君頤上海小廚

Open Now

Now Closed

今日一行7人同妹妹預祝生日, 爸爸媽媽唔太喜歡日本菜同西餐, 所以選咗食上海野。先黎醉雞, 肉質嫩滑, 酒味夠香蘿蔔絲酥餅, 酥皮好鬆化, 如果蘿蔔絲再多D會更好紅油抄手, 推介之一, 紅油辣得剛剛好, 雲吞皮夠薄, 食完好開胃小籠包, 另一推介, 皮薄, 湯汁清甜, 好味雲吞雞 (6人份量), 比想像中大鍋, 金華火腿令到個湯過咸炒麵同炒飯都做得唔錯, 食到底都唔會油最後食埋甜品, 豆沙鍋餅好好食, 豆沙餡好多, 皮亦炸得好脆

每次Weekend 經過都排晒長龍，難得今日星期一得閒經過又冇人排隊，就試試佢啦。我地兩個人叫咗小籠包、生煎包、上海粗炒，好好味。小籠包、生煎包皮薄餡靚，粗炒夠晒獲氣。整體食物都唔錯。另外值得一提的是，除了我們之外還有BB車，個經理好細心咁主動幫我們轉了張近窗邊的四人枱，避免把BB車係路口位發生危險，我覺得他好好，因為外面好多食店都唔會理呢D嘢，只會比張細枱我地，阻住佢嘅時候只會叫你把車收起or放埋一二邊，完全唔覺得BB都係人，都應該有個位嘅！呢個經理真係好好，除咗安排咗個正位俾我地之外，仲好有禮貌，不斷take care 我地嘅需要，呢D service 係酒店都未必搵到！下次一定會再嚟！！！

今日去食呢間野, 叫左碗雲吞拉面食, 點知食食下發現碗湯面入面有隻己沉死左既類似小蒼蠅物體, 用湯匙撈起隻野后放在碟上, 叫服務員來講左聲請你地要注要一下食品衞生, 估唔到服務員睇完之後一聲不响就走開了~~~食品味道一般, 湯不算咸, 另外炸銀絲卷並不提供煉奶, 較莫明奇妙, 這篇文章不單是食評, 還是衞生和工作人員態度等如實反映, 我己修改這次的食評, 希望能給大家作參考, 主要是希望他們可以改善員工的態度和衞生環境~

坐在超强冷氣風口位，連餐纸都吹郁，怕小朋友吹病。問經理可否調細啲風，經理立即話冇得調，再問可否換旁邊張枱，更換來一句出去再等過！語氣極冇禮貌。好彩有員工幫手換枱，在等轉枱時，經理再補多句，唔好阻住！態度極度惡劣。老婆想快啲落單，但可能員工見經理咁，個個都話唔得閒！未試過咁差嘅服務態度。

因為Suede而認識的朋友4月初離開公司，本來打算到較遠的一家食店吃farewell lunch，但是日天氣極差，雨下得特別大，故最後唯有到公司樓下的君頤吃上海菜。朋友一坐下就說要吃小籠包，心想：識食！因為於我而言，小籠包是這裡的最好吃的啊！皮算薄，內裡湯汁夠，豬肉沒有脢味，加少少醋味道更佳。現在即使打食評也在回味呢！由於朋友胃口一般，故讓我拿主意點其他吃的，除了小籠包，每次吃上海菜我都想吃兩樣食物，其中一樣是蒜泥白肉的東東，看到這裡也有一個名叫白肉粉皮，對了，即點。另一樣就是烤雙方，這個除了不是處處有，即使有也可能要預訂，而在君頤竟然可以現點現做，那豈有不點之理？以朋友今日的狀態，不能點太多，故我們多點一客豆沙鍋餅作結好了！由於這裡的小籠包是必點類，想必師傅為應付每枱都點的情況，故不停即蒸這個，第一道上桌的食物就是小籠包呢！味道是一如以往的好，開首已提過有多好了！接著來的是白肉粉皮，這個份量可真不少，有十數片肉，每片肉均好瘦，沒有半點肥肉(不過我個人較喜歡肥瘦相間的腩片，爽中帶滑，跟辣汁同吃超讚！)，下面墊有大量粉皮，辣汁另上，要自行拌勻。正如剛才所言，肉有點過瘦，故嚡口跟爽滑粉皮沒

是日因有要事要去太古城一趟，由於因為突然上海野癮起，於是經過門口諗都冇諗就入左去。老實講，喺得太古城住宅區而非商場裏面開餐廳，已經知道應該係做街坊生意為主，所以對服務質素都冇乜抱太大期望，只要唔太難食就OK喇！不過，整體服務同一般「街坊茶記」既水平重有一段距離…酸辣湯︰算係比較中規中距，冇乜特別可言。料都算落得幾足，只可惜既係味道偏酸，唔係好夠辣味，睇黎落醋既比例重手左少少，令到整體口感相對較差。擔擔麵︰Again，好一般，比average重要差。成碗麵雖然好似肉碎果D料唔算太多，但都勉強可以接受。反而麵質方面十分失望，一食就食得出係用機一早整好，口感極差，一咬即刻散開一舊。而麵料重要唔係用生麵添，食過咁多次上海野都係第一次有咁既安排！雞火炒飯︰顧名思異，即係雞肉+火腿炒飯。配料少得可憐，不過亦都要讚吓廚師既刀功，可以將雞同埋火腿「粒」切到重細過粒米既size，成碟飯既肉加埋我諗一隻手指公既size都冇！而飯方面亦都因為炒得over左少少的緣故，令到飯身因為過多水份流失而相對乾身同硬左少少。小籠包︰個包皮夠晒薄，算係成餐飯唯一既highlight。只可惜係肉既質素真係好一般，一口咬落去

朋友話有間好正嘅上海嘢叫我試，今日機緣巧合下佢就約咗我下食番餐。唔行都唔知原來太古城mall出面有咁多餐廳。 我地係第一枱客，差唔多食完先來咗幾枱，可能因為咁，d員工都懶洋洋咁。總共有成五個人serve過我地，雖然態度普通，但d服務無其他食家講咁差。環境都唔差，似乎幾乾淨咁，我地坐嘅卡位好闊，所以坐得都幾舒適。坐坐下望到牆上面掛咗清明上河圖，哈 Classic ~ 不過唔知點解一聽到或見到呢幅圖會聯想起北京而唔係上海。  Menu選擇多又多圖睇，有相睇好好多。先到嘅係招牌擔擔麵（$42）。湯底又濃又辣，好開胃，d麵都做得好，夠彈牙。 跟住上嘅係小籠包（$30），又係好食之選。皮薄多汁，一個字-正！ 我同朋友個上唇係食完麵之後都紅哂又痛，唯有叫員工拎d冰水冷卻下,哈哈。舒服完紅油抄手（$38）就到咗，又辣過，哈....味道ok，未到超好食嘅級數，下次唔會叫。最後上嘅係生煎包（$30），叫個陣話會耐d，要三四個字，但最後等咗半個鐘有多。不過係值得嘅！雖然個包超油，但煎得好靚，個底脆到好似餅咁，入面d餡又juicy,唔會乾爭爭，總之好好食啦！推介～Final Verdict:$80

食過咁多間上海嘢~ 呢間係最好食。小龍包係我食過的最好, 皮薄，肉鮮，多汁。麵係即拉，很彈牙。高力豆沙一般。炒飯炒得好靚！好亁身。食物係幾好食，但經理服務態度惡劣。我們剛坐下，覺得位置好凍，想轉位，佢話唔得，坐底左唔比轉。說時態度極差，好似我地求佢咁，佢refuse 時＂對唔住＂都冇聲。我地有2個老人家，佢完全冇人情味。明明有吉位，佢話reserve 有人等，完全冇考慮過2個老人家會因此而凍病。轉個位真係咁難咩？我地只係剛坐下，咩都冇叫！完全唔照顧客人感受及需要。如果大家下次去，一定要喺accept table之前諗清楚，留意清楚個位啱唔啱。因為一坐下，無論點都唔改得第張枱。凍病左，尤其凍病小朋友同老人家就唔好啦。

For many years there have been long lines outside this restaurants with people just waiting to get a table..I've never really understood why..probably because there's not much other decent choice in the area. Since the Vietnamese restaurant opened next door earlier in the year, the lines have disappeared. So now on to the food, and why I've never understood the long lines:shanghai dumpling: these are way too big to put in your mouth in 1 go, and the dumpling basically tears apart when you try

聽名嘴介紹去試，侍應態度不知所謂，那對皮鞋像拖鞋，在旁撻來撻去，忍無可忍跟經理抗議才靜一奌； 擔擔麵一堆水，用機製麵還是碎的！賣麵夠膽不用生麵，真另類了！ 那杯茶餐廳的茶要收四元。 以後不會來了。

路過君頤突然勁大雨, 倒水咁, 有2把遮都攪唔掂... 原定計劃要取消, 轉移去最近而又唔使淋雨嘅餐廳...今日時間尚早, 所以仲有卡位, 原先被安排坐果D迫過快餐店嘅枱, 係我堅持要坐卡位嘅情況下, 竟然真係比我成功咗... Yeah!!!二人餐, 有頭盆(6選1), 有靚湯(2選1), 有點心(6選1), 有小菜(16選1)...雞絲粉皮--味道OK!!!雲吞雞湯--雲吞好大粒喎, 雞脾肉不至太韌, 湯底清清的, 味道OK!!!鮮肉鍋貼--有2粒, 煎得唔錯, 唔太油, 味道都OK...糖醋雞球--甜甜酸酸好開胃, 炸粉都頗厚, 如果炸粉薄d就好喇...另加擔擔麵--又話小辣, 我覺得好辣囉, 同埋點解酸酸地嘅? 冇咩花生味... 麵質都OK結實, 可惜湯多麵少...今日可能太大雨, 客人唔多, 經理的服務相當好, 走果時仲叫我地以後記得多D再o黎幫襯...食完呢餐, 令我改觀, 價錢&坐位&味道都好轉咗... 可以再吃!!!

呢日晨咁早就過左黎太古, 事關要去打氣!!!打完氣都已經晏晝, 肚仔餓餓, 無謂再周圍搵野食啦~所以就唯有望下附近有 D 咩可以入口..........左行行, 右行行, 然後行到呢間上海野食既店前面~因為大家都已經又攰又肚餓, 所以無再考慮就沖左入去!!!望下鐘, 啱啱好係 lunch time, 不過店入面唔算多人, 大約 8 成左右~所以唔使等位就有得坐低.........急不及待先刨晒個 menu, 然後咋咋淋落單!!!!!我地 3 條友 order 左:- 擔擔面- 上海炒年糕- 千層肉等左大約 10 分鐘, 首先上枱既係擔擔麵...望落貌似幾好味, 哈哈, 湯底味道唔錯, 麵條軟硬都適中, 可惜芝麻醬 / 花生醬唔夠香唔夠濃, 有 D 失色!!跟住上枱既係上海炒年糕...賣相一般啦, 無咩吸引, 食落味道亦唔濃烈, 不過年糕唔太硬又唔過軟, 有咬口, 都算唔錯啦!!最後上枱既就係千層肉...一上枱, 3 條友同一個反應 "哇~", 因為真係好靚, 師傅刀功一流, 腩肉切得薄薄的, 下面配上一堆梅菜~略嫌梅菜有 D 過咸, 但係腩肉肉質入口即溶又完全唔覺油膩, 正呀!!!!食

這晚到太古坊工作, 在太古坊行過去呢間餐廳10分鐘都唔洗.....呢晚叫咗4樣野食1. 小籠包: 真係好好好好食, 有湯汁, 皮簿, 豬肉不太肥也不漏2. 韭菜蒸餃: ok la3. 雪菜咸肉炒年糕: 分量好少, 但都好味4. 糖醋排骨: 好好味

終於等到放假有時間補寫食評!!!話說同女朋友買左份「呀蘇推介為食卡」，一於跟住指示去到太古城食小籠包地點唔算太難香，只是由商場行過去兩三分鐘路程晚飯時間8點30左右 食客已經開始散去唔想排隊的話，不妨830之後過來碰碰運氣! 排骨拉麵水準大路，可以不談小籠包- 重點推介正如其他網友的推介一樣名不虛傳!既有份量，皮薄餡料亦都係鮮味! 火喉恰到好處! 極力推介!! 鍋貼 - 重點推介煎得好香! 難得皮脆肉汁依然豐富 高力豆沙水準亦不俗，只是略為淡口絕對可以ENCORE 完再CORE (假如水準KEEP 到的話)

中午時份都企滿左好多人,當有位入去坐時發現有位神經質而暴躁既經理, 但不是鬧客人, 而是話佢地既伙計, 仲要大大聲話, 真是嚇親人喇...野食真係一般,但最離譜係叫左炒年糕,碟年糕係極少,仲要係$60-70,都真係好唔抵食,不過我地諗住算數下次唔再黎,所以都無要求換... 後來聽見其中一檯客投訴碟年糕太少, 搵左經理講, 經理竟然說了, 碟碟都一樣, 就算再炒過都係得咁少, 一係cancel, 無諗過會講埋依d說話, 似倒自己米咁... 我地都有後悔無叫cancel, 唉... 另外叫了炸曼頭, 但竟然係無煉奶, 真係未試過係無, 雖然唔係太貴既野食, 最終我地都cancel左... 埋單每人要$70幾, 但係食唔飽囉...總結: 价錢貴唔緊要, 但d野食實在太少, 食水都幾深, 服務態度真係好麻麻, 所以都black list左, 以後都唔會黎lu...