金萊餐廳 (Closed)

今日好開心係銅鑼灣一間茶餐廳食到一味已好耐好耐無食過嘅餸：剁椒蒸魚雲。自從酸菜魚侵佔咗香港嘅餐廳後，餐牌上不是酸辣就是麻辣，剁椒菜式似乎少了關注。今日打開餐牌，見二人小菜套餐（$170）有這味餸可選，即時心心眼，結果無令人失望。剁椒蒸魚雲剁椒不嗆辣，少辣鮮鹹，用來蒸魚頭，色澤紅亮、味道濃郁、鮮嫩不膩、色香味十足。魚雲即是魚頭及其它部位，含豐富的不飽和脂肪酸，對眼睛和腦部最有益。這餐廳的魚雲非常新鮮，口感嫩滑，在魚雲底還有粉皮，粉皮索晒汁，真係好好味。珍菌羅漢齋雖然是齋菜，但味道都幾好，尤其是墊底的芽菜，又係索晒汁，好正。套餐還包例湯和白飯，熱飲則加$5。餐廳有兩層，我們坐樓上窗旁，茶餐廳也有cafe feel。

Lunch又係搵好味道的時間，今次來到這間位於銅鑼灣廣場一期附近的茶餐廳，他們的裝修比較新穎，以tiffany blue顏色為主，感覺年青!午市時間有lunch set，亦有常餐、小菜、散叫等，種類繁多!瑞士汁牛肉炒河，我點了常餐的炒河，這個炒河份量都幾多!河粉炒得乾身，而且不會好油!用上洋蔥和青椒一齊炒，牛肉腍身，整體味道剛剛好，不會偏咸或偏淡，而且上菜時熱辣辣，十分有鑊氣!凍檸茶，常餐包一杯熱飲，加$3有凍飲!這裡的檸茶茶底味道夠澀，檸檬味剛剛好，而且十分冰凍，正呀!金磚四角西多士，突然好想食西多士，所以就點了一份，這裡有兩款不同的西多士，一款是傳統口味的，另一款是流心芝士！而這款傳統口味弄了做3小舊，內裡是花生醬餡料，外面淋上蜜糖同塗上牛油，十分美味!韭黃銀芽肉絲粉麵，同事叫我幫忙買外賣，點了這個午餐，估唔到都好高質！醬汁和炸麵是分開的，就算返到公司炸麵都是脆卜卜，醬汁亦好美味，正呀！

Sogo感謝祭掃完貨，攰攰地又餓餓地，揾個地方坐下醫醫肚先😍Yeah係Sogo對面街附近有間新開又有兩層地方闊落嘅餐廳“正”係你啦😁😁我地坐二樓好舒適好光猛👍👍Order 個二人套餐先，有例湯同兩個餸仲有兩碗白飯架，見門口有好靚燒味❤️加碟燒鵝先😋😋例湯係好飲有雪耳好滋潤呢😋魚香茄子🍆煲，原煲上熱辣辣見到巳經流口水，食落好惹味餸飯最啱，而且d茄子唔太淋好爽口“正”❤️避風塘風沙雞，好有鑊氣，🌶辣辣地好開胃，又脆卜卜d肉多汁唔錯呀👍👍例牌燒鵝都唔細碟架，望落好Juicy，Woo食落勁惹味，燒鵝皮脆肉嫩又多肉汁d肉又軟淋淋，呢到d燒鵝真係勁好味👍👍值得Encore😋😋熱檸檬茶同荔枝冰茶，🍹荔枝冰茶冰凉透心仲好香荔枝味添yummy金萊地址: 銅鑼灣駱克道485號恆景大廈地下 - 1樓

難得為食同事放假帶我去食好野👍🏻， 當然一定要試下啦。 佢話這間小菜唔錯， 當然要order 試真啲（5⭐️最高）二人餐：兩個小菜+兩份白飯+兩碗湯⭐️蝦乾粉絲雜菜（5⭐️）好足料， 有菜心、西蘭花、生菜、金菇、 木耳、 冬菇、 大大條蝦乾及足料粉絲😘。 正～❤️冰梅欖角骨（5⭐️）尼款有驚喜🥰， 啖啖肉， 酸酸甜甜。底部仲有少少脆脆地「粉絲」， 好野味👍🏻。 💕西班牙黑毛豬叉燒皇例牌（5⭐️）最近愛上食用黑毛豬做既叉燒， 因為真係肉質好有層次， 又唔會「梅」而且好幼滑🥰。 飲品🍹凍檸茶及凍檸水： 大大杯， 滿瀉的😂😂好抵飲😍

又來銅鑼灣搵食，今次被廳門口吊住的叉燒吸引住，肚子餓了，就進去醫肚。凍三檸茶+8跟餐的飲品，有鮮檸檬、青檸和鹹檸，味道甜甜酸酸帶點鹹，很特別，喜歡💕星加坡海鮮喇沙湯米線$92餐廳嚴選進口喇沙湯香料，確保味道地道，喇沙配料豐富，有豆卜、蛋、蝦，魷魚、魚蛋、牙菜……而且可以選擇米缐或麵，抵讚炸雞髀伴雜果沙律$49超大雞脾，雞皮炸得金黃酥脆；沙律可選雜菜沙律或雜果沙律，認真貼心🥰西班牙黑毛豬叉燒例牌$150超好味皇牌西班牙黑毛豬叉燒，肉質彈牙、爽口、嫩滑，真心好吃。什菌蝦球炒麵$72很有鑊氣的什菌蝦球炒麵，炒麵周邊脆卜卜，蝦球爽口彈牙又鮮味，配上彩椒和小棠菜，色彩鮮艷，好味又健康。

🐽西班牙黑毛豬叉燒（例牌）餐廳以燒味做主打，必試推介西班牙黑毛豬叉燒。半肥瘦，肉味香濃，嫩滑juicy，肉面帶出麥芽糖嘅甘香，而且配有經典蠔油豆，叉燒連肥膏一齊食，入口即溶。👩🏻‍🤝‍👨🏼午市二人套餐🦐蝦乾粉絲什菜煲午市小炒份量十足，燴出菜湯有蝦乾鮮味，粉絲仲好入味。蔬菜仲有西蘭花，荷蘭豆，椰菜，菜心，相當豐富。🧊冰梅欖角骨非常有鑊氣，稍稍放涼後，冰梅醬包住豬排骨就會變得份外脆口，另外欖角鹹香味十足，鹹鹹配甜甜，排骨香口唔油膩。非常惹味又送飯。🥣例湯青紅蘿蔔豬骨湯☕️熱奶茶+熱鴛鴦兩樣都偏向奶味較重。

之前聽朋友講呢間餐飯叉燒好正，今日特登lunchtime出銅鑼灣試下✌🏻餐廳有三層，裝修好fancy好似cafe🤣🤣想試多叉燒所以無叫lunch set叫左個小菜三人餐。例湯｜今日係蓮藕雞腳湯，每碗湯都有好多湯料，正啊🥰特級西班牙黑毛豬叉燒皇｜慕名以黎試呢個叉燒😍燒得好靚好有光澤，肉質軟嫩，肥瘦均勻，肉味果然比普通豬肉更香濃🤤名不虛傳啊！台式三杯雞｜九層塔既香味加埋帶甜既醬汁，超好送飯😋雞件有先煎香外層，雞肉咬開仲好juicy，好惹味既一道菜！椒絲腐乳炒通菜｜通菜炒得岩岩好，入口爽脆，好夠鑊氣👍🏻👍🏻已經掛住佢個叉燒🥺值得再訪！

同舊同事食飯，地理位置極方便，地鐵站C出口一出對面就係！見到門口啲叉燒又肥又燶邊已經流晒口水，坐低叫左個二人餐，要左個椒鹽豬柳扒同埋鹹魚雞粒豆腐煲，包左兩碗例湯（蓮藕湯）同埋兩碗白飯，之後再叫咗一份例牌西班牙黑毛豬叉燒，叉燒一放入口已經覺得好淋，唔會乾爭爭，味道相當入味，一啲都無令我失望，椒鹽豬柳扒就炸到啱啱好，外脆內juicy, 加上有少少辣辣地，非常開胃，豆腐煲相對比較清淡，啲豆腐夠嫩，而且鹹魚味出眾，送飯啱啱好，不得不提佢啲飯煮得夠硬兼且有飯香，加埋兩杯野飲都係300幾蚊，係銅鑼灣區算係性價比非常高👍🏻。

食唔厭之算，食嘢真係好神奇！搵到間好食～食完之後你會掛住佢，去多幾次～只要有少少保持唔到～你就唔想食，呢間燒味仲未發現呢種感覺出現～但發現到每次去到～我哋張枱一定有人🀄️燒鵝比😋😋今次黎個全🀄️🥳🥳今次肥叉不算肥😅一樣夠淋😋😋燒鵝保持水準～肥廋均勻～鵝油香～今次人多叫多個三杯雞試吓，雞唔會炸得太乾～合格～味道都幾野味～配料用黎伴飯一流

成日經過銅鑼灣c出口，都會見到呢間餐廳，今次入去試下啦！餐廳用色比較特別，用咗舒服嘅粉橙色同蘋果綠色，俾人舒服嘅感覺。原來有2 層，地方幾闊落，仲有包箱房，私人空間好足。 🔎黑毛豬叉燒皇拼切雞$80 （可選配燒腩仔/香妃雞/油雞/燻蹄）黑毛豬叉燒係招牌菜之一。肉質比較結實，同平時食開嘅軟稔口感好唔同，唔係成日食開嘅半肥瘦叉燒，無咩肥肉。 蜜燒汁滲透哂喺叉燒。 水準更高嘅仲有切雞，非常嫩滑。定價比較進取，不過係計埋喺旺區同黑毛豬，燒味份量都幾多。🔎水煮魚片龍脷柳 $85 可以微辣，同樣辣得過癮，魚片無骨，索哂啲辣湯，有約六片，正常份量，仲有超多薯粉墊底。🔎雜果冰$8超多椰果同菠蘿，不過飲落偏甜。

3人餐$280有3個小菜、3個白飯、3碗例湯，好抵食！1. 西班牙黑毛豬咕嚕肉（4.6/5）黑毛豬嘅豬味特別香，而且肉質爽口，外皮又炸得夠脆，好食過好多大酒樓，必食推介！2. 黑椒炒牛柳粒（4.3/5）牛肉嫩滑，好夠黑椒味，而且好有鑊氣，真心好食！3. 燒鵝（4.5/5）好有驚喜，肉質鬆化，一啲騷味都冇，外皮燒得好靚，超好食！另外加錢叫咗雪糕紅豆冰&涼粉紅豆冰當甜品，足料又好味，大滿足！總結：食物高質，小菜有鑊氣，又大碟，價錢又平，服務又好，真心推介！

今日同朋友黎到銅鑼灣經過見到呢間裝潢華麗，有燒味掛於窗前的餐廳就俾佢吸引左決定入去試下餐廳有套餐，好經濟實惠另外都有燒味及炒粉麵飯，好豐富例湯套餐會包飯及例湯湯好濃郁，完全無味精飲完唔會口渴好開胃，推薦！西班牙黑毛豬叉燒皇作為招牌，又點可以唔試下叉燒火喉剛好，燒到有燶邊位食落外脆內軟好香口肉質好鬆軟，係一般叉燒做唔到既口感果然一分錢一分貨，呢份叉燒絕對係，高質必試！魚香茄子煲用煲上保持住高溫，令菜式一直熱辣辣食落更惹味咸香味足，茄子軟淋入味好好送飯！豉汁蒸倉魚倉魚好新鮮，魚肉爽口彈牙加上豉汁帶出味道更鮮甜

今日同男朋友行過銅鑼灣，突然間好想食中餐同埋食下叉燒，揀左間好靚仔乾淨企理嘅茶餐廳，店員話樓上雅座，上到去真係好寬敞同清靜舒服。西班牙黑毛豬叉燒皇 $128我地叫左照牌叉燒皇，竟然係用西班牙黑毛豬整嘅叉燒，呢一個fusion又幾有驚喜，舊舊叉燒半肥瘦好吸引。晚市二人套餐 $170見到個二人餐都幾抵下，咁就叫多左兩個餸食，套餐仲包兩個白飯同埋兩碗例湯，不過野飲就需要加幾蚊，不過都好經濟抵食。金銀蛋浸時蔬呢一個真係好正，我地揀左白茶仔，份量望落唔係好多，不過兩個人食岩岩好，湯底清清地加埋鹹蛋嘅味道，好好味。水煮魚片(龍脷魚)水煮魚片本身好驚又有骨個啲，食得唔夠爽，但係餐廳用左龍脷魚柳，啖啖肉，真係好爽，而且辣度好夠好惹味，淨係個汁都撈左成碗飯食。Overall黎講，以往嘅茶記總有一種懷舊嘅味道，但係金萊整體感覺好小清新，完全唔似行左入一間茶餐廳到食飯，而且套餐個啲都好抵食，餸又大碟，最驚喜係個黑毛豬叉燒，好正。

呢間叉燒用黑毛豬超正：夠淋帶少肥👍👍😋😋但落單前記得、記得講要肥叉😄我朋友無講就變咗廋叉🤣🤣燒鵝不會太肥有保證，呢間我食左2次，上次坐樓上服務態度一般，今次坐樓下服務算得👍加油💪今次特別加多碗羅宋湯$2x，正😋😋好濃、不會太酸、湯料仲有件大大牛腩、一睇就知夠淋，帶少肥，太飽無食😅好快會再去第三次🫡

金萊餐廳 (銅鑼灣)銅鑼灣駱克道485號恆景大廈地下 - 1樓好耐冇食過燒味🔥一入店就聞到好濃嘅荔枝甜香。嗌咗兩個套餐，珍菌羅漢齋，配白飯，例湯🥣大大碟嘅上湯珍菌羅漢齋，雜菌香滑爽甜，竹笙白雪雪爽脆清甜，加埋甘筍，粟米仔🌽，仲有幾條菜芯，整碟上素，好好食😋配搭好，真系色、香、味、俱全👍👍👍避風塘風沙雞🐓避風塘風沙雞，炸得香脆肉滑，風味十足，師傅秘制嘅香料，味道獨特，食過會回味無窮，值得推介，必食！😋😋😋再嚟一個例牌燒鵝，🦢正呀，鵝皮燒🔥得紅卜卜，一啖咬落去，皮脆肉滑甘香，皮與肉之間夾着一層薄薄嘅脂肪，鵝肉食落好有層次，口感非常，齒頰留香，各位真係要試吓🥳🥳🥳粉葛南北杏例湯，煲得好夠火後，好好飲，夠滋潤，系秋冬必飲靚湯🥣飯後飲番杯凍鹹檸檬七喜🍹，一杯荔枝冰紅茶🍹，凍鹹檸檬🍋七喜，夠冰凍，鹹鹹地，飲落喉嚨好舒服😌荔枝冰紅茶，茶香夠凍，好清新，清甜可口🍹🍹🍹👍👍👍