御前上茶 (Closed)

聽聞yoho mall開左好多新既食肆就同朋友去試下平時都好喜歡茶味產品所以見到呢間就試下啦我地叫左個菜漬飯估唔到有驚喜wor好香既茶味配搭啲飯同佢啲配料係好食既而且仲ok多我地仲叫左個意粉我覺得就一般普通pasta 咁啦

星期五晚放工當然係想食得好d加個甜品嘆下，唔算係咩特別要求，而綠茶甜品又一向是本人所喜愛，於是我倆看到這間又有甜品又有正餐的餐廳便決定一試。我們分別點了: 唐揚炸雞屋台炒麵和香辣蜆肉意粉。唐揚炸雞屋台炒麵一般，賣相不太好。就是炒拉麵上面加煎蛋和炸雞球，煎蛋求其，不合適作為餐廳的煎蛋，炸雞球無乜味，不合適作為餐廳的炸雞。一個字，十分十分HEA.更過份的一碟叫香辣蜆肉意粉，食物賣相係零分，味道係負分！香辣蜆肉又唔香又唔辣又極細粒，完全顛覆你對晚餐，對意粉的認識！我倆食得晒完全唔係因為好食，而係我倆都覺得不能浪費食物罷了。店員服務態度低下，明明角落頭有2人位，講大話話無位。得閒就企埋一齊喺度吹水。明明舖頭名叫御前上茶，但一杯茶都無。食到咁真係完全無信心再去叫個甜品來折騰自己一番。不信的話可以自己一試，但還是先奉勸一句: 人生有限，晚餐每日得一餐，無謂浪費你的消化系統在此等質素餐廳上。價錢跟食物質素不成比例！

今日入左元朗同男朋友行下，夜晚食完飯之後想食甜品又諗唔到去邊，我地就係形點行下突然經過呢間御前上茶好吸引咁🤤我地點左個霜淇淋鐵板抹茶鬆餅，身為抹茶控既我地，完全停唔到口，抹茶味夠濃，雪糕又滑，鐵板鬆餅又好有創意，賞心悅目😍

今日係襯早左少少番到元朗，又去左商場覓食。未到6 點半去到商場果然係想食咩都唔洗排隊，於是又打算試新野喇！今次行到新一期商場嘅最入面，有一間御前上茶，之前經過門口以為只係有甜品食，原來仲有飯麵類嘅食物，所以決定今晚晚飯試下呢間先。鋪頭唔算好大，好典型似商場擺喺走廊嘅鋪頭，好彩佢D 位都唔算係好迫。原來佢都有好多野食，加埋甜品就更加多。最後叫左兩個飯：蟹羔蟹肉親子茶漬飯、香蔥玉子卷牛肉飯另加霜淇淋鐵板抺茶鬆餅。落完單之後等左大約20 分鐘左右仲未有一份食物上枱，眼見遲過我地落單嘅人都開始有食物上枱，追問之下佢先印張單放喺我枱面，而佢嘅落單時間係2分鐘前 =.= 可能真係人手唔夠，眼見樓面只係得兩個人，心裡面雖然不滿不過都忍一忍啦。經過呢次堅落單之後，等左一陣終於有野食喇。先上嘅係蟹羔蟹肉親子茶漬飯。賣相同佢嘅相差唔多，我一向都好少食茶漬飯，佢嘅茶同飯係分開上，所以鍾意幾多就加幾多，未加湯之前個飯都幾靚仔，加左之後就有D 似泡飯。由於佢個湯好和式，加上珍珠米味道真係唔錯。至於後上嘅香蔥玉子卷牛肉飯感覺上被蟹羔蟹肉親子茶漬飯比下去。香蔥玉子卷牛肉飯嘅汁比較少，感覺上好乾身，雖然佢嘅香蔥玉子卷

食飽見到有雪糕又想食，有好多平時無食過嘅味揀，試左味先買，試試下突然湧出班熟齡女子爭住試，試左幾款之後決定食泰式奶茶味同豆腐味，店員好辛苦先潷到啲雪糕出黎，佢整完都成頭汗，雖然整得唔靚，但好在兩個味都好味，泰式奶茶同飲嘅味一樣，豆腐食落就好清，只係太貴啫。

夜晚同朋友喺YOHO MALL揾甜品食，經商場管理員介紹下黎到呢間御前上茶。最初打算叫霜淇淋抹茶鬆餅，點之可能太夜黎，Waiter話已經無哂茶鬆餅之後就決定叫左個御前綜合聖代。舖頭環境唔錯，雖然舖位唔算大，但又唔會覺得啲位好迫，另外衛生方面良好落單後同朋友吹水，吹吹下發現時間過得好快，但係野食仲未黎，好在Waiter主動埋黎跟下單，如果唔係有排都未有得食講返野食，聖代由長杯裝著，由底部起依次裝著抹茶凍、紅豆、豆腐、甜脆麥以及頂層既抹茶雪糕同兩粒白玉。雪糕同茶凍好重抹茶味，有點苦澀，兩者之間既甜脆麥和紅豆就十分香甜。苦同甜既強烈對比令到佢變成聖代佳品食完埋單，我同朋友都好大頭蝦，無拎到埋位時擺低左喺地下既紙袋⋯⋯有位Waiter小姐發現其中一袋，拎起後即刻上前雙手遞袋野俾我地！雖然好少事，但係見到呢個情境，feel 到佢既真誠同禮貌，令我感到有啲感動總括黎講，呢間御前上茶無論喺聖代環境同服務方面都十分唔錯價錢上，喺呢間商場黎講，已算抵食。有機會一定再黎！

元朗大型商場形點一期正式開幕了！這裏進駐了大大小小的食肆餐館及商舖，元朗人又多一個閒逛食飯的好選擇～～晚飯過後，打算來這裏行行走走順便欣賞一下這個美麗的新商場！見到御前上茶在櫃前放著自家製雪糕可以供外食，馬上拉著男友嚷著要食飯後甜點～～作為抹茶控怎可以錯過抹茶軟雪糕呢？我地叫了大抹茶（$30 ）一入口抹茶味十分濃郁，甜度剛好，不會太甜太水，抹茶雪糕食落有質感，入口順滑，食完口腔仍留著一股抹茶香氣！雪糕威化筒夠爽脆，吃得十分滿足！今次雖然沒有堂食，但見到餐牌各款日式料理及抹茶甜點，十分吸引！已經諗定下次黎試試！

要講番上次食御前上茶已經系N年前既事，戈陣系食cwb戈間，不過戈陣仲未有openrice ac所以就未寫食評，聽講近排形點多左好多食店，中意食野既我當然有興趣去望一望，由於其他食店啲野太貴，但又肚餓，食番御前上茶都系吾錯既選擇。之前系cwb戈間食既系芭菲，味道吾錯，今次見到都幾多人排隊所以決定買個雪糕拎走就算了，除左抹茶味，仲有其餘既傳統雪糕口味，當然我都系決定揀番招牌既抹茶味。雪糕好幼滑，如果講抹茶味同甜味既比例應該系7 : 3，但抹茶味本身亦吾苦澀，所以即使比例吾系一半一半都好食，有香濃既抹茶味之餘亦不失甜味。男朋友則叫左個豆腐雪糕，好搞笑，真系好似食緊豆腐咁😂豆腐味同樣系好濃，甜度同抹茶雪糕差吾多。

出外旅遊渡假是人生樂事，但人總要面對現實，當返回城市煩囂嘅生活，便要找找節目美食平衡一下，趁著假期尾聲…閒日仍未開工，跟另一半走到形點找吃… 怎了剛巧碰上形點一期首日開幕，電影院原來都是首日開幕， 戲票也比外面平宜，不用多說即看四點場… 兩個半鐘很快便過去，當然已到晚餐時段找吃，欣賞這個大型商場開幕…有很多間食肆店舖已同日開張以後元朗區找吃又多很多選擇👏話雖說多選擇，但今天開幕也不少人到訪，選上的那家餐廳需要取票輪候，過了十五分鐘也沒多轉動，都明白到首日開張通常都會有點混亂… 倒不如試試其他，結果便遇上“御前上茶 " 二人即時有枱之前從未吃過此家食店開張當日樓面比較簡陋，好似未正式營業，但見已有食客在進食中，看看餐牌似乎都幾吸引… 雖然有些菜式貼上“coming soon"研究一番後終於有定案先叫主食+飲品落單後10分鐘便送上蟹肉稻庭烏冬，比想像中快而且勁多蟹肉烏冬質感煙韌有口嚼感也有蟹肉鮮味跟住送上兩杯飲品主食加$20可叫拿鐵，茶類飲品 選了拿鐵豆腐飲豆腐飲幾特別不會太甜另一款主食就較為需時才送上玉子和風牛肉稻庭烏冬，餸料都算多，烏冬份量適中，相對牛肉較為普通但都不過不失！始終都要加