Video
7-min walk from Exit B, Whampoa MTR Station
continue reading
Opening Hours
Mon - Sun
11:30 - 15:00
18:00 - 23:00
Above information is for reference only. Please check details with the restaurant.
紅磡出名多正野食。呢間泰國菜味道好好。泰國人經營，啲野一般都幾惹味。泰式炒飯食落唔會太油膩，味道剛剛好，份量又ok多。😆😆另外亦都試咗佢嘅冬蔭功湯米線。我個人嚟講唔系太食得辣🌶🌶所以一路食一路流鼻水。不過味道酸酸地系好開胃嘅，唔會得個辣字，啲餸索哂湯底嘅酸辣味，尤其是啲菇，好入味好正架。價錢正常啦，大約$60幾$70幾蚊一份主菜。如果飲品再大杯少少會更加好🤣🤣，因為食辣嘅話都唔系好夠飲。
continue reading
泰式餐廳，開業多年還是第一次來試，樣樣都未試過，咁就叫咗個2人套餐。冬蔭公湯，色澤好似好hot，飲落只是酸酸甜甜味道，當中滲有清淡的椰香味，令你胃口大開之餘 ，仲有兩隻大大的大頭蝦，。炸蝦餅併春卷，蝦餅彈牙、香脆。春卷有些過氣，外皮已變軟和有些韌。蟹皇咖哩雞，蟹皇是用蛋漿做成，太糊了，無乜咖哩味，雞肉一般。泰式炒椰菜苗，炒得爽脆，帶甜味。蒜蓉包，烘得香脆。甜品：千層糕，熱上，依依韌韌，唔太甜且咬落非常QQ，好味。
continue reading
小店開了好多好多年，好鍾意午餐套餐，一般點海南雞同豬頸肉。配的醬好好味。另外飲品有特色，可以叫龍眼茶，龍眼冰。常客。散點生蝦好正，不過串燒稍差。另外見鐵板通菜好有獲氣。
continue reading
Sawadikap! 今日突然十分之掛住泰國，所以一定要食啲泰菜止下癮牛奶仔至愛炭燒豬頸肉Juicy得黎肥瘦適中，加埋醬汁真係有泰國的味道！小食拼盤就啱哂心大心細嘅我地，咩都有兩件，人小小都可以食齊哂必叫菠蘿肉鬆炒飯，炒到粒粒分明，用菠蘿裝住黎食真為夠哂feel，不過腰果可以多返幾粒就super必叫PAD THAI，炒金邊粉100% MUST EAT ITEM，炒到油分剛好，又唔會一大Pat，仲要夠哂乾爽又入味！馬拉盞炒通菜不過不失，辣辣地幾惹味，用鐵板上好有誠意。**店舖細細，位置唔多，不過勝在有卡位，都算坐得舒服，人小小可以黎嘆下民間美食😌**
continue reading
勞蘇至愛小店，今次試下係十幾間大餐廳包圍下都滿座既泰式小店平日晚上黎坐最後一張二人枱，座位唔舒服，尚算清潔，裝修無太大特別，都算泰式既店員一睇就知泰國人，有啲中文都唔太好，更有味道餐廳仲有晚餐供應，5x-7x包野飲，都幾抵既其他野食都偏平，二人餐亦可考慮，餐牌亦有好多圖，可以慢慢揀最後叫左泰式豬手飯(晚餐)，泰式炒椰菜苗，泰式燒牛肉野飲先上，晚餐包左特飲叫左鹹檸雪碧好好味，食住濃味野飲仲爽另外店內只有Singha泰啤，連雪左既Singha杯一齊上大讚，之前講過啤酒配返自己隻杯既重要性，就算同係泰啤，象啤用較西化既手柄大杯，Singha用較亞洲既細杯，都表達緊隻啤酒既特性泰場、泰人、泰飲，加埋泰國電視台俾你睇，加強個泰味仲唔係泰家庭晚餐豬手飯先上，當你可能覺得晚餐係行野或者因爲平而質素差，你錯了飯質軟，有豬手肉汁，好味豬手份量外，肥瘦均，肥同有皮既地方幾香，加埋佢既酸辣醬汁非常正仲有隻豬手汁既滷蛋，性價比相當高既一個飯餐(講多次係包特飲喎)泰式炒椰菜苗，椰菜苗夠嫩，葉位特別好味泰式炒意即麵醬加辣椒炒，唔算話超出眾好難忘既一道菜，但好有泰式屋企味道壓軸係勞蘇食推介 —— 泰式燒牛肉，泰式燒豬頸肉可能好多都食過、都會叫，燒牛肉可能少啲或者嫌貴少少，但依個燒牛肉，牛肉味濃香口淋滑配埋醬汁，正，相當好味完全同燒豬頸肉係兩個層次，極之推介要食下店仔小小，大大既美味，唔怪完全唔需要擔心附近愈來愈多新式靚食店實在有家庭地道泰式味，服務亦好貼心一定再返黎#姐姐唔識講「外賣」不斷用「攞返屋企」代替#有好多野未食希望我食左再寫同一間食評openrice會俾我放
continue reading