金蘭花泰國菜館

Open Now

Now Closed

其實我好鍾意食蝦醬炒飯，不過成日食到嘅都唔夠蝦醬味，所以真係好唔開心，不過呢一間泰國菜館就滿足到我嘅要求。出面好多地方食到嘅蝦醬炒飯都只係上枱嘅時候你會聞到蝦醬味，食落口嘅時候就無乜味，但今次食到呢間就真係唔錯，入口時好有蝦醬香味，啱晒我嘅口味，如果你都鍾意食蝦醬炒飯而又遇到蝦醬唔夠味嘅問題，建議你黎試下呢一間。

一間無論食幾多次都覺得咁好食嘅泰國菜{金蘭花泰國菜館}😋首先好想講嘅係呢度嘅店員服務態度良好，感覺好親切，喺度住左咁多年其實咩都食到厭，但呢一間泰國菜真係食極都唔會覺得厭，今日去咗外國做嘢三年嘅家姐返咗嚟香港，一家人出嚟食飯，就同佢哋嚟咗呢間金蘭花泰國菜館，家姐幾年都冇食過泰國嘢佢好開心，好想講下佢哋泰式燒豬頸肉真係好正，每次黎我都會嗌，今日都唔例外嘅，加埋佢個秘製醬汁真係好好食，肉質夠嫩👍🏻👍🏻，佢啲咖喱辣得來好香，用薄餅點嚟食好好食，咖喱汁撈白飯都好正，真心推薦大家黎金蘭花食嘢一定要叫豬頸肉😍

而家疫情雖然仲未完，但放假都真係想出外走走，於是出左去黃大仙搵男朋友行街，夜晚再去九龍城食泰菜，九龍城食泰菜既舖真係有好多選擇，最後男朋友帶左我去呢間金蘭花食，因為佢之前食過覺得幾好食。一坐低，男朋友已經order一客蒜蓉法國麵包，之後再叫一客乾炒貴刁同燒牛肉。蒜蓉法國麵包好好食，金黃色好香，外脆內軟，熱辣辣脆卜卜，份量仲好多而且大件; 乾炒貴刁，真係乾炒，唔會炒到油淋淋，味道亦幾好味，蔬菜都炒得好好，唔會炒到淋晒; 燒牛肉，呢度既牛肉係燒得啱啱好，唔會燒到過熟令到牛肉鞋口，佢係燒到仲有好靚既粉紅色但又唔會有血水，而且份量真係好多，好抵食，我地兩個人食三碟餸都已經食到好飽好滿足。

同朋友咁耐無見,就大家收工食餐飯,佢平時最仲意食泰國料理,就同佢黎試下呢間泰式餐廳!平時去大排檔食飯就叫開馬拉盞通菜,今次就試下佢既馬拉盞白菜仔啦,佢仲有芥蘭,椰菜,通菜可以簡!啲菜爽口又唔夠嫩,仲好美味!見佢呢到魚鍋都好出名,幾多人食,一於就叫左個魚鍋試下!啲魚肉好新鮮，食落口好鮮甜啲湯都好好飲 仲可以用黎撈飯食😻仲有我最仲意食既炒飯啲蝦大大隻又新鮮份量又夠多，加埋啲蔥更加香，口感更加豐富呢個炒飯色香味俱全😻推薦👍🏼

為食嘅我今日帶埋屋企人出嚟一齊覓食，係OpenRice睇中左呢間金蘭花泰國菜館好耐😋今日一於就出嚟試下佢，同屋企人出到嚟行一陣街就已經即刻過去金蘭花度等位，等左20幾分鐘就到我地，我黎嘅最大目的就係要食佢個大圓法包椰皇咖喱雞，我哋另外仲叫咗好多嘢，但我就特登叫咗個白飯用咖喱汁黎撈飯食，果然真係好正好重椰香味嘅咖喱汁，重點係辣嘅，有時喺出邊食既咖喱係唔辣嘅🥺而且佢串燒好好食唔會乾晒點埋個汁一齊食真係好正😍我會再返黎食多次的🤤

平時好鍾意食野嘅我今日竟然比我無意間遇到呢間金蘭花泰國菜館，話說今日收工我同事叫我去九龍城嗰邊幫佢攞啲嘢，咁我冇嘢做諗住順便過嚟九龍城利邊行下都好，就應承咗幫佢拎，過到嚟呢邊人生路不熟行左好耐終於拎到同事嘅嘢，但我已經好肚餓，就諗住再行下睇下見唔見到有啲咩好嘢食，就比我見到呢間金蘭花泰國菜館，見到門口有人等位就諗住都試吓啦，等左10幾分鐘就入得去啦，唔知呢度有咩好推介所以就膽粗粗問店員最多人鍾意叫啲咩😂佢就推介左我食呢個大圓法包椰皇咖喱雞，咁我就點多咗個薄餅同埋泰式炒飯，估唔到原來份量咁多，食到我勁飽，同大家先講下個泰式炒飯，個味道香港人應該都好鍾意，夠晒入味，炒得好夠鑊氣。另外佢既咖喱唔算太辣，因為佢嘅椰味都幾重，我諗大人細路都啱食，點埋個薄餅食好正好滿足👍🏻

又黎九龍城搵野食，黎得九龍城，一定係食下泰國菜啦！！今次揀咗金蘭花泰國菜館，出面個樣望落好似好正宗咁，哈哈！！雖然地方唔算好大，但係食物味道唔錯！鑊仔冬陰功炒飯成個鑊仔裝住d炒飯拎出黎，幾得意下，炒飯好正，冬陰功味入曬飯度，酸酸辣辣好開胃，冬陰功的獨特味道真係無法抵擋印度薄餅內裡好軟又有嚼勁，啖啖都有小麥香。如果加埋咖喱一齊食，就正到爆！柚子沙律沙律有好多柚子，同埋菠蘿、腰果等等，成個搭配好清新美味，可以解膩醒胃！

平時好小會黎九龍城呢邊,今日約左幾個好好既姊妹黎呢邊因為其中一個姊妹岩岩做左人媽媽,而佢依家係住呢邊既,上佢屋企玩完契仔我地就一齊出去食飯,我地仲未諗到要食咩既時候,就見到利間金蘭花泰國菜館,就決定一齊試下利間,呢間餐廳既感覺比人好舒服,  無特別誇張既裝修但幾光猛應該可以一試價錢唔算太貴 我地叫左好多野食 樣樣都想試下 我個人有幾樣野食推薦,大家黎食既話可以不妨試下,泰式燒豬頸肉,肉質好好咬,加上燒得好香, 好岩送飯食仲有佢既豬手,必食,脆卜卜既皮,雖然明知熱氣但忍唔住食唔停口,佢仲有個小食拼盤,又有串燒又有春卷同蝦餅,正呀下次探契仔再來先得!!

成日話九龍城有好多好嘢食😋，我都叫做住附近，但都唔係成日過嚟食嘢，早前朋友介紹咗一間食肆，叫我去試下，係咩菜？九龍城當然係泰國菜啦😉去到九龍城，真係見到好多不同大大小小的食肆，大部份仲要係小店，唔係大集團嘅連鎖店，值得嚟食，幫助下啲小本經營💰嘅舖頭。朋友介紹這間舖位於龍崗道唔難搵，去到已經見到有客人在門外等候，好彩都唔係等咗好耐就入座👍睇返Openrice，原來都有好多好評，唔怪之得有唔少客人慕名而來啦🤗講返食物方面，叫咗幾款食物：🥢燒牛肉🥩牛肉火候控制得啱啱好，中間仲有少少粉紅色，唔會過熟。肉質鮮嫩多汁，入口散發濃濃油脂香氣，點埋個香濃惹味嘅醬汁，好開胃，滿足指數破錶！🥢泰式烤魚🐟烤到外層酥脆但唔燶，外酥內軟，魚令肉鮮香可口，加埋醬汁一齊食，味道酸酸辣辣，愈食愈開胃，好有濃郁嘅異國風味。🥢黃咖喱牛腩🍛咖喱香而不辣， 香料味濃厚，入口散發住淡淡嘅椰香，完全係泰國嘅味道。牛腩肥瘦均勻，口感軟腍無渣，非常入味。牛腩索晒濃濃嘅咖哩汁， 滋味無窮，送飯一流！

上個星期送貨嘅時候經過九龍城呢邊見到呢間金銀花泰國菜好似好多人食咁，好多人等位，今日就帶埋老婆同埋個女特登出嚟呢到試吓雖然都要等位但係其實都係等左15分鐘左右，店員就出嚟帶我地入去啦，我哋就叫咗佢個泰式燒牛肉，牛肉仲見到紅紅地肉質非常好，點埋個汁好好食😋老婆就叫咗個咖喱嚟送飯老婆話個咖喱辣辣地好好食，但因為我小小辣都食唔到所以就同個女食其他野，佢呢度仲有好多嘢食，最後就叫咗杯珍冰比囡囡飲，我哋一家人都食得好開心，好滿足🤤

📌相信大家都會食過泰式煮魚、燒或烤嘅做法，味道一定唔會差得去邊，全部都起碼有香草🌿、青檸🍋、洋蔥🧅等嘅配料做出嚟。👉而今次我去九龍城食呢間泰國餐廳嘅魚係烤嘅，佢嘅做法同香港潮州菜嘅芋頭差唔多，上面舖🈵️鹽先拎去燒，入邊嘅肉仲好鮮嫩多汁，充滿咸香，唔會好乾淨淨，亦都好香口。🤤記得要點埋個㊙️製泰式醬汁呀！雖然個賣相唔係咁靚，但係食完之後心情都靚咗！.再加上一杯冰凍🧊沙冰🥤，呢度嘅沙冰真材實料，唔係果汁溝水嗰隻，真係用新鮮嘅生果打成沙冰，飲完透心涼。😄

一向好鍾意食泰國菜嘅我，今日食咗間令我非常滿意嘅泰國菜餐廳🧞‍♂️話說今日晏晝我出咗嚟九龍城呢邊睇傢俬，行咗幾個鐘頭腳好攰就諗住搵個地方坐低食啲嘢，但其實冇話想食啲乜嘢🧝‍♂️ 行咗陣見到呢間金蘭花泰國菜館，即刻勾起我食泰國嘢嘅癮🧞‍♂️呢度裝修唔算好華麗，簡簡單單望落去都好舒服，主要都係行泰國風格路線，最緊要嘅係佢啲嘢我覺得好好食，特別想講佢個大圓法包椰皇咖喱雞🧚‍♂️🧚‍♂️咖喱多到流晒出嚟，咖喱辣辣地好香椰汁味，我哋仲叫咗條魚，燒得好香，小食拼盤又多又抵食又好食，讚👍🏻😋

今日同好耐冇見嘅舊同學出嚟食飯, 就佢哋方便, 就過咗去九龍城覓食上次去九龍城嘅時候見到一間環境幾唔錯嘅泰國嘢 - 金蘭花, 一於走去試一試<泰式燒牛肉>泰式燒牛肉嘅份量都幾多, 牛肉口感鮮嫩, 肉汁爆滿, 燒烤感十足<咖哩雞>唔知點解次次去食泰國嘢, 都覺得要食下佢嘅咖哩 由於我哋已經嗌咗燒牛肉, 所以 咖哩就食返雞肉啦 呢度嘅咖哩唔會好辣, 最啱一啲想食咖哩又怕辣嘅同學仔 咁啱見到隔離枱食緊法包椰皇咖哩雞, 望落好似幾好食, 一於mark係to eat list<蝦醬炒飯>最後當然要食返啲主食填肚, 我哋仲嗌多份蝦醬炒飯, 食落有少少濕濕地, 但米飯依然係粒粒分明

呢到既酸辣去骨鳳爪好出色！平時食開鳳爪，但無骨鳳爪真係第一次食，我覺得食落口好滿足！唔洗自己去骨食方便好多！呢到既酸辣鳳爪酸酸辣辣好開胃好刺激！仲叫左份大圓法包椰皇咖哩雞！咖哩汁多到滿瀉🤤無論食點包食定撈飯食都好滋味！面包外脆內軟既口感都好好食！點埋咖哩咁食就真係一流！而且咖哩雞都好入味，肉質嫩滑！非常推薦呢到既咖哩,我覺得咖哩炒蟹應該都會好好食!同埋可以點埋酸辣去骨鳳爪做前菜!!🤤總括黎講,呢到既食物質素好滿!,希望下次同朋友黎試多D唔同款式既菜式!

有好耐好耐好耐冇食過泰國菜啦，今晚忍唔到啦！！約朋友一齊去九龍城，九龍城嘅泰國菜選擇好多，有好多間都食過，不過呢間金蘭花就仲未試過，我地決心要試勻九龍城嘅泰國菜,所以點可以放過呢間金蘭花啊，哈哈！首先入去就見到好多客人張枱,有一個圓圓地好大個嘅麵包，入面裝咗好多野咁，漏曬d汁出黎，真係勁吸睛！所以坐低就即刻望menu嗌番個大圓法包~入面有雞、薯仔，被黃咖喱淹沒，雞好大件，咖喱帶有椰香，辣辣地，好正！！通菜~通菜好入味，泰國菜的炒通菜真係唔可以唔嗌！海南雞~份量超級大，擺的好整齊，有生菜墊底，on top有芫茜，側面仲有番茄同瓜，成個look好清新，雞肉鮮甜，蘸呢度嘅秘製醬更加好味！蒜蓉包