君頤上海小廚

Open Now

Now Closed

下班後跟從美國回來的朋友聚聚，大家闊別一年，再次重聚倒有很多可以聊，於是便選擇了這家上海菜。我們叫了以下的食物：1) 小籠包 - 皮薄汁多，不過用筷子夾它時皮卻不會穿，值得推介。2) 担担麵 - 不會似一般坊間的有太重的花生醬味，這個麵夠辣，麵條夠爽口，不會煮得過"淋"。3) 奶油津白 - 跟平時吃到的沒什麼分別，味道OK4) 蔥油餅 - 沒有鬆化的外皮，入口稍為硬了些，不過值得一讚是有很多蔥，沒有偷工減料5) 南瓜餅 - 比較油膩，南瓜味不是很重，只是橙色的餅而已，不值得一試6) 酒釀丸子 - 有淡淡的桂花香，味道OK。服務也不錯，我們吃完了坐在聊天也沒有"暗示"我們要快些買單。不過二人吃了二百元左右，差不多一百元一人，雖然試了很多食物，也好似貴了一點。但看在食物水準份上，還是給一個笑臉。

已經很久沒有來「君頤上海小廚」，亦代表已很久沒有吃小籠包，今天小籠包癮發作，不用多說便馬上行動。每次到來也會點三款鐵膽食物，分別是上海小籠包($26.00)、鮮肉煎窩貼($25.00)及冷麵(中華風)($36.00)，另外再多想一款，最後捨醉鴨片而選了水晶肴肉($45.00)。冷盤水晶肴肉先來，啫喱狀與豬肉平均分佈，一夾之下便感覺到其結實度，放入口中一咬，哇~好鹹！雖不算嚴重，但著實有點過鹹，心想早知捨肴肉而選醉鴨。再來冷麵(中華風)，習慣是全走辣，只用麻醬及配料來拌麵，材料有青爪絲、冬菇、紅蘿蔔絲等等。先將醬汁及材料攪拌好，試了一口，哇~好鹹！跟以往的味道有很大分別，過往那種由麻醬帶來的咸香味完全消失。唯獨配材仍然保持新鮮，而麵條亦彈牙爽口。熱氣騰騰的上海小籠包端上來，晶瑩剔透的外皮包著鮮肉及湯汁，看來仍是保持一貫水準。用筷子小心地夾了一個，加了一點醋及薑絲，再放入口中，哇~好鹹！實在是出乎意料，就連最穩妥的小籠包也失守。最後一道防線鮮肉煎窩貼送來，仍舊煎得金黃香脆，不敢即時放入口內，待涼後咬一口，肉汁噴射出來，味道仍舊保持鮮味，鹹淡度適中。四款食物之中只有一款能夠力守不失，實在是令

於云云太古城內食肆當中，這主打上海菜的店子的歷史可說是蠻悠久的，而且人流絡繹不絕，好在早了一步拿了籌，才找着一個二人座位，若遲了一步的話，相信等個＋五至二十分鐘也是等閒事 (只是平日而已，若週末日情況可能更恐怖呢)....來這些地方都沒有太大動力去仔細研究餐牌，簡簡單單就要了個二人套餐，有前菜小吃、湯、主食及小點，樣樣皆齊，每人也只是區區付出七十多塊錢而已，於這地段來說，已算是值吃了。怪不得人流是越夜越精彩啦.....想不到先來的竟是小點心的煎窩貼。皮不太薄也不太厚，皮的修邊接駁位有點硬身。肉汁不算極豐，但味挺鮮。底部有少許微脆但不夠焦香。是普通的水平....返頭吃的水晶餚肉是很不俗的 ---- 肉的鹹香度足，水晶皮凍膠質極豐，很有彈性，好吃....湯是例牌的雲吞雞。湯色水頗清澈，濃度可接受；雞肉只得一小件，而且盡是嚡到極的胸肉，不吃也罷；菜肉雲吞包得細細只的，皮不算過厚，菜及肉的份量参半，用了很重的麻油調味，很香.....主菜要了用來送飯就一流的醬爆雞丁，汁的色水很深，盡是下了不少老抽及砂糖調味，味因而不很鹹，的確是夠"赤醬"，油就反而沒有想像的多；雞丁質地很滑但沒有徹底醃過，味淡，

1-7-09(三)去太古城前翡翠拉麵小籠包鋪位的君頤上海小籠包試試。吃了上海排骨拉麵($48) 、小籠包 ($25) 、蒸鮮肉包($24/2個) 。上海排骨拉麵普通，但小籠包和蒸鮮肉包真係做得好好！這裏的知名度可能不及翡翠，但水準不錯，而翡翠則可能越開越多，水準不太穩定。有機會再來這裏。

對我呢個上海菜食家黎講, 呢間既小籠包同蘿蔔絲酥餅屬中上之作湯拉面有咬口幾爽.生煎包/ 素菜蒸餃 一般木須肉炒面只有雲耳同蛋絲---失水準之作, 且找不到任何"肉"蹤人多有d 迫, 服務尚可, 但不見前面所講的失儀情況.

We went to try this Grand Cuisin Shanghai Kitchen last Sunday as I always saw a long queue in the evening when I walked pass to my gym. No matter which day of the week, it always busy and the queue is always so long. I guess it must be a good place for Shanghai cuisine if people keep going back...I've called in advance to book a table but the lady on the phone said that no booking allowed on Sundays. Fine, so I guess we just had to eat early to avoid the wait. We arrived at 6pm and it wasn't too

去了太古城探個朋友 , 她說前幾天本打算來過這裡吃飯 , 但是人太多 , 最後改變了主意去對面的日本餐廳 . 今晚我們兩個人再來多一次 , 差不多 20:00 到 , 沒有人排隊 , 等了 5 分鐘就有檯 . 兩個女仔也沒有什麼好叫 , 叫了生煎包 , 小籠包 , 木須肉炒拉麵和一個薺菜雲吞 . 小籠包的皮好薄 , 汁又多 , 好味. 木須肉炒拉麵第一次吃 , 拉麵炒得好爽 , 不會像上海粗炒的多油 , 木須肉其實只是肉碎再加一些雲耳炒 , 好香口 , 值得推介 . 原本是叫菜肉雲吞 , 後來看見這個薺菜雲吞 , 個名幾得意 , 又沒有吃過 , 之後問下 waiter 是什麼來的 , 他說有些像莧西 , 味道不錯 , 我們就叫來試試 . 雖然餡只有薺菜和一些蝦米 , 一點肉也沒有 , 但是味道又不會太 “掛” , 比起菜肉雲吞更香更好味 . 這裡的食物質素也不錯 , 下次有機會一定會再來 .

13/12(六) 7pm"君頤"這大名,久仰多時,是晚終可驗明正身.從鰂魚涌丁丁到太古城不過三數個站,只不過從車站步行到餐廳需時甚久.秘隱於太古城內的君頤"確實不好找!正值黃金晚飯時段,來晚半步亦需被拒諸門外.店子屬新派中菜館作風,環境亮麗,唯空間不足,鄰桌的對話盡收耳窩內.論回食物,我倆點了白切肉粉皮$45,小籠包$26,四喜餃$28,冷麵$36及蒜苗爆三脆$55.白切肉粉皮--豬腩肉豐腴爽口,一流口感;無奈佐食的香蒜辣椒油嗆鼻,受不了!小籠包--一籠四隻巧手小籠包皮薄滑;豬肉餡鮮度高;稍膩口,不夠清香四喜餃--色彩艷麗的四色蔬菜末置面,底部的鮮豬肉餡原來倒更精彩;餃皮的彈度評為恰當;畢竟$28三隻,食用價值不算高...冷麵--以青瓜,豆乾,冬菇絲作配料的拉麵極富嚼勁,彈牙無比;配合帶微酸的麻醬,頗吊胃口!蒜苗爆--蒜心爽脆,加入雞腎,豬肉片及河蝦仁這三脆同炒;味道過於刺激,服務生宜先提點顧客其辣度,免得令食客白受罪!服務的一環著再下苦功,胖侍應左撞右碰,冒失得很;經理不見得大體,其表達能力有待改善,其自娛言論絕無裨益!出品到家,服務敗筆的"君頤"...

最近先發現太古有呢間上海店，又聽朋友話幾好食，於是尋晚兩個人走去試吓。 八點左右到達，唔使排隊，而且仲有吉枱。兩個人勁肚餓，order咗醉雞、炒鱔糊、帶子賽旁蟹、小籠包、仲有兩個白飯。最好食我覺得係個白飯! 落order唔夠兩分鐘就黎個醉雞，本來好開心因為實在太肚餓，但真係唔好食。d雞肉一d酒味都無，好似就咁淋d酒係面頭咁。跟住無幾耐就黎埋其他食物，個炒鱔糊只係食到甜味。而所謂既帶子賽旁蟹，無帶子之餘d蛋炒得超老，而且一舊舊，一d都唔滑。至於個小籠包，我覺得似雲吞多d，味道還可以，但沒有小籠包的質感。

今日行過見無人等未去試下, 門口登記位小姐已經黑口黑面地問你幾位, 原本諗住走, 但佢即刻話有位, 咁就入左去, 食物水準都OK, 唔算得話好好食, 食完叫個侍應換杯熱茶諗住飲完就走, 點知D侍應攪唔攪就黎執檯, 又問D野齊晒未, 我心諗你都執好晒張檯, 只係淨番4杯茶仲問, 諗住等杯茶啱飲飲完就走, 跟住有位著黑衫既女人又問D野齊晒未,同埋加唔加野食, 如果唔加就叫我地埋單先, 我即刻問佢咁係唔係趕我地走, 佢竟然話埋單先, 費事一陣同一時間好多人埋單要等好耐, 當時根本不是繁忙時間, 同埋個女人D態度係勁差, 查實一早已見佢係門口同個客望住我地好多次, 個熟客等緊5位檯佢地要等我地4位走左佢可以將4位檯加多張檯仔變6位檯,比個熟客, 剛巧隔離檯叫埋單, 個女人即刻用對講機同門口個小姐講有位啦, 人地咁鐘意坐未比佢地坐到夠, 由我地坐低食野到個女人叫我地埋單先都係40分鐘既事, 如果我地坐左係度幾粒鐘就話遮,總之這店我一定唔會再去, 就算間餐廳幾好食都好D服務咁差, 都會趕走晒D客, 希望個老闆睇到, 訓練下D員工

這間上海菜館的食物水準很高, 曾經試過網友推介的小籠包, 蘿蔔絲酥餅, 窩貼, 醬燒牛腱, 炸醬拉麵...比翡翠拉麵小籠包還高一班, 但為何服務會這樣差...男女侍應仲要加埋一個冇禮貌嘅經理,喺客人面前嬉戲玩樂, 完全唔覺得自己在騷擾客人, 出面普通一間茶餐廳的服務都好過佢地, 真可惜!

睇完食評之後，就同女友試試，上次幾好。前晚剛好經過，見入面無乜人，又唔洗排隊，女友又想食，再入去試!一入去個女侍應帶我地坐近廚房既位，勁熱....心諗咁多位都唔俾啲好既位我地坐，可能一陣會好多人，所以算數，坐坐吓點解自己個頭濕咗既，原來個位上面滴水，嘩，玩咩，你地係呢度做無理由唔知個位會滴水，咁既位都俾得客坐，跟住同個侍應講換位，佢一聲唔好意思都無........我想起身走但女友想食費時掃佢興，我一樣野都無叫過，全部都係女友叫既，期間見到個男經理同幾個侍應玩到好開心，細聲講，大聲笑，我地食完好快走，走既時候仲有好多位......唉!一個出色既廚師整得幾好食都無用，咁既服務，邊會有人再去食，唔怪得知會少咗咁多人。

睇見d食評之後, 就同女友試試小籠包的確好好味我地都叫左2籠酸辣湯窩巴值得推介担担麵反而唔多掂, 覺得d味怪怪地醉雞都ok, but 略貴下次都會再黎, 因為仲有好多野未試

睇食評見到D人讚"大戶" 好味道~ 一心唸住星期日嚟太古行街順便試下新嘢~原來今天"JUSCO"先係正式開店第二天...超多人呀~ 人山人海唉~ 我同BB 唸住取消飲茶嚟太古飲飲食食架.......................(每一間食店都好多人呀~連"大戶"都排晒長龍 @@)最後我們的午攴要企係到食呀~(係超市裡裏的日式燒餅加奄列炒面呀) 又幾好味bor~ $26 喳日式燒餅同cwb city super 果間差不多~ 其實係最緊要個口感加埋個燒汁 ~(正呀) 又唔係好油 啱晒我~ 奄列炒面~ 一般啦~原本晚上吃的大戶,因為太多人呀~ 所以無去呀~ bb真係好丫, 揾咗間上海嘢比我吃^^ 呢間嘢係側漁涌屋苑裡面!!! 細細間~ 格局同 "翡翠"差不多...(連醬油的樽也一模一樣)~主菜: 酸辣湯拉面~ 鮮肉鍋貼~ 小籠包~甜品: 高力豆沙所有食物同翡翠拉麵一模一樣, 味道等我逐一講下~酸辣湯拉面~ 比起 "翡翠" 材料少咗d~ 但好ok鮮肉鍋貼~ 同"翡翠:"比較差不多~ 連裏面有汁都一模一樣 味道 好好味~小龍包 ~ 同"翡翠:"比較都係差不多~ 但唔記得果間味道lu..

下午茶時份經過, 見無人, 又被阿蘇激讚過那小籠包的皮做到可以盪鞦韆.一試便知龍與鳳.盪唔起可能係阿蘇O黎的時候會有專人服待啦.不過... 個餡都幾好食O架!