金翠餐廳 (Moved) New Location

久唔久都會心郁郁，想尼太子食港式鐵板牛扒之前去開隔尼老字號果間但果間座位迫到人都傻，仲要等勁耐位，於是試左呢間金翠唔駛諗，入去就點餐紅湯、蘇格蘭牛扒 五成熟、加勁多生蒜、凍檸茶78蚊 凍飲再加2蚊餐包 紅湯 分數：餐包熱又軟，牛油一搽即溶，羅宋湯足料可口 蘇格蘭牛扒加蒜 ：分數又厚又大塊扒，肉係好淋既，肉味就當然無乜架啦，但食落口又嚐不到鬆肉粉味（也母到咁淋都去除到鬆肉粉陣味），抵讚！不過生蒜先係主角，啖啖肉都沾上生蒜，香口微辣，正！墊底既薯條吸左d汁同蒜，係好味既！不過習慣食真正西餐牛扒既朋友，呢度真心唔係你應該尼既地方！這度食既係大件夾抵食既草根豉油西餐扒

這間外觀浮誇，內裡卻很平實的西餐廳，幕後班底據說是同一街口，就在咫尺之遙的老牌鋸扒西餐廳「金鳳」，所以這兒的招牌菜，也是各款不同的扒餐。這一夜，正是情人節的晚上，早知道除了最溫暖的家外，只要外出用餐，除非吃的是大排檔、快餐店、茶餐廳、中菜館或是茶樓酒家，否則大部分的高級西餐廳早已做好準備，以不同的方法向一雙雙情人們招手，迎接他們和錢包進來。畢竟已是老夫老妻了，雖然今年這日子不想與熱戀中的情侶在各大餐廳食肆中爭一席位，但也不想最親愛的人為自己準備這夜的晚餐，既然自己也不擅廚藝，未能為愛人獻上一道道美味菜式，那便找一個價錢合理，食物水準也可能不錯的地方讓兩夫妻可以撐撐檯腳，共度這個浪漫的華倫泰日吧！來的時候時間尚早，才不過五點多，原來餐廳內早已有人在鋸扒中，幸好餐廳內還有最後一張卡位，可讓我倆坐下用餐，這天的運氣都算不錯。餐廳以扒馳名，口碑不俗，當然要試。餐廳的各類扒餐，種類繁多，單計牛扒，價錢較貴的「美國安格斯西冷牛扒」又有，「美國頂級1855西冷牛扒」亦有，不過這夜的我倆，就只是吃了價錢較為廉宜的「巨型T骨牛扒」（$100）和「「蘇格蘭肉眼牛扒」（$78），兩款牛扒都叫了五成熟。這兒的

太子金翠餐廳，聞名全城的鐵板餐廳，聞說是從金華搶了一班員工過來打對台，所以質素是有保証的今天朋友說要來試試，非常多人吃，所以等了３０分鐘才能入座食物味道確實不錯，其實鐵板餐很難不好吃的牛扒相當大塊，雖然不知是否發水粉，但吃起來也是有肉味，而且肉質嫩滑，入口不錯餐包也是熱辣辣，值得一試羅宋湯很多地方都是求求其其，這兒的非常足料，值得一讚價錢也不算是，１００多元晚餐，絕對值得

星期日的下午，又要在附近的茶餐廳進餐，今次就選擇了在荔枝角道的「金翠餐廳」。十一時半來到，店內的人客不多，就選了一張卡位坐下了，看一看有三個午餐選擇，就選了印尼炒飯和焗黑椒羊仔柳飯。羅宋湯(餐湯) 溫度十分之熱，湯的辣度剛剛好，飲落十分惹味，而湯內的材料很多，比很多的西餐廳的水準更好。印尼炒飯($38) 炒飯的上面有一隻煎蛋和兩隻雞翼，煎蛋和雞翼都煎得十分之香口，尤其是雞翼煎得剛剛好，味道也不太濃，適合喜歡淡口的我。而炒飯也炒得剛剛好，飯都充滿了咖哩的味道，而材料也有青椒、菠蘿、提子乾和蛋粒，味道十分豐富，比價性高的食物。焗黑椒羊仔柳飯($42) 份量不太大，但上面放了很多的羊仔柳，食落羊仔柳有少許羊羶味，喜歡這色的我覺得這味剛剛好，雖然上面有重味的黑椒汁但仍能食到羊肉的鮮味，下面的飯十分之熱身，焗飯始終有這個好處，份量雖小但食落都好快飽肚。看看餐廳的主力應該是食扒類的食物，而且價錢都十分之相宜，下一次選擇食扒類食物時又多了一個選擇。店員都幾有禮貌，出食物的時間十分之快，很快但完成了這些可口的午餐。比價性高的午餐，荔枝角道的「金翠餐廳」。

門面裝修普通 但食落有驚喜😋扒餐一啲都唔貴 仲要大大塊西冷牛扒4成熟 嫩口 牛味濃 燒汁唔咸岩岩好個底仲有薯角 同 菜啲菜唔會太老 好香牛油味 羊鞍有5舊 羊肉唔會太老 羊騷味無得頂😋 佢杯檸檬茶 同羅宋湯都好好味個餐包係鬆軟既唯一唔好就係太逼 不過呢個價錢 正常啦😚

聽人講話太子有好抵食既午餐，今日咪去搵下咯。行咗幾條街，發現有間餐廳門口要等位，就行去望一望，見到寫住午餐三十二蚊起，相信就繫要搵呢間喇。門口要等位等咗一陣，我一個人容易啲搵位，坐低問我要乜湯，要咗忌廉湯，今日繫南瓜粟米忌廉湯。好香南瓜味，又有粒粒粟米，小小傑身，水準之作。好快牛扒飯就到了，😘冇諗過午餐有咁大塊牛扒，黑椒汁好香，牛扒煎香左，不太霖，有牛味，唔似一般茶餐廳d牛扒落粉哪到霖曬，飯又多，食到我飽曬。最後加多杯熱奶茶，又香又滑，為呢一餐劃上完美句號。三十五蚊真超值。

都繫同事帶我嚟先發現呢間餐廳，中午一點左右，來到門前要等位，就知道有番咁上嚇啦。等左一陣就有位。地方唔繫好大。但全場都爆滿。個個都迫迫地去食就知道吸引力有多大了。每日都有四款午餐選擇，我今日叫左炒河，同事話羅宋湯好飲，我要左，果然係正👍好快我的河粉就到了，都好大碟，我驚食唔曬，下次要叫小粉喔。是召味好香，肉片又霖又滑，味道一流，再加一杯香滑奶茶，無得頂。

做完手頭上的工作，已經過左午餐時段，就去附近搵食啦，行過門口見呢度下午荼唔錯，又抵食，就入去。入到去都有6、7成坐滿，未知食咩好，但眼見都多人食呢個餐，就試下，有3個餸可選，我要左雞扒腸旦，重有一件奶醬厚多士，超抵。先喝點湯，好濃味又足料，小小酸小小辣，帶一點甜👍雞扒用香草煎香好味，腸旦一般貨，厚多士外脆內軟，好多醬，一流，再加多杯茶。比我平時午餐仲豐富。

今日一支公去完金魚街，行左去荔枝角道搵食，記得有間老字號食扒好出名，行到去見到呢間話係前金鳯班底主理，心想唔知係咪真，不過門口姐姐好熱情有誠意，就入去試下。入到去環境都唔錯，又有電視睇坐低就問要咩湯，我要左羅宋湯，原來呢度係無牛肉煲湯，重驚會無味，湯和包一起到，餐飽夠熱又軟，個湯好多料，火候十足，完全唔似無肉，好濃👍今晚食左西班牙黑豚豬鞍扒，黑豚bo，居然只是百零蚊，等左一陣就到，鐵板上熱辣辣，黑召汁又香又濃，重有條粟米👍👍，正呀，豬鞍切落去霖得來爽口，有豬味唔蘇，煎得香口，超級好味，雖然唔係老字號，但最緊要d野好食又抵，我會介紹多d朋友來食下😍😍😍

今日万聖節，一早約咗人去酒吧玩，之前當然ｅ咗個肚先啦。其實喺太子食野嘅選擇都好多，行過見呢間門口都多人，假錢又大眾化，等左十五分鍾左右，就有位喇。入到去環境比茶餐廳好D，都算坐得舒服。喺門口已經見到羊膝嘅相，天氣又凍凍地，以決定今晚要吃他。坐低先來餐湯餐包。餐包夠熱又軟熟，要左羅宋湯，多材料，酸中帶辣，十分開胃。好快脆，期待已久嘅羊膝到啦，嘩😱……俾佢嘅份量嚇親呀，幾乎成個鐵板都放唔曬，加埋黑椒汁香氣撲鼻。食落去唔蘇，霖得來有咬口，到最後我用手揸住支骨來食啊。最後加埋杯凍０茶，畫上完美嘅句號。

已經有一段時間沒有過來幫趁了，今天假期，母親大人千叮萬囑分咐小妹我今天要帶婆妹落街去吃點下午茶，由於阿婆行動不便，只能選擇樓下的茶餐廳用餐了，實在不能走遠！事實上，阿婆她們明明今天早上才來過，下午又過來，想做飯堂咩？！我真呆……阿婆點了雙拼三文治（火腿，餐肉）19小妹我雖然沒有嚐，但見到有塗上一層牛油，感覺不馬虎！小表妹點了雙拼三文治（旦，火腿）19雖然賣相超普通，但見到個煎旦煎得ok而且無薄到得層旦皮咁我點的芝士吞拿雙拼飛碟20烘得剛好帶啡的飛碟，內容熱辣辣，外層超級脆身，但邊的部分有點干硬呢！入面的吞拿魚醬味道正常，芝士味則不太出眾，好像並沒有好多！內涵份量偏少，不啥丰富未能滿足一己的食欲，卻令我足夠温飽………………我們都跟餐點了熱奶茶，小表妹說最喜歡喝港式奶茶了，我都是呀不過我飲完就會今晚失眠呢！奶茶做到十分滑，亦香，且茶味不俗，整體不錯！其實，一杯奶茶，對於一家茶餐廳來說，真的十分重要哎！平日的這天，竟然全場都爆滿，教我實在是有點驚訝呢！然而我們仨都有感這兒早餐更勝下午茶呀！下回我還是早餐過來好了

自從食過一次之後，依家全公司都到這裏吃午飯。不過今日星期日得我一個ｏｔ，自己一個當然都繫嚟呢度啦。由於假期好多間都無開，叫左個咖喱焗羊扒飯，平時好少有，羊扒好霖又唔蘇，加上咖喱好好味，配炒飯底，面有小小芝士好香，加埋杯o茶，充滿力量再開工。

dinner時間又黎，今次呢間據聞係某大廚係另一間好出名既扒房轉過黎，地方都坐1得舒服既，咁我地一行四人，全部叫左西冷牛扒食，餐湯係羅宋湯，都好濃味，有什菜既鮮味，等左十分鐘到個牛扒上台，個牛扒真係好好，淋上黑椒汁，即時充滿扒香，据開個扒，中間粉紅色，好滑嫩，肉香多肉汁，因為扒厚，所以食落口感非常好，更加唔會有落鬆肉粉既感覺，肉質十足，扒表面有少少燶，所以好香口，整體感非常好

同班朋友諗住慶祝下完成份JOB,,唔想食太貴又唔想太頹就去左金翠餐廳据扒,, 据扒黎講呢間係抵食嘅,,個餐68蚊,,循例都包野飲餐包餐湯,,凍飲加錢,, 個包起好味,,熱熱地,, 個湯循例都係紅湯白湯,,我自己叫左紅湯,因為見到話攞獎, 到主菜我叫左肉眼扒,,叫7成熟,,塊扒都幾大塊,無飯無意粉嘅情況下都食得幾飽,, 最後我連薯條都食曬,飽飽地 塊扒唔"un有牛味,呢塊肉眼扒填飽肚實OK,以價錢黎講都抵食嘅,,平靚正最適合我地班後生仔啦"😜

入到去就即刻有人招呼你，可能平日未太到食飯時間啦就唔太洗等位，而且仲有卡位坐！ 之後就好基本咁洗唔洗落左野食先，咁我就同朋友揀左個鐵板餐先，會有餐湯同送餐飲，平時重有午餐供應。我地叫左個帶子牛柳餐， 啲侍應都好勁唔洗寫底你要啲咩，啲湯同扒都上得岩， 咁啲餐湯就好夠熱，我個人飲湯就一定要夠熱，唔熱我會覺得唔好飲，又足料，酸酸甜甜小小辣， 而餐包就暖暖地咁幾好入口！ 之後岩岩好飲完湯就炸炸聲上扒，我反而冇被啲煙彈到喎好好彩！ 我地大家都叫左三成熟，黑椒汁，佢地有提話可能會好生，但我地都堅持 而啲鐵板都燒到啲薯條loon loon地幾岩我口味 雖然話係帶子牛柳，但帶子都係得果兩粒，但始終扒先係重點嘛 三成熟係幾岩我個人口味，表面熟熟地入面就生生地幾淋幾好食 最尾叫返杯紅豆冰，冇我想像中咁甜，淡淡地幾好 中和返啲汁，一個幾好既ENDING 最尾講埋個環境，幾有港式風味既扒房，但整體黎講幾好同整潔 雖然我第一次食，但呢間野比我印象又幾好唔錯，值得再來👍😘