金鳳大餐廳 (D2 Place TWO)

Open Now

Now Closed

我地星期日去，所以比較多人，而且地方唔係好大，所以等位都等左一段時間。我地等左一個鐘左右，所以建議拎左飛先去行下街。📝之前有係其他分店食過，肉質比較硬。🙂第一次呢間分店食，整體不錯。👍🏻叫左一個牛柳餐，一個T骨餐 每個餐百幾蚊左右，跟湯同餐包，飲品如果要其他汽水類就要再加錢。整體都算好食，分量足夠，T骨仲要大塊過個鐵板🤣肉質夠淋，唔會硬，不過個汁就有點濃味，未食到一半已經好口渴，食完飲左勁多野😅

金鳳大餐廳位於荔枝角D2 Place二期，地點十分方便，收工過嚟食飯非常適合。餐廳環境帶有懷舊風格，裝潢以70至80年代的舊式扒房為主，讓人一踏入便感受到濃厚的懷舊氣息。餐廳空間寬敞，枱凳都幾多，悠閑好坐。跟餐有是日餐湯，羅宋湯酸甜開胃，忌廉湯濃郁滑順。這裡的招牌菜包括牛柳餐和什扒餐，可以揀黑椒汁或蒜蓉汁，牛柳肉質軟嫩，肉質晤錯，在鐵板上淋上香濃惹味的黑椒汁，香味四溢，用餐巾遮擋油煙，感覺好有氣氛。什扒餐就含有多種肉類，雞扒嫩滑，牛扒都大塊，火腿、香腸、雞翼都非常豐富，搭配黑椒汁，味道出色。跟餐嘢飲西洋菜蜜清甜解渴，凍奶茶香濃順滑。

冇食一排金鳳，今次去D2 place返尋味現場都多人排隊，我地等左15分鐘就可以入去～今次嗌左個套餐$188，再試下佢啲小食野菌忌廉湯都唔錯，幾順滑，多野菌喺裏面大蝦凱撒沙律，啲蝦都幾爽彈肥美，沙律汁酸酸甜甜，都幾開胃今次餐牌轉左做牛柳餐，我地除左叫蒜蓉汁，仲特登+$2加蒜粒落去，因為咁先惹味！侍應幫我地淋汁落去，鐵板即發出嗞嗞聲，仲噴晒煙，好有feel！特別鳴謝男友幫手切牛柳，女友我就可以成個君子咁動口不動手<3蜜糖雞翼 $58煎得幾靚，外脆得黎又有少少甜，又唔會太甜，如果食膩左金鳳啲招牌菜，都可以試下呢味忌廉白汁焗西蘭花，我地兩個有時都注重健康，所以嗌左菜！西蘭花比較爽口，有啲醬汁，食得冇咁dry

夜晚8:30左右諗住搵間餐廳去食吓坐吓傾吓偈 不如試吓鋸扒又可以一齊gathering 見依家金鳳餐廳好多人食又要排隊 諗住冇衰啦試吓啦 點知我叫個西冷牛扒七成熟 我朋友叫全熟一個叫五成熟 點知出得出來的效果全部都一樣 我都我哋都分唔清7成 5成 九成熟有咩分別 難食到我都唔清楚係咪食緊牛扒 侍應態度又鬼咁差 埋尾諗住打晒銀紙，又話收晒鋪派 舉手之勞咁都唔幫 🤦‍♀️ 另外咁嘅價錢我不如去花園餐廳仲好 又平又好食 起碼食得出嗰塊牛扒🫣

在d2 place 2 睇完戲直接落樓下覓食未夠7點難得金鳳唔駛等位即刻秒衝入去鋸扒睇完<<九龍城寨之圍城>>後到復古懷舊風裝修的港式扒房回味一下老香港情懷(笑)每月精選晚餐 $190 主菜連牛油餐包、餐湯、頭盤、甜品及餐飲牛油餐包、蘿宋湯頭盤-胡麻醬蟹棒沙律今個月主菜有帶子西冷牛扒牛扒好大塊，肉味唔算超濃，但勝在肉質鮮嫩下面有幾塊薯格，配蒜蓉汁超惹味兩粒香煎帶子大大粒非常彈牙侍應推介我加$2生蒜，令成個鐵板餐升華不少甜品-雲呢拿雪糕咖哩香燒羊扒意粉 $118 (轉套餐加$25 配牛油餐包、餐湯及餐飲)除咗經典扒餐，亦有多款飯及意粉羊扒兩大件厚身多肉，燒得好惹味，帶輕微羊羶味，配上港式咖喱汁又濃好香，送飯及意粉一流，如入面可加幾舊薯仔就仲好喇！

成身紋身嗰侍應由帶位開始黑面，抹枱勁求其，抹完仲要發脾氣掉毛巾，隻眼生係天花板咁望人，真係痴線，黎食飯仲要受氣，大佬欠你咩，仲要喺啲客面前同其他員工講啲客壞話，講得勁大聲，真係以為無人聽到，食到一肚都係氣叫咗個蕃茄蓉大蝦意粉，個汁係檯面點薯條個d番茄汁加一條條勁生嘅番茄條炒出黎，咁就唔好叫番茄蓉意粉啦，直接叫番茄撈意粉算啦，仲要收120一碟……真係性價比低到極點，而個牛排明顯落左好多鬆肉粉伏已中，無下次

📍 金鳳大餐廳 (D2 Place TWO) (荔枝角)荔枝角長順街15號D2 Place TWO 3樓312號舖金鳳大餐廳是香港一間具有悠久歷史的港式扒房，荔枝角分店裝潢保留了經典的港式扒房風格,室內裝飾簡約大方,透過木質家具和懷舊裝飾營造出溫暖舒適的用餐氛圍。👉 招牌牛柳餐（五成熟）（黑椒汁）（加蒜蓉）💰$150😋😋😋😋.8/5👉 貴族牛扒餐（美國牛肩肉) （三成熟）（黑椒汁）（加蒜蓉）💰$220😋😋😋😋.9/5🔴羅宋湯與餐包:套餐包含的紅湯，俄羅斯蔬菜湯色澤鮮艷,湯汁濃郁醇厚,蔬菜新鮮爽脆,鹹甜適中,十分開胃。無論是作為開胃前菜,還是單獨享用,都能帶來療癒身心的美好體驗。濃郁的湯汁配上餐包，更是絕妙的搭配。🔴招牌牛柳餐:這道招牌牛柳餐採用優質的牛柳,煎製至五成熟,肉質鮮嫩多汁,在鐵板上煎烤,香氣四溢。配以濃郁的黑椒汁和蒜蓉,別具特色。肉質軟嫩,入口即化,香氣撲鼻,口感層次豐富,肉汁流淌其間,令人難忘。搭配時令蔬菜及薯條,成為一道美味可口的主菜佳餚。🔴貴族牛扒餐:這道貴族牛扒餐採用優質的美國牛肩肉,煎製至三成熟,保持肉質鮮嫩多汁,在鐵板上煎烤,香氣四溢。配以濃郁的黑椒汁和蒜蓉,別具

喺附近做完嘢，去荔枝角D2 place食晚餐放工時間好多人，好彩等咗一陣就入得🥳帶子牛柳餐$173首先有熱辣辣餐包同餐湯，查一大塊牛油入去個包，再點d湯食無得頂😂 大個咗已經好少去舊式餐廳食嘢充滿童年回憶🥹兩粒帶子好大粒，肉質彈牙！牛柳亦非常大塊，7成熟煎得剛剛好！有厚又淋，好好食👍🏻👍🏻經典蕃茄蓉芝士肉醬焗意粉$78平時最鍾意食肉醬意粉茶餐廳港式焗意粉都好好食！啱啱焗起熱辣辣，正！🍝

23/4/2024📍金鳳大餐廳呢間係港式扒房 主打鐵板扒餐入面有好多座位 夜晚8點嚟到等一陣就可以入座裝修行復古風格 幾有特色⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨鐵板帶子西冷牛扒 （$190）牛扒好大塊 幾乎有成塊鐵板咁大 雖然嗌咗5成熟 但可能因為塊扒都比較薄 所以中間位置都熟咗 不過都好易咬得開 唔錯👍🏻牛扒下面有幾舊薯格 點埋蒜蓉汁超好食😋兩粒帶子有微微煎過 都幾大粒 食落唔老 幾嫩滑仲有啲配菜 eg 粟米、紅蘿蔔、翠玉瓜 食得肉多食下菜冇咁膩🤣✨貴族牛扒 （$218）比起西冷牛扒厚身好多 所以真係keep 到有五成熟❣️肉質比西冷有咬口啲 都係咁大塊😙 肉味好出 唔會俾黑椒汁搶曬啲味兩個餐都可以要求鐵板上 倒汁落去滋滋聲好過癮而且可以keep 住塊牛板熱辣辣 又唔會overcook左 抵讚✨沙律 餐湯 野飲 甜品沙律&餐湯正常 算大份野飲嗌咗奶茶同阿華田 係正常味甜品係普通雲呢拿雪糕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋兩個人食咗～$400 呢個價錢嚟講都幾抵食 野食質素都唔錯但服務質素未必好好 隔離有客人嘅餐等咗好耐先到🤫 但我哋就上菜上得好快嘅😌推薦指數🌟：4/5📍

見到好多人喺餐廳外面等，以為好好食。叫咗帶子牛柳餐，賣相唔錯，但食落口肉質淋得滯，一食就知係落左好多肉鬆粉嘅牛扒，可以唔須用刀切的牛。淋到有啲假。失望。。。。。

打算提早慶祝母親節，同屋企人嚟鋸扒，開咗間老字號金鳳餐廳鋸扒，嘢食幾好，不過呢度嘅服務態度就極之差，就算嘢食幾好味都補唔番條數，無一個服務員嘅態度係好嘅，食到一肚氣。簡直就係俾錢受罪，特別係個見習經理，對人好似對待動物一樣，完全唔識尊重

又過黎食扒啦，舊式扒房係有自己味道既，重點係抵食，牛扒大件又便，底下舖薯條，其實係香港食扒基本唔會踩雷，但係記得鐵板上，熱辣辣食先好食嘛，記得用紙巾遮著自己~中意肉眼扒。

細細個第一次跟屋企人出去鋸扒，就係去山林道嘅金鳳，果時好出名。而且大大份，質素又高真係好食。依次過開嚟睇戲見到有分店，於是又試吓咩水準啦～但估唔到⋯質素可以相差咁遠😓是日餐湯餐包，尚算正常。特飲黑牛，正常朱古力雪糕+可樂味。主菜先係最大問題，已經唔係揀最平扒餐。但勢估唔到加錢叫貴d ，原來都係咁嘅質素⋯依次真係勁失望😞美國安格斯肉眼⭐️⭐️又韌又冇牛香，食幾啖女友已經放棄😓連切都有d難切開，依個價錢真係伏⋯除咗份量算幾大塊外，諗唔到有咩可取。美國牛小排⭐️⭐️⭐️⭐️肉味香濃，厚度適中，5成火喉剛好唔韌。算係乎合預期，對得住個價錢。可惜服務就真係麻麻⭐️⭐️可能晚市開始客多，叫幾次先有人落單。仲要一食完即刻催枱，想抖吓都唔得。

最近天氣一直下雨，我不想走太遠去用餐，所以選擇了就在附近的D2金鳳鋸扒。之前只去過太子分店，因為有人說太子店的味道最好吃，但實際上D2這間分店也保持了他們的品質。餐廳位於商場的3樓，一上電梯就能看到，裝修比太子店更新，但仍保留了太子店的風格。這次我點了一份帶子牛柳和一份T骨扒。餐廳依然使用傳統的牛型鐵板，上桌時那熱辣辣的鐵板，倒上蒜蓉或黑椒汁，一聲咋的，香氣撲鼻，令我回憶起兒時的美好回憶。我叫了7成熟的牛扒，非常嫩滑。帶子牛柳十分鮮嫩，每一口都充滿了牛肉的鮮味，而帶子的甜美也完美融合其中。牛肉經過適當的烹調，保持了肉質的嫩滑度，不會太過生硬或過熟。每一口都充滿了牛肉的汁液，令人回味無窮。T骨扒的份量十分豐盛，肉質鮮嫩多汁，帶著一絲絲的炭烤香氣。扒的外層煎得金黃酥脆，內裡卻依然保持著肉質的柔軟。每一刀切下去，都能感受到肉汁的濺射，讓人垂涎欲滴。

2點幾入座，不算繁忙時間，櫃面阿姐用嘴巴帶位，要我們搭檯，搭擡唔緊要，同檯已有其他客人，見到空間較逼，我同朋友猶豫左一陣，問可唔可以坐另一邊搭檯，點知櫃面阿姐勁大聲講一句「唔得（語氣極惡）」，我同朋友都呆左……未用餐前，已經令人不愉快，金鳳不了