金香茅泰國菜館 (Closed)

紅磡出名多正野食。呢間泰國菜味道好好。泰國人經營，啲野一般都幾惹味。泰式炒飯食落唔會太油膩，味道剛剛好，份量又ok多。😆😆另外亦都試咗佢嘅冬蔭功湯米線。我個人嚟講唔系太食得辣🌶🌶所以一路食一路流鼻水。不過味道酸酸地系好開胃嘅，唔會得個辣字，啲餸索哂湯底嘅酸辣味，尤其是啲菇，好入味好正架。價錢正常啦，大約$60幾$70幾蚊一份主菜。如果飲品再大杯少少會更加好🤣🤣，因為食辣嘅話都唔系好夠飲。

泰式餐廳，開業多年還是第一次來試，樣樣都未試過，咁就叫咗個2人套餐。冬蔭公湯，色澤好似好hot，飲落只是酸酸甜甜味道，當中滲有清淡的椰香味，令你胃口大開之餘 ，仲有兩隻大大的大頭蝦，。炸蝦餅併春卷，蝦餅彈牙、香脆。春卷有些過氣，外皮已變軟和有些韌。蟹皇咖哩雞，蟹皇是用蛋漿做成，太糊了，無乜咖哩味，雞肉一般。泰式炒椰菜苗，炒得爽脆，帶甜味。蒜蓉包，烘得香脆。甜品：千層糕，熱上，依依韌韌，唔太甜且咬落非常QQ，好味。

小店開了好多好多年，好鍾意午餐套餐，一般點海南雞同豬頸肉。配的醬好好味。另外飲品有特色，可以叫龍眼茶，龍眼冰。常客。散點生蝦好正，不過串燒稍差。另外見鐵板通菜好有獲氣。

Sawadikap! 今日突然十分之掛住泰國，所以一定要食啲泰菜止下癮牛奶仔至愛炭燒豬頸肉Juicy得黎肥瘦適中，加埋醬汁真係有泰國的味道！小食拼盤就啱哂心大心細嘅我地，咩都有兩件，人小小都可以食齊哂必叫菠蘿肉鬆炒飯，炒到粒粒分明，用菠蘿裝住黎食真為夠哂feel，不過腰果可以多返幾粒就super必叫PAD THAI，炒金邊粉100% MUST EAT ITEM，炒到油分剛好，又唔會一大Pat，仲要夠哂乾爽又入味！馬拉盞炒通菜不過不失，辣辣地幾惹味，用鐵板上好有誠意。**店舖細細，位置唔多，不過勝在有卡位，都算坐得舒服，人小小可以黎嘆下民間美食😌**

勞蘇至愛小店，今次試下係十幾間大餐廳包圍下都滿座既泰式小店平日晚上黎坐最後一張二人枱，座位唔舒服，尚算清潔，裝修無太大特別，都算泰式既店員一睇就知泰國人，有啲中文都唔太好，更有味道餐廳仲有晚餐供應，5x-7x包野飲，都幾抵既其他野食都偏平，二人餐亦可考慮，餐牌亦有好多圖，可以慢慢揀最後叫左泰式豬手飯(晚餐)，泰式炒椰菜苗，泰式燒牛肉野飲先上，晚餐包左特飲叫左鹹檸雪碧好好味，食住濃味野飲仲爽另外店內只有Singha泰啤，連雪左既Singha杯一齊上大讚，之前講過啤酒配返自己隻杯既重要性，就算同係泰啤，象啤用較西化既手柄大杯，Singha用較亞洲既細杯，都表達緊隻啤酒既特性泰場、泰人、泰飲，加埋泰國電視台俾你睇，加強個泰味仲唔係泰家庭晚餐豬手飯先上，當你可能覺得晚餐係行野或者因爲平而質素差，你錯了飯質軟，有豬手肉汁，好味豬手份量外，肥瘦均，肥同有皮既地方幾香，加埋佢既酸辣醬汁非常正仲有隻豬手汁既滷蛋，性價比相當高既一個飯餐(講多次係包特飲喎)泰式炒椰菜苗，椰菜苗夠嫩，葉位特別好味泰式炒意即麵醬加辣椒炒，唔算話超出眾好難忘既一道菜，但好有泰式屋企味道壓軸係勞蘇食推介 —— 泰式燒牛肉，泰式燒

同朋友咁耐冇見，今日難得一聚，重口味組揀咗食泰國菜！其實之前都經過呢間鋪頭幾次，不過因為裝潢比較老舊，所以都冇試過，而今次聽朋友講呢間都幾好，所以就決定試下。我地嗌咗冬蔭公湯，菠蘿飯同金邊粉，同埋木瓜沙律，份量都充足，4個人食仲有啲食唔晒⋯⋯欣賞嘅係冬蔭公入面啲蝦新鮮大隻，不過菠蘿飯同金邊粉就冇乜特別，味道偏淡，如果鍾意淡口味嘅就幾好。但唔會話好惹味。木瓜沙律好辣，如果唔食得辣嘅人會好似我咁辣傻咗😂但辣得黎好好食。服務都幾好，雖然晚市好多人，但因為我地真係唔夠位擺，見我地食得咁辛苦都猶豫過後，將隔離嘅2人檯俾我地。4個人4款餸4杯嘢飲盛會500。

夏天一來就會想食酸酸辣辣開胃的泰國菜。紅磡泰國餐廳很少，這一家金香茅泰國餐廳很細間，有點難找。午市套餐選擇和價錢還算相宜。同事order的冬陰功湯米線。賣相是吸引的，也很香的冬陰功味。湯底是ok的，但是米線太冧了。同事話米線不用咬就爛了，一點也不彈牙。食到最後，米線全部碎晒，夾都夾不起。😂😂😂而且份量也不太夠食。看起上來很大碗，個碗其實很淺。我很喜歡食豬頸肉飯。這個豬頸肉飯完全不合格！！豬勁肉好硬，冷的，覺得好似是昨天晚上賣剩的一樣，又干又硬。油飯也不是熱的。跟餐的龍眼冰有一點太甜了。但還過得去，唯一的好處是凍飲不用加錢。

今晚放工返左屋企附近呢間泰國野食 好鍾意食呢間嘅香葉肉碎炒飯 就算唔跟餐 冇嘢飲都要叫 因為真係好惹味之餘 分量亦多 包你飽 跟住嗌多個馬拉盞炒通菜 正常泰國嘢水準 辣辣地 正！ 加個蝦餅 配返我最愛嘅泰式辣醬 成餐好似一百蚊內 算ok la !!!

泰國野食依家係香港周圍都係，雖然水準都係唔會特別差特別好，不過要搵間岀色嘅，通常平民店係命中率高啲嘅！😎夜晚8點左右到，店入面都坐滿左人，好幸運地咁啱有位👍🏻 因爲係小店，位置都唔大，要加位先坐到5人。依間鋪其他菜份量唔多，唯獨係依個豬肉生菜包好足料😌仲可免費添加生菜~雙拼海南雞比較平平，啲雞冇特別嫩，然後汁都唔係話好特別，豬頸肉尚可太想食甜食所以叫左個芒果糯米飯，不過真係失望🤦🏻‍♀️🤦🏻‍♀️芒果唔甜，成碟唔凍好溫，個人中意再椰汁味重少少...雖然佢話係有蟹粉，不過我都唔係好食得岀，當普通咖哩包食都可以填飽個肚縱觀整體比較好食嘅係依個拼盆，一定要熱食同加泰式辣醬！不過可惜係4人份哈哈完無意外，除左經過紅磡又找不到野食，應該都唔會再次光顧了🤣🤣 始終泰國野嚟講九龍城比較地道

紅磡雖然有好多嘢食，但泰國嘢食就真係唔算太多啦，以前成日黎食金香茅嘅套餐，六十零蚊有得食好食嘅泰國嘢，對一個學生黎講真係好開心，不過以前都係一兩個月食一次，因為都唔算平。今日又係紅磡完左工作，所以就搵埋朋友去食以前的味道！哈哈！以前未試過叫餸，今次幾個人食終於可以叫啦！！好開心，佢嘅水準仲係到，不過套餐個飯就比以前小左。其他嘢食都比一般嘅一泰國餐廳好食的！！好滿足！入正題！🍴泰式拼盤(細）💬食泰式炸物，真係唔係種種好食，往往都會有一兩件麻麻地，不過依份嘢真係成份都好好食，唔過咸，而且岩岩炸好，皮脆香口！真係件件都有水準！好味指數:🌟🌟🌟🌟🍴海南雞拼豬頸肉飯💬以前成日叫嘅套餐，仲有得免運送嘢飲添。海南雞好入味，而且件件都好嫩，真係好過去飯大家x 同x心。豬頸肉嫩得黎好香口，點下個汁，可以中和油膩感。不個個飯比以前細左。😭好味指數:🌟🌟🌟🌟🍴生菜包💬食泰國嘢必叫！佢嘅生菜好新鮮同好大塊，比岀面嘅生菜有啲唔同，肉碎味道新鮮，辣度岩岩好。隻生菜加左好多分，可能個人鐘意！好味指數:🌟🌟🌟🌟🍴蟹皇咖嘢海鮮包💬見佢幾得意就叫黎試下，咖哩唔辣偏creamy，幾好食，不過都係配飯好食。個包麻麻，所以扣左

同個friend講話要試勻紅磡既餐廳，今日就黎到一間唔起眼既泰國菜餐廳又係好遲先可以去食飯，成1345先去到餐廳但都仲又好多人係度，大概8成滿吧，都幾熱鬧～叫左兩個餐，但都好令人失望 (saddd)-- 蟹王咖喱豬排飯 （$52）（2.5/5）本身以為會分開飯同埋咖喱上，點知醬蓋飯甘上，仲要係完全cover左，太嚇人了食完呢個甘肥既飯，個日應該可以唔洗食其他野了個咖喱好杰，好濃，但完全冇蟹王咖喱既味道：（比較似黃咖喱 有點被騙既感覺感覺上食茶餐廳既咖喱飯會更開心呢-- 冬陰功米線（$50）（3/5）本身自己好鐘意食冬陰功但呢間真係仲差過我自己煮架lol（利申：廚藝級別係煮公仔麵啊）佢做得好淡，同埋冇自己既特色唔夠酸，唔夠辣，唔夠香有待進步喔料落得足既，有蝦、帶子、菇......如果可以落多少少香料就好辣：）紅磡都好似有幾多泰菜之選～但就未必會再黎呢間啦，唔值呢個價：（

五十幾蚊嘅泰菜套餐係acceptable range, 但我期望嘅係有香料味, 賣相較精緻嘅正宗泰菜。可惜呢間食到嘅係同茶餐廳質素不相伯仲嘅平凡菜式...食過幾間泰菜, 喺泰國都食過咖喱, 冇一次個汁係咁杰。如果係因為薯仔/豆類而咁都話正常, 但一食就覺得係打芡打出嚟。泰式黃咖喱用濕香料製成, 但呢盤咖喱完全有香茅同黃薑味, 只有椰奶嘅甜, 同咬中先有嘅芹菜味。呢個價位食茶記咖喱飯好過(根本差不多味)。4隻蝦, 肉質爽口。可惜冬陰整得唔夠酸唔夠辣, menu仲要標2隻辣椒, 令我好失望。唔辣都算, 香料唔足先係致命傷。杯麵湯底啲合成味都濃過佢。係好失望, 但食物份量ok且入到口。不致劣評, 但請勿視佢為泰菜餐廳...

做完瑜伽就感到非常肚兒 於是不理三七二十一 食左先算 理得距高唔高卡我點了一份芒果糯米飯($60)其實由相片都可以看到 有半個芒果 超多椰汁 兩條飯糰 一條紫米 一條白米 兩個都有香香的椰汁味 但白米那條吃得出是放了一點鹽芒果挺甜 糯米飯軟糯 硬度適中 in in en en本來怕不夠吃 因為看去不夠大份 不過真的挺飽的

我今天個女生日想出街食嘢，6點15分入到金香茅一個人都冇，我見佢個電視冇聲，我又等人，間舖又冇人，咪叫個女侍應開大少少個電視，點知佢板起面一句得埋喇:係咁様㗎喇！我咪好簡單同佢講:我都係咁先㗎喇！其實我覺得可以有1000個更好的答案，如果老板唔畀開大我都可接受，係咁㗎喇算乜？

自大學時期經常來到紅磡這區做義工後，至此甚少踏足這區。今晚有緣在友人帶路下來到這裡吃泰國菜，聽她不斷說有多美味，已令我十分期待。不起眼的餐廳，卻給我親民的感覺，平實的裝潢，更有泰國風情。友人誠意推介冬陰公，即使不太吃辣的我也要試一試；另外叫了柚子蝦沙律，炒金邊粉和龍眼冰。先來的是龍眼冰。飲品比我想像的大杯，龍眼肉十分足料，大大粒，爽甜多汁，能喝得到龍眼的清甜，不會過甜，糖水調較合宜，清爽涼快。柚子蝦沙律頗為大堆頭，最底層是柚子，中間是蝦，最上層有花生碎粒。柚子十分清甜多汁，一點也不乾身；蝦肉彈牙，蝦與柚子的配搭，無疑是增添了蝦的鮮味；而最欣賞的是上層的花生碎，除提供了花生的濃香外，亦豐富了整碟沙律的口感層次，很好吃。冬陰公紅噹噹，香料辣味頗嗆。湯中的材料頗多，有蝦，魷魚，青口，香菇等，故提升了整鍋湯的鮮甜，辣味是重的，會在喉嚨邊慢慢滲出來，故我也喝得不多，但吃慣重口味的朋友相信會喜歡。最後是炒金邊粉，擺盤頗有特式，上面鋪了一層厚厚的芽菜。金邊粉炒得入味，酸酸甜甜，配料不外乎是雞蛋，雞肉，香蔥，同時亦有花生碎粒，增加口感，但稍嫌鑊氣不足，否則更加為香口。整體水準不錯，份量十足，吃完真的是