞翼燒得好靚！9) 燒雞腿肉o.k.喇，冇咩特別。10) 燒牛肋骨肉夠肉汁，好味！11) 大蝦天婦羅夠脆口，脆醬唔會太厚。12) 炸蝦薯仔卷薯仔加蝦，好得意！13) 炸生蠔、他他醬魚柳熱辣辣，即叫即整，好味！14) 藏人特製冷烏冬好煙韌，正！我行完美食博覽，周圍地方食飯，行行見到喱間，我記得係中環都有一間，但未試過，於是就試！喱度環境幽靜，我入去時，已經係7:45 p.m.，當時只得兩，仲要準備埋單，好彩後尾都有兩入，可能喱度太僻喇！但喱度侍應very nice，食物質素都唔錯，好多都係即叫即整，刺身又新鮮，都值得推介。

都說不要迷信有日本師傅坐鎮有日本經理有日本人顧客兼且天天爆棚還要坐落在酒店的地方一定好吃。坦白說，環境叫做不錯，招呼也不能算差，除了不明白為甚麼侍應要在這麼狹窄的空間來回狂奔。壽司，竟然一夾就散，太兒嬉了吧，銀雪魚OK，魚生絕不是上等貨，反而鴨胸是上等貨，天婦羅的漿粉，硬成一團。至於味噌炸黑豚，有點想哭的感覺，豚肉是上等的，但竟然炸得過哂火候，所謂過哂火，不只是時間太長的問題，而是火太猛，炸出來的顏色，還有那咬不入口的表皮，簡直是浪費了那個豚肉，奇怪的是一個椰菜沙津一個薯仔沙津不錯喎。每個套餐只是由$70~$120，還包咖啡雪糕，座落酒店，你想要求甚麼？當然雪村平過佢好食過佢，不過要加多二十蚊的士錢仲要行路。樓上富東飲茶質素時好時壞。這樣說吧，如果在灣仔又想吃日本料理，無選擇中的選擇咯。

跟客戶吃個business lunch，地點任她選，出事了！灣仔商業區過百間食肆，偏要選這間糟透的「銀座藏人」！這兒的刺身向來麻麻地，所以就算刺身set lunch 便宜到百二蚊一份，誓死唔食。轉戰熟食，點了「牛肉鍋sukiyaki」，份量奇少，牛肉over-cooked，漬物唔好味，總之吃兩口就想放棄。客戶點了「刺身set」，份量細小，味道完全唔得，毫無魚的鮮味！餐包甜品，選了咖啡雪糕，因為雪得太硬，被迫放棄。餐飲選了熱咖啡，理所當然地難飲。no next time ~

趁農曆年後，約客戶聯誼，對方選這兒，額頭冒汗！我們都點了午市定食（$120 另加一），每款都附有‘魚板蛋絲湯’（唉！）、前菜‘海藻泡菜、螺肉’（超市十蚊一小盒那款，唉！）、一小杯‘黃豆漬物’（看儍眼！）、蕎麥冷麵（唔好味，個味味道怪怪！）。我的是「雜錦壽司」配「雜錦魚生」，魚生味道麻麻，質素好差，無魚味，雪味濃郁！客人點的了「雜錦魚生飯」，魚生好薄，我的刺身都差爆，更何況他的魚生飯的魚生，唔會好得去邊…！甜點係‘咖啡雪糕’，奶味濃郁，咖啡味幾假，食兩啖巳想放棄！餐飲點了‘熱咖啡’，應該係美式滴漏，但奈何咖啡粉唔得，結果唔香亦唔濃，比麥記還差！整體好差，只有環境時髦而已。無必要都唔會再來。

滑蛋系列出色藏人的午飯定食一絲不苟. 滑蛋系列比魚生系列好(魚生也算不錯, 但份量不多, 比這裡好的也大有店在. 反之, 滑蛋系列則頗有其特色, 吃慣的食客多會order滑蛋定食).一客定食, 有前菜(細細碗酸菜), 味噌湯(得半碗滿), 大碗飯, 主菜, 雪糕(不同味道, 冇得選, 看你運氣) 和飯品. back to 滑蛋豬扖定食. 滑蛋豬扖是用另一個碟上的. 豬扖炸得剛剛好, 滑蛋真的很滑, 兩者非常配合, 味道也不太salty. $70-80 的一個午餐, 這裡可是酒店裡的日本餐廳啊.食午飯一定要訂位.

女伴來灣仔跟我吃午餐，週四中午，難得少客，僅六成滿！女伴點「櫻花魚生飯」午餐（$88；另加一），我點了「雜錦刺身併雜錦魚生飯」午餐（$108；另加一）。「櫻花魚生飯」午餐有蘿蔔煮物、稻庭凍烏冬、櫻花魚生飯。烏冬彈牙好味，魚生飯的刺身好行貨，麻麻地！「雜錦刺身併雜錦魚生飯」午餐有海苔漬物、花生豆腐、山藥漬物、芽菜豆泡湯、蕎麥冷麵、雜錦刺身、雜錦魚生飯。蕎麥冷麵好行貨，刺身好行貨，唔得。甜品係雲尼娜雪糕，一般貨色。餐飲要了熱咖啡，好香濃，似番D 樣。食物麻麻，刺身幾差，只有環境時髦風尚。價錢變得偏貴。

今日Star Chamber嚟呢度開lunch meeting，講吓人事問題。人事問題無乜大結論，但係又可以聽到阿sir發表偉論，真係身心舒暢。講返嘢食。我叫咗個銀鱈魚燒，件頭雖然細，但係真係幾好食，比大亞味工房或者SAE鱈魚燒都好。啲魚有肉汁，啲汁甜得嚟又無蓋住魚鮮味，加上層次分明，口感十足。我都幾鐘意啲芽菜，但係又係少咗啲，同埋同韓國鋪嗰啲又差少少。而啲飯、漬菜、湯同雪糕就比較一般。重有，啲雪糕叫咗好耐都未嚟。臨走阿sir又講咗幾個笑話，真係笑死人。

我選了「金槍魚定食」（$70），同事選了「咖哩牛肉飯」（$7x）、「櫻花魚生定食」（$9x）。我的「金槍魚定食」包：雜菌漬物、味噌湯、金槍魚飯（鮪魚刺身厚切，好味！唯那汁料重味精，但酸酸地幾醒胃！）、紅豆雪糕（一般貨仔）、熱檸茶（好細杯）。同事的「咖哩牛肉飯」好一般，但汁料幾濃厚。「櫻花魚生定食」華麗漂亮，但魚生質素麻麻。