金鳳大餐廳 (D2 Place TWO)

Open Now

Now Closed

之前聽人介紹金鳳，今次終於抽時間去食! 今次去D2place呢間分店，位置雖然唔多，但坐得闊落。今日早左收工，630到，唔洗等位，直接入座。7點打後就開始見到人龍啦! 黎金鳳，一定要試扒餐。叫左西冷牛扒餐，7成熟，可以簡黑椒汁/蒜蓉汁。扒餐自動配薯菜，今次簡左黑椒汁。跟餐有埋餐包同餐湯，羅宋湯足料，帶少少甜甜地。 餐包上台熱辣辣，可以整得融牛油架。一上菜時，店員會提醒我地拎起餐巾係面前擋一擋先倒黑椒汁，倒落去個下炸~ 一聲，好夠熱。塊扒好大塊，黑椒汁調得好好，好夠味。另外叫左金鳳皇牌焗豬扒飯，上台又係熱辣辣，豬扒好大塊，完全冇筋位。蕃茄汁好濃味，仲有好多拉到絲既芝士，配埋炒飯底簡直一流。仲要價錢好相宜!!!野飲叫左特色野，雪糕紅豆冰，雪糕係雲尼拿味，好食又好飲。

好耐冇食傳統港式扒房，有朋友約當然諗都唔洗諗就嚟牛柳餐($144) - 肉質軟腍，口感好好，切完一望就知啲肉嫩口，蒜蓉汁配薯菜係勁夾西冷牛扒餐($144) - 牛味香濃，完全唔韌，西冷配黑椒汁係我嘅大愛，兩個餐都加咗蒜(各加$2)，食落更香口餐湯點咗羅宋湯，完全係傳統港式扒房嘅味道，辣同甜味都啱啱好，蔬菜又夠多；餐包熱辣辣，搽滿牛油再加砂糖，好邪惡好正凍檸茶凍奶茶嘅茶底都夠濃，奶茶夠滑，檸檬夠晒清香牛可以選擇嘅部位好多好齊，其他肉類亦有，飯、意粉、沙律、蔬菜、其他小食同甜品嘅種類都好多，仲有外賣自取優惠套餐裝修亦好有嗰種傳統港式扒房嘅感覺，懷舊feel但新淨，仲幾有節日氣氛，整體真係唔錯

今次去咗金鳳扒房，冇得講，真係食得好實在！🍽️ 一入坐就點咗夜晚嘅set dinner，每款食物由湯到主菜都係港式經典。首先嚟個羅宋湯，湯底夠哂味，啲牛肉同蕃茄嘅絕佳配搭，真係暖笠笠，惹味得滯！🍅緊接就係個主菜，我揀咗份風味T骨牛扒，攞上嚟熱辣辣，香氣四溢。扒頭煎得啱啱好，汁多味美，啖啖肉直頭滿足！個扒配埋啲薯條同沙律，呢個mix and match實在太對味啦！朋友嘅選擇就係美國牛小排，莖脆口感加上啖啖肉，真係食落過癮！雖然佢話肉質啱啱好，但我鐘意牛小排嗰種彈牙有嚼勁嘅感覺，下次一定要試！🥩仲有，佢哋嘅服務員態度都幾好，唔似啲食肆嘅冷漠，真係加分不少。無論係湊小朋友定約會，來呢度餐餐都過得舒心！食得唔貴又抵，小編推薦大家試下呢度嘅扒房！食咗之後，心情都開朗晒！👌💕

同朋友去咗位於D2Place嘅金鳳大餐廳每次都會覺得佢啲扒餐令人好有驚喜價錢比起出面啲Steakhouse 真係平勁多但佢啲牛扒真係keep到勁有質素我哋嗌咗個西冷牛扒餐同埋帶子牛柳餐兩份都係嗌咗五成熟兩塊扒都超級厚身仲要食落去好Juicy又有牛味！帶子牛柳餐嘅帶子都好大粒超有誠意隻帶子係煎到外皮係少少脆入面就juicy職員服務態度都好好林啲汁上塊牛扒度嘅時候會'渣渣聲'可能會噴啲汁出嚟佢哋都會好好咁樣提醒我哋同埋比塊大餐巾我哋擋住啲汁同埋佢哋嘅餐仲跟咗餐包同埋例湯我哋兩個都嗌咗羅宋湯 個湯其實都好足料入面有好多蔬菜食完個包同埋飲埋碗湯其實都飽咗一半寫埋兩塊咁好味嘅牛扒真係超級滿足嘅一餐！如果大家去開D2 Place又想食性價比高嘅牛扒餐嘅話，好推介大家去呢間金鳳大餐廳！

今日晏晝特登搵女朋友一齊想鋸下扒食，所以就去咗金鳳茶餐廳食午餐，侍應服務就預左一般架啦，但係估唔到食物味道都⋯⋯差強人意。我哋叫左一個黑椒牛柳配飯同牛肉炒麵，總結黎講，牛柳太靭太多筋，炒麵太咸，食到要不停咁飲水，以佢名氣黎講真係失手失得有啲嚴重⋯⋯可能晚餐啲扒會比較好食，午餐就真係好一般，希望係單一事件啦

放咗工同屋企人嚟食金鳳大餐廳，好耐都冇嚟呢種懷舊style嘅扒房，依家陣風吹返嚟，好似越嚟越多。我哋好鐘意金鳳係因為佢份量又夠，坐得又舒服。今次就揀咗荔枝角舖，喺D2 place Two入面，地鐵站一出過條馬路就係。呢間分店好方便嘅係仲可以喺gulu apps拎定飛先，咁就可以喺樓下行住先，差唔多到先上返樓！我哋叫咗鴛鴦扒餐 同埋 什扒餐。 湯同麵包係扒房必有嘅，我哋兩個都係飲忌廉湯。平時喺其他扒房一定飲唔晒，要留返個肚食扒啊嘛，但係呢碗湯實在太正，飲飲下唔覺唔覺就見底lu。鴛鴦扒餐嘅有豬扒同雞扒，個底就有啲瓜，紅蘿蔔，粟米，同埋薯條。啲扒都好好切，同埋大大塊什扒就豬牛雞都有。我哋都有問過，如果唔食牛可以轉做煙肉。兩碟嘅份量都好多，啲扒夠淰又夠味。得閒會返嚟再encore!!

歷史悠久的金鳳大餐廳🥩牛排肉質有保證，可以食到懷舊嘅味道之餘相當滿足，雖然歷史悠久但係餐廳裝修一啲都唔舊🤣✅美國牛小排餐原來唔係每款都用鐵板上，呢款可以選鐵板🤪選咗三成熟，牛小排牛味突出，肉質軟嫩，好食過好多貴價扒房，平價扒房之選☺️另外可以選椒汁/蒜汁✅經典番茄蓉芝士肉醬焗扁意粉擔心食唔到一份扒，所以選咗意粉，點知份量都係咁多🤣意粉唔係用普通意粉而係扁意粉，口感特別好，雖然係最簡單嘅肉醬意粉但係調配得好好食📍金鳳大餐廳 (D2 Place TWO) (荔枝角)荔枝角長順街15號D2 Place TWO 3樓312號舖

今日又去咗老婆最愛的扒房～金鳯大餐廳，平常門口都排滿人要等位，可能今日較夜入座，8:10pm到餐廳，幸運地即刻安排入座！太太點了是日晚餐：鐵板西冷牛扒拼大頭蝦 蝦頭煎得好香脆，蝦肉大隻又彈牙，主角西冷牛扒七成熟，牛扒煎到好軟稔，牛味濃，配上黑椒汁，非常惹味！另外配菜，薯格都好香脆，份量又足夠，非常滿足！而我就點了美國牛小排餐，同樣七成熟，配蒜蓉汁！牛小排完全冇根，肉汁juicy，加上鐵板的餘溫 ，熟度剛剛好，非常滿意！兩個餐都有餐湯和餐包，金鳳的餐包永遠都是有熱度，簡單配上牛油已經好好味，忌廉湯都香濃，不會水稀稀，值得稱讚！仲有好耐冇飲過的黑牛、雪糕紅豆冰，這些懷舊的飲品，充滿童年回憶和人情味！另外職員都普遍細心有禮，是值得推薦的餐廳，下次會再來光顧！

親戚有10年無返過香港返到嚟指定要食一餐鐵板扒餐本來有打算帶佢哋去食元祖店但又考慮到D2 Place啲位好坐啲就決定嚟食呢間一嚟到就聞到令人好懷念嘅蒜蓉汁味🤤🤤大家好快就決定好嗌咩羊扒餐、大蝦牛扒餐、雜扒餐各取所需紅湯白湯配餐包絕對係鐵板餐重要嘅一環佢哋仲嗌咗黑牛😂😂果然係要食經典港式味道😂我嗌咗牛小排套餐依然係咁大份淋上蒜蓉汁時嗰個味道真係好香然後墊底嘅薯格索晒汁真係零舍好味舊肉就不過不失啦揀得食鐵板牛扒從來重點都唔係舊扒😂重點係食集體點憶嘅味道😂親戚們都好滿意個個飽到捧住個肚👍🏻下次會再嚟👍🏻👍🏻

同朋友去D2 Place 食dinner, 今次試D2 place 呢間金鳳，平時食開太子分店，D2 place 呢間新裝修環境幾好，坐位都多，但係繁忙時間都要預返等位。我地都鍾意食牛，叫咗一個美國牛小排餐+貴族牛扒餐。最中意就係呢到既紅湯👍🏻同埋熱辣辣軟綿綿既餐包仔😍之後就到牛扒上場， 淋汁時候既治治聲真係港式扒房獨有。份量一如以往地多，肉夠厚又juice ，薯菜係薯角，好食又無咁易淋。最緊要係食完個身都冇油煙味。 👍🏻

七點幾嚟到，餐廳坐位幾滿。去到D2 Place Two 扶手電梯直上，轉右就見到佢。餐廳唔算大，不過座位唔少。上菜速度好快⚡️⚡️我哋叫咗個set dinner，加埋忌廉汁燴比目魚飯😎😎Set dinner $190今個月限定係三文魚扒同西冷牛扒，set dinner有沙律、餐包、湯、扒、飲品同甜品😙😙⭐️ 沙律菜沙律菜新鮮，有生菜、蕃茄、青瓜同啲芝士粉，再加埋麵包粒⭐️ 忌廉湯、餐包湯底濃郁，熱熱地飲好舒服。正常衛星餐包，軟綿綿嘅質感，仲有牛油可以搽😁😁⭐️ 三文魚扒同西冷牛扒 五成熟上枱之後，侍應會問你想要黑椒汁定蒜蓉汁。然後佢會叫你拎住個餐巾，喺你面前落汁，啲渣渣聲好香好吸引 🤤🤤西冷牛扒🥩好出色，肉質厚實好有咬口，唔韌，好大塊，牛味好濃郁，真係高質💯💯💕三文魚扒更加出色，厚度有兩隻手指咁厚，非常嫩滑😍😍 火候掌握得啱啱好，中間仲見到微紅嘅魚肉，外皮金黃香脆，好推薦🐟。⭐️ 忌廉汁燴比目魚飯 $98比想像中有驚喜，比目魚外皮香脆，肉質鮮嫩多汁，配上忌廉汁同白飯，不知不覺就食哂😚😚😋😋⭐️ 凍檸茶正常茶餐廳水準，正常發揮🍄 總括嚟講食物質素高，上菜快，肉扒同魚都好好食，份量大大件，厚切，食完好滿

偶爾會突然間想鋸吓扒🤨但一般扒房都唔平，而且又要預約唔係就等位等到天荒地老🥲金鳳出名平民扒房主打平靚正😍就算平日夜晚 過咗熱門飯點時間門口依然都有少量人 要等一陣位🥸Set Dinner 🍽️今晚係三文魚扒+西冷牛扒包頭盤 餐湯 包 甜品連餐飲咁豐富先$198不過我就唔岩食，所以自己選其他餐🤪最後揀咗什扒餐 $130一樣係包餐包/湯/餐飲嘅落單5分鐘唔夠就即刻上湯同包不過不失，無咩特別但個包底係有烘到少少脆嘅😇主角上場，先上咗鐵板先店員再後上汁😙倒汁前會提你用餐巾擋擋🫶🏻黑椒汁真係好香好惹味呀雞扒嫩滑，牛柳唔韌腸仔，雞翼，火腿喺鐵板上煎到有少少燶邊 正！配薯菜 就有波浪薯條翠玉瓜、紅蘿蔔粒，粟米粒全部用嚟掛個汁係一流！🤭我專登加$2蒜茸真係唔好慳 必須加好食勁多❤️‍🔥檸檬茶🍋🥤菜味幾濃，檸檬夠厚整體好飲🤩埋單連埋加一百五蚊有找， CP值極高下次會再嚟食佢大蝦同帶子套餐😄

金鳳是耳熟能詳的餐廳，港式鐵板牛扒是餐廳特色。在金鳳大餐廳用餐時，我點了一份帶子牛柳餐七成熟加黑椒汁套餐，再加上一份燒豬髀沙律套餐。帶子大粒而且味道鮮美，只可惜只有一粒。牛柳的份量十分大，肉質鬆軟，口感極佳，尤其是搭配蒜茸和香濃的黑椒汁，味道更加出眾。燒豬髀沙律也非常新鮮，燒豬髀的肉質柔嫩，口感滑順，味道香濃，與沙律菜的搭配突顯出不同的風味，非常好吃。套餐還包含羅宋湯，還有餐包和飲品。湯都非常美味，羅宋湯由新鮮的蔬菜、肉類和香料熬製而成，濃郁滋味。餐包是餐廳的一大特色，新鮮出爐的餐包外皮酥脆金黃，內裡柔軟鬆香。老字號餐廳果然有生存這麼多年的原因，不僅提供美味的菜品，而且服務周到。金鳳大餐廳值得再去。

跟朋友相約D2，記得屯門店的扒餐不錯，所以在這裏試一試。扒餐有88折，非常抵食我跟朋友各點扒餐每個餐都有餐湯及餐包，我選了羅宋湯。大蝦牛柳配蒜蓉汁，點了七成熟 $167兩片大牛柳，肉很厚，熟得剛剛好牛柳上有一隻大蝦，挺多肉的，再配上薯條老實說，有時這個質素跟一些小餐廳的牛扒真的差不多，而連裏的價格便宜很多。朋友點了荷蘭豬扒 $117還有另一款，香煎豬扒，跟荷蘭豬扒的分別，就是後者多了一片煙肉一樣也有薯條豬扒很大片，很厚，還有是兩片啊！！Juicy 夠肉味，不錯另外再叫下午餐奶醬多為甜品😍 $29這個做法很罕見除了夾心中間有醬外，面層也有醬，十分魔鬼之選😝😝😝😝餐跟凍&熱奶茶再點多杯現在香港茶餐廳少有的谷咕大大搶眼招牌：座位以茶餐廳來說挺闊落餐牌下午茶餐牌

-「人人食得起的牛扒」Follow Me ! ！有平民扒房之稱嘅「金鳳大餐廳」始於1969年，創辦人林生又稱為「牛扒大王」，呢間店其實我一早已經食過，本店舖位少少又超級狹窄，所以要等好耐，最出名係大件夾抵食，咁嘅價錢食牛扒食到飽，CP值好高。呢間荔枝角嘅分店環境舒服好多，有時候晚餐都要等位，但一定快過本店，但係依家價錢真係比以前貴好多！🥣餐湯建議點紅湯，調味啱啱好又充滿蔬菜，白湯得個咸字好難飲，入面只有少少紅蘿蔔。港式鐵板🥘熱騰騰嘅鐵板，充滿肉汁嘅牛扒，配上黑椒汁，或洋蔥汁的確令人垂涎欲滴😋。✨帶子牛扒餐呢度嘅牛扒經過特別醃製，牛扒肉質特別淋，不過略嫌冇咩牛味，但配合黑椒汁食就超級好味，另外推薦可以加$2加蒜蓉，好味指數更加提高。✨牛小排牛小排部位在牛胸前肋脊部，肉質較結實、帶有些許筋膜，含有豐富油脂，食起嚟香氣十分濃郁，如果鍾意口感可以揀呢隻。如果要食質素超高嘅牛扒，呢度就唔適合你，但係如果想食濃郁、香氣四溢又平民化嘅牛扒，呢度係一個好好嘅選擇。推薦指數：⭐️⭐️⭐️-