好旺角粥麵專家 (Closed)

今晚在旺角宵夜，挑選了馳名好旺角。點了其中一個主打，薑蔥撈麵。今次非常多蔥，十分好，加上D薑好香，油方面比上次少，今次色香味都適中👍🏼👍🏼 另外點了一個炸醬面，不過唔記得拍照，D炸醬如果熱D就更好

I am a tourist. I know we can't expect too much from the staff of a Cha Chan teng as many tend to be rude. I've been to HK many times and I've met many rude attitude staffs but this short haired loud mouthed staff at this shop really got to my nerves this time. She's very rude and raised her voice at me when I merely asked if I could add an egg to my porridge (at an additional cost). The porridge are overrated too. Nothing special about it. I will never step into this shop again as long as there

今晚我們去咗旺角花園街嘅「好旺角粥麵專家」食晚飯！我們叫咗鮮蝦雲吞麵嘅麵質極之煙韌彈牙，雲吞皮相當軟滑薄身，餡料嘅蝦肉好爽甜彈牙，豬肉嘅份量唔係好多，所以唔會好油膩！爽滑牛筋粗麵嘅牛筋燜得好腍好入味，質感非常煙韌軟滑，粗麵嘅麵質非常爽滑彈牙！爽口牛丸米粉嘅牛丸超爽口彈牙，牛肉味相當香濃！鮮豬潤鹹瘦肉粥同皮蛋魚腩粥嘅粥底煲得好香滑軟綿，豬潤好粉好爽口滑身同好大塊，魚腩嘅肉質超鮮甜嫩滑，而且好大件同厚身啖啖肉咁！所有材料都非常足料同份量十足，真係幾抵食！

我叫左及第粥食 以$40黎講佢嘅粥算少但係有好多料 起碼有8-9舊初初食覺得好黏 以為佢有打芡但係食到最尾佢唔係好黏 我覺得佢係真材實料整d料都好有鮮味 不過唔知點解d粥有層油可能係內臟個d油掛

應邀跟小慧到旺角 Neway 唱卡拉 ok，劈酒前梗係食少少野、打打底先上房啦，想自殺咩 ﹗點知係瓊華一路行都搵唔到麵檔，行行下差不多到好景商場，見到好旺角只有食客三四個，仲大把位唔洗等，即刻坐低啦 ﹗依間好旺角咁新既？裝修乾淨又美觀，仲係電腦打單添喎，跟旺角中心對面間好旺角店完全唔同。雲吞麵走蔥，細細碗雲吞麵都要 $27 蚊，都幾貴喎 ﹗仲要係兒童迷你版囉。淨係見到鹼水麵，雲吞收埋晒係底，撈出黎見下人先。熱辣辣又香噴噴，湯底都幾滿意，夠濃郁帶甜，不過幼麵略有少少鹼水味囉，幸好都好爽口彈牙。雲吞普普通通地合格，有肉有蝦又無過咸，無咩特別，食完唔會記得。

今晚心情不太好，而且又不是太肚餓，和太太只打算吃麵作晚餐。鮮蝦雲吞麵（$33）～ 餛飩的餡料以肥、瘦豬肉、鮮蝦仁，加入大地魚碎調味混成。傳統的餛飩麵做法是先把餛飩放在開水中灼熟，放到碗中；然後把麵放到開水中煮數十秒，放進冷水中「過冷河」，再放到雲吞之上；最後加入熱湯，放上少許切短的韭黃或蔥段，所以正宗港式雲吞麵，雲吞會放底。新鮮材料，加上師父手藝，怎有不出色的可能。（這是因應影相才把雲吞放面）鳳城水餃麵（$33）～ 皮薄餡靚，鮮豬肉餡加入鮮蝦，爽口木耳絲、筍絲。白灼芥蘭（18）～ 新鮮爽脆，食過不停。白灼薑蒽魚皮（$32）～ 大火灼魚皮後即撈起上碟，撒上葱絲及薑絲便成，看似簡單，但師父控制火候及時間才是精髓，鯇魚皮爽滑可口，人間美食。食完美食，心情也開始𨍭好。

喺旺角食到既嘅粥麵店數都係驚多過喜不過好旺角，絕對係信心保證鮮蝦雲吞麵，雲吞在下麵在上，一睇就知出自有料師父之手! 麵條爽彈冇鹼水味仲要唔係味精湯，用韮葟湯代替，飲埋都唔會渴後面果碗係生滾鯪魚球粥，啲鯪魚球粒粒肥大，仲有少許陳皮香味，綿綿粥底夠哂火候，10分

噚日經過旺角“好旺角”，見到佢地D粥品唔错，所有就入去試下。睇下Menu,見到價錢都唔平，成四十幾蚊碗，心稔食碟飯都唔使啦！入到去就即管試下，我叫左碗好旺角招牌粥，有豬肚，幾爽，好大舊;鲩魚有好多骨，有D腥;豬潤則幾粉;最正就係D粥底好綿，咁貴都有其道理，所以下次會再去幫襯

炸醬牛腩撈麵(碗) $42佢有粗麵揀既，我問個伙記佢話幼好食啲，結果。。。真係好好食，啲汁好夠味，啲牛腩都淡淡肉既。不過我勸大家如果肚餓就叫一碟啦，因為佢一碗真係好細碗👉👈，雖然佢加埋個湯送比你但都係唔會夠飽同埋啲牛腩都少😯😯同有一樣唔滿意就係明明好多位都要你搭枱😯

鳳城水餃麵 $33水餃有3舊，都算足料，麵又單牙，不過份量唔多，食完唔夠飽。另外d調味唔太得，個醋唔夠味，我落左半支唔好意思再落，但碗麵一d都唔紅!另外辣油得個辣字，一d都唔香

認真麻麻地餛飩麵 d餛飩好似雪藏蝦，餛飩皮唔薄。有少少實，d麵質還可以但係無香味，d湯淡，無咩味。淨水餃，湯都係淡 (好似無咩大地魚). d水餃皮唔薄and唔滑，d 陷扁鹹，d 筍有 d老。湯淡水餃鹹 有 d失望。

唸住第一時間要食返碗靚粥, 幾夜都要買外賣返去食, 買咗豬潤粥 & 蘿蔔糕.....唔知係咪外賣o既關係, 當我一食落口...有d 失望..雖然粥o既甜味仍然存在, 但豬潤明顯過熟了 , 而蘿蔔糕又少咗蘿蔔絲, 整体感覺好似粉多於蘿蔔..雖一最好係..蘿蔔糕一d都唔油..否則真係唔想食埋佢...下次要再去堂食一次, 睇下係咪因為外賣關係令出名o既豬潤變樣...

上星期去完信和買唱片後, 突然想去好旺角食粥, 就去了花園街店食小小野.來到這裡, 不論撈麵或是粥, 我都好鍾意食, 真的好難選擇.由於前一排食了太多炸嘢, 所以想食粥清下腸胃.我點了蠔豉肉丸粥.這裡的粥底和平日的粥店有所不同, 粥是煲到好棉, 完全不是水稀稀, 仲帶點米香味.加上粥混入了蠔豉粒, 所以多一份蠔豉香味.蠔豉軟硬度適中, 入口甘香.而這裡的肉丸是自家制, 較真材實料, 幾有口感. 好旺角已開業多年, 我食嘢期闁, 見到不少遊客幫襯.

香港賣廣東式炸醬麵的地方不多，而做得炸醬好味的更少，個人認為配撈粗麵效果更佳，暫時食過最好的炸醬撈粗麵是陸羽及好旺角，廣東式的炸醬顏色比較深至棗紅，味道微辣，也較濃較甜但又不腻，加上幼豬肉絲，再配上粗麵一起食是絶配，雖然麵身有些少鹼水味，幸好濃味炸醬汁後蓋過了鹼水，而且麵身也夠爽，所以是我常到訪店其中之一。

行過見到係老店，話晒1971開，心諗應該幾好食，唔會差晚市入去，冇套餐所以要逐樣叫我叫左個牛腩麵，女友人叫左細炸醬麵，淨雲吞，夏枯草（健康工房）待應黎緊時已心諗唔對路，因為碗牛腩麵好細呢個size正常男士食兩啖就冇碗牛腩麵中規中距，牛腩切粒，雖然入味，但肉質偏乾同老麵質幾好，個湯中規中距女友人個細炸醬麵真係好細細到正常女士食兩啖就冇炸醬口味獨特但太重甜醬，個人唔係太鍾意，因唔香唔惹味雲吞黎到有八粒，蝦肉唔爽口，麻麻地總括黎講因老店關係未食前好有期望，但食後有d失望，而且份量真係太少。