金閣御膳正宗海鮮蒸氣石鍋 (Closed)

身邊幾個老友都知我今年鐘意食蒸氣海鮮，就話今晚帶我去另一間蒸氣石鍋海鮮試下，去到原嚟系一間叫金御膳正宗海鮮蒸氣石鍋嘅飯店，招牌感覺好中式，應該會唔錯，服務態度都好NICE。今日目的好明確，今日兩個人都想食魚，就當二不一咁揀左花尾龍躉片，兩斤一共$498，兩斤魚片原嚟咁多，魚片切得比較厚身，上鍋蒸五分鐘左右就可以食喇，魚片肥美鮮甜無比，蒸得剛剛好，好滑，食魚要食夠日子嘅老魚，呢條魚好夠時間，肉都結實，嫩得嚟又爽口彈牙，睇落好多兩斤，好快就入我地肚喇，仲覺得唔夠胃口咁，正啊。南瓜豚骨粥，豚骨粥我第一交嘗試，感覺比一般魚骨更要鮮甜，南瓜所有嘅清甜都係呢煲粥發揮得淋離盡致，再加上魚骨嘅肉香味，估唔到呢兩樣嘢系咁夾，粥煲嘅時間雖然唔耐，但米都化開了，南瓜煲得好淋，軟綿綿，好香滑。今日就食一個魚一個菜，四寶蔬好抵食，有四種新鮮時蔬，分量好大，有娃娃菜，南瓜，粟米同菜心，樣樣都好清甜，好新鮮。

同事話最近系土瓜灣發現咗一間食蒸氣石鍋嘅店，啲嘢食好似都幾唔錯，趁今日夜晚齊人，嚟試下多唔錯，仲可以食到各種各樣嘅海鮮~~！入到店入邊，發現有一塊好大嘅牌寫住刺身盛宴，蒸氣石鍋都有得食刺身，梗喺要點翻個嚟試試啦！~坐到埋位，張檯中間有一個好大嘅蒸爐，應該就係等陣拿嚟蒸嘢食啦~~menu上邊有好多海鮮食吖！！！而且價錢仲唔貴添~~~ 茶介豉油任選，18蚊一位，等陣食蒸海鮮嘅時候就可以按照自己嘅喜好加翻些少調味料啦。。每個人嘅位置上邊都會放調味料、一杯茶同埋一包紙巾~~海杉班，條魚好新鮮，會有專門嘅人過嚟幫我地將條魚擺落個石鍋到蒸，服務真係唔話得！！而且魚系蒸嘅時候仲會加翻少少調味，蒸嘅時間唔會好長！！魚嘅味道好嫩好滑，而且食落無乜魚骨！！好鮮甜！ 我最鐘意嘅系石鍋嘅湯底！！意大利海鮮湯底，海鮮嘅味道十分濃郁，湯底入邊仲有好多蝦肉、蜆肉，一齊煲出嚟嘅味道更加鮮甜~~~ 鮮蝦雲吞，皮薄肉厚，雲吞好爽滑彈牙~~

諗住同屋企人去試下蒸氣火鍋(屋企人未食過) 咁上網揾下有邊間好食，跟住揾到金御膳呢間，見d食評都唔錯(非常後悔:sick 因為昨天係星期六同埋母親節前 所以預早兩日book 位，晚上7點半上 到去見到得兩三檯客人係到食緊，咁我地冇理照坐低，一睇張餐牌原來得好少野揀，比起潮福又貴又冇咩選擇，最後我地叫左2個銅獎套餐(有炸魚皮,但炸魚皮食落去似透左風,唔好食)跟住有好似蜆仔咁大既象拔蚌仔1隻(唔新鮮,食落去有D臭味) ，蜆仔2隻(蒸完都唔開口,應該係死蜆,食落去好似咬緊橡皮筋咁) ，美國桶蠔1隻(呢隻算係唔錯嫁啦~，龍躉班片2片(剃鬚刀片都大件過佢)味道就似普通魚冇分別 ，仲有元貝1隻味道都係一般，手打丸1粒(細過粒玻子)食落去冇乜味 ，再加多幾條娃娃菜咁就要$398一位最少2位叫起，咁我地4個邊夠食呀，咪再叫多四寶菜$88,蝦米雲吞6粒$48(雲吞皮蒸到乾真真,D蝦就似蝦米咁細粒,D雲吞內都係冇咩肉味既),菜肉餃6粒$48(呢隻菜肉餃算係好味),雲耳雞半隻$148(D雞碎上,望落去好似好多,但食落口全部係骨,雞仰要冇雞味,最後仲叫左個4式刺身拼盆$268叫完先知得幾件(幾件剃鬚刀片都大

為了母親節提早跟家人一起出去食飯，第一次同家人去試蒸氣火鍋。母親節當然以媽媽鍾意既野黎點啦，點左媽媽喜歡既海鮮等佢開心下。雜魚($300)魚的份量都幾多，但可惜的是魚骨部份比較多，係食既時候比較麻煩，唔可以做到大舊大舊咁放入口黎食，蒸完之後十分新鮮熱辣，魚肉肉質十分鮮美，只需輕輕加醬油就好好味。蟶子皇($232)蟶子大大隻都幾新鮮，肉質十分鮮嫩，但一人一隻又未必夠喉，只可以淺嚐一下。蟲草花新鮮雞半隻($168)雞肉都幾鮮嫩加上蟲草花好似都幾補下，雖然只點左半隻雞但份量都幾多都好夠食，用黎送隻就最好，熟左既雞肉仍然有好多肉汁流出可以撈飯黎食。

土瓜灣不常來，倒是乘車常常經過。朋友介紹，所以今次機緣巧合地來到這家蒸氣石鍋。 先來自製醬汁，放點鼓油、加點蔥、下點辣椒，味道自然就按個人喜好調節，這個食法和一般坊間的打邊爐的食肆無異，但是由待應奉上醬汁組合，不用自己走到醬料吧那裡，感覺貼心 象拔蚌仔($98) 基本上不用自己動手，雖然看似自助形式，放眼每座桌上都有爐，但是貼心的待應都很樂意服務，待應先為我們的粥底打開鍋蓋，放入粥底的材料，例如准山，豬肉等等，然後為我們蒸煮象拔蚌仔。其實蒸氣的控制他們也很熟悉，每樣食材的烹調非常準確，我以前也不知道象拔蚌的烹調時間，幸好有侍應從旁協助。先說回味道吧，象拔蚌仔其實只需要兩分半鐘就完全適合食用，味道非常鮮美，汁鮮味濃，上放蔥花調味，口感煙韌，鮮甜無比。蟲草花雞(半隻) ($168) 蟲草花雞內含蟲草絲和蔥花、薑，伴和雞件，份量比我想象中還要大，如果兩個人享用的一點也不嫌過少，我很喜歡這種清新的滋味，這道菜其實是整餐烹調時間最長的菜式，雞件十分鮮嫩，人口即化，令人不禁吃完再吃，鮮雞特別的調味，加上石鍋保持原味的煮法，配合得非常得宜，突顯了雞的清新，而且蟲草十分滋補，四時合宜。黑西班牙黑毛豬件

今天約了愛貓好友做家訪，因為好掛念他們家中6隻頑皮貓於是就來到了土瓜灣，金御膳聽說是這區新張的蒸氣鍋飯店，為著吃的我又再提意開飯去這裡的鍋蓋有特於過往所試的，頂頭是玻璃，能將鍋中情況看得一清二楚，看透蒸氣如何將食材的鮮帶給我們。大蜆$68/6隻雲吞$48/半打蒸煮的雲吞，我是第一次食，外皮比起湯煮略硬 ，有口感，另有風味蟲草花蒸雞$168/半隻份量看起來好像多於半隻，但我依然有不夠的感覺，可能我大胃了花尾蠆斑$268/斤四寶菜$88原來要蒸最耐的是你點少了個粥底，有種缺陷感不過我們要去訪貓了

有個英國朋友來香港玩， 佢問我我係香港最鍾意食啲乜嘢？我就答「打邊爐」。佢話打邊爐，佢都試過。所以，我之後就話要帶佢食一次「蒸氣火鍋」，佢話蒸熟Ｄ野無特別啵，我就話完全唔同架！今次我地去左土瓜灣金御膳。 入到去坐低冇耐，啲店員就熱心介紹我地一Ｄ菜式。因為見到我朋友係外國人，所以就特別推介意大利蕃茄海鮮湯底，話感覺上西方Ｄ。我同朋友都覺得好貼心，所以就即刻拍板要呢一個湯底。湯底入邊嘅材料好豐富，有大蜆、蝦、番茄、薯仔，真係啱晒外國人食。 入面個湯底好濃郁，愈煲愈杰：）半斤蜆有４隻，ＳＩＺＥ好大，所以食落啖啖肉！要左半隻冬蟲草花蒸雞，好香。。。。有啲沙薑味，蒸起上嚟出晒一啲黃油，而且雞肉十分滑嫩。 安格斯牛粒雪花程度適中，清蒸左之後，牛味保持濃， 而且店員會問你想蒸幾成熟，佢會再幫你教返好啲時間！鳳城水餃簡簡單單有紅蘿蔔絲蝦肉肉，朋友仔好鍾意。埋單都唔算平，不過服務好好，而且朋友請，佢計番英磅覺得好抵 

老公放假要去搵朋友，去左十年都唔去一次既土瓜灣估唔到呢度都有間蒸海鮮，老公話要試一試雖然門仔細細，不過上到去都幾大感覺幾開揚，裝修都新淨仲有卡位添呢度都有海鮮套餐不過平個個我又有D野唔食，貴又貴得滯，不如散叫幾樣野試下啦~不過尼，呢度都好多係時價黎，落單時真係要問清問楚~除左蒸海鮮，仲有刺身食，不過今日主打蒸野，刺身都係留番去日本鋪頭食啦~呢度既調味係放係張枱度，雖然無平時個D咁多，不過干淨企理 (其實我平時都係食呢幾樣就夠)行出去睇過D海鮮，以大野居多，反而無咩貝殼類同蜆仔個D~ 至於個蒸爐，蓋係半透明，可以望住入面D野熟未~呢張宣傳單張，臨走先到見~@@除左刺身，呢度連生蠔都有添~ 仲要10蚊隻~原來有得送粥底，不過我都係後尾先見到，加上又飽，所以無要到了~總之，成張單既優惠都無左~ ><3頭大元貝HKD 68 / 隻　元貝蒸到九成熟，好嫩滑，唔痴牙蟲草花8頭鮑魚仔HKD 55/隻要讚一下鮑魚洗得超干淨聖子王HKD 58/隻好大隻，又係清理得好好~以上的海鮮，基本上真係清蒸，無任何調味料，只加幾粒蔥~不過，唔知係清理得太過干淨，好似無咩海鮮味~加上又無加任何調味，所

行街街買衫衫買到無咩錢啦，突然醒起仲未食飯吖！！！！朋友話知道附近有一間可以食到又平又靚又正嘅海鮮，咁就梗喺要去試一試啦~~~一行入店入邊，俾我嘅感覺就系好charming....啲光線好充足，一啲都唔覺得好昏暗。呢度有分圓檯同埋卡座，而且張張檯上邊都有一個蒸爐，蒸爐系用電磁爐嚟蒸嘅，所以唔需要擔心安全方面嘅問題~~呢度嘅海鮮品種好多，點咗幾樣老細推介嘅。有大蜆、半隻蟲草花雞、水餃、雲吞、南瓜排骨粥底同埋黃鵝腸。系蒸嘢食之前呢，先要搞掂個粥底。先將粥底嘅材料全部放曬入去，然後再開始蒸其他海鮮。佢就係通過用蒸海鮮嘅蒸氣將個粥慢慢蒸熟。好特別吖！！半隻蟲草花雞，兩個人食絕對夠飽！講明半隻雞真係半隻雞，唔單只有雞肉，仲有雞腎，我摯愛吖！！！雞肉嘅味道有淡淡嘅蟲草花香味，而且肉質好嫩，原汁原味食最好味。大蜆，68蚊就有半斤，最緊要系呢度唔會短斤少稱，絕對足斤足兩，抵食！！呢度除咗可以嚟食海鮮之外，仲可以試下鳳城水餃同鮮蝦雲吞，48蚊半打，雲吞爽口彈牙，水餃皮薄肉厚~~~

今日黎土瓜灣揾個朋友，跟住為左揾個地方好好坐低傾下偈，就費事走出我mk揾野食，一上openrice就見到呢邊開左間食蒸海鮮嘅舖頭，於是就簡去左果度開飯喇。一坐低當然見到個窩喇，真係令人有期待嘅感覺。蟲草花蒸雞雞肉好嫩，而且蒸出來食到雞嘅原味，不過感覺有點油膩美國蠔第一種係食蒸海鮮嘅舖頭食生蠔，令人感覺好滑身好冰涼，不過個人都係鐘意啲咸味更重嘅蠔種。金蒜豚肉粒呢度嘅豚肉粒入口厚實，而家好有肉味，而且餐廳煮得岩岩好，入口又唔會老。臘味糯米飯，呢個糯米飯就真係一定要叫喇，臘味嘅份量同糯米飯嘅份量都算多，感覺真係好抵食，因為價錢唔貴之餘又飽肚，糯米飯口感岩岩好，唔好太軟又唔會太硬，啖啖滋味。南瓜排骨粥(細)粥入口嘅時候就食得出味道好淡，無左應有嘅鮮味，感覺有點令人失望。。。冀望下次再黎好似之前其他食蒸海鮮嘅舖頭啲粥咁好喇

迷上蒸氣石鍋真是一條不歸路！友人知我地喜歡，於是提議今次飯局去佢地家附近新開的金御膳試試今次不是草帽蓋，影相就無乜睇頭了大蜆 $68/半斤8隻都開嗮口，非常新鮮鮮甜，不過有一點點砂呢花尾躉班 $268/斤原條斬件，肉厚質嫩，充滿魚油香！雲吞 $48/半打原隻蝦仁爽口，配以適量豬肉，麻油味很重我頗喜歡！蟲草花雞 $168/半隻斬得很碎，影響了口感，味道偏咸呢四寶菜 $88菜新鮮嫩綠值得一讚芥蘭爽脆無渣，南瓜香甜我最愛

尋晚朋友帶我去土瓜灣食飯，話食蒸海鮮，有得食當然跟住佢啦之後點選了南瓜排骨做粥底，蒸完海鮮等食材後，食材既肉汁會由蒸氣架d小洞滲落粥到！個粥就係煮到好綿好滑，堅係食到海鮮d鮮味！南瓜既甜，真係好好呢！象拔蚌，非常大隻有台形！食落口感好好趙口！一d都唔韌！鮮甜！唔使用其他醬汁！清蒸就食得出係正貨蟲草花新鮮雞，真係非常樕滑，又唔油膩！蟲草花個陣香氣惹味，真係好好食~~份量半份已經好大碟了！什魚~蒸起來似班既感覺，肉質好厚身！食起黎啖啖肉！但唔會鞋口！仲係非常樕滑~

早2日跟朋友上去試一試呢間新開無耐既金御膳，環境唔錯，好衛生，坐位好舒適而且獨立，裝修很有格調，最令我滿意既唔只食物質素高，唔會有抄襲成份，而且服務一流，招呼可以話係無得頂，侍應好有禮貌，加水加茶，清骨換碟，幾乎唔需要開口，係食物蒸煮倒數計時永遠都會standby在附近，唔需要係聽到計時器響左，仲要左望右望招手搵人過黎，這是非常值得一讚，老闆同靚女主任亦好nice ，主動同我地打招呼，清楚解釋每一道菜，產地，成份，令我地好enjoy，好似參加緊飲食節目咁，價錢亦比想像中平，物超所值，短期內我一定會再去

睇到openrice介紹，就約埋幾個朋友試一試，裝修非常有品味，坐位舒適，服務人員態度非常好，食物以蒸海鮮為主，海鮮全部新鮮，象柭蚌仔刺身非常有驚喜， 爽口又鮮味，原來只賣98蚊一隻，底食，其他海鮮亦比其他地方大隻，蟲草花蒸原隻走地雞，有雞味又香滑，之後又試下招牌菜士多啤梨生炒骨，入口外脆內軟，酸甜汁味度剛剛好，到最後食埋粥底，用左珍珠米做粥底，粥底好綿又加上之前蒸左嘅海鮮精華全部落曬D粥底到，所以非常鮮甜，到最後食佢地自家製嘅芝士餅，入口非常軟滑，濃芝士味，我同幾個朋友今晚非常滿意，下次一定會再來！

抱住試新野的心態去試下呢間，因為食開潮X , 都知道價錢。對比之下，呢間裝修比潮福有心思，食物價錢比潮福平少少。叫左個「銅獎」套餐，每位＄300幾，包括一系列的海鮮，再叫咗個生炒骨。嚟個小炒估唔到令我咁有驚喜～D蠔同蜆大大隻，新鮮，無雪味，不錯不錯。最讚賞既絕對係鮑魚！用料一流，抵返哂！唔係用手指尾大少細到無口感既，而係用蒸完縮左少都仲有手掌大小！呢個SIZE既食物絕對加分，非常有誠意。以後都會選擇呢度食蒸氣鍋。