金坊泰國美食

Open Now

Now Closed

講到荃灣泰菜邊間最好食，金坊都係數一數二嘅級數啦，蒜蓉包條點咖哩食真係冇得輸，熱辣辣又香口，。叫咗個咖哩蜆同椰皇炒飯，蜆就4個人食每人都食到5隻，而個炒飯就清咗啲，下次都係食返菠蘿炒飯好啲。叫咗馬拉棧通菜，好似冇以前咁好食，最重要介紹呢個燒大鱔！鐘意食鱔嘅朋友唔好錯過啦，88蚊有3串。配埋個辣汁真係very good!!另外不得不介紹嘅係岸燒牛，熟嘅程度岩岩好，燒得好香，好夠味，配埋個辣汁真係會食上癮。

1.<好抵食既茶菜下午茶>🙂金坊呢間泰菜開左好多年 , 好多年前係好好食 雖然而家退步左 但其實都 ok既 我唔會特登約朋友食 但經過都會食下佢個下午茶 因為真係好抵 36 蚊 冇加一 凍飲仲要唔洗加錢💪🏻 食物質素正常但真係好抵食 2. 泰式豬脾飯 36 蚊🐷🍚本身諗住堂食 但太多人幫襯 又有 d趕時間就轉左外賣 值得一讚係嗰個 staff哥哥 我崔佢 都甘有禮物幫我轉香外賣 唔錯😃個豬脾飯 白飯唔少 豬脾係有層好彈好肥既豬皮 醃得幾咸香 唔錯 仲有隻滷蛋 🥚加埋 酸辣汁 撈飯都 ok 😃#泰國菜 #下午茶 #外賣 #豬脾 #滷水蛋 Score 平均分 <6.4/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#金坊泰國美食荃灣兆和街38 至40 號荃灣美食城3 樓全層~~~~~~~~~~~~

真係講起成肚氣，book 左7:00檯。已經早到6:45到場拎位，話book 左都要等，仲要逼人齊人一齊等，於是全家老老少少企係度等40分鐘都未有位，眼見住walk in 比我地遲來嘅人已經陸續入檯，真心唔知book 檯嘅義意係咩，逼我下次用10個人名分開book

💁🏻‍♀️金坊泰國美食 (荃灣)🍴-難得平日放假，同男友去左老地方搵野食，今次又俾我地發掘到大件夾抵食嘅餐廳。海南雞飯🐓🍚（$50）包飲品、湯呢個價錢再加咁多野食真係勁抵！仲要碟飯都幾大份🥳個雞好嫩滑，值得加分！配埋個汁都唔錯，至於油飯本人就覺得可以再香啲，如果加埋椰汁煮就perfect啦！不過咁嘅價錢來講，已經算上品🤩飛天通菜（跟餐加$5）又係價錢取勝！食落都幾惹味，但對於唔食得辣嘅人來講可能會有少少辣🌶整體來講，呢間餐廳都坐得舒服，閒日唔太多人，值得encore😬食完飯之後同男友去左海滂行，仲去左打🏓️，度過左一日美好嘅day off❤️/📍 金坊泰國美食 (荃灣)#荃灣 兆和街38-40號荃灣美食城3樓全層#小丸子搵食記 #小丸子荃灣

元旦嚟到荃灣上openrice睇吓附近有咩好食食晚飯, 睇到呢度好多好評就嚟食。約6點嚟到, 樓下嗌我哋搭上嚟嗰個笑笑口, 上到3樓嚟, 半滿座。嚟到先知晚餐同午餐價錢爭好遠, 不過坐低咗唔緊要啦。嗌咗個咖喱飯同海南雞飯同一杯班蘭沙冰, 5分鐘後, 有個短黑髮30-40歲女侍應氣沖沖衝過嚟, 粗聲粗氣對大喝'冇斑蘭!!', 我當堂嚇窒咗, 進餐意欲盡失。冇唔好意思都算, 仲要好似要鬧人咁, 引發我第1次喺openrice打食評。嘢食點好食都係假。

這店的午市套餐很抵食，有湯粉、白咖哩類及海南雞等等。今天午餐有黃咖哩羊腩，當然要嚐😋。先送冬蔭公湯，今天不錯，有一大舊蕃茄和秀珍菇。湯味道令人開胃，酸酸辣辣，但次次味道略有不同，今天辣味不重。津津有味的喝完，就來主菜了。一大碟粒粒白飯，我喜歡，軟硬適中。一大碗黃咖哩羊腩，表面看不到底蘊🤔⋯⋯一翻到底，滿滿的羊腩😱，我食完飽飽還有剩，不得不要個外賣盒連薯仔及咖哩汁帶走。不過，我嫌羊味不夠，還要，怕肥的就不要點這了，的確，羊腩有一點肥，但可接受的。我覺得這店的黃、紅咖哩都出色，特別是紅咖哩，辣得來很香啊！但是白咖哩就一般，只感到鹹，而沒有香味。還有大大杯凍鴛鴦，凍飲不需加錢，真的很好啊！埋單$50，加$2外賣盒。邊度找呢？

平時見好多人等，唸住試下。除了醬汁是正宗泰國醬汁，食物根本就唔係泰國菜！柚子沙律用的是普通柚子，不是泰國柚子，又不是一粒粒，而是一嚿嚿，完全無成意，興幸醬汁是正宗泰國味。不值一試！

近來出外周不時也是吃東南亞料理，惹味之餘通常不會過重加工調味。先前到金坊吃過一次冬陰公湯豬扒金邊粉，中規中矩。這次我都是吃麵類，選了炒鮮蝦金邊粉（$ 46）。除了飲品，當天隨餐附贈了椰奶雞湯或苦瓜湯，不太喜歡芫荽的我只好選後者。苦瓜湯味道回甘卻略鹹。金邊粉跟在泰國嚐的有點分別，色澤很橙而不是啡，味道酸甜而不辣，味道還好，倒是炒得乾爽。配料有韮菜、芽菜、蝦米、豆乾、青檸和花生碎粒，跟正宗的差不多。蝦隻肉質上比味道新鮮一點，合格有餘。金邊粉份量很多，即使不算便宜但尚可接受。

這裡的午市套餐是價抵味佳的，值得推介。今次叫了咖哩牛腩，送例湯（冬瓜或冬蔭公）及餐茶。咖哩汁不會過鹹，有咖哩香味，不辣。最重要是牛腩，多得很，非常滿足。因為牛腩貴，許多食肆薯仔多而肉少。但這店足料，老公走寶了。它的牛腩不會碎碎，不靭，淋得適中。還送小碗冬蔭公湯，真的一個價錢，就能試到兩款泰味👍。這湯辣而易入口，十分開胃，酸味辣味恰到好處，不過，送的不要期望有什麼料啊！在另一分店的冬蔭公例湯就有不少秀珍菇。這裡的奶茶也不遜色於茶餐廳，茶香且濃，合我口味。媽媽叫了海南雞飯，不斷讚雞滑而不肥。😋

平時都有來食嘢，價格ok👌 ,味道都幾好，都有介紹人來，最緊要冇限時，令人食得舒舒服服。但今曰超失望😤約咗幾個姐妹介紹她們來食嘢，一路大家也食得好開心，四條友叫咗十樣嘢，由六點四十五分等齊人，一路傾一路食，大約九點時已有人收咗水壺不给回，算了，其實我們亦差不多，之後差不多九點十五分時有個女侍應在我們枱前大聲與同事說六點到現在啦！望住我們又望下她們自己。什麼事吖！比說話我們聽吖！我們咪當聽不到，之後2125其實我們都說埋單，但過唻果位小姐是來問重有冇嘢加，我說冇就埋單即根本不是我叫埋是他們催促我埋單的。😔呢間餐廳由得一間嘅時候幫襯，到而家幾間分店，一向都幾開心嘅幫襯得。但今日之後覺得非常之唔開心，他們趕客，要限時就出聲，不用比說話我們聽的😤以後都應該唔會再幫襯，亦叫啲朋友唔好再去.太憤怒了😡今時今日的服務態度.....真係😠

多年前曾經在隔離舖食過午餐，味道是還可以的，但今日再幫襯，簡直不敢再來！咖哩軟殻蟹，一上菜已經感到是照片，再試個汁，杰到不能下飯！深信佢夠資格同之前將軍漢堡攝影比賽有得較量，分分鐘會勝出埋😑本身有期望的明爐魚，所有係魚面的配菜都係酸嘅，係酸架！！！根本都食唔到，連我最愛食嘅菇都食唔到呀！！仲有杯沙冰，好難飲的，同呢餐泰國菜好唔夾，最後飲左兩啖就無飲了，但侍應是推介的...題外話，呢度的侍應喺會做做下野拎個生果出黎食嘅，我嚇親左😰

冬陰公大蝦湯🔥🦐冬蔭公係小編最愛因為辣辣地好刺激❣️特色係原鍋上，仲會點火heat住！湯好多啊飲極都未完，但失望係大蝦得兩隻....而且係唔完整甩頭甩尾咁，肉質都唔新鮮爽口😭CP值唔高！.佰靚咖哩配雞肉🐔平時食開青/紅/黃咖哩所以決定試過連名都未聽過既佰靚咖哩😂好欣賞呢個菜！個咖哩係微辣，平時唔太食辣既可以一試。佢個味好香濃，落左椰汁🥥，入面既雞肉好嫩滑😍，薯仔都炆得剛剛好，餸份量都好多😋.泰式蝦膏炒飯🍚上枱賣相幾掂，不過食落同一般炒飯無異，最失望係一點蝦膏味都無🤔overall唔鹹唔香，仲落左好多三色豆....相信好多人都好麻麻包括小編😂勝在蝦仁算多同埋炒得爽口！.最尾有甜品送：糕點做得不錯，一款係楊枝甘露，另一款有點似阿華田，又幾特別好味喎👍🏻不過總覺得食泰國菜都係一班人食好d，二人份試得唔多菜式同埋超飽😅

想食泰國菜系荃灣 一定去金坊，因為食物質素唔錯， 今次有口福叫咗好多餸菜，海南雞飯的雞皮薄，肉質嫩又有雞味，油飯香。重叫左沙嗲串燒， 燒豬頸肉，青木瓜沙律， 生蝦刺身，炒椰菜苗， 咖哩蝦，豬手飯一般。 今次期待嚟食嘅蒜蓉包條無甘脆咬落去飽底好多油而且無甘香，阿囝有d 失望。 至於冬陰功湯的湯底濃郁又香又辣，好味！😋

一講荃灣食泰菜，唔洗諗，去金坊！平、靚、正個人喜歡去眾安街的分店，往往較易有位。咸魚炒芥蘭，特別炒得有鑊氣，咸魚香與芥蘭互相配合，不消一會就全吃掉海南雞半隻，雞夠滑，惜雞皮多雞毛，感覺總有點不太衛生招牌炒金邊粉，新鮮豆芽加Nuts走在一起，再撈一撈金邊粉，一起食用，口感十足且味道不會太甜，剛剛好。炸蝦丸，果真即叫即整，剛炸起的十分熱啖啖肉，彈牙到不行椰汁西米糕，頂頭一大圈一大圈的椰漿，可口非常！吃下去盡是西米爽！加上店員服務態度好，深得食客歡迎，所以客人會回頭食金坊，就是如此

平日一家人想食泰國菜，就必定第一時間諗起荃灣金坊。話說荃灣有兩間金坊，個人推介兆和街分店，同路德圍分店比較，呢度環境寬敞啲，人流又少啲，食品質素又高啲！嚟金坊食飯切忌眼闊肚窄，原因係金坊出名大大碟，12人同行，連小食主菜叫 8~10款已經足夠！今次因為係慶祝生日，所以叫咗好多平日少食嘅菜餚。叫冬蔭功湯就係常識啦！湯底味道濃郁，又香又辣，加埋鮮蝦、大蜆、青口 大量海鮮，配蕃茄、香茅、檸檬葉等香料，點會令人失望吖？炸蝦餅皮蛋 - 味道出奇咁夾，皮蛋有助化解油膩，配泰式雞醬，酸酸甜甜 燒脆鱔 - 魚肉超厚身，魚皮燒到脆卜卜，個人覺得仲好食過日式!泰式豬手 - 即係鹵水豬手，豬手鹵煮到入口即化，100%骨膠原，3-80歲都啱食!咖哩軟殼蟹 - 呢款有少少貴，軟殼蟹炸得酥脆，但呢款咖哩太油，食過好油膩好滯，建議叫黃咖哩/青咖哩炒蟹（鮮肉蟹）好啲!Pad Thai 泰式鮮蝦炒金邊粉 - 蝦仁爽脆，金邊粉又甜酸中帶微辣，刺激味蕾食慾大增!泰左炒河粉 - 呢度啲河粉有別於一般乾炒牛河嗰啲，佢比坊間用闊+厚身，吸味一流!菠蘿海鮮炒飯 - 小朋友嘅最愛，加埋提子乾增加甜味，又有焗腰果增加口感!馬拉盞炒芥