御前上茶 (Closed)

朋友帶埋bb出去商場食飯，Yoho mall好多餐廳選擇，不過星期日道道都好多人，又或者坐得好迫，行過見到呢間比較鬆動啲，價錢又合宜啲，就入左去坐了。見到餐牌都係一般日台式主食，不算正宗，所以揀左比較特別嘅茶漬飯同大阪台屋炒麵。因朋友唔食魚生，茶漬飯揀左蟹肉蟹膏$68，第一次試茶漬飯，還以為喺用茶送飯，原來是用茶造成嘅湯再撈飯，味道幾香，咸咸地，不過茶味唔算濃，似湯飯。茶湯喺分開上，可以根據自己鍾意嘅份量加落去，又唔怕浸林晒啲飯。而大阪台屋炒麵$68就一般味道，無乜特別，同埋無乜餸，對比起茶漬飯好味啲。整體是不過不失嘅一餐，無特別驚喜，但喺yoho mall黎講都算平同經濟，又坐得舒服，還可以吧！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨ 

已經來過幾次，想試下食其他野。今日揀了個章魚燒屋台炒麵和熱柚子抹茶，點菜時店員説今日炒麵要等20-25分鐘，不過我還是點了，事關今日唔趕時間。抹茶好快就上了，之前已飲過一次，幾好飲所以再叫。可能因為我今次無叫少甜所以飲了半杯之後就覺很好甜，如果可以添熱茶就好了。炒麵等左一陣終於都黎喇。哇！好大碟！有三粒半球體的小丸子和一大碟麵。麵上有好多醬和木魚絲，真係好好味！我原本覺得食晒佢會好飽又好邪悪，但實在不捨得，最後食晒！說實的，其實有點重口味，間中一次都可以接受的。

本來對綠茶唔係有太大興趣，入去食呢間亦都唔係被綠茶吸引，但最後竟然係被佢既綠茶窩夫俘虜左！好好食，夠脆，雪糕亦有濃濃既綠茶味，唔係味精色素溝出黎個隻味。之後再番去食，己經暫停做窩夫呢個ｐｒｏｄｕｃｔ。重點係因為yoho可以比狗狗入,我可以望住我隻傻狗食野

一直都以為御前上茶只係買綠茶嘅甜品，估唔到原來都有賣唔同嘅set lunch，於是就決定試一試啦。估唔到餐廳嘅set lunch令我有驚喜，Set lunch首先可以揀一款頭盤，其後選擇主菜，隨餐免費附送一杯綠茶，而綠茶可選凍/熱綠茶嘅味道都幾濃郁都幾好飲㗎而頭盤當時就選擇咗日式炸餃子啦，冇乜特別就唔多講啦。令我有驚喜嘅係，主菜明太子意粉，啲意粉索晒意粉汁嘅味，再加埋明太子真係幾好味，而且份量又大碟，性價比都幾高而我朋友就食咗和風牛肉飯，評語就話一般啦😂😂

趁住超級颱風 「 山竹 」並未吹到香港，專登同老公入元朗行街睇戲。正值 weekend lunch hour， 好多餐廳都要等好耐位，相對地呢間比較少d人，大概等了10 mins。座位有些狹窄，坐得不太舒適，不過食物味道尚可。「 和風咖哩忌廉蟹肉薯餅飯 」$68，份量很足，咖哩甘香，薯餅熱辣辣，很香脆，但略嫌蟹肉不足，不過整體也算不錯，可以一試。「 玉子和風牛肉稻庭烏冬 」$58，比較遜色，湯底過於清淡，烏冬也未算爽口彈牙。

去開yoho行 要搵平靚正既野食都難 一般性價比都唔高 不過 今次竟然行行下又搵倒好野食 仲要幾抵下下午茶時間 食個豬軟骨飯 配埋餐茶 （綠茶） 以tea time黎講 呢碗都幾大碗 似足lunch time既份量 岩晒今日未食晏既我 豬軟骨好入味好腍 個碗細細但份量超多 加埋蔥花 好正 仲要杯茶好大杯好濃甘甘地綠茶味呢個意粉就一般般 芝士味唔多 火腿少 有香草配埋芝士做topping 撈埋黎食 都ok gei 唔係好outstanding

有睇開我食評嘅，應該會留意到我其實成係係yoho mall 消費，一來近，二來都叫多選擇，今次就同豬隊友媽媽去食左個抹茶lunch。其實算係幾抵ga,星期一至五佢有唔同選擇嘅set lunch,一律都係$56我月auntie 分別都係叫左和風牛肉，一個食飯，一個食烏冬，不過唔知係咪都多人食，叫左餐都要等下先上菜。個和風牛肉味道係ok ge,牛肉都入味同都唔「鞋」口，但個玉子....睇相就知唔合格啦，日本玉子點會整到甘ga!前菜可以揀餃子🥟或者沙律🥗，要香口有香口，要清新有清新，餃子似岩岩炸起，仲熱同脆最後飲返杯抹茶🍵，解膩

今日睇完戲個肚打晒鼓，於是去咗附近搵嘢食醫肚。下晝5:00到完全唔使等位，我哋坐低叫咗一個大阪燒同一個鐵板抹茶雪糕窩夫。大阪燒主要係椰菜同粉漿，味道同章魚燒一樣，可惜餸料比較單一，但勝在夠熱同脆。另外果道鐵板抹茶雪糕窩夫最特別之處就係會上菜之後喺你面前為呢一味菜淋上抹茶，但我覺得淋上抺茶後個窩夫變得腍滋滋，反而冇咁好食。但係上面個雪糕就好味。

今日特意黎到‘御前上茶’食午餐可惜 鰻魚飯係叫比我仔仔食架，但係竟然超多骨😡😡😡😡差d哽魚骨😡😡😡😡😡😡😡鰻魚唔係應該無骨架咩？？重要，服務超差！！！熱咖啡洗iphone X👹👹👹👹👹清水洗手袋同褲🤢🤢🤢🤢🤢🤢4人進餐問攞水 只有3杯 （原因杯唔夠😡）咖啡唔夠奶問再攞 竟然回覆又係唔夠杯。。。暈。。。

跟很久沒見的朋友tea，選了這間食肆。雖然知道星期六沒有下午茶餐牌，但都想試試其他食物。選這間的其中一個原因是這間沒有限時個半小時，可以和朋友坐耐些。我一早知道要等位，所以預早十五分鐘到，點知這天非常多人，足足等了半小才有位。我因為未食午餐，所以叫了個蟹肉親子丼茶漬飯，朋友吃了午餐，只叫了一杯抹茶霜淇淋桃飲品。我的親子丼茶漬飯很快上，但又不是太多蟹子，反而很大碗飯。有一壺茶讓我倒在飯裏一起吃。飯的味道都幾好，而且茶又熱，食落好舒服😌。雖然不是太多蟹肉，而食到一半才發現有一點點的蟹膏，但總算好食。之後我叫了杯柚子抹茶，其實係柚子蜜加抹茶罷了。味道甜甜的幾好味，最後埋單才知原來加12元就有這杯抹茶了。下次我會再試其他食物的。

食飯ok找數就麻煩囉，攞張EPS俾個職員居然叫我簽名，原來個職員當張EPS係銀聯卡咁碌，我真係孤陋寡聞囉第一次見到有人咁搞法，你地冇EPS早D嚮丫嘛又唔出聲，碌完先同我講冇EPS, 要wave又話唔得。好在佢話銀聯冇另加手續費咋如果唔係，都唔知點算好

晚餐，點了碗照燒雞扒飯，中伏。雞扒飯黎到時我呆左，因為得兩件超級迷你既雞扒，同細細碗既飯，成碗似好細份既下午茶餐多d，但收晚飯正價$68喎! 雞扒飯黎講，我從來未食過咁少咁細既雞扒架！完全無其他配菜，賣相好寒酸，一個普通女仔食都嫌唔夠飽！老公點既牛肉烏冬，好似約$62，份量同味道都算正常，黎呢間千萬唔好點雞扒飯或雞扒烏冬呀！因為個飯份量太少既關係，唯有點多個綠茶雪糕銅鑼燒，$80幾蚊，中規中矩，可食可唔食。

位於元朗形點二樓御前上茶，在餐牌上點了三份主餐，分別是蟹膏蟹肉親子茶漬飯，玉子和風牛肉烏冬，蒲燒鰻魚炒飯，可以加飮品並轉為套餐。茶漬飯味道尚可，但可惜的是湯不夠熱。牛肉稻庭烏冬味道一般，牛肉的質素也是一般。鰻魚炒飯較為油膩了一點，炒飯𥚃面的蛋比較乾身一點，味道可以算是不過不失。另外，餐廳的佈置很簡單，位置坐落於商場的中間，設計為開放式，枱及座位的設計略為普通，舒適度亦只是普通。餐牌上的甜品選擇亦很多，但由於主菜的味道普通，所以沒有再試了。

以前想食焙茶雪糕，第一時間都係諗起御前上茶，比較方便既得旺角個間，依家元朗yoho都開左，真係一件開心事。同母后大人去tea一tea，所以都係輕食。佢雪糕同旺角個間一樣，都係無得焙茶mix豆腐味，唯有叫抹茶mix豆腐。白玉團子都保持返佢一向既水準，有黃豆粉同綠茶醬配住食，我幾時都咁中意～因爲平時都係宵夜糖水時間先去食，今次tea time終於可以同媽媽試下佢地既茶漬飯，係好食，但湯就略微嫌咸左少少。

放假最hea的節目莫過於下午茶時間去tea一tea，昨天下午正正沒有野做，所以便約了朋友到這間店下午茶了。之前好多次想去，不過我一直以為這店只售凍飲，所以便沒有去。不過，今日看過餐牌，原來有其他野食的，只不過今日是公衆假期，所以沒有下午茶罷了。我和朋友今日來Tea，想吃甜品啊！抹茶雪糕不可少，仲要食窩夫添。實在太幸福了。。。點了餐不久，我的雪糕窩夫就到了。侍應幫忙將抹茶拿鐵倒在鐵板上，哇！拿鐵即時滾起來，有差不多半分鐘之久，成枱都被弄髒了，噴到周圍都係。都唔明點解個侍應唔叫我地用紙巾擋一擋，好彩沒有弄髒衣服。雪糕好快就溶了，所以我吃得好快。味道不太甜，有抹茶味，好吃。下面的窩夫吸了拿鐵所以淋淋地，有些甜，但係抹茶甜窩夫，幾好味。之後我再叫了芝士肉醬薯條，兩人吃都夠了。薯條很脆，但肉醬有些鹹，芝士粉不夠多。另外，如果每人有隻小碟子食就好喇，因為有醬汁，我地食到周圍都係。But anyway ，下次我會試甜品以外的食物的。