金翠餐廳 (Moved) New Location

夜晚不知食乜好，下午的下午茶又未消化哂，於是就試下屋企附近的呢間野，入到去店面小，又暗，有點似某食扒餐廳，坐底就問你飲乜湯，忌廉湯淡已無味，又5熱，個包就幾好，熱的

本人最鍾意食豬扒，行過太子，見呢間餐廳百零蚊有西班牙黑豚食，咁抵去試一試先。下午茶時段，都有七八成客，我當然要黑豚豬鞍扒啦!😍好快就有個湯和包來咯。羅宋湯比一般餐廳好飲，餐包熱辣辣。朱扒我要咗碟上，出到嚟先知原來重有粟米半條。👍黑豚豬食落去同普通豬扒好大分別，豬味濃，肉質比較爽，完全唔硬，好快就食完。真繫想食多一次呀😁

今早走入去食個早餐，本來都無咩特別。當我準備食個麵，發現碗麵好多黑色一點點唔知咩黎，咁叫個侍應過黎同佢講，之後佢就鑼走個麵去廚房，本來都覺得正常佢幫我換個麵，點知我睇住佢比個麵入廚房，唔夠半分鐘，廚房就比返佢鑼出黎，佢行緊出黎響半路唔知點解響個櫃前停左碗麵比個櫃檔住左(可能佢係檢查下碗麵la)，佢鑼到過黎我問佢係唔係只係幫我換左個湯，佢好理直氣壯話係喎！原本我都以為可以食得，但係我睇睇吓仲有一點黑色野響到，我又啉啉吓火腿絲鮑魚湯麵點解會有黑色一點點，我就再叫人來問吓，有個凶神惡煞既四眼女人走過來(我古佢應該係話事人)，我就問吓佢個D黑色一點點係咩黎，佢就同我講係鑊屎黎架，佢話佢地覺得D鑊屎好乾淨，一般佢地覺得乾淨就唔會換比人，比廚房過一過熱水再換個湯就算。我就好唔明地問佢火腿絲鮑魚湯麵點解會有鑊屎(碗麵無一樣野要用鑊去煮)，佢就話我唔知佢地個架步，佢地係用中式鑊黎煮湯，所以有鑊屎，好乾淨架食la。跟住黑曬面走左去，理都唔再理我。如果隻鑊乾淨就唔會有鑊屎la(鑊屎都係因為佢唔洗乾淨隻鑊先會有姐)，都唔知會唔會係曱甴屎黎，我啉比邊個都唔敢食la。佢地都唔係做生意，客人入黎食野係比錢你，唔係

這家店已經開了好幾年，家住附近一直想試未試，適逢休息天，決定跟媽媽去吃個早餐！！餐廳廳說是金鳳前員工所開的，不用等位就和媽被安排入坐卡位。我和媽兩個各點了一份早餐，她叫了雪菜肉絲米配餐包腸餐肉，我叫了羅宋湯粉双腸餐包，飲品方面有點怪，我點的熱朱，不知為何要奇怪的加兩蚊食物來到，餐包軟熟微熱，腸仔卻是炸的，幸好不干身不太硬，可能是貪方便吧！我的羅宋湯粉一讚，很入味，而且粉仍難得保留到咬口，我把所有湯喝得一滴也不剩呢！既然是附近的餐廳，就一定會再來幫趁呀，因為這個粉！題外話，可能是我本身抵抗力很差吧，吃完這個炸腸，令我喉嚨痛然後病了好幾天還請了病假破了財，吸取教訓，下次來，我就發誓不會再點腸仔了。。。

知道呢間食牛扒出名,大件夾抵食先嚟餐湯有兩種選擇，忌廉湯或羅宋湯，我絕對推介後者。羅宋湯不但足料，湯濃有層次，棘中帶甘甜， 絕對是一流。我叫了重量級什扒鐵板餐。什扒鐵板餐包括雞扒，豬扒，腸仔、火腿和牛扒。份量十足，而且扒肉鮮嫩入味，不單令人味覺滿足，而且扒肉大大件，不像坊間連鎖快餐店 般只得半塊各仔般小家。鐵板餐包括餐飲

剛剛在太子返新工，就請同事食午餐，同事話有間餐廳好食又唔貴就試下， 中午1點左右，去到門口有幾人等位，等左一陣就到我地，入到去全埸爆滿，我地坐低就問我地要咩湯，同事全部要羅宋湯，原來呢到好味到有獎，我估唔到重有餐包，真低食試左個湯，真係正，又農，材料又足，小小甜，小小酸，小小辣，👍個包熱辣辣，又軟熟，超好味😘呢到出名食牛扒，當然要牛扒啦😄估唔到無因為午餐就比d差野人食，好大塊，又霖，牛味重，正呀餐茶正常啦！$34有這水準，好難搵到啦原來今日係十五，今日重有素食餐，真為客人設想

今朝試左間超逼茶記但叫餐廳，但個個都好乖逼埋一齊食早餐。早餐款式其實冇咩特別，都係港式野我點左羅宋湯縲絲粉餐要炒蛋餐肉加餐包炒蛋唔係鮮奶炒，所以唔算滑，餐肉好細，味道一般，餐包就幾好，跟埋A 字牌子牛油羅宋湯縲絲粉好得，係好濃好夠味，直頭覺得個湯底可以收幾十蚊果種縲絲粉仲要有幾粒係綠色好有誠意。軟硬剛剛好間餐廳認真好逼但野食超水準，我一定會再去

繫新世紀睇完戲，就同男朋友一齊搵食，行到離太子，見門口有ｄ人等位，有寫住前金鳳班底處理，雖然唔知金鳯咩來頭，但見全日免加一，食過扒最平都繫六十八蚊起，有湯有包有餐茶，超抵攞左張飛，等左一陣，門口有凳坐，繫門口派飛應該繫老板啦，十分好人，好健談，一路介紹我地食咩扒好，好快就有位，入到去空氣都清新無乜油煙，原來都好多人全場爆滿，一坐低好快就有侍應問我地要乜湯，見到門口知道呢度啲羅宋湯得獎當然要羅宋湯啦，餐包同湯一齊來，餐包熱辣辣好松軟，非常美味，羅宋湯真繫好飲，酸中帶甜，小小辣，雖然無落牛肉，但一樣十分濃味，證明火侯十足，個湯飲完個扒就到啦，我地叫左推介的安格斯西冷，叫左黑椒汁，黑椒汁好香，少少辣有肉味，牛扒食落去有牛味，唔算太淋，有咬口但又唔會韌，拍得住ｄ高級餐廳食果d，環境就繫茶餐廳好小小，亦唔繫坐底慢慢食的地方，因為多人等位，但以這價錢有這質素超值，杯餐茶繫正常，冇乜特別，最後一提，食得蒜容一定要加，好食好多，以後又多一個食扒好地方吶!😘👍

呢間金翠位於另一間著名的扒房“X鳳”附近，標榜是X鳳舊人開的，如是和太座轉程去試吓。一入內，還未坐低，已經有亞姐問：要羅宋定忌廉？第一印象已經大打折扣：餐牌都未睇，連位也未坐下，已經要你點餐湯，很趕時間嗎？到喝餐湯喝到一半時，我們點的扒就上了，於是就要手忙腳亂地把餐湯放在一旁，拿起餐巾讓她淋汁。然後發覺兜湯要拿起來才喝到，因為個扒已經霸咗成張枱(唔係個扒大，係張枱細)。到吃扒的時候，只要你放低刀叉，就會有亞姐快速走近，問你係咪食完要收走？我心諗：中途休息吓都唔得？以上種種情況，顯示出這裏的待客之道：請你快啲食完快啲走，等我做多幾枱客。既然係咁，以後都唔幫襯你，等你多張枱做其他客啦。後話：若論食物質素，同X鳳真係有一段距離：牛扒細，豬扒韌。

都食過附近好多餐廳喔，最平一定繫金鳳，但金鳳近年呢，質素一直走下啵，已經冇去食了，見到呢間金翠餐廳話繫前金鳯主理就試下。今日兩個人食午餐，去到已見門口有人排隊，等左一陣，入到去一坐低就問我地飲咩湯，叫左紅湯白湯各一，先講紅湯，材料十足火候夠，酸酸甜甜小小辣，十分惹味開胃，出邊難得一飲，到忌廉湯，奶味十足，唔似得一般似面粉水。最重要嗰包仲要繫熱辣辣十分美味。都主菜來啦。叫咗臺式肉燥飯同紅腸雞扒飯。先講肉燥飯。唔知繫咪正宗。但十分惹味，食得出架左好多炸紅蔥頭，個老水又夠味，正唔正宗已經唔重要最緊要好食。到個雞扒飯。燒汁肉味好濃，雞扒加咗少少香草去調味，非常好味，紅腸一般貨色。每個餐都有小量椰菜，照顧到客人嘅需要。杯餐茶就正常，大杯。收呢個價錢有呢個質素超值。雖然個個員工都好似好急好忙，但知道他們是準備一ｄ高質素野食比大家，加上又多人等，我地都好識做，食完就走，留番ｄ位俾其他人。而且呢度好家庭式，個個都叫老板娘做大家姐，連一ｄ熟客都一樣叫大家姐，十分親切，現在很少有。知道呢度夜晚主力食牛扒，下次有機會一定嚟試下。

之前見朋友FB嚟呢度食, 好似幾大幾抵食, 於是相約此朋友嚟親證, 但原來冇我預期中咁大囉~是晚雖然係平晚, 七點鬆D嚟到, 要等一陣, 好彩只係等佢執枱, 所以都係等咗幾分鐘, 食開的朋友可能知道呢間其實係附近一間排隊排好耐先有得食果間"金X", 入面D師傅走出嚟自己開的, 所以唔駛去果度排咁耐, 嚟呢度只係等一陣就食到差不多的扒, 不過我冇耐性, 所以未食過始祖果間, 但朋友話呢度好D, 起碼枱與枱之間都闊落D, 而且未至於背脊貼背脊, 其實呢度對我嚟講都算迫, 枱與枱之間都唔係話好闊, 只係未駛則身行, 咁我真係想像唔到果間有幾迫.............所以我朋友話去果間食完, 會成身油煙味, 呢度算好好咯~當我地坐低哂, 我仲睇緊食乜時, 已經有伙計問飲咩湯? 咁即係佢預計入得嚟食, 都係一人叫一個餐, 倒不如一早上定個湯, 等你冇得走,..............我最終都係決定食上次見朋友好大份的"羊膝"..........  羅宋湯 + 餐包餐包都係交貨果d, 而且冇叮熱, 一般啦~羅未湯好多菜, 但唔覺有肉味~  羊膝餐期待已久的羊膝, 仲以為好大隻, 但點知咁細,

這家店坐落的街道，本身已有兩家薄有名氣的老牌扒房餐廳。一家長期排晒隊，另一家服務態度麻麻。所以本少今日就來試試這家相對較新的餐廳。雖然較新，但基本上與另兩家走同一舊式扒房路線。所以餐廳內都是昏暗燈光那種懷舊格局坐位相對有較闊。坐得較自在。一坐低甚麼都未做，服務員就會問你：＂羅宋湯定粟米湯＂，真係好奇想知入嚟飲完湯唔嗌据扒餐唔知會點呢？好，來到主角～牛扒，肉質算合格但未算出色。食完之後都無咩深刻印象。茶餐廳以上扒房未滿。慶幸黑椒汁與蒜茸（＋2元）搭夠。服務員也算有求必應，我要多碗黑椒汁他們很樂意奉上。整體而言獨立放在其他地方可以。但放在這條街面臨兩大高手就有被比下去的感覺。而當然地這家店價錢又便宜一點。一個扒餐$70蚊。有些不甚出色的茶餐廳鋸扒也不止此數。總的來說還是合格可以一食。

生意好了，態度差到貼地剛開業時，服務態度好好架，個聽電話嬸嬸好好禮貌。今日打去，諗住訂午餐，接線女生態度極差，囂張傲慢，甚至連柯單也說不接！然後cut 線！太過份！永不再幫襯！

平時行過都見到有人排隊啦，雖然無金鳯咁多人，但都唔少想試好耐，今天行完街，決定一試，摞咗飛仔，等左一陣入到去一坐低，當然是試一試攞獎的紅湯，個湯跟一個餐包，餐包熱辣辣十分軟熟，羅宋湯酸辣度適中，材料十足，老火靚湯，值得攞獎，我叫咗七十蚊西冷牛扒，７成熟，鐵板上剛飲完湯，鐵板就到，要了燒汁，燒汁十分香濃，牛扒成數剛好，有厚身，鐵版都裝唔曬，十分抵食牛扒好林，不過唔繫用梳打粉那種，牛味很重🐮認真超值，大家姐話重有只安格斯牛扒，叫我下次試下，我一定會試，試完再打食評

剛剛仲煩咁今年聖誕食乜好，點知打開報紙就介紹呢間餐廳。見繫太子近我屋企，又唔貴，今晚就去試下，去到餐廳門口，已經有十多人排隊，門口仲寫住前金鳳班底主理，雖然唔知道金鳯係乜，但都應該出名，繫門口睇到餐牌，都有好多選擇，等了十多分鍾，就有位。入到去坐低，環境ｏｋ，唔會好大煙，又唔臭，坐低就叫左個羅宋湯，因為見到呢度啲羅宋湯繫攞獎嘅，餐湯同餐包好快就到，經理問我食乜野，介紹我食新出品，安格斯西冷，我要了七成熟。個餐包熱辣辣好軟熟好好味，羅宋湯酸中帶甜，小小辣又香又濃火侯十足。👍牛扒到了，鐵板上，要了黑椒汁，家汁時（渣渣）聲，一陣煙，別有一番風味，黑椒汁香氣撲鼻，未食已經流口水，牛扒有薯條椰菜喺底，份量十足，切開牛扒，剛好七成，有肉汁，有咬口，唔會太個霖，以百多元有這樣水準，認真超值。最後到杯餐茶，要了凍檸茶，比很多餐廳水準高。之後仲睇到有黑豚食，下次再來試，下餐最平$68啱曬我地呢ｄ大眾化街坊去食，最後知道個經理，人人都叫佢大家姐，俾錢時仲請我食糖，下次食扒我都會搵返大家姐啦。😁最後一提，食扒可以加蒜蓉，要加兩蚊，但唔好慳呢兩蚊一定要加，加左真繫好味好多。知道聖誕佢地有聖誕大餐，都繫百零蚊