金甲韓國料理 (Closed)

近旺角地鐵站, 交通方便, 開到凌晨1:30, 韓燒+日式刺身, 加埋一都係二百蚊左右! 1.5小時任飲任食! 真係抵到爛! 全自助形式! 中意食咩就拎咩, 唔怕漏單! 好多好多款唔同選擇, 豬,牛,雞肉類都齊, 仲要醃得好入味,而且夠林~ 我就狂食佢地既牛肉, 好甜, 好正!! 燒緊既同時亦可以食埋冷盤熱盤熟食, 保証你可以食唔停! 只怕你個胃唔夠擺! 另一邊仲有日式壽司刺身, 款式唔多, 但呢度係韓燒餐廳, 有都叫bonus啦! 食物一d都唔hea…而且fill in都好快~ 另有多款甜品, 熱豆腐花同維記雪糕任食!同埋呢度抽氣做得幾好, 冇咩油煙~ 地方都幾整潔! 又多一個放題選擇同朋友出來聚舊, 食返餐勁!

​ 兔仔去食燒烤任食，款式多籮籮主打燒肉。 首先是五花腩、肥牛和金菇肥牛。 五花腩燒到油份走晒出嚟，食得夠爽。 肥牛和金菇肥牛質素平平，好彩有金菇襯托一下。 食非常油膩的肉類當然要加上生菜，消濟之餘增加健康感。 青口份量都夠大，牛肉粒正方形油香滿溢，味道新鮮。 竟然可以選擇豆腐花，熱烘烘的豆腐加上黃糖香氣四散，滑嫩得很。 豆漿都有，好健康丫！ 甜品普普通通，不過不失，勝在款式多。 最正係雪糕! 人均消費@$206 金甲韓國料理 旺角西洋菜南街74-84號旺角城市中心4樓

係旺角行街抽起條筋, 想食韓燒, 見金甲呢間都幾抵食就上左去~環境都幾好WOR!!!仲要好多款式!!!!!! 除左唔同既之肉類之外, 仲好熟食、炸野、湯水、甜品、生果......前菜都有好多款添!! 個人推介泡菜、拍青瓜、魚仔、酸翹頭!!個鑪未熱, 就先食前菜、刺身同壽司先~刺身只有三文魚, 味道正常, 可以多食~~ 壽司都有幾款, 但都係唔好食咁多, 我想食燒肉呀~~肉類比較出色既有牛肋骨、雞亦、辣豬肉、護心肉~其他, 好似多春魚、魷魚鬚、腎、牛舌, 我地都食左好多~~可惜個人覺得海鮮同蔬菜唔足夠! 吃得太多肉, 會覺得HEAVY!我仲將牛肉+泡菜卷埋一齊食, 正好多呀!!!!!最後, 我地仲將生果盤的菠蘿放埋去燒, 變左燒菠蘿, 好食好多WOR!!!!!!!! XDXDXD飲品同甜品都有好多選擇! 健康工房的飲品最好, 清熱氣, 無咁罪惡感呀食咁多肉!甜品我拎左燉奶、抹茶奶凍、葡撻, 都好好食呀! 仲有無入鏡既JELLY、桂花糕、雪糕都好食得過~反而我唔記得拎豆腐花呀!!! (好想食T_T)

咁岩經過西洋菜南街百老匯附近，有一個好親切嘅店員向我哋推介傳統韓國燒烤放題，見到價錢都合理而且笑容好親切，就想去攞咗位，每位＄188 加一，任食個半鐘。除咗有韓國燒肉之外，款式亦係想像中知道我，首先有人蔘雞湯、中式湯和糖水。另外也有好多款式的壽司，甜品的款式也極多，又冷又熱，仲有任食嘅雪糕，自己DIY ,連豆腐花都有埋！五花茶，豆漿又有⋯選項多不勝數中式選擇嘅都夠晒多，未能每款都試⋯其中我就選擇了豬腳，真係有啲似之前朋友生咗BB比我嘅豬腳薑！溫度熱熱地，炆得好稔，好出色又入味。前菜選擇了三文魚刺身，質素一般，不過有得食好過無得食，過下口癮。唔少得金菇肥牛，紅腸，廚師腸同埋豬腩肉，質素都可以，起碼放得入口。特別係豬腩肉油香十足，口感唔差。牛肋骨以及魷魚一早已經調左未，一個就夠香一個就夠辣，好爽口，幾好味。多春魚唔係好靚，不過燒完之後一樣爽口殺食。中式湯有味精就一定，不過調味唔錯仲要熱力充足，值得一嘗。豆腐花就夠晒滑，加啲糖甜甜地，又係一個唔錯嘅小食，正。 當日雪糕有四隻味道，我就選擇了其中三隻，味道唔錯有少少似旺角中心上面＄10三球👍🏻

朋友上次試完呢間韓燒唔錯，話今日帶我去試下入到去就係食物既bar枱，已經吸引我既目光!有二十四款食材任你燒!有一個裝滿甜品既甜品櫃，但我對甜品無興趣無影韓式前菜，豆芽，芽菜，青瓜，醃蒜，泡菜味道夠入味唔太鹹，泡菜酸辣度適中夠開胃!最鍾意呢個韓式炒粉絲!味度夠香口，可惜放太耐凍左，另外仲有炸薯條，蝦餅，雞全翼，但賣相都似係放太耐凍左，所以無試了。冬菇，雞脾菇，茄子，好好燒!而且較新鮮，燒完入邊仲有好多汁，夠juicy。五花腩同牛舌都好好味，可惜牛舌韌左少少。鍾意油香既朋友一定要試五花腩!!比起專門店呢度切得較薄更易燒，一燒起油脂出哂黎，而且因為薄身唔洗燒太耐，唔會燒到又乾又硬。醃豬排夠入味，可惜肉質較鞋口牛仔骨夠嫰滑!!!牛肉味都算重肥牛金菇卷都係要encore既!燒完出黎軟腍多汁!豬排，牛仔骨encore五花腩好厚既鴨胸多汁醃豬肉，醃牛肉筋位咬唔開既燒雞腎但夠爽口牛柳粒好少見，但因為厚身一粒粒比較難燒。另外，店內既座位同間隔好闊，唔洗逼埋一齊坐。雖然無抽油煙既抽油煙機，但店內無太大油煙問題，幾好唔錯

同老婆家人去食韓燒，佢地帶左我去旺角一間上樓既燒肉店。一出𨋢就見到佢地既大招牌，入門口乾淨企理，0係旺角黎講都算係環境唔錯，另我對晚飯更期待。入到去見到中間一張大大地長枱，原來呢度除左燒肉，仲有好多熟食同甜品可以揀。當然旁邊亦有一張大大既燒肉枱啦。全定定就出去拎野食，老婆拎燒肉，而我負責拎少少頭盤。頭盤冷盤當中，螺肉最好食，涼涼地夠爽口又夠惹味。老婆最鍾意食泡菜，佢話呢度既泡菜都唔錯wor。熱完身正式開始食燒肉，燒肉當中雞翼最吸引。強勁既熱力下，雞翼好快熟透，表面香脆，但因為猛火既關係內裡既肉質仲係好嫩滑。而且佢地0係醃製方面做得好唔錯，味道夠香，但又不致於過咸/甜。相反，未經醃製既肥牛、牛柳粒同鴨胸等等就遜色左少少。海鮮方面，最令人驚喜既就係海蝦。估唔到去食任食韓燒都有海蝦，仲要係大大隻好新鮮果種。0係熱一熱既火爐上面，海蝦一燒就變色，吱吱聲加上香味，非常吸引。入口果下，蝦肉好夠彈性，好新鮮，鮮味十足，我地都食左唔少。燒左幾round都飽飽，最後當然係老婆最期待既甜品啦，都無估到原來韓燒店都會有甘豐富既甜品！又有得食燒肉，又滿足到老婆，一個價錢，抵。

早前在旺角shopping ，路過西洋菜南街時，見到一個笑容滿面，態度甚好的嫲嫲在街上派傳單，接過介單張一看，原來是韓式燒烤放題的介紹，細看下，收費又不算昂貴，地點就在附近，於是便上去光顧。 上到餐廳，裝修不算華麗，以灰色牆身為主，裝潢設計，似是開業了好一段年月，或許只因是樓上舖，所以平常未有為意。待應招乎及禮貌亦屬一般。 幸好，安坐後，在食物區行了一圈，發覺這裡的食物種類也不少，分別有生果、壽司、三文魚刺生、熟食和各式各樣醃好的肉類供應，BeautySearch 喜愛的甜品同樣不少，有多款蛋糕、燉奶、布甸、豆腐花、綠豆沙，另外還有數款湯類。 燒肉還需時間，頭盤當然是三文魚刺身，另外，我添加了鰻魚壽司各蟹籽壽司，雖然是韓式燒烤放題，但三文魚刺身的質素也不錯喔！三文魚刺身切的有一點厚度，肉質亦相當肥美，口感新鮮，而壽司亦蠻不錯喔！ 另品嚐了蜜糖燒雞翼，由於有些冷了，所以 BeautySearch 把雞翼放在爐上烤了一會，想不到，輕烤後的雞翼外皮香脆，帶點蜜糖的香甜，肉質都算嫩滑，值得一試。 主食方面，烤了豬扒、牛肉片、一口牛柳和魚柳等，豬扒肉質口感不錯；當中牛肉片薄切最入味，又嫩滑，

很久沒有食過韓燒, 心癮一起, 隨便找到這家金甲, 價錢不貴($188, 另加一), 一個價錢任夾任燒任食.夾食物處非常衛生, 而且食物refill 得快, 抵讚!雖然是任夾任食, 但連近期大熱的護心肉都有得食！它是豬的橫隔膜與肝臟之間的肉，產量不多，份外矜貴。其口感極具嚼頭，咀嚼時就好像幫口部做運動似的。味道有點點像豬膶，好此道者定必會喜歡。極上牛肋骨亦是回本貨。平時在韓燒店點牛肋骨，動輒二三百元一條，這裡則任夾任燒，雖然細細片，但質素亦不錯。肋骨與肉之間有一層脂肪，食落特別香口，而且肉質彈牙而不韌。金菇肥牛卷，有肉又有菜，沒有肥膩感。牛肉切得好薄，放在爐中"辣"下兩邊就可以進食了！牛肉好柔軟，以韓式醃肉汁調味，味道甜甜的，很好吃！牛舌呈鮮紅色，好新鮮，片片薄切，質感非常爽口彈牙。沒有經過醃製，更能嚐到牛舌獨有的羶香。牛肉粒的厚度剛剛好, 外層燒到全熟, 帶焦香, 而內裡燒至七成熟, 所以咬落去肉汁豐富, 好好吃!魷魚片亦是必夾之選。魷魚片用類似沙嗲汁醃過，極為惹味。墨魚仔沒有醃過，有點腥，還是燒魷魚片比較好。雞翼沒有醃過，但可以在燒烤時，加上放在桌上的韓式豉油，自製豉油皇香煎雞翼，

早2日同班FD係旺角唱完K就去搵野食,見到呢間話無限時食,咁就岩哂我地成班人邊吹水邊食啦,仲可以食到1點,咁就上左去食,大約7點半上去到,都仲有D位,店員都好NICE咁幫我地帶位。一坐低梗係一時間拎野食啦,款式都唔少,一般韓燒店有既都有,除左燒烤類仲有一D小食同好多唔同款式既甜品。肉類當然唔少得豬,牛,雞,豬排,雞翼等主菜,有用醃料醃過,甜甜地幾好味,最適合香港人口味,唔駛點豉油都得。最特別就係有一口牛柳粒,平時都係去D專食燒肉既鋪先有,估唔到呢間都有,質素亦唔錯,牛味十足。另外金菇肥牛卷都值得一讚，唔係好多韓燒舖會有，2者係最佳配搭。小食方面有薯餅薯條等等,雖然凍左但仲係好脆好好食。另外有五六種唔同類既壽司冷盤,例如三文魚,玉子,魚子，中華沙津，泡菜等等，食落都好新鮮。而且亦有中式小菜配有白飯，例如咕嚕肉等，岩哂d唔想食太多熱氣野既人。甜品就多喇,有朱古力泡芺,入面有CREAM,幾好食。有雞蛋布丁,好重雞蛋味,亦唔會好甜。豆腐花係任裝，可以加黃糖或者薑糖汁，質感方面都ok既，不過唔算太滑，仲有奶凍,士多啤梨奶凍,木糠布甸,啫喱糖等等,款式好多,質素亦唔差,岩哂乜都想試既人食。飲品方面

Long weekend 當然要大食特食，今晚同媽媽去左旺角食韓燒。間店都幾易搵，一出地鐵站就可以見到banner。因為係wekeend，成人價錢係$198再加一。店內都幾光猛闊落，通風做得唔錯，無咩煙味。中間係擺食物既位置，有三大張長枱，比想像中豐富得多了。除左必備既新鮮烤肉外，佢地有十多款冷盤、少量刺物壽司、數款熱盤、十多款甜品、湯同飯等等。睇相都睇得出場面有幾震撼，好似去左食buffet甘。當然我地都係目標為本，主攻烤肉啦。牛有5款：肥牛、牛舌、牛肋骨、牛肉同牛肉粒。當中牛肋骨最好食，有牛味又甜甜地，加少少燒肉汁吊一吊味，帶出肉香。肉質亦唔錯，易入位輕易咬開，但亦有一定口感，我地encore左三次。豬有5款：護心肉、辣豬扒、豬扒、辣豬肉、豬肉。平時最鍾意食護心肉，但我覺得呢度稍為切得厚左少少，難燒得好。反而普通豬肉薄薄一片，較易熟亦都較入味。辣豬肉醃製得非常好，辣度適中，辣味有層次，包埋生菜食味道最夾。雞有2款：雞翼同雞肉。個人覺得兩款都好食，好難比較，雞肉肉質嫩滑有彈性，味香濃。海鮮方面都有幾款，但魚類比較遜色，反而海蝦比較吸引。蝦係中蝦size，長期有貨任夾。蝦好新鮮，燒一陣

友人想食韓燒，但又唔想食漢陽苑，就變咗食呢間。一入門口見到咁多唔同食物選擇，即刻食指大動。除咗有生嘅，重有熟嘅，連壽司都有。飲品有紙包裝，罐裝，豆漿同五花茶，真係花多眼亂。主菜緊係燒肉喇，D扒醃得好入味，當中又帶點微甜。全部肉我都試過，當中牛仔骨最惹味。重有，D服務員俾咗好多意見我點燒得好食同唔易濃，低讚。熟食就普普通通。豆漿好淡，冇咩豆味，但好過相漢陽苑超甜豆漿。最後都係揀咗Milkis嚟飲。食飽飽，緊係試返D甜品，細細個幾的色。唔啱西式，可以試吓D涼粉同豆腐花。不過D飯後果就好乾，一D都唔新鮮。Anyway, 想一次過滿足幾個願望，呢度都不失為一個選擇。

昨天晚上, 收工後雖然拖著已經累垮了的身體，但慶幸的是終於可以和很久沒聚的大忙人L小姐到這間餐廳共晉晚餐，真的非常感恩! 喺平日的晚上，人客唔算太多，只係等左一陣就有位了，估唔到座位幾寬敞闊落，坐得舒適食嘢都滋味D。選擇相當豐富青口、鮮蝦新鮮大隻首先攞左一D青口黎燒，由於我對於生熟程度的控制非常不理性的關係，大慨8成熟多些我就夾起放進口了，口感當然非常好啦，因為是我嚴密監控的嘛，哈哈！但是正因為這樣，才證實到食材是相當新鮮的，一入口就知了海蝦，也是真的非常有咬感，鮮味十足，食完一隻又一隻，食食下都唔知食左幾多隻來韓燒，當然也要試試我最愛吃的肥牛金茹啦！一咬下去，味道果然也不負所望，絕對是值得一試的！之後也試左牛仔骨，肥牛，牛味濃郁，必食仲有各樣前菜，芽菜、青瓜、沙律，雞腎更是我的最愛，冇雪味仲好爽脆仲有好多生果、糕點、甜品，最緊要飲多幾罐韓國汽水啦......很快，便到了晚餐的尾聲，結束了這頓美味的韓式放題，我和L小姐開心還開心，也是要回歸現實生活。希望，很快又到下次和L小姐再來韓燒啦! ^_^

上星期日一家約20人訂了金甲韓國料理，之後看食評，其中看到有些人評得極差，那一刻心想如真的差如何向家人交待，因我是經團購，幸好到座後，金甲避免我們坐的太迫，預了4張枱給我們，服務也不錯，像我們需要換鐵板，也即時更換，食物都有很多種類和新鲜，收費亦算便宜，一家人開心地渡過了一晚。

阿菇生日快樂！最近姊妹聚會密左好多，希望可以keep住每月最少見一次啦今次我地揀左韓燒為菇姐慶生，對住好姊妹，唔洗顧儀態，唔洗扮細食，唔怕食完身臭臭親對方，可以盡情做自己！售先講講價錢，200蚊左右一位，生肉類菜類海鮮任燒，刺身壽司，韓式前菜，熟食，雪糕，飲品，水果，大量甜品任食，我覺得好抵啊呢度連大蝦都有得任食，而且質素唔差，大大隻又夠爽彈熟食既炸雞翼都係必食推介，我地自己再放落爐燒一燒先食，香脆入味，面頭仲有甜甜既蜜糖，好味只係影左第一轉燒緊既相，就掛住食無再影了整齊衛生既生肉區，值得一讚一部分既熟食前菜部分既水果同甜品飲品豆腐花，仲有幾款口味既雪糕無影到~總括而言，食物質素唔錯，環境衛生，員工友善，又與姊妹過了開心的一晚！會再幫襯

今天難得是假期，不用上班，約了朋友到旺角逛街，晚上就到附近的韓烤店吃燒肉放題。 就在旺角城市中心4樓的金甲韓國料理，晚市時段$188（星期五、六、日、日、假期以及假期前夕加$10）任食、任燒、任飲韓國特色飲品、汽水、雪條、刺身、韓式燒烤自助放題。熱葷類包括炒蜆、炒粉絲、烤蜜糖雞翼 涼菜有多種選擇，芽菜、大豆芽、椰菜、莧菜、泡菜等，冰冰涼涼，很易入口。 三文魚刺身任拎任食，肉厚肥美，條紋清晰，算是不錯的！ 燒烤方面，有多款選擇，兩個大雪櫃放滿了燒烤食物，有豬扒、辣豬肉、豬肉、雞翼、辣豬扒、墨魚仔、魷魚、魷魚鬚、魚柳、多春魚、牛舌、五花腩、芝士腸、紅腸、肥牛、雞肉腸、煙鴨胸、火雞腎、洋蔥、青口、茄子、雞脾菇、一口牛、青口等等 肉質吃上來也是不錯的，醃味不錯，肉質嫩滑，燒出來的都很香！當中最好吃的是牛仔骨 還有大大隻的蝦 肉類包上生菜、蒜蓉和麵豉醬可減低膩感，吃上來還很清新呢！ 甜品有多種選擇，蛋糕、啫喱、葡撻、燉蛋、西米糕、木糠布甸等！ 當日水果有橙和西瓜，鮮橙香甜多汁！ 還有雪糕，有雲尼拿、抺茶和我最愛的朱古力味。 吃了大約2小時便飽飽了，整體食物不錯！值得一讚服務很好，會主動提出