金蘭花泰國菜館

Open Now

Now Closed

最近都食左不少食日本菜,西菜, ,諗食乜,諗黎諗去都冇乜好idea,於是諗起不如轉下口味,今日一於就試個泰國菜!所以就上網睇下有咩好推介,好多人都推薦既一間泰國菜館-九龍城尼一間金蘭花。我地點左好多野食,咁就簡幾款黎講下啦!泰式鳯爪見到人地個碟好靚，所以叫了一碟，都幾辣，味道就普通啦 辣椒羔炒青口大概是今晚最好食的一味菜(個人認為,其他都吾差的) ，上枱時賣相很吸引的，醬汁看似很濃的，食洛完全不辣，青口肉質尚算是新鮮，下次都要再同屋企人尼過!! 麵包咖喱雞呢個係焦點，因為我地一向都好鍾意用麵包配咖喱，所以呢個大家都食得好開心，個人黎講如果個咖喱多返d辣會更好，因為呢個偏向香甜椰汁味多~

想揾一間食正宗泰國菜嘅餐館，朋友介紹話有間泰國菜餐廳金蘭花值得一試，我係中午時段，就打電話約埋朋友放工後，慢慢行住街過去到埗後，餐館環境都特别，感覺上溫馨簡單，入到去睇完菜牌就同朋友決定點菜了，點了一個小食拼盤還有燒烏頭，這裡的醬料味道非常不錯，酸酸地開胃，魚身肉質都滑～燒烏魚咸度剛剛好，內裡的肉質滑而又新鮮，不會燒到好乾。拼盤內有各種類的食物，串燒配搭的醬汁也是濃郁可口，令人回味無窮，吃到正宗的泰國菜，真的是大滿足～

同朋友食飯 朋友佢成日黎食依間 仲成日話依間好正!! 令我好期待,所以今日要同佢尼試下: 我地點左串燒（雞同豬）+春卷 勁好食燒到岩岩好,仲有啲肉汁點埋啲汁 真係好正!! 他們正在sell 緊辣椒羔雙蟹，只售 $258， 非常扺食，但始終是細蟹，我們一行六人，始乎不夠食，但辣椒羔配上蟹肉，非常惹味。下次可以叫雙份!! 炒金邊粉又係正宗得黎，又啱我同朋友口味，酸上小小青檸微微酸味十分開胃，加上金邊粉好爽口，唔會太淋好似一太塊咁，炒得啱啱好！加埋花生碎口感一流！我地個個都爭住話要食好快就清曬!!

今日同舊同學敘舊，去左九龍城搵野食,行左一陣就決定去食泰國菜,估唔到係一餐驚喜晚餐,唔係咁肚餓嘅我地嗌左2樣餸，前菜柚子沙律,甜甜酸酸的,非常之咁開胃,本身都好驚柚子會好苦好澀,但今次又冇呢個情況出現,同埋個沙律汁到特別,吾係用平時既沙律醬的,但呢個沙律汁又竟然同柚子幾夾。然後重點來了,咖哩蟹又新鮮又大大隻,咖哩椰汁味濃,唔會感覺太過辣,再嗌埋個白飯黎配咖哩汁真係一流,有呢個咖哩汁送飯我諗真係食四五碗都得!!

金蘭花的性價比高,口味都算正宗,一直都獲得朋友的一致好評,價錢很公道,款式又多,來到泰國菜餐廳又點少得咖哩類,不想吃太多肉,所以沒有點咖哩雞,只是點了咖哩蟹,蟹確實很大隻,非常多肉,肉質很新鮮,香辣的咖哩味非常美味,但又不會太過辣,又用了洋蔥來調味,重點是完全不會蓋過鮮甜的蟹肉味,用想放白飯或者薄餅真係一流!但我再點了一個炒金邊炒,味道甜甜的,我發現泰國的炒麵類通常都是甜的,不知道是不是泰國人都很愛這樣的口味,但不得不說味道又真的挺好吃。

我一向都好喜歡泰國菜，呢間就在公司旁边，走三分鍾而已, 裝修簡單, 泰國菜甜甜酸酸真係好開胃,同事帶我去食的，貌似是私房菜啊,非常不錯的東南亞風味，菜品口味地道，食材新鲜。中午吃飯時間果然是能坐滿的，生意不錯。味道整體來說還不錯吧!明爐烏頭和咖喱蟹必點，招牌美味，绝對不能错過。烏頭魚酸酸甜甜的，口感比較清淡，能吃出魚的清香, 另外，叫左黃咖哩蟹，呢個咖哩加埋薄餅一齊食，真係好好味,食落都幾有正宗泰式菜的感覺。

九龍城好多出名嘅泰國菜食，今次試依間環境就比較舊派，舖頭位置都唔多，但都坐得舒服！兩個人嗌左個生蝦、馬拉盞炒通菜、豬頸肉同菠蘿炒飯share黎食個生蝦好新鮮，完全無腥味，依到有埋炸蝦頭同蝦尾，不過驚熱氣無試到個通菜就炒得麻麻地，可能係啲菜太老唔新鮮，有啲硬，好難咬！個燒豬頸肉好好食！燒得岩岩好，肉質係好嫩滑，完全唔會難咬，肉汁好豐富，真係忍唔住係咁食菠蘿炒飯都好食，唔會炒到好乾，好多肉鬆！野飲就嗌左泰式奶茶，不過依間個味同泰國飲就差得有啲遠，個茶味唔太一樣，有啲失望。但整體黎講依間都中規中矩嘅，唔太差但都唔太特別話好好食，除左燒豬頸肉高質外其他無乜太突出。

今晚來到九龍城～突然想食海南雞！就入左呢間金蘭花泰國菜食野。本身諗住有得食就算，點知呢隻雞嘅水準係超高！我大大話話都食左這麼多年雞，呢隻雞一入囗就知好！首先你D牙係會感受到塊雞皮嘅Q彈！我知道有好多人怕雞皮肥淋淋軟瀨瀨，但係呢塊皮完全無呢D情況，入口彈得黎又爽！雞肉同皮完全係兩個情況，雞肉夠結實，但唔係死實，食得出係有雞味！呢到點雞只有一種泰式醬汁，呢個汁可以話係畫龍點睛，酸辣嘅味道～令人一啖接一啖真係停唔到口！宜家係香港好難食到咁嘅質素嘅雞，真係值得一試。

九龍城大大小小的泰國菜館相信有數十間，每次都會嚐試不同的。今天去的位於龍崗道的一間，位置便利。裝潢並沒有特色只是一間老派菜館，但坐得舒適，有懷舊惜曰九龍城的風貌。頭炮是一碟炒通菜，有鑊氣香噴噴，少少微辣增加味蕾，先幫我們淸消腸胃再戰美食。黃金大頭蝦是店內人氣之選，無理由唔試下。真的有手掌大小，蝦味濃郁，只可惜黃金醬汁過於普通，沒有預期的好。法包椰皇咖哩雞不得了，賣相先吸睛。法包看似脆脆，食落真的嗦嗦聲，好鬆化。店方亦非常細心在包內裝置椰皇殼，盛載咖哩汁，免得咖哩汁放耐麺包變軟，影響口感。咖哩汁好惹味，麵包醮汁無得輸。

以前啟德機場去九龍城， 所以九龍城有好多各國家既野食， 而家九龍城食泰國菜好出名，我都去試下😼😼去到九龍城， 經過呢一間野， 係門口睇餐牌， 覺得唔錯😼😼 便入去試下，選擇很多😸 沙律串燒小食炒飯等很多種類，亦有泰式飲品😸我點了很多串燒，馬拉盞炒生菜、生蝦刺身和串燒拼盤，十分美味。每樣菜式份量不多，所以可以多叫。另外有一種泰式石柳飲品，值得一試！😻覺得呢一間餐廳真係值價比很高啊！ 下次可以帶埋多啲朋友來，可share 食多啲唔同嘅野食!

九龍城美食匯聚，特別係泰菜, 這間餐館十分老字號，抵食味美，用料十足必點明爐烏頭魚鍋:未來先來一碗湯底，可自行加入魚鍋，酸帶點辣，暖暖的加入魚鍋更正,真的整個明爐端上，整條魚，面上鋪上香料，令魚本身的腥味僻去.. 食落肚暖暖的，還有粒粒酸梅，令魚一嚐甜酸辣，而且好香,整個湯完全滲入魚肉，令其更鮮，味道更出連盛載的爐都是魚形狀，剛好魚肉入口出奇地唔會'鞋'，相反來得嫩滑惹味，連帶本身不太愛魚的我都吃了半條，正正就是太美味

九龍城出名有非常多隱世既小店,而且性價比亦都好高,今日同朋友來到呢間泰國菜餐廳(金蘭花私房菜)。入到去感覺好溫馨,簡簡單單的,有種回到家吃飯的感覺,而且座位舒服,就算幾多朋友黎聚餐都OK。我地點左個菠蘿炒飯,本身我吾係特別喜歡食菠蘿炒飯,但上次去泰國被朋友影響左,所以都愛上了,而金蘭花依度既菠蘿炒飯真係好好食!!!同泰國既味道差不多,都係將炒飯放係菠蘿入面,面頭仲有滿滿的肉鬆。另外我地仲點左個炒青口,青口新鮮,味道亦都非常惹味。

今次同朋友既飯局冇去到食中餐,去左金蘭花食泰國野, 一早就訂左位既關係, 所以吾洗等位, 提提大家想食的話都可以先BOOK定位。好多食品都好適合香港人既口味,又不會太過辣。我地點左個泰式咖哩蟹,大大隻既肉蟹,啖啖都係蟹肉,咖哩汁不會好辣,點上薄餅黎食真係好正。炒海鮮金邊粉,有好大隻既大蝦,味道有小小辣辣地,好惹味。呢間餐廳都幾值得推介,一班朋友食下飯吹下水既好地方,又吾洗咁急速咁趕任食完,食物味道同品質都好,地方都好整潔好舒服。

朋友不斷推介金蘭花話性價比很高,今日經過附近終於可以試一試,因為吾係好食得辣既關係,所以本身都有啲驚,但菜單入面好多野食都好岩食,選擇都好多!!明爐清湯烏頭~用火爐熱住,熱辣辣咁正真係好正,烏頭好滑好鮮味,都吾會好多骨,大人小朋友都岩食,而個湯清清地但因為有魚既關係,所以好鮮甜。麵包咖哩蟹~咖哩吾會太辣,好惹味,差啲想叫個白飯黎配咖哩,麵包吸晒滿滿既咖哩汁,真係好好食,蟹都好鮮甜,而且份量都好多,幾個人食都可以

好耐冇食過泰國野,所以黎左呢間金蘭花泰國私房菜試下,一聽到係私房菜就感覺好似幾專業幾正宗咁,雖然吾係好豪華既裝修,但好有家的感覺,好親切。餐牌入面既種類都算幾多,好多野食都想試下。泰式海南雞,份量好多,好抵食,重好細心咁已經去左骨,肉質滑口,啖啖都係肉好滿足,點上金蘭花特製既泰式醬汁,真係好特別,再配上充滿香茅味既油飯,真係非常享受。炒芥蘭味道都不錯的,食左咁多肉再清清地食下菜真係岩晒,芥蘭一啲都吾老,食落爽口。