金翡翠海鮮酒家 (Closed)

早前去左朋友屋企同佢個bb玩，玩到咁上下就落左去佢地屋苑附近既酒家飲下午茶下午茶又幾抵啵，唔洗廿蚊就有燒味飯/粉食朋友要左碗叉燒檬，我就要左碗燒肉飯燒味既質素幾好啵，我既燒肉肥瘦適中，層皮仲係脆卜卜架之後就要左個點心孖寶，揀左粉果同燒賣點心既質素就不过不失啦，粉果都唔差既，但燒賣就唔係好得，勁多肥肉喺入面而服务都幾麻麻，有啲姐姐仲好燥底，黑曬面咁------------------------------食物質素：🤤🤤🤤(5🤤最優)價格水平：💰💰(5💰最貴)環境裝修：✨✨✨(5✨最好)服務態度：🌟🌟(5🌟最佳)整體評分：❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

今日與家人到藍田飲茶 其實呢家酒樓係屋邨區之中所以應該都主要做街坊生意 但我認為佢有d食物都幾有驚喜 所以都想介紹下🤣我地一行五人大約下午1點鐘左右到酒樓 雖然午飯時間都幾多人 但我地都好快就有枱啦 我地叫左小菜同少少點心 我地點左半隻白切雞 78蚊 但上菜時有個姐姐同我地講其實有個半隻雞加一鍋米線 都是68蚊咋(⊙o⊙)燒雞仲可以轉白切雞 😭 下次識得咁叫了 28蚊一隻乳鴿 叫左兩隻~ 好正 新鮮炸起 抵食又好味豬排酸酸甜甜 開胃好食呢個欖醬炒飯好香!!! 我食左幾碗 真係好好食 流沙包真係好香 有水準 我地仲叫左桂花糕做甜品 但呢個就普普通通了 感覺唔夠甜 冇桂花味 不過總的來說 也是滿意呢家酒家~

黃氏力場 今日嚟到 藍田搵食一，嘩！竟然有大發現！ 去一間屋村酒樓入面 ，竟然食到 遺忘已久的味道 。仲記得細細個去親傳統嘅齋舖父母都會叫 兩個例牌菜給我們就係炸鮮奶以及 羅漢齋炒麵！ 年紀大咗真係唔想食咁多 肉類啦 所以係屋村嘅酒樓裏面見到只需39蚊 就可以食到一個羅漢齋炒麵 仲要係大大大大碟 我當然唔好執輸要試下喇！ 結果 出人意料地好好食 鋪喺上面齋菜嘅味道 唔會太濃味 ，個汁唔係太杰， 重點係 啲麵條炸得脆卜卜， 我完全唔覺得 肥膩 嘅感覺。 我當時食嘅係下午茶時間 ，好多空位， 地方寬闊 ，樓底很高坐得十分之舒服。 店員服務態度良好 ，而且我見到附近老人院嘅職員帶一大班老人家呢一度食飯， 證明呢度嘅嘢食 係真正嘅平靚正。 另外我亦都叫了炸鮮奶， 不過味道就失色了， 外皮炸得很脆 ，裏面嘅鮮奶 唔夠滑溜 及不夠甜，有待改善。 我絕對會推介呢一個羅漢齋炒麵畀大家

係屋企附近有間屋村嘅酒樓，聽聞已經轉過好多手，我個裝修師傅成日都黎依度食！應該都唔錯！於是我嚟咗呢一度試吓！嘩！真係唔錯喎！＄128有一個羊腩煲！啲肉又好食又足料！最重要係啲配菜好入味啊！有馬碲，有冬筍！一個字！物超所值！之後我哋就叫咗一個套餐！大約＄300有龍蝦伊面、魚同埋瑤柱豆苗！ 啲龍蝦同埋魚都好新鮮！而且你食到都沒有加什麼味精！＄500樓下可以有咁多餸而且有幾新鮮，我覺得只有屋村呢啲酒樓先至可以做到呢一個價錢同埋質素！大家如果經開呢一頭附近，不妨去試吓！又平又好食嘅嘢如果唔再幫襯就好快執笠㗎啦！講笑姐！

昨晚與家人團年，由於遷就老人家，由老父在樓下金翡翠訂左半席吃飯，老父日日去這間茶樓，平時侍應們招呼周到，親眼見一羣侍應為出售年糕卷圍住老父，久久不肯離開，昨晚可再引證認錢唔認人！第一，我們被安排坐於房出入囗，另一面則是魚池位置，可想而知，氣味如何！根本就係额外加置，平時扮熟，唔熟唔食！第二，強烈爭取下，給予一張十二人枱，但枱面滿布黑色灰點，懷疑是冷氣出風口吹出，無可選擇下接受，但全程自己清潔！第三，原本預定$12xx，半席（我們五大人，一幼童），老父帶埋單張到酒樓，但忙亂中，被待應取走，酒樓話沒有此價餐單第四，選了另一套餐，明知得六人，下單十二位全席，好彩發現早第五，其中，一菜色，欠瑤柱！第六，蒸魚在吃完雞后，話無，等約半小時其實大時大節，街坊街里都想你地好生意，但屋邨生意太向錢看，點會再有回頭客，外面選擇多的是呀！

今日就約咗幾個舊同學出嚟飲茶，反正成年冇見大家約年尾見下面咁啦，我哋人都幾十歲啦，各有各家庭各有各事， 見面的時間真係會越來越少。大家約得出嚟飲茶就最開心，又可以坐耐啲又可以不停添茶加飲，唔使續杯續杯計， 嘢食選擇又多 各自可以叫各自鍾意嘅嘢，又可以share食。飲茶都係叫嗰啲大路嘢食，總之一定唔會少得點心蝦餃、燒賣、菜苗餃、山竹牛肉球、鯪魚球、蘿蔔糕、豬腳仔、腸粉，等等等等， 講返呢度啲食物，其實質素都唔差，尤其係蝦餃燒賣。我覺得非常有水準，最重要係唔會食到好多味精咁樣。自己就覺得最好味係個豉椒牛肉炒麵， 個麵炒得好香好脆，豉椒牛肉又夠味道好惹味好好食。都係嗰句，朋友係要見架， 飲完茶我哋即刻約咗，一於打牌打天光， 一於友情無限loop

2017年4月25日 (星期二) 2:00pm 環境光亮整潔，餐具乾淨。 不用排隊 無論是負責推點心車的姨姨或是奉上點心的嬸嬸，服務態度均是有善，有禮貌和有笑容，值得一讚！ 肉絲炒麵 - 麵條炸得香脆，豬肉絲幼切肥美。銀芽爽口，只是份量多了些。當中伴隨磨菇、韮黃和蘿蔔絲，配合玻璃茨汁後，感覺滑溜。整體來說，份量算多，本人自備餐盒，將吃剩的載起帶回家，絕不浪費食物。【推介之選】❤❤❤ 永和牛肉球 - 牛肉鮮嫩，大大個，咬開內裏肉質呈粉紅色，軟腍不韌，蒸得恰到好處；且帶有莞茜的清香味道。【推介之選】❤❤❤ 蟹籽燒賣 - 面層的蟹籽不多，豬肉肥美，蝦肉味道反而一般。整體來說，不過不失。 叉燒酥 - 雖然外皮酥脆，但可惜不熱不暖，失了不少分數。內裏餡料算足，令整體脹卜卜。一碟三件 (HK$14.8) ，算是抵食了。 叉燒腸粉 - 叉燒肉質又韌又乾，味道不太好，叫人失望 ~ 香草綠豆糖水 - 綠豆綿腍，充滿香草氣，味道亦很甜，清熱消暑。【推介之選】❤❤❤《 餐 牌 》：

年年冬至，訂枱吃飯也很頭痛，今年簡單地揀選了媽媽樓下的金翡翠海鮮酒家，一圍二千二元全包宴，應該都不可以有什麼要求。等代上菜時發覺餸的次序亂了，相信是要遷就廚房吧。潮粵大拼盤，叉燒夠瘦，我喜歡，其他都是一般貨色，不差也沒驚喜。上湯珍寶蝦球伊緬，蝦很彈牙，伊麵的口感也可以，湯汁不會太杰。碧綠花姿鳳片，花姿片很爽，感覺新鮮，味道幾好。黃金海鮮卷，炸得不會太油，只是上枱擺得唔夠靚。竹生雞絲翅，其實本人對食翅並無好感。生粉太多， 更加不愛。清蒸大青班，時候控制得剛好，蒸得好滑，讚！特別覺得金蒜一品燒雞做得較好，肉質不會鞋，皮香又脆，炸蒜也好香.壽包是大人細佬都喜愛的，我也忍不住吃了兩件！！另外，生炒蠟味糯米飯的口感煙韌，花生香脆，大家都讚！覺得整晚做得都不錯，這就價錢有這個水準已合格。一家人難得一聚，說說笑笑，吃得飽飽便很滿足。

香港屋村茶樓，有一種年輕人未必知道的潛規則、舊文化。打從早上六點半起，每一張桌每個座椅的某誰幾乎都是固定的面孔。甚至乎，這位食客吃飽了，接替他的將會是下一時段的那誰。他們只已認得對方。此所以，肥仔奇多年來甚少光顧此店早茶。「佔人座位如殺人父母」，「不是熟客，勿飲早茶」，這是我對屋村早茶文化的認知。你坐了别人的位置，侍應盯着你，旁邊的熟客也盯着你，你會忽然成為不知道自己做錯什麼的小朋友。快吃快閃人，是屋村早茶求生術。蛋白千層糕，實際上只有五層，這是早茶為了招呼糖尿病人們特設的古法馬拉糕代替品。澄麵皮太厚的蝦餃。再來鳳爪排骨飯，爭取時間吃完讓座，不拍照了。

改名為大囍慶短短日子 家下又轉名'金翡翠' 改名改得好 當然配合埋食物味道好 先可長有長做星期六既日子也是下午茶時段 附近不少街坊早已駐場 幾爆下..但居然沒有知客帶位 一行五人好自然自動找位 見檯檯FULL 一是剩兩個位一個疑似男經理 終於見到我地 即安排入坐廂房 太妙!!問題又出現 房間既冷氣不足 叫了茶後 伙計又唔多理睬房內既客仔下午茶有提供優惠點心紙 價錢幾經濟 茶位收六蚊 茶味OK點心款式及做法已一改古老既作風 '雪山叉燒包'也有 不再是高檔茶樓先可以食到 仲有雙拼點心 蝦餃拼粉果 前者大粒兼鮮甜肉餡 後者皮厚而餡料太散 味道麻麻鴨腳扎拼雞扎 兩樣味道不差 雞扎內既棉花(魚肚) 好軟綿綿 味道鮮甜其他所叫既點心大致可以 今日最BUY'古法馬拉羔' 夠熱 甜度剛好 食落又香又軟 必點之選!!~後會有期~