金甲韓國料理 (Closed)

聖誕過左先黎溫度急跌, 自不然會諗起要打邊爐。不過我同朋友得2個人, 打傳統邊爐唔太化算, 叫唔到好多野食。1 search 之下比我搵到呢間熱點, 係一人一鍋既台式火鍋。假日我地當然醒水, 為左唔同人迫, 選擇六點半就開飯喇!Menu 有好多唔同既火鍋簡, 有冬陰公, 番茄, 麻辣唔同口味。假錢大約$78 - $128不等, 算係中價位啦.見聖誕咁高興我就點左最貴既椰子海南雞窩佢個煲中Size 啦, 入面有好多材料, 有淮山, 娃娃菜, 雞, 馬蹄肉, 豆腐, 粟米, 蜆, 椰子肉等等林林種種既材料加埋加埋真係幾大煲。講反味道先。椰子海南雞呢個湯底偏向清淡既，打開濃湯火鍋可能會嫌淡。但個人黎講就幾岩心水, 因為椰子味都幾出, 又唔油膩, 幾清甜。D 娃娃菜切成細塊, 幾爽口; 雞肉比想像中嫩, 合格; 幾欣賞佢個豆腐, 滑溜得黎吸哂椰子湯仔既甜品, 好好味!!值得一提既係, 雖然蜆仔唔算好肥, 但係數目都唔少, 幾好幾好!!呢D 台式邊爐真係幾飽, 因為鍋物係配白飯!! 差D 食唔落啊

行完街想食燒肉，見一個半鐘任飲任食，有見openrice啲相食物種類好似好多，價錢合理，所以就上咗去～果然種類好多，沙律，汽水，五花茶，豆漿，甜品，熟食，燒肉，壽司同埋雪糕，應有盡有～三文魚好新鮮，見佢不停refill～ 沙律，青瓜，芽菜等等好新鮮爽口～豬腳薑都煮得好淋仲有好多蛋～燒肉類選擇多，特別鍾意牛肋骨肉，大大塊好厚肉，配埋個汁好好味！！所以攞咗好多轉～人蔘雞湯夠火喉，好味！！encore！！甜品豆腐花好滑好味，水晶頭紗包都好好味又係攞咗幾次！！呢個任食燒肉放題，好味，選擇多，物有所值！！

第一去，侍應態度非常差，大把位，但安排坐一排有一條大＂渠＂在腳底的位，根本隻腳就算傷殘的都坐不了，要求改位後還有兩位侍應出來＂招呼＂，堅持下才自己搵左四個位，火爐開不到的，再等多5分鐘，才有另外一位職員重複試開爐，又再等5分鐘，又有個唔知咩人走埋嚟，又再講多次要搭抬，又再三話要準時走，大佬我來食嘢，好似乞食咁！食物種類極少。坐位安排上非常狹窄，出入都要其他人起身。更離譜的是，眼白白見住隔離枱食客走後用過的豉油，待應竟用豉油壼在收枱時＂回收＂！總之打死我下次都唔會來！好驚！

最近有朋友生日啊！一早知佢鍾意食韓國野，特別係燒肉，就特登同佢去食放題食番夠本！平時比較少食放題，都唔知邊間有質素保證，以試試下既心態去食！但自從第一次試過金甲，食過都唔錯，所以特登帶佢黎呢度食韓式放題最重要梗係要瘋狂食燒肉，咁先最回本！佢啲係以自助餐形式咁出去拎肉呀食材黎燒所以唔洗怕D店員慢手慢腳食少左野十款左右既肉比我地揀，我個人最鐘意個五花肉，肥得黎又脆口，食落好有肉味，之後用D油再黎煎其他野，揀直係世界級！！除左牛肉，仲有雞翼，魚，雞肉，選擇好多不過我地班食肉獸當然係主攻牛肉啦哈哈佢真係連前菜同甜品都唔差！特別係泡菜！！食到我唔停得口！！最正係原來呢間有埋刺身食！！D三文魚極速比人拎哂，不過好彩既係佢地REFIL既速度都好快下整體黎講性價比幾高！！個價錢唔算貴，過下韓燒手引既人都可以試下

前日放假同朋友去食，去到旺角又唔知食乜好，見到樓下有人派傳單又唔係貴就上去試下啦。上到去啲staff都幾nice，座位都算闊落，四個人一張卡位岩岩好。食物方面，真係有surprise!! 本身以為都係一般平價韓燒咁得幾款，點知都幾多野食，三文魚刺身都算幾新鮮，同埋好搶手😂我最中意食佢既金菇肥牛卷同牛柳粒，又香口又好味，食到停唔到口😂有朋友唔食牛既，佢就最中意食魷魚同雞翼，性價比好高😍熟食幾有驚喜，連人蔘雞湯都有，飲得岀無乜味精，正！野飲有豆漿五花茶，仲有唔同既紙包同罐裝飲品，連可口可樂，忌廉鮮奶同cc apple都有，岀面通常得百事同cc lemon😂甜品一定唔少得雪糕啦，抹茶雲呢那朱古力都有，奶凍啫喱木槺布甸，每樣都食到真係好滿足！總括泥講，一定會再去！員工好親切，一見到我地坐風口位就幫我地調較冷氣，換鐵板又夠快，餐廳無乜油煙，如果想同朋友靜靜地傾下計，又想平平地食餐好既，呢到真係一個唔錯既選擇！

係旺角interview，完左之後就約左friend去食韓燒，係旺角有好多又便又抵食既食肆，真係唔知點選，就係西洋菜街附近行左下睇下有咩食，點知見到有人派緊leaflet，就拿佐黎睇，原來係韓燒buffet，於是乎就同friend一起入左去。經過熟食區，豬腳薑的醋香味撲鼻而來，令人食慾大增，忍唔住拎左幾件食住先，d豬腳皮好爽口，但夠腍又入味，唔錯未開始燒野食就被各種各樣的熟食前菜吸引左，薄餅、秋刀魚、炒粉絲、炸饅頭、樣樣都好味～牛仔骨，肥牛，牛扒、牛肉粒、豬肉、雞肉，鮮魷片、牛扒血淋淋睇得出好新鮮虎蝦有巴掌大，三兩下就烤熟啦，撒左d椒鹽，辣椒粉，鮮甜又美味食完d烤肉黎自助果汁機度整d五花茶潤下喉先。仲有各种韩国苏打食到7分饱先发现又寿司刺身，下次一定要食，三文鱼晶莹剔透，不容错过。最尾拿左个柠檬布丁同豆腐花，食完仲有大把时间，就坐系度饮野吹水。金甲环境OK，通风做得幾好唔會食完成身油煙味，侍應都好禮貌同服務周到，將d唔要既垃圾及時清走，我地食得好舒服。

今次由你第一間好食嘅韓國料理呢一間金甲真係可以任食燒肉而且同埋都有一啲小菜例如泡菜呀壽司等等我最鍾意嘅紫菜包飯我食咗超多個好好食好覺醋未有好多唔同嘅小菜可以任拎嘅例如泡菜,青瓜,粟米芽菜等等真係要講返句말 수 있어요除咗韓式嘅料理就是燒嘢食嘅料理嘅例如係壽司又鰻魚 玉子壽司等等鰻魚壽司都真係幾好食架多汁同仲鰻魚味覺得飽啲生果添去咗普通嘅燒肉之外仲有肥牛金菇呀估唔到會有呀好好食啲肉都唔會太肥幾健康同埋都好多唔同嘅肉類可以揀例如牛肉豬肉等等約下唔同嘅豬嘅豬部位都有

呢間韓燒平均價為170到 我有朋友話有小小貴~ 佢覺得值150到 不過見人見智啦!有幾個比較欣賞既位係~爐方面~佢既設計唔易起火上黎~ 因為有d人都好注重爐既設計~有d韓燒個爐好易燒晒d火上黎~搞到好恐怖~因為有部分人係好驚火既..我地上去食個陣有蝦食~種類都係十分足夠同多既我覺得 但我有d朋友再次上去食時變左無蝦@@韓式牛肉照舊好食~ 唔會太咸, sushi 水準都唔錯 夠凍 夠醋 同埋主菜夠大件!整體黎講我俾呢間都係高分過average~ 但同樣價錢都會升小小~但我覺得可接受range入面

見到有團購98/位, 竟然有蝦食咁正, openrice又咁多好評, 就去試下啦.點知去到一隻蝦都睇唔到, 咁就問下侍應啦, 佢態度勁差地答: 放左喺出面啦, 要自己夾架嘛!食左成粒鐘, 眼甘甘望實都唔見有fill過, 跟住再問另一個senior啲既侍應先至出得少少,我地一枱四人, 夾得俾我地每人3隻 (共12隻) 出面又無哂...肉: 比一般街市燒烤食品店貨式更差!三文魚: 不過不失炸物: 晚上7:00依個時段, 啲炸物竟然都可以又凍又淋, 好想知道究竟放左幾耐, 垃圾甜品: 不值一提平平地, 都諗住算數, 點知到埋單嗰陣...其實團購嘅時候都已經知道要另外再俾49/位服務費, 但侍應上單收84/位, 咁當然問下佢咩事啦, 侍應態度好差咁答, 原來指定時段又要另外再收35/位...原本團購: $98服務費: $49指定時段: $35total: $182/位同正價$188/位相差$6.團購要早兩日訂位, 又要印張野出黎, 結果慳6蚊, 野食又差, 服務又差. 為乜呢?(明明見到寫住收信用卡, 又同我講淨係收現金)差到逼使我開始寫第一篇食評.此店不可一, 更不可再.

放工先黎落雨，同同事就臨時決定系公司附近食完dinner再返去，係旺角西洋菜街呢頭好多食肆，由於雨勢滂沱，就捻住食buffet，時間耐d，等雨勢無咁大，就選左金甲韓燒。初初入去見到有好多冷盤小食，就順道拎左幾樣，秋刀魚、炸饅頭、燒雞翼，仲有自助果汁機黎杯五花茶降下火先得。肉類都好豐富，切得好均勻，一眼望去都有幾十樣，極上牛肋骨、肥牛金菇、墨魚仔、魷魚蘇。牛肋骨都係厚度適中，易熟入味。虎蝦都好大隻，6隻就可以圍住成個盧，蝦肉鮮甜彈牙。三文魚刺身切得大方，基本壽司種類都有齊噻。雪櫃度有各種韓國蘇打，晚市任飲添～甜品爭2樣顏色就係彩虹啦，繽紛水果布丁，各種口味，適合各類食客。收尾買單2人400蚊都有找，我地食完雨都停埋，估唔到咁抵食。

系旺角呢头，最多buffet食肆嘎啦，聚集左各地美食荟萃，揾野食捏梗系要選旺角，同學仔放學就約埋係旺角食飯，我地係附近隨意行下睇下有咩食，點知見到金甲韓燒，晚市$188，價錢岩心水就入左去食～肉类：金菇肥牛、猪扒、雞翼、牛肋骨、辣豬肉、雞肉、牛肉、魷魚、辣豬趴、魷魚蘇⋯辣豬趴醃得夠入味、魷魚好新鮮彈牙，魷魚蘇好大件，牛肋骨切得好均勻，牛肉好嫩不老，豬趴都有辣有唔辣，各取所需。生果甜品：西瓜、火龍果、泡芙、蛋糕、蛋捲、糕點。韓國蘇打任飲：蘋果蘇打、藍莓蘇打。三文魚刺身、各類壽司，仲有豬腳薑添，人參雞湯，蕃薯糖水、湯圓布丁、雪糕。果然無選錯，金甲環境衛生都可以，通風唔錯，盧頭獲利夠大，燒完一味又一味，食唔停口，$200蚊樓下可以食咁多美食，實在抵。

前幾日跟朋友在旺角行街之後，再想找間餐廳吃飯，見很久沒有吃韓燒，就決定一定要去燒一燒。 我們吃9點多，時間有點晚，但幸好人不多，不用等太久第一件事，到飲品櫃拿了罐飲品，是平日比較少見的玉泉提子汁！ 酸酸甜甜，又解渴！ 看到有三文魚，即刻取了一大碟，薄切但夠大塊，味道不錯燒物款式不少，如果每樣都吃一塊的話，應該會飽到上心口目測份量足，也滿新鮮的肉食調味調得不錯，夠惹味，每塊切得1-2口份量，剛好！ 用洋蔥圈燒一燒，香氣四射，惹味又燙口肉食之外，還有瓜、菇、青口、魚、及大量的生菜供應生菜大大塊，咬上口又脆又爽，包著肉來吃油膩感即消韓式泡菜微辣，與肉食及生菜是絕配之選！ 最後，當然要吃甜品雪糕味道可以，豆腐花口感很滑可以自己加糖，非常不錯

今日出糧，就同friend一起去食buffet韓燒，係旺角呢頭搵左間叫金甲既韓燒，見價錢唔貴，啤酒汽水任飲，就毫不猶疑入左去試。入到去等左陣未有位住，就去睇下有咩食，見到好多野食，眼花撩亂，淨係前菜都十幾樣，仲有多種熟食，甜品五顏六色，肉類勁多，一眼望唔晒，雪櫃仲有多種飲品，有自助果汁機，生果都隨你選，見到都留晒口水。無幾耐就埋位就餐啦～牙菜、手拍青瓜好好味、沙律好開胃熟食有燒雞翼，炸饅頭、薄餅、炸薯條…………牛仔骨件件超大塊，幾塊就擺滿左成個盧，肉汁飽滿虎蝦都好大隻，肉厚，新鮮仲有豬腳薑，真係想食乜就有乜烤魷魚，香而不腥，火力夠大，烤得好入味有好多種韓國蘇打飲品只供晚市飲用，都係任飲，自助果汁機隔離有豆腐花三文魚刺身好新鮮啊，仲有多種基本壽司，鰻魚、吞拿魚、蟹柳⋯甜品真係唔知食得邊樣啦，雪糕、葡撻、泡芙、布丁、蛋糕、西瓜、橙，任你選任你食。唔覺意都食多左。抵食既韓燒就好多，但係金甲d食材種類豐富，唔單調，啱晒各種口味人士，唔錯，會再幫襯。

今日同幾個朋友來到位於旺角嘅金甲韓國料理吃燒肉放題。餐廳環境好寬敞，每張枱都好大，活動空間都非常足夠，一D都唔會覺得迫。一邊燒一邊吃，真係非常寫意。燒肉前先攞幾味前菜同壽司刺身甜點開胃下先，然後正式開始燒肉，燒烤種類款式多，有生蝦，花甲，雞翼，肥牛，魷魚圈，魚肉，海鮮等。當然仲有我摯愛牛仔骨喇，食材新鮮味道醃製得好入味，其他，有紅腸、香腸、雞肉和鱼，都好新鮮,魚肉好滑飲品酒水都係任飲，選擇亦繁多,豆漿、可樂、雪碧、橙汁，仲有有汽蘋果梳打潤喉解喝；食完燒肉食翻D甜品降降火款式有雪糕又有甜點同埋豆腐花；豆腐花好香滑,甜度適中；雪糕味道好鬼正。 餐廳座位舒適, 食物款式多, 味道和質素唔錯, 好食。青口花甲新鮮爽口蝦新鮮大隻必燒牛仔骨金菇牛肉卷牛肉入口即熔,金菇好香糕點，生果，熟食琳瑯滿目

已經很久沒吃任食韓燒了係咁旺既西洋菜街， 收到張傳單睇下，見到任食任飲，價錢都合理，突然勾起條癮想食韓燒，就直接上去，有D 擔心要等位，好彩係使點等，頂多見其他人都係搭枱一入去已經見到好多野食，除左燒烤類等生野，仲有韓式前菜任食，甜品，熟食 (豬腳薑醋)，壽司都有，包羅萬有豬腳薑醋雖然唔係韓式，不過黎食一定要食佢，煮得好入味，隻蛋似鐵蛋，豬腳&薑都好淋燒烤類，基本既牛肉，豬肉都唔錯，呢度仲有新鮮生菜俾你包住d肉黎食，可以減油膩，配埋麵豉醬超好味估唔到呢到會有和風一口牛肉粒，不過唔好燒太耐，好易會UN另外仲有護心肉，呢隻肉我未食過，原來都幾好味，偏向淋身飲品方面, 自己去雪櫃拎，有汽水，涼茶，啤酒等， 或者旁邊的果汁機，不過果汁機D 名攪錯左，唔係芒果汁而係豆漿， 豆漿味道都OK甜品方面，木糠布丁， 個人覺得幾好，我起碼食左3個仲有少量蛋糕仔，葡撻，都係大路野雪糕，朱古力味唔錯，濃味，有碎朱古力粒，唔係一般雀巢貨色，仲有好少平價放題會提供既綠茶味 最後一提係個…人參雞湯，係令人失望，無雞味, 又無蔘味，希望個湯會有改善呢種韓燒仲係港式，無加裝抽氣筒對住個爐， 不過呢度d 抽風應該做得唔錯