金鳳大餐廳 (D2 Place TWO)

Open Now

Now Closed

最近天氣一直下雨，我不想走太遠去用餐，所以選擇了就在附近的D2金鳳鋸扒。之前只去過太子分店，因為有人說太子店的味道最好吃，但實際上D2這間分店也保持了他們的品質。餐廳位於商場的3樓，一上電梯就能看到，裝修比太子店更新，但仍保留了太子店的風格。這次我點了一份帶子牛柳和一份T骨扒。餐廳依然使用傳統的牛型鐵板，上桌時那熱辣辣的鐵板，倒上蒜蓉或黑椒汁，一聲咋的，香氣撲鼻，令我回憶起兒時的美好回憶。我叫了7成熟的牛扒，非常嫩滑。帶子牛柳十分鮮嫩，每一口都充滿了牛肉的鮮味，而帶子的甜美也完美融合其中。牛肉經過適當的烹調，保持了肉質的嫩滑度，不會太過生硬或過熟。每一口都充滿了牛肉的汁液，令人回味無窮。T骨扒的份量十分豐盛，肉質鮮嫩多汁，帶著一絲絲的炭烤香氣。扒的外層煎得金黃酥脆，內裡卻依然保持著肉質的柔軟。每一刀切下去，都能感受到肉汁的濺射，讓人垂涎欲滴。

2點幾入座，不算繁忙時間，櫃面阿姐用嘴巴帶位，要我們搭檯，搭擡唔緊要，同檯已有其他客人，見到空間較逼，我同朋友猶豫左一陣，問可唔可以坐另一邊搭檯，點知櫃面阿姐勁大聲講一句「唔得（語氣極惡）」，我同朋友都呆左……未用餐前，已經令人不愉快，金鳳不了

食在荔枝角 D2港式扒的老牌餐廳~✨金鳳✨主打鐵板扒🥩，CP值高。一白湯一紅湯配上熱辣辣餐包🍞，加上牛油🧈沾湯食別有一番懷舊風味。✅羅宋湯足啖啖雜菜🥬，夠哂足料。味濃帶有微微香辣，正好醒醒胃。✅忌廉湯好creamy。鐵板上枱就要準備好紙巾遮遮擋擋，鐵板好熱，一落汁就有吱吱聲，而且汁會周圍彈。煙霧散去隨之散發着牛香同焦香，令人不禁流口水🤤。識食一定要追加蒜蓉🧄，蒜蓉🧄的香口辛辣味道會令牛肉添上惹味。✨美國牛小排✨配蒜蓉汁五成熟好嫩滑好JUICY，啖啖軟腍口感，唔會鞋口，牛味香濃，蒜蓉汁蒜香味讓牛味倍增。✨招牌牛柳✨配黑椒汁牛柳大大份，好抵食。一樣要五成熟，一切就流出滿滿肉汁，肉質呈現粉紅色，食落質感細嫩。黑椒汁辛香味好惹味。鐵板配菜有扭紋薯條同翠玉瓜，識食一定要全清，棄之絕對可惜。

食物質素中規中矩，整體合格唔差亦無驚喜，無投訴但整個餐廳(唔係個別人士)黑面氣場，令人仿佛有個錯覺：“我係咪唔應該出現？” 由入座"你係咪未齊人?‘’， 落單"紅湯定白湯?", "蒜蓉汁定黑椒汁", "拎起餐紙電話", 回應慢少少都睇住面口變色。一疊餐紙從唔知那裡掟落你枱面，交換餐具將個籃求其放向你面前，一個眼神交代叫你放好佢 ...... 坦白講，無具體例子什麼不禮貌，唔明白點解要排隊受氣，無乜特別之處，唔推薦亦無下次。

金鳳，記得細個大人帶過去食。 以前可以去据扒好開心，係大件事黎，所以特別深刻。 今日經過荔枝角D2竟然見到有一間開左係度，好開心，梗係要即刻黎試下。港式牛房黎講，金鳳真係幾古早下。 入到去佢既裝修新潮好多，冇舊港式既感覺，但啲野食既味道就keep得幾好。叫左個招牌牛柳餐，跟餐包，湯同野飲。 餐包同羅宋湯真係絕配。 佢既包依然係咁鬆軟，夾埋牛油再點湯食。 細個最鍾意咁食，超正。 佢既羅宋湯偏甜，但都不失佢既香味。 塊牛柳跟鐵板上，蒜蓉汁淋上去香煎既快感，真係香港獨有。雖話茶餐扒好普通，但水準又唔係太差。仲有佢下面都跟好多薯條同瓜菜，都係呢種扒既一大特色。 而最後仲有餐飲，凍檸茶既茶膽好正，味道啱啱好，真係冇失水準。 唔怪之咁多人啦。 真係食得好開心。

港式扒房情懷港式風味愈來愈少舊式老扒房都好多無做或者轉型今次呢間金鳳都係變左現代港式食就係食情懷牛油餐飽餐湯黑椒汁/蒜蓉汁落汁時既喳喳聲～ 回憶呀野食係抵食，百零蚊食得好飽但係要服務就唔可以要求太多喇要快快手落單，上菜快快番枱做多轉要食服務就滿足唔到喇但係食物都係可以如以往既風味

香港鐵板餐係我既回憶，烹飪方式能夠使食材保持鮮嫩和口感，同時讓食客能夠欣賞到燃燒的火焰和煙霧的視覺效果。羅宋湯：酸甜可口，正什扒餐（黑椒汁）：將肉在高溫下煎烤至外表金黃，內部保持嫩嫩的烹飪方式。這道菜中的黑椒汁則是一種常見的調味汁，在烹煮過程中加入黑胡椒和其他調味料，使菜品更加香辣風味。美國牛小排餐（七成熟）（鐵板上）：外焦內嫩，搭配鐵板上的蔬菜和配料，味道豐富且具有獨特的燒烤風味。幾好既餐廳，會再來

我哋分別食左，美國牛小排餐$188，帶子牛扒餐$178，肉熟度方面建議大家簡五成熟，口感軟軟淋淋岩岩好，切開中間會呈現粉紅色，因為set餐有餐湯、餐包、野飲，所以真係食到勁飽。

服務員極度極差，入座已黑面，命令你落單，未食完，盡快收嘢要你走。以前原祖店老板有傾有講，雖然環境窄，但係性價比高，食飯氣氛好。成日話香港餐廳無生意好慘，去幇襯香港老店，支持仲要受你氣，已經唔係咩快餐，又唔係要求酒店服務，只係想正常落單，安排，淨係就你快，但係快又錯，又無禮貌，食左幾十年都無咁受氣，仲要怕你加料，等執！

📍 金鳳大餐廳——————————————————🥩｜ 美式雜扒餐💰130——————————————————餐包係mvp 軟淋淋又夠熱辣辣反而啲肉唔夠熱辣辣 但整體肉質唔會韌而且有好多款 豬扒牛扒腸火腿雞翼黑椒汁夠濃少辣 加生蒜嘅話有少少搶味——————————————————🐣性價比： 7/10🫨回頭率： 6/10👅味道： 6.8/10——————————————————地址：荔枝角長順街15號D2 Place TWO 3樓312號舖

好多區都見到金鳳，但親身入去食呢次先係第一次，成日見到佢好多人排隊，我六點鐘到左，兩位，雖然入面仲有好多位，但一定要齊人先可以入座，不過坐坐下我都知點解了，因為真係好多人等位，愈晏愈多人，D2 Place呢個位置仲要咁無敵，一上電梯就見到，樓上亦有戲院，望下側邊啲客人塊扒餐的確係大過塊面咁滯，見到隔離枱既四位客人都係嗌意粉同飯，但我唔理lu，既然佢出名港扒，一於嗌返個扒餐先第一樣上枱既就係餐包喇，有著傳統風味烘熱左鬆軟既包，搽啲牛油上去，再點少少湯黎食, 唔錯!餐湯同坊間其他地方一樣係可以揀紅湯／白湯，紅湯酸酸甜甜，開胃醒神，白湯灑上少少胡椒粉，濃味滿足又飽肚啲鐵板西冷牛扒拼大頭蝦鐵板先上，然後店員會拎住醬汁埋黎問你要咩汁之後嚮你面前淋上去，出哂啲香味彈哂汁咁，記住開定張餐紙擋擋，隻大頭蝦吮住蝦殼同蝦膏慢慢食好入味，而塊扒既肉質好鮮嫩，一刀就切開，冇果種鞋口既感覺西冷牛扒餐本來想揀牛柳，到最後都係揀埋西冷黎食，個人建議可以試下五成熟，唔會鞋又唔會太生，肉質軟腍，口感亦非常好，配合我至愛既黑椒汁，一個男仔食哂呢個餐都唔會覺餓野飲嗌左凍檸樂同熱奶茶，仍然保持到港式風味

員工態度十分之差劣，仲未到黃昏六點，似趕客，與唔相識人仕坐隔壁，要求檔板，冇檔板，之前客人埋單離開咗十分鐘，枱又唔抹，牛扒上枱之後，客人未用紙巾擋住，就淋醬汁，唔再嚟食，總之冇下次

金鳳大餐廳荔枝角長順街15號D2 Place TWO 3樓312號舖紅湯白湯選擇 牛油餐包港式扒房要有嘅都有荷蘭豬扒餐$122厚切豬肉排，肉質嫩滑多汁 煙肉則帶有獨特煙燻香氣鐵板烹調方式使豬扒和煙肉在高溫下快速熟透 表面形成微焦外皮打開紙巾，專人幫你淋上醬汁薯條墊底 燒得好香脆鴛鴦扒（豬扒+雞扒）黑椒汁 $122黑椒香氣濃郁 由黑胡椒、蒜末、洋蔥等調味料炒製而成雞扒正常發揮 係菜蔬同洋蔥放喺薯條上面會好啲始終底盤油分比較重 會令蔬菜燒到熏黑黑椒蜜糖雞中翼$58結合了香辣和甜味 金黃色外皮表面有著一層誘人黑椒蜜糖醬汁一種獨特的風味

金鳳真係每次經過都想食，D2place 假日夜晚長期都排隊，難得平日有位即刻要食抵食價既鐵板餐，款式選擇各有，碟上又得精選晚餐包沙律、餐包、湯、扒、飲品、甜品羅宋湯鮮味濃郁，滋味豐富。湯底濃稠醇厚，充滿番茄嘅鮮甜味道，同時加入火腿同蔬菜，增添層次同口感鐵板西冷牛扒拼大頭蝦-蒜蓉汁五成熟，西冷有濃郁嘅肉香味同海鮮鮮甜味，西冷牛扒經過煎煮，仲保持到牛肉嘅嫩滑質感同肉汁，同時大蝦經過煮熟，保持住大蝦嘅鮮美口感，口感彈牙，蒜蓉汁增添一種濃郁嘅蒜香味，同時提升牛扒同大蝦嘅風味。每一啖都食到牛肉嘅肉香同大蝦嘅鮮美。花奶啫喱帶有香滑嘅口感同濃郁嘅奶味。啫喱質地細緻，入口即溶，同時花奶味道濃郁，令啫喱更加香甜西冷牛扒-黑椒汁有濃郁嘅牛肉香味同黑椒辣香味。牛扒經過燒烤，保持住牛肉嘅嫩滑質感同肉汁，同時黑椒汁增添一種辣香味，提升牛肉嘅風味。底層有薯菜，扭紋粗薯索左汁好惹味，口感軟綿凍朱古力有濃郁嘅朱古力味道同滑溜口感。朱古力凍得緊，質地滑溜，入口即溶

買咗好多個餐，冇理由逐袋拆返開睇佢有冇比漏餐具，數齊咁多個餐就走啦。佢個menu都已經寫外賣+$3 ，乜唔包餐具架？？每個餐加$3喎。拎到返去公司一套餐具都冇俾，傻左嗎？