GOGO 為食坊

Open Now

Now Closed

去旺角拎野，同事介紹一齊去食台灣嘢，餐廳地點喺人來人往嘅砵蘭街，一出行人隧道就見倒好大間 “GOGO為食坊”，樓高兩層，地下係甜品店，上電梯後仲分左幾個唔同區，一邊係食西餐，我地揀左中菜加台灣菜，另一邊仲有打邊爐🍲！全層樓好大，裝潢簡潔座位濶落勁多卡位，我地可點中菜同打台灣料理，有齊我最愛嘅牛肉麵、珍珠奶茶同台式小食！午飯SET $56仲好多選擇，價錢親民唔錯！👍👍👍🍜特色台灣牛肉湯麵 $60 用小鍋上枱嘅台灣牛肉麵，湯頭香濃！牛肉入口即溶，忟得勁淋勁入味！配菜有白蘿蔔，麵底比較偏軟身，我自己就超鐘意！連埋湯一齊食更香濃！跟餐小食：微辣嘅雲耳同魚仔同樣出色！跟餐飲品點了台式QQ百香果茶 加$8 ～清甜又好味！用黎解解啱啱好🍱鹽酥雞粒肉燥飯 $58 炸得酥脆嘅鹽酥雞 ，啖啖雞肉嫩滑有肉汁，加埋滿滿嘅肉燥嘅飯香濃多肉汁，肥瘦適中，香而不膩！每一啖飯都夠食倒滷肉！配菜有魚仔同炒豆角，新鮮爽口唔馬虎！飯嘅份量都好足！唔錯！🧡牛肉餅🧡＄23: 店員推介鎮店之寶牛肉餅！一切開立即爆汁！牛肉餅香口肉味濃，外皮煎到薄脆，推介！  🍢辣肉鬆皮蛋冷豆腐 $38 ，我地揀咗小辣，滑滑嘅豆腐加上肉鬆皮蛋，又香

一個滿足你幾個願望嘅地方😛有西餐、中餐、台式、串燒、甜品等等包羅萬有，地方位置又方便，座位舒適，一個唔錯嘅吹水地方🍻串燒🍡燒牛舌 $24 | 燒豬腩肉 $22 | 一口牛柳 $36正常發揮，而牛舌就有D驚喜，大大嚿好淋，喜歡食牛舌嘅朋友必選 💯香草肉丸意大利粉 $69好勁香草味🌿，非常濃郁，份量亦多，每啖意粉都掛到汁，肉丸都有成7-8粒，好滿足😁香脆窩夫配雲呢拿雪糕 $55熱烘烘既窩夫🧇，外脆內軟，拌碟有芒果及雲呢拿汁，再加埋雪糕冷熱交替🤤令味蕾相當刺激🤭焦糖MOCA星冰樂 $28好濃焦糖咖啡味，出色👍🏻特濃芒芒冰沙 $28芒果味突出，好清甜🥭

想食中、西、台美食？又想坐得舒服唔同人逼？仲想抵玩好食質數高？ 無問題！小女今次就試咗間可以滿足你呢三個願望嘅餐廳「GOGO為食坊」~ 位於朗豪坊附近，門口大大個招牌「GOGO為食坊」，就係早前介紹過嘅蠔吧扒房「GOGO Rock」嘅上一層~ 就咁睇個名以為Food Court嚟，上到去見到先知原來係一間餐廳。餐廳裝飾都幾靚，環境寬闊，坐得舒服~ 餐廳同時有賣中、西、台美食，今次就同男友試咗佢嘅台式美食~ 🧡牛肉餅（$23/個）必食推介！ 牛肉餅大大個，皮薄餡靚，咬落去勁多肉汁，牛味香濃，細食啲既食完都飽lu~ 🧡蒜香台灣香腸肉燥飯（$58）本身以為就咁得香腸同肉燥飯，點知嚟到仲有好多拍青瓜跟埋，份量好足，抵食！ 🧡芝士魚肉卷肉燥拌麵（$58）有四條芝士魚肉卷配千島醬俾你點，炸得香脆，肉燥拌麵份量同樣好足！ 🧡炸黃金鳳蝦尾（$38）一共四隻鳳蝦尾，蝦係有蘿蔔絲包住炸，食落唔會覺得好油膩，點住泰式酸辣汁都幾唔錯~ 🧡招牌無冰奶茶（跟餐+$8）奶茶香濃幼滑，係幾好飲，加錢都值得嘅！ 🧡綠茶鮮奶（跟餐+$8）抹茶味足，大大杯，比得住出去叫二三十蚊杯個啲！

排完隊買完mirror 隻碟 就係旺角搵下有咩食咁岩見到新興大廈留下好多花牌，就知有新野開，望下望下 好似幾多花款，就決定試下幫襯啦！呢到個場好大，好似美食廣場咁，有唔同種類既野食，但我得一個人試唔到好多野，唯有叫個麵食下就算，但估唔到真係好正下，個牛腩淋得黎又入味，但講入味就個蘿蔔就真係頂瓜瓜，3個字黎形容，好好食😋 而家話新張優惠加$1仲有牛肉餅送，個牛肉餅一咬落去爆哂汁，超正！另外我最欣賞佢個環境比我感覺好舒適，特別係有d高枱坐下，個feel好正，聽講夜晚仲有私房菜食（有房）仲要有波睇，可惜而家夜晚又唔比堂食，唯有遲下再食啦。

今天在旺角見到新食肆慶祝開幕，一蚊一件牛肉餅，於是和朋友去試試。見門口餐牌有多種不同的選擇，中式炒粉麵飯，西式扒餐薄餅，甚至台式和燒烤都有，價錢平實，加埋GOGO為食坊這個名稱，以為是類似Food Court的形式，誰知搭完扶手電梯上到去，是正正式式的西餐廳，裝飾雅緻，非常開揚。食物方面，主角$1牛肉餅無呃人，皮薄餡多爆曬汁，很好食。我們叫了兩個台式麵餐，包涼拌小食和熱飲。特色台灣牛肉麵（$62），一上枱就聞到牛骨湯的味道，牛肉大塊又夠腍，還有兩件清甜蘿蔔。麵底選了闊麵，很軟滑。這碗牛肉麵不輸於台灣麵專門店。鹽酥雞扒湯麵($58)，雞扒好大塊，是鹽酥雞的炸法，外皮酥脆帶點煙韌。因我選了牛骨湯底，所以和牛肉麵一樣香濃（另外可選豬骨湯）。送的涼拌四季豆少少辣，份量充足。加$8轉了特飲：杞子紅棗桂圓茶夠甜夠滋潤，龍眼肉又夠多，連渣都食埋。招牌無冰奶茶茶味夠，不過我平日飲開無糖奶茶，所以覺得甜咗少少。另外還叫了炸黃金鳳尾蝦（$38）有4隻，外觀很好，無油淋淋的感覺。咬落去外脆內軟，外層不是普通粉漿，吃到一條條的蘿蔔絲，不過隻蝦就比較細小。可能新開張又要上一樓，人客不多，坐得很舒服。能以茶餐廳的