金鳳大餐廳 (中染大廈(8咪半))

Open Now

Now Closed

見到堂食咁多好評，於是在某外賣平台叫外賣。打開外賣盒，為何唔見牛扒嘅？哦！原來細件到一啖食完。豬扒係完全冇味，好乾身，很難入口。只有幾滴蒜蓉汁，連蒜蓉汁都咁寒酸。唯一只有餐湯係正常發揮。

今早到愉景新城看電影順道入金鳳吃個早餐。餐廳入口不在大街上，要從中染大廈旁邊的門口進入，有一大片玻璃窗可以看到街外，餐廳環境開揚，選了卡座，座位闊落。看餐牌早餐有五款選擇，不過價格不便宜，從40多元起。餐廳有最低消費每人要20元，吃一個餐就一定夠了。選了一份通粉配滑蛋，及牛油方包，熱奶茶。通粉正常發揮，煮得不過火，粒粒有咬口。仿鮑魚絲火腿都是一般味道，帶點鹹味。蛋炒得滑，野菌切片滿佈蛋面。牛油方包軟熟。奶茶用鍚杯保溫度十足，有茶味。早餐沒有什麼特別，正正常常的港式味道，食飽去看戲。

平日晚飯時段每次經過都會見呢度人山人海，有10幾個排緊隊絕不為奇。令唔算鍾意食舊式扒房嘅我，都在好奇心驅使吓試一試。我星期五6:00去到，都係啱啱好唔使排，入到去都好快滿座。幾乎每台客都係叫鐵板扒餐，四周香氣瀰漫。醬汁落入鐵板的「嘰哩窸嚕」聲四響，好有風味！難得呢度抽風良好，無乜油煙味。服務態度良好首先上菜的係是日精選晚餐。侍應會溫馨提示我地用餐紙遮一遮，又耐心解答我哋嘅問題，幾有禮貌。帶子軟腍香口醬汁方面有蒜蓉汁和黑椒汁。我揀黑椒汁，兩粒帶子上插有兩支金鳳小旗仔，幾得意，有啲似小時候去酒樓食甜品咁😆。帶子煎得唔錯，香口軟腍，不會過熟，咬下去有布甸感覺。😋西冷牛扒正常發揮塊西冷不太有肉味，不算肥嘅，亦唔會柴口，口感可以。不過呢款係精選晚餐，附送兩粒隻帶子，有沙律又有雪糕，都算可以一試。安格斯肉眼扒我朋友食安格斯牛扒就好好多，幾香，亦都幾Juicy，肉汁在齒頰間溢出，Tasty！雖然無帶子，不過都建議大家去要揀安格斯食。整體來說，算幾抵食。牛扒好大份，又有飲品，薯菜亦多樣，幾多翠玉瓜，有薯條或薯格揀。所以都推介喜歡食扒嘅朋友嚟。

聽朋友成日推介金鳳大餐廳嘅港式扒餐 終於嚟荃灣試呢一間😆金寶大餐廳嘅室內裝修都幾有舊年代嘅港式風味 用紅色皮整嘅梳化特別有感覺🤣餐廳都採用原有嘅員工落單同朋友嚟食 見到今日嘅每月晚餐套餐好抵 就決定嗌呢一個以帶子西冷牛扒為主食嘅套餐😆 $178 包晒餐包沙律甜品同飲品真係超抵🤣另外朋友就叫咗$202嘅美國肉眼扒套餐 另外再加錢配個超多人推介嘅雪糕紅豆冰首先係餐包同餐湯一齊上餐包同餐湯上嘅時候仲係熱辣辣重點係牛油完全冇溶到👍🏻 夾落麵包食外熱內冷超正😍白湯係正常水準 入面有紅蘿蔔同粟米粒～飲品方面 雪糕紅豆冰真係超正！紅豆一粒粒分明 甜度啱啱好😝個沙律入面有薯仔青瓜等等嘅蔬果都幾fresh！終於上正餐～職員會問你想要啲咩汁我哋就揀咗黑椒汁！另外本身加咗兩蚊加蒜蓉 個人覺得加蒜蓉味道更好😍一淋汁個鐵板即刻熱辣辣 本身套餐除咗有塊牛扒之外，仲有少少薯菜～兩款牛扒都叫咗五成熟西冷牛扒肉質好軟熟 帶子都燒得好香😍肉眼扒就相對肉汁較多😎 切開仲係得返少少紅 如果鍾意食生啲嘅建議可以食三成熟～ 同朋友share就係可以兩種扒都試到👍🏻👍🏻最後個西冷套餐仲包咗個雪糕😆個雪糕都幾滑身～ 啱啱好中和返鹹食

今日同朋友放咗工，響荃灣附近，諗住搵間餐廳食飯傾吓偈，於是上網嘅搜尋，見到好多人推介呢一間老字號，歷史悠久嘅港式鐵板板房，賣相好吸引，見到咁多人推介，讚餐廳食物質素好高，又方便，所以我哋就決定去試吓，估唔到真係好有驚喜，好開心識到呢一間餐廳，而且環境好舒服，空間好寬敞，真係好啱一家大細嚟食飯，或者傾偈，一對情侶都可以浪漫咁鋸扒，真係好推介呀，而且呢度嘅侍應服務質素都好好，好有笑容，而且好快手，好新鮮，全部食物即叫即整，侍應有親切感，好主動，所以我覺得呢間餐廳真係值得來呀，而且佢哋有唔同嘅鋸扒選擇，我好推介佢哋嘅香煎雞扒餐，每一餐嘅份量都好多，睇得出廚師好有心機，佢哋嘅餐湯同餐包都係好好食好好飲，佢哋仲有黑椒汁，蒜蓉汁推介，真係好好食，而且扒嘅份量都好好用，肉質鮮嫩，真係一定要嚟

同老公咁啱要去荃灣嗰邊做嘢， 轉好耐冇鋸個扒 上openrice睇下有咩好嘢。今日唔係好想試新嘢， 因為太耐冇鋸個扒， 唔想浪費咗個quota ，所以穩陣啲去金鳳。我哋係下午茶時間去，入到去原來佢都幾大座位都幾舒適唔會好逼。個裝修都幾有特色， 佢哋有下午茶餐都幾吸引，有焗嘢食（ 唔記得影相）, 最後我哋都決定食返我哋原本想食嘅鋸扒餐！佢喺下午茶時間都有折扣優惠。我哋嗌咗份肉眼扒餐， 跟餐都係會有餐包同埋餐湯。 有得揀蒜蓉或黑椒汁。 味道都ok。都肉嫰無根。

有日經過荔枝角金鳳，男友話呢間一定要食，前排又喺社交平台見到有fd嚟食，咁啱去荃灣ikea買嘢，心諗今次仲唔輪到我？我哋點左兩個餐，分別係每月特選的「帶子西冷牛扒」$178，同埋「香煎雞扒」$122，跟餐會上餐湯（羅宋/忌廉）同餐包而special set的帶子牛扒餐，仲會特別有埋蟹籽雜果沙律，非常抵食！塊扒男友點餐時要求加蒜蓉+$2，佢話咁先好味！果然，見到肥美帶子同軟嫩牛扒上係厚厚嘅蒜蓉粒，同埋超多嘅蒜蓉汁，濃郁而刺激味蕾，好鬼滋味！上鐵板時，侍應會幫我地淋汁，熾熱嘅鐵板即刻發出嗞嗞聲，仲煙霧瀰漫，好有視覺效果另外，都想試下佢嘅雞扒，同樣係加左爆多蒜蓉，而且足足兩大塊，極之抵食！佢嘅雞扒都令我地喜出望外，因為肉質都好滑嫩，鍾意食雞嘅我地都感到滿意最後上埋甜品，包喺帶子牛扒餐裏面！係似movenpick嘅朱古力雪糕，creamy味濃，高質！凍檸茶跟餐唔使加錢，而我嗌凍唂咕就加$5

朋友話嚟過荃灣呢間金鳳食午餐幾好食，但未試過食晚飯，一於搭車嚟試吓。一落巴士站隔離就係餐廳，真係超級方便🚌一入去見到裝修幾靚，頭頂燈泡拼出英文字STEAK💡 牆身霓虹光管就拼咗餐廳創立年份1969同牛牛圖案🐮我嗌咗一個每月特選晚餐，有暖暖嘅牛油餐包🧈 熱辣辣又大碗嘅忌廉湯，唔漏幾好飲🥣 仲有蟹籽雜菜沙律做頭盤，超大兜，有青瓜、果肉、椰菜同蟹籽，我自己就留返啲間住牛扒食，一啲都唔漏🥗 呢個餐嘅重點，就係新鮮滾熱辣嘅鐵板帶子西冷牛扒🥩 店員真係好貼心，拎住兩大壺蒜蓉同黑椒汁嚟問要邊款，仲提我拎住紙巾遮一遮👍🏻 最過癮就係啲汁滴落大大塊牛扒度「咋咋聲」嘅感覺🤭 店員加咗勁多汁，仲話唔夠可以再加🤤 西冷食落肉質嫩滑，完全無筋😋 帶子用牙籤仔拮住喺牛扒上面好得意，味道鮮甜！薯條份量勁多，沾滿蒜汁完全唔覺得熱氣🍟 最後仲有雲尼拿雪糕做甜品，用不銹鋼兜上keep住冰鎮🍦朋友叫咗個T骨牛扒餐，我切咗少少試下，超厚切超入味🥩 好彩我哋早嚟喳，坐一陣已經坐無虛席、埋單嘅時候見到要排隊呢😄

是日6:15pm係荃灣收工己經好肚餓，決定去鋸扒好好食一餐 荃灣金鳯大餐廳內裡裝修好懷舊香港feel 😊 入面有好多卡位~ 仲有部懷舊點唱機先黎餐包&餐湯~ 我選左紅湯，即係羅宋湯~ 酸酸地超級開胃 😊 我自己比較鍾意貴族牛扒，叫左5成熟 😉 上菜時侍應會問你要咩汁 (黑椒汁/蒜蓉汁), 然後係你面前倒d汁落個鐵板度~ 跟住就會之之咋咋聲~係港式扒房必定會聽到的聲音~ 充滿儀式感 😊 另外~ 仲可以選擇額外加生蒜蓉~ 不過因為我晚飯後要見朋友~ 唔想個口有好強烈嘅蒜蓉味~今次就無額外加生蒜蓉雖然價錢係最貴，但牛味香濃，厚厚既牛肩肉比較腍，肉質好鮮嫩又夠juicy，配埋個蒜蓉汁令個牛味再出d~ 超級好食~配埋翠肉瓜同薯條，呢個扒餐我極力推介!飲品方面都要講一講~ 可以加$18叫紅牛/黑牛/金牛/白牛~我今次選擇白牛~ 係充滿童年回憧的懷舊飲品 😉

早餐推介🍳｜凍飲唔洗加💲🌟鹹牛肉蛋三文治｜$33｜8.5/10係餐廳既招牌，朝早有好多人叫‼️烘底烘得隻色好靚，配合埋牛油同埋厚厚既鹹牛肉蛋夾係中間🥪🥪，大滿足🔆

「金鳳大餐廳」，以港式扒房，性價比高而聞名。來到這家餐廳，每次期待一場美食之旅！首先點了美國安格斯肉眼扒餐（五成熟），美味絕對值得一試，當菜品被端上鐵板時，散發出撲鼻的香氣，垂涎欲滴！肉眼扒上的蒜蓉醬汁忍不住想立即切下一口。咬下去時，肉質的鮮嫩和多汁感一起爆發，彷彿舌尖上的一場盛宴。五成熟的烤肉口感正好，讓人能夠真正品味到肉的原汁原味。每一口都帶來一種滿足感，令人陶醉其中。接下來試了他們家的芝士肉醬意粉。意粉配上濃郁的芝士和香濃的肉醬，港式香味簡直是一場味蕾的盛宴。每一根意粉都有著豐富的醬汁，入口即化。肉醬的香氣和芝士的濃郁相互融合，讓人難以抗拒。這道意粉給人一種溫暖和滿足的感覺，真是太美味了。此外，餐廳還提供了加錢升級套餐，其中包括了羅宋湯和是日忌廉湯。羅宋湯的濃郁番茄味和豐富的蔬菜令人愉悅，是開胃的好選擇。而是日忌廉湯則帶來了更加濃郁的口感和奶油的香氣，絕對是湯品愛好者的首選。作為飲品檸檬茶（凍），檸檬茶帶著微微的甜味，非常清爽。冰涼的口感和檸檬的酸甜風味相得益彰，給我帶來一種涼爽和舒爽的感覺。這杯檸檬茶非常適合在用餐時品嚐。最後，荃灣店餐廳的環境裝潢非常時尚，舒適的環境讓人感到放

去荃灣搵朋友，就去食港式扒房，所以去咗金鳳。今次嗌咗牛柳同西冷。2塊牛柳同1塊西冷都好大塊，勁多勁抵食。肉質都好淋，一啲都唔硬。我哋嗌咗五成熟，嚟到上菜再等佢self cook一陣，就係啱啱好我哋想食嘅熟度。上咗菜先揀落咩汁，一落就炸炸聲出晒煙，好香！薯條索咗黑椒汁同埋牛汁，再食啲瓜中和返，一啲都唔膩！我仲加咗牛油，香咗好多，哈哈！另外仲嗌咗個芝士焗西蘭花，即叫即焗，燶芝士好香，白汁舖滿成個碟，西蘭花又大舊。

(荃灣)金鳳大餐廳比太子總店座位寬敞。午市扒餐88折，而且無加一😆💥扒餐+餐包+羅宋湯+飲品❣️美國德州頂級西冷牛扒肉質厚實，牛肉味濃郁，脂肪比例平均，牛味特別香濃❣️餐湯🥰‘’金凰‘’招牌羅宋湯擁有特別的味道和口感，「酸」和「甜」還帶小小微辣恰到好處，湯中配料豐富材料，吃來有飽足感，惹味開胃❣️餐包簡單小小甜餐包，入口鬆軟、綿密，香甜味道散發出來❣️蒜蓉什扒鐵板餐食肉獸一定喜好什扒鐵板餐(豬扒/牛扒/雞翼/香腸/火腿)均烤至恰到好處，蒜蓉的香氣與肉味完美融合，帶來濃郁美味，每口感到蒜蓉香辣味❣️飲品飲完杯少甜凍檸茶一頓午餐都吃得飽...飽，晚餐都可以👋👋食囉🤣🤣

細個嘅時候屋企人帶過幾次嚟食，而家就越開越多分店，地方都比總店闊落🤣！嚟呢度食飯每次都會好飽！食完餐包、餐湯已經飽左一半，加上牛扒份量都好多🥱，每次食牛扒都要加$2 生蒜🧄，雖然食完會有好大陣蒜頭味，但係都係呢度嘅特色！⭐️T骨牛扒餐 $168牛扒差唔多大過鐵板🤣，T 骨肉味較濃，但係筋位亦相對多，較難咬開⭐️西冷牛扒餐 $133肉質相對淋些，所以鍾意呢款多啲！呢度嘅牛扒未必係最好食，但係而家好多食港式牛扒嘅餐廳都被定位劣食，想据扒呢度都係一個好選擇！

今日收工約咗朋友去荃灣青山公路中染大廈附近行街，突然之間好想食鋸扒，就見到呢一間傳統鋸扒餐廳，金鳳大餐廳，比佢哋嘅外表吸引咗，佢樓底好高，裏面亦都有好新嘅裝修，又大間，坐得好舒服，所以呢我哋就用Apps拎飛，等咗一陣就入咗去餐廳坐，樓底好高呀，而且呢度裝修新淨，沒有平時餐廳嘅壓迫感，呢度最出名嘅就係佢哋嘅招牌牛柳餐，佢哋有唔同嘅牛，有西冷牛，有大蝦牛柳，仲要配有我最鍾意嘅黑椒汁，仲有加兩蚊就有蒜蓉汁，簡直係完美嘅配搭，肉質好林唔會太硬，非常惹味，我真心推介佢哋嘅鋸扒餐，因為佢哋嘅肉質鮮嫩，非常龍尾，而且佢哋嘅份量十足，絕對物超所值，仲有配有餐湯羅宋湯，真係超級好飲，而且夠辣，仲有配有餐包，有牛油配搭，真係好好食呀，而且佢哋嘅兩粒帶子，但係我好食，而且呢個服務質素好高，坐得好舒服，都好啱一家大細嚟