金翠餐廳 (Moved) New Location

我朋友知我中意食鐵版 帶我去試下呢間以鐵版為主既餐廳價錢大約係70-100水平我地叫左2個西冷排黎試下~正常茶餐廳鐵版既水準 肉質唔係話特別靚 但呢個價錢黎講算係合理既價錢既味道都係主要用汁為主~ 肉汁就唔太見到~所以整體水平正常^^

之前朋友介紹帶路，有一間有「前金鳳班底」主理既扒房「金翠餐廳」，仲標榜好平好抵食，仲要係免收加一，咁就梗係去試下好唔好食啦。餐廳環境較暗，座位都少許舒適。一坐低，侍應就即刻問我地飲紅湯定白湯，而且服務都唔差。咁樣都幾好，當諗緊食咩嘅時候，已經送上有餐湯飲同餐包食啦。最後我哋叫咗個金翠鐵板餐「鴛鴦扒(豬扒及雞扒)$70」，配：餐湯、牛油餐包、餐飲。送餐嘅時間都好快，而且個模式都好似金鳳。鐵板餐送上時會問你要黑椒汁定蒜蓉汁。「白湯+餐包」白湯係忌廉湯，飲落去唔會覺得太浠，味道剛剛好不會太鹹，餐包亦都經過翻熱，食時加入牛油更正。「鴛鴦扒(豬扒及雞扒)」豬扒同雞扒都算大塊而且有厚度，有驚喜，味道唔錯剛剛好。「凍奶茶少甜」茶味濃郁唔錯。最後，整個餐食物都不過不失，以呢個價錢黎計，已經係好好啦。

午飯時間，被門面的牛扒照片吸引住，因而進入。但他說因昨天沒開鋪入貨，今天沒有$78 的牛扒餐供應，只剩下$13x 的牛扒餐，有些失望。因我不想食太貴的午餐，所以只點了普通的米線午餐。凍奶茶的表現很好。茶味濃厚，甜度適中，奶的份量剛剛好，茶亦很滑。$42 有雞扒米線+春卷2件+凍飲，抵食。雞扒煎得皮脆肉嫩，好過大快活的早餐雞扒。但味精湯底偏咸。整體價廉物美，滿意。最重要是，一杯合格的奶茶令我失望的心情消失了。

同女友幫襯咗三年,金鳳太多人定期行過都會幫襯吓尋晚睇完戲又再去,有兩大張四座卡位唔俾坐要中間撘檯OK!明嘅,同一位伙記叫完嘢之後又另一位重新再落過單湯極速到,飲冇幾啖扒又極速到,期間原本果一位埋單走人張檯好細,放得份扒碗湯自然放响格離檯少少去飲飲緊湯之際有位大嬸一句唔好意思就拎起我碗湯去另一邊我下意識以為我女友份嘢到,原來佢想另外兩位撘檯為咗養住啲四座吉卡位佢哋真係可以去到好盡係咪都放個留位牌逼客聽晒佢哋指揮要坐邊仲有咁多吉位嘅時候你至少都等我飲埋碗湯先啦有兩大檯吉嘅四卡位你唔俾人坐硬係要客人食得咁狼狽反正佢哋對養吉卡位咁大渴求相信都冇人會走得甩要搭檯份扒亦比以前差咗好多,五成變七成,女友份金沙骨沙律就叫OK一直睇得出佢哋好努力去撬唔想響金鳳門口等太耐嘅客但如果待客態度可以差劣到如此,門口積極又有咩用？

行過見到話前金鳳班底好奇一試，點知出事先來肉眼扒，5成熟但唔知係咪塊鐵板問題一邊變7成，一邊得3成我份豬扒好鞋同好硬野食真係好唔掂服務就更加我都未食晒，一放低支叉侍應就即刻走嚟問我係咪可以收我見佢咁慇勤，都無乜心機食呢間野，無下次

與朋友由太子地鐵出而經過一間餐廳，標籤金鳳的主理，門口又有亞姐推介不用加一，大字標題68起……坐下未看menu,一位亞姐已問我們四人飲紅定白湯？問她是否送的，她就黑面的說每人最低消費30，看完餐menu沒有是30元的食物，飲品除外。本想四人點喜愛的三份大餐也不可，唯有每人一個普通鐵板餐。問waitress鐵板豬排可介紹，她用手指指出menu有自己睇，最後點上98元的xx豬鐵板餐，非常難吃，豬無肉汁似吃紙皮，超硬。我order的鐵板煎魚，賣相ok，發現魚下是x菜及薯條，淋上似水液狀燒汁，浸淋薯條渾成一體，煎魚食食下出水，好難食，另位朋友order羊排好多筋，肉身未夠淋很難咬羊膝餐比較是最好的。婆婆問第二位亞姐有沒有辣椒醬，二位亞姐一個收銀及二位年青人傳菜都聯盟笑說大排檔就有，全沒禮貌及人格，太差勁。

當年友人介紹初來試試，今天到九龍塘後沒東西吃便來太子吃金翠。餐湯中等，餐包夠熱餐湯都是典型扒房的普通西湯，不太稠的沒甚麼味道的；餐包已算有誠意，烘熱了，塗牛油時輕易溶在麵包面頭。西冷牛扒這兒的室內環境總是太暗，很難可以拍攝到牛扒的真正顏色。七成熟的牛扒理應剛剛好，中間還有點粉紅，但是吃下去卻覺得肉質有點兒過老。鑊仔牛柳原來鑊仔牛柳是一塊塊小塊的牛柳，五成熟，內裏肉質便不會過老，剛好，不鞋口，肉味一般。加蒜須加$2實在奇怪，蒜是廉價食品，加蒜只為扒類更為香濃，只是小許一兩羹蒜粒，加錢怪哉。如「x吱的美食家」所說，中式扒房與西式煮扒的方法不同，付七八十元休想吃到優質靚扒。的確，中式扒房只是給食客回憶，貪其吱一聲，鐵板夠大，扒又夠闊夠過癮吧。要不然，香港人就不會間中想到「去鋸扒吧」。

工作很辛苦，今天想据扒補充一下體力，之前已聽說這間「金翠」，想想便來試過究竟金翠的裝修像茶餐廳，只是燈光昏暗點，二人安排坐在四人卡位，舒適。點了客西冷牛扒，上檯時店員會為你倒上醬汁，醬汁只有黑椒和燒汁選擇，我吃得辣當然是選黑椒可能鐵板太熱，明明點了五成都變了七成，黑椒汁確實惹味，牛扒外表雖似七成，但咬落卻像全熟，難以咀嚼口感奇怪，但味道可以的。平時吃扒最怕醬汁弄軟了旁邊的薯條，但這黑椒汁與薯條容為一體，又是一個幾好的配搭如不怕口臭的話，建議你俾多兩蚊加蒜蓉，醬汁加埋大量蒜蓉一起吃，簡直過癮！

呢間垃圾，我咁大個人第一次喺食緊嘢時候比張單我，仲同我講出面好多人等望望手錶，食得個廿分鐘都無!!!塊扒叫五成，咁預咗係塊鐵板上面仲會係咁加熱，佢嚟足全熟，攪到板扒成塊紙皮咁!!! 黑椒汁又無味，支茄汁又唔夠，成餐淡而無味!!!杯冬瓜汁...... 笑料一杯!! 唔講... 你飲落就知幾垃圾，仲要加$7

去到舖外，見有提供好多扒嘅選擇。聽聞呢間價錢ok又好味，就試下啦。我地叫左兩份7成肉眼扒，餐是配白/紅湯和薯菜。叫嘅兩份白湯落完胡椒粉諗住攪下佢，點知有一舊舊，飲落仲有啲太咸同唔夠熱。好喇主角黎喇，肉眼扒中間呈粉紅色，唔太多肥同埋筋，食落幾juicy，78蚊黎講算幾抵食不過塊扒岩岩黎到，侍應就急住問要咩餐飲，有啲想催客走嘅feel我地叫左一凍一熱嘅阿華田凍華田幾濃味，可惜熱華田淡而冇味可能因為星期六，外面有其他排隊嘅客人，未飲完待應就急住收錢，找錢時重係到“鄧“張單，感覺很不耐煩。

聽聞係金鳳前班底主理,而且都係行前幾個街口,有時都會特登試一試雖然無金鳳咁好食,但味道都唔差都要排左15分鍾先有位入到黎,鐵板餐真係好受歡迎食左個洋蔥牛扒餐,幾好食叫左5成熟,黎到都係7成度,但都仲係好有質感食左好軟熟,無乜根位,而且夠曬熱,所以好好食側邊D薯條可能因為太多汁所以林左,不過無所謂啦

今日放工晏了來，不過都唔使點等位，食左什扒同肉眼，都係配黑椒汁最正😋😋😋效率又快，基本上飲完湯就有得食，不過星期五來番枱率高，所以都幾大煙下，不過都係好開心的一餐飯今次食的肉眼78元，有二大塊，點了4成熟，剛好，因為一上來的鐵板超熱，可放幾一二分鐘後食會熟一點，到56成熟，一切開好多肉汁，不太老不太生，剛好，只有小許血水，不錯，配上黑椒汁，十分惹味。另一份就是什扒餐，今次入面的一塊牛肉太過熟了，切都好廢力，食就咬不開，好彩主角是雞同豬扒，所以好食牛的不要叫什扒，雞同豬又滑又嫩，好好食，下次不會貪心要多汁，一切就啲汁流曬出塊板到😅😅

朋友轉工請食飯，幫佢慳住個荷包，就決定黎金翠食個港式扒餐。星期五夜晚，一去到就見到好多人排緊隊，不過好彩呢到d台都交得快，等左一陣就有位。入到去，間餐廳好迫好暗，侍應好快甘問你要咩湯，個湯好快就黎左啦。之後同朋友望下個餐排，就揀左個T Bone 同羊鞍。T Bone要左medium，因為呢到扒餐用鐵板上，d牛出到黎會再熟d，所以要medium，唔會太生，岩岩好夠熟。T Bone （加左生蒜）2/5 - 本來打算大大啖牛肉放入口，點知點切都切唔到，因為太多筋，切到放入口，一𡁻，好硬，因為太多筋。真係𡁻到牙都痛。d筋係四邊都係。又切唔到，又食唔到。好彩最底有一塊細細塊既牛無筋，可以食得好自在不過個黑椒汁加生蒜都仲係甘好食好後悔揀左T Bone，我估西冷應該無甘多筋羊鞍3/5 - d羊唔算煎，似就甘煮熟。 好彩都有好多肉食，肉都算juicy，有少少羊躁味，都算唔錯朋友唔夠飽，叫多左個白飯，白飯只需要6蚊，好抵。一個扒餐有湯、包、扒同餐飲。一人一百蚊搞得店，又唔使加一，依家黎講，都真係抵既。不過，質素就真係唔可以要求太多。一食完，d侍應就叫人買單，因為出面仲有一班人等位。其實，有時食飯，都係想

今日踏左2個鐘單車，一輪運動後當然好肚餓！想食啖啖肉，就專登坐車出太子食塊牛扒。餐包好鬆軟，微熱，甜甜地，加埋牛油正。羅宋湯，好濃味，酸酸辣辣，十分開胃。獲仔牛柳，7成熟，加2蚊要左生蒜，好香口，牛肉好冧，亦都有好有牛肉味，完全唔會有肉鬆粉味，底下既著條吸曬蒜味同燒汁味好正。抵食大件之選。

本來我們打算到隔壁的金鳳餐廳吃飯的，但那裏的人很多，我們不太想等，看到這裏座位沒這麼擠逼，所以便轉移陣地。　　侍應比較焦急，我們甫坐下便問喝紅湯或白湯，在我們還沒點餐前便已端來餐包和牛油了，他馬上回應說凡吃午餐的都有的。　　我點了芝士焗龍脷柳長通粉，配羅宋湯和熱杏霜，這個餐還配餐包。　　餐包不俗，翻熱後夠鬆軟。羅宋湯餸料多，西芹、紅蘿蔔、蕃茄都有，但味道較濃，有點偏鹹和辣，看到牆上的獎狀，原來這裏的羅宋湯得過獎，但我覺得如果味道可以稍為淡一點則更佳。　　芝士龍脷柳長通粉方面，不會太膩，我有時很怕吃焗的東西，因為它總是上面鋪一層厚厚的又鹹又膩又黏稠的漿汁，這個反而不算太鹹和膩，而長通粉的份量也不會太多，恰到好處。　　餐飲我點了熱杏霜，很多茶餐廳都不供應杏霜的，能喝到，感到驚喜，而且杏仁味算濃，味道不錯。　　後來有食客進來，本來坐著卡位的我們，要坐在同一邊，騰空對面的卡位讓人「搭枱」，我們看到人漸多也不好意思繼續霸佔座位，便起身離去了。