Goobne Chicken (瓊華中心)

Open Now

Now Closed

📍Goobne Chicken (瓊華中心) (旺角)旺角彌敦道628號瓊華中心15樓今日旺角搵食朋友想食炸雞一於試吓呢間韓式炸雞🍗🐔UFO芝士火鍋(無骨)芝士火鍋配炸雞都係第一次食滿滿嘅炸雞圍住成個鍋我哋呢啲懶人梗係要揀冇骨炸雞啲雞炸到脆卜卜🤩裏面啖啖肉去肉質好鮮嫩啲芝士可以拉絲架🧀🫕配上卜卜脆雞好味到震🥳韓式玫瑰醬炒年糕炒年糕，係我至愛煙煙韌韌口感十足韓式玫瑰醬係靈魂所在少許嘅辣味配上奶油味道啱啱中和返難怪係人氣之選😍😍🍶香桃韓式米酒炸雞梗係要配米酒呢個酒有啲桃味🍑香香甜甜好易入口😌飲多兩杯都唔怕呢間炸雞環境舒適佈置好有韓式感覺😍😍#韓式炸雞#旺角美食#韓國菜#UFO芝士

最近又煲返韓劇，又好想食炸雞🍗兩個人叫左：🍯🐔蜜糖蒜香烤雞（無骨） 雞皮炸到好香脆，蜜糖醬令件雞惹味d同埋唔會覺得好乾。🐥🐥🐥🫓鐵板海鮮煎餅比一般嘅海鮮煎餅足料, 八爪魚鬚鬚都係大大粒,唔會太薄,外脆內軟咁,配埋個汁,食下就好快一舊一舊咁食哂。🫔蟹籽沙律芝士雞蛋卷 滿滿嘅蟹籽鋪咗喺面,一切開雞蛋捲入邊夾住咗勁多芝士 ,岩哂個fd！芝士控！🍨西柚沙冰🍧食到咁上下，飲番杯西柚沙冰，，甜品就最啱我胃口

星期日出旺角買嘢唔知去邊醫肚就一定係諗起創興同瓊華😆最後揀咗goobne係因為想食蜜糖烤雞揀咗一半甜辣烤雞＋一半蜜糖蒜香烤雞個人嚟講就鍾意食無骨同埋好鍾意佢係用烤感覺健康啲冇咁多油比起炸嘅少啲負擔烤嘅話個肉質更加可以維持到係嫩滑唔會乾柴就連佢個蒜片都係烤乾咁放係面另外揀咗個韓式香辣海鮮湯有魷魚、蝦、青口、蛤蜊唔算太辣可能有海鮮嘅關係反而係鹹味比較濃本身個湯可以加烏冬但好彩冇加到因為兩個人嘅份量已經好飽了最後想介紹吓嘢飲其實幾鍾意佢有酒飲如果一大班人嚟食韓國嘢緊係要有酒先夠盡興仲記得好多年前食goobne尖沙咀分店佢用支apple cider插飲個大cocktail杯度🙈今次就揀咗個鯊魚之淚有分酒精同無酒精嘅版本味道係檸檬同桃飲完唔會好飽又解渴另一杯就揀咗濟州柑橘香茅茶下次夜晚嚟就一定要揀米酒先得😆

好耐冇食過韓式烤雞,Goobne Chicken絕不陌生,除了烤雞外,其他主食亦值得推介😋。餐廳幾款套餐選擇,今次選擇一款二人份量的🍯｜CHI PI CHI PI｜HKD 388炸雞及薄餅各選一款,烤雞有分脆烤雞和醬汁烤雞,因應個人喜好。而薄餅則有兩款選擇。🍗辣椒脆烤雞外皮脆香，有焦香的辣椒碎粉，咬下去時，脆皮發出清脆的聲音，內裡鮮嫩多汁。🍕蜜糖BBQ芝加哥薄餅推介😍❤️想不到一間烤雞店其他煮食都相當出色。金黃色澤，厚厚的餅皮外酥內軟，相比平常吃的pizza批邊更脆口。薄餅鋪上豐富的芝士、熏烤的肉類、薯仔等配料，表面有一層蜜糖BBQ醬，咬下去能夠明確分辨不同配料的口感，層次分明。🥃｜濟州柑橘香茅茶｜HKD 55濟州特產的柑橘具有獨特的甜酸風味，茶中散發出柑橘的清香，香茅的香氣清新而略帶草本味，整體讓人感到清新舒暢，十分愉悅。🥃｜Sapporo｜HKD 78

澳洲朋友嚟香港玩，陪佢去旺角行街，朋友想食韓國炸雞之前食過“ Goobne Chicken"烤雞好好味香桃韓式米酒 🍑🥂食烤雞最啱飲韓式米酒，米酒仲有香桃味，清香入口順喉.UFO 芝士火鍋 （ 無骨 ）🐔🧀好似UFO嘅火鍋鐵盤，中間放有三種芝士，分別有瑪蘇里拉芝士/車打芝士/Grana Padano.有幾款烤🐔可以選擇兩種味道，揀咗果味醬油蒜香烤雞/三重芝士烤雞，職員將芝士炒到拉絲，包住每一件烤雞，芝士入口勁香濃，烤雞香脆肉質嫩滑,令人食唔停口😋😋韓式玫瑰醬炒年糕 🍝特製嘅韓式玫瑰醬,甜甜辣辣味道香濃，上面鋪滿炸煙肉/番茄仔🍅將韓國年糕/魚糕/意大利粉一同炒至入味，年糕入口彈牙,掛滿醬汁非常惹味.😋😋

瓊華呢間Goobne屹立旺角多年，地方大坐得舒服，仲有機械人送餐🤓👉🏻PIZZA & SALAD叫左個健康PIZZA+沙律餐，志在有啲菜食。🍕蜜糖BBQ芝加哥薄餅次次都會叫呢款pizza～見到個樣都流晒口水🤤甜甜地嘅薯蓉芝士同BBQ豬肉好夾，芝士好拉絲好香口。🥗凱撒沙律好大份，羅馬生菜同蕃茄仔好新鮮，調味啱啱好，唔會過咸。👉🏻韓式炒牛肉粉絲🐮配菜同粉絲一半一半，超多牛肉、菇、洋蔥～粉絲好煙韌，真係似係韓國食到嘅味道，調味偏甜。👉🏻香桃韓式米酒0.7%呢款米酒超好飲，清新又解膩。我哋叫款最低酒精濃度嘅，少少酒味，好香桃味，斟到好多杯。

#旺角美食 #小蓮星呑食旺角🔻 Goobne Chicken 旺角彌敦道628號瓊華中心15樓/呢間韓國菜可以話係瓊華嘅地標，已經開咗好幾年，每次去到旺角，只要想食韓國菜，都會諗起佢。/🧃香桃韓式米酒食炸雞點可以唔配米酒，今次揀咗香桃味，好有米香，又帶有香桃嘅清甜/🧃UFO芝士火鍋(無骨)見到啲無骨烤雞圍住中間一大pat半溶芝士,已經流晒口水，呢個芝士係用咗多種唔同風味嘅芝士混合而成，味道多層次，滿足晒我呢個芝士控！無骨雞件件大大件，外面燒到好脆，yam滿芝士粉,就咁食已經好滋味，yam 埋拉絲芝士醬，極度邪惡，但係又食唔停口，再加上雞肉好嫩滑，完全係啖啖肉。/🧃韓式玫瑰醬炒年糕玫瑰醬原來唔係玫瑰味，而係將韓式辣椒醬同白醬混合，令到辣椒醬冇咁辣，仲帶有奶香味，撈埋煙靭嘅年糕真係好夾。/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

好耐冇食過Goobne烤雞，weekend brunch嚟咗旺角分店。環境闊落，坐得幾舒適~🍽️UFO芝士火鍋 (無骨) $288芝士火鍋可以選擇2款烤雞口味，叫咗甜辣味+蜜糖蒜香味，份量都好大份（每隻味大概有8件)，中間有齊瑪蘇里拉芝士, 車打芝士, Grana Padano3款芝士，融化後芝士味好香濃，卷埋烤雞拉絲效果一流！烤雞好Juicy，甜辣味同蜜糖蒜香味都係味道偏甜，外層都幾香脆～🍽️鐵板泡菜煎餅 $115外脆內軟，食落啖啖泡菜，鐵板上菜保持到溫度，食落帶點脆口～

同朋友說好一定要搵一次一齊去韓國，要瘋狂咁食炸雞烤雞🍗！！但愈講愈開心，即刻就想食😆咁不如喺香港食咗先，橫掂Goobne都喺韓國過江龍，啲炸雞/烤雞一樣咁正！一直想食呢個《UFO芝士火鍋(無骨) 》好耐，終於有人陪我食啦！我地今次揀咗烤雞，見住成個爐圍住啲烤雞，中間就有一大舊半溶芝士，係融合了多種芝士，特別「芝味」！啲雞烤到外皮好香又微脆，肉仲保持嫩滑多汁，淨食都已經好正！職員仲會幫我地拉絲芝士卷住啲烤雞，每件雞都有厚厚嘅芝士包住，入口真係又香又嫩又滿足！《韓式玫瑰醬炒年糕》呢期好興玫瑰醬年糕，咁梗係要試吓！玫瑰醬類似係辣醬當作紅醬，加入了白醬之後中和了原本辣炒年糕嘅辣度，並帶有奶油香味，我覺得個味道好大眾化，好易入口！《香桃韓式米酒》 米咪香郁，一杯都幾大杯，我地share飲。邊食烤雞年糕邊飲米酒，好飲去咗韓國一轉咁啦！熱力把芝士融化，融合了多種芝士，我們選擇了半半烤雞，甜辣烤雞、蜜糖蒜香烤雞，用芝士包裹雞肉，每一口都是芝士的奶香，還能品嚐到雞肉的多重風味。韓式玫瑰醬炒年糕，包含了Q彈的年糕、魚糕、意大利面以及煙肉碎，搭配上獨特的韓式玫瑰醬，每一口都充滿驚喜，既有嚼勁又能滿足味蕾的

今日過嚟旺角行街，晚餐朋友話想試吓我上次食嘅芝士火鍋炸雞。所以又嚟咗食呢間炸雞啦，萬事嚟到都坐滿晒好多人。🫕UFO芝士火鍋(無骨)呢個芝士火鍋真係冇得輸，除咗有勁多芝士🧀之外，一夾起仲可以打卡📸，超級拉絲效果，配埋六選二嘅炸雞，真係滿滿嘅芝士味。配菜仲有兜醃蘿蔔，可以中和油膩感。烤雞方面揀咗三重芝士烤雞，雞件上面有冇滿嘅芝士粉，點埋個芝士火鍋🫕，滿口都是芝士香味😍。果味醬油烤雞，呢個醬汁真係好Juicy而且唔會覺得漏，本身唔使芝士火鍋已經好夠味。🍕蜜糖BBQ芝加哥薄餅點咗個人氣薄餅，薄餅加咗大量芝士都係可以拉絲效果，餡料份量都幾豐富，有烤雞同焗薯，成個薄餅食落甜甜地，非常飽肚。

最近有朋友喺台灣返嚟，話好想食韓國嘢，尤其是係最近喺台灣好火熱嘅芝士火鍋，於是我一諗就諗到goobne chicken，呢度除咗炸雞好食之外，芝士火鍋都好好食。呢間嘅UFO芝士火鍋會咁好食，係因為佢哋用咗馬蘇里拉芝士同埋車打芝士，再加埋grana panado，所以芝士嘅味道特別有層次，然後口感都好正。最鍾意用佢包住烤雞，覺得份外有層次感，而且啲雞全部都係無骨嘅，所以可以大啖大啖咁食，勁方便。當然啦，食得韓國嘢就梗係要叫埋酒飲㗎啦，我朋友超級鍾意飲米酒，而我自己本身又好鍾意飲蜜桃味嘅嘢飲，所以香桃韓式米酒絕對係我地大家個心頭好。最後我地就叫左個韓式玫瑰醬炒年糕，本來我以為會好heavy，但估唔到超快就俾我哋清晒，佢醬汁夠濃味，但係又唔會油膩唔會滯，好推介！

🇭🇰🇭🇰今日朋友約咗我去食飯 佢就口痕想食韓國野 我哋就決定去食韓國烤雞______________________________［凱撒沙律🥗🥗］（$108）份量超多😚😚落咗勁多芝士粉同凱撒醬食落清新 爽口 沙律菜幾新鮮 配料有風乾煙肉 車厘茄 夾埋一齊食 鹹鹹地甜甜地 好開胃🤤🤤［UFO 芝士火鍋 無骨烤雞🐥🐥］（$288）蜜糖蒜香味+三重芝士味烤雞主角嚟啦‼️‼️ 烤雞烤個陣時掃咗好多蜜糖😋😋係個表面度 烤得有啲焦香 令到件雞嫩滑 惹味而三重芝士烤雞🧀🧀放咗好多芝士粉 食落有陣甜甜地既味道 唔錯雞肉酥脆 多汁 沾埋三重芝士食勁舒服， 口感豐富， 好滿足， 份量幾多最緊要係呢個炸雞整法‼️‼️‼️‼️同其他餐廳唔同， 佢唔用油炸，而係用烤爐烤出嚟， 幾欣賞呢個整法，食落唔會油冧冧 幾健康［韓式雞蛋卷🥚🥚］（$148）韓式雞蛋卷用蛋包住青瓜、蟹柳、醃蘿蔔、餐肉，海苔同芝士。每一啖都可以食到唔同食材嘅鮮味同埋幾脆口口感同層次都幾豐富 🥳🥳［芒果沙冰+鯊魚之淚🍸🍸］（$58+$88）兩杯嘢嘅擺設都好靚 芒果沙冰唔會太甜唔會太淡 味道啱啱好鯊魚之淚隻鯊魚幾得意😚😚味道飲落有啲似波子汽水🤗🤗 解喝一流

好耐冇食過韓式烤雞🍗今日去左呢間元祖過江龍炸雞專門店，記得當年佢地第一間分店開左尖沙咀,嗰時尖沙咀返工，成日放工去食。諗起都好懷念嗰段時光，今次去左旺角瓊華分店，下次要去返去尖沙咀尋找下回憶先☺️甜辣烤雞 ＋果味醬油蒜香烤雞今次揀左經典甜辣同果醬油蒜香味，兩款都係甜甜地，但係醬油蒜香會更加惹味🤤餐廳選用烤既方式，製作時間更長更費功夫，不過相對市面用炸嘅方式更健康👍咁就點食都唔怕啦😋玫瑰醬炒年糕呢個玫瑰醬甜甜辣辣，最岩我呢甜控✌️年糕幼身煙靱有咬勁，又夠彈牙，令人愈食愈起勁👍而且份量巨大碗，除咗年糕仲有魚羔同意份，幾個人share都夠食🤭雞蛋捲朋友點左呢個雞蛋卷，相對前面兩款惹味食物，相比起之下有少少失色🤣味道稍為清淡，可能我地調轉次序食或者更佳😁鯊魚之淚呢款飲品係餐廳招牌飲品，大大隻鯊魚擺設，相當吸睛又勁大杯😁可以揀酒精或者無酒精📍Goobne Chicken (瓊華中心) (旺角)旺角彌敦道628號瓊華中心15樓

​呢間係韓國烤雞好出名既店🇰🇷🍗韓式甜辣烤雞外皮好小小脆，味道唔會好辣，係甜辣，幾惹味，雞肉嫩滑，烤既外皮都好靚🤣🍯 蜜糖蒜香烤雞外皮酥脆，內部卻保持了多汁的口感，甜鹹適中，配埋蒜片一齊食係另一個層次。每件雞都好入味🍳韓式雞蛋卷賣相吸引，份量都好足，雞蛋包住青瓜、醃蘿蔔、午餐肉、芝士等配料 ，咬落口芝士爆醬。點埋三款醬汁，蕃茄醬千島醬芥末醬，更加好味！香桃洛神花茶（凍）飲落有清甜既桃味，唔色素，好解渴，岩晒配烤雞食。蜜糖西柚紅茶 （熱）朋友叫左杯熱飲，西柚富含維生素C，有助於增強免疫力，紅茶的香氣濃郁，與蜜糖甜甜地中和番西柚本身既苦澀味，呢個搭配意想不到夾。呢排做緊5折優惠呀😋

平時食韓國野成日都心思思想食炸雞，但係好多時都怕太肥膩而唔敢叫，但係去Goobne Chicken食就唔驚啦。餐廳主打非油炸烤雞，烤雞以7種香料醃製最少24小時後再烤，真係由年輕人到老人家都岩食呀♥︎ 蜜糖蒜香烤雞🐔香濃醬油味配蜜糖汁仲鋪咗啲蒜片片係面添，鹹鹹甜甜咁真係好好惹味，外皮邊烤至微脆保留返炸雞既口感之餘雞肉依然嫩滑且無油膩感♥︎ 韓式雞蛋卷🥚份量多，蛋卷口感超滑嫩，而且配左三款醬汁咁多，岩哂叫黎大家Share食♥︎ 地中海檸檬沙律🥗沙律有好多蝦、杏仁片、提子乾等，清爽又提神，檸檬的酸味完美平衡，夏天必備Drink: ♥︎ Shark Blood Rita🍹 Rita 可以無酒精，味道甜甜的製造可愛有趣，小朋友應該會中意♥︎ 濟州柑橘香茅茶 🍵味道酸甜清爽解渴，我個人口味比較鐘意