圓山台灣料理 (Closed)

2019年7月7日。雨。尖沙咀。啱啱去完台灣旅行，返嚟冇幾耐就掛住台灣美食，於是約朋友嚟尖沙咀圓山，一解鄉愁～圓山經過過好多次，但係上嚟食飯就係第一次原來入面都係酒樓格局，但坐落都算闊落精選套餐好抵食～再唔係散嗌點心好似都唔錯但係我哋想食台灣菜，所以就冇點點心喇～秘製麻油雞湯（半隻），$198每次去台灣唔理天氣熱定凍，都要去飲一次藥燉排骨或者麻油雞所以見到當然要點喇～麻油味香濃，雞肉嫩滑，鹹淡得宜～推薦！炒A菜，$75台灣人嘅A菜即係我哋啲油麥菜色澤翠綠，唔多油，幾好～台灣炒新竹米粉，$118新竹米粉，加埋辣椒醬，配合得天衣無縫～三杯杏鮑菇，$118三杯雞就食得多喇，三杯杏鮑菇就少見啲～但係味道依然惹味～杏鮑菇將醬汁鎖住，啖啖鮮嫩～蚵仔煎，$98呢度嘅蚵仔煎同夜市食嘅有啲唔同質地較為實淨，似煎蛋多啲，口感結實唔煙韌，味道都唔錯～台式雙拼，$148雙拼有多款小食選擇，我哋就揀咗蛋黃小卷拼鹽水雞蛋黃小卷好有驚喜，係用蛋釀入魷魚，食落有兩重口感，好特別～鹽酥雞，$98鹽酥雞炸得香脆，調味上加咗孜然粉，增加層次～

今天做孝順女陪媽媽飲茶，選擇了位置方便，在美麗華廣場旁邊的圓山台灣料理。午市有點心食，又可以叫台式小菜。點了 $288的午市商務套餐，包兩個點心，兩款小菜，擔仔麵或滷肉飯，燉湯同甜品。點心叫了鳳梨酥，素餃同另加一個豬潤燒賣。鳳梨酥新鮮出爐，熱辣辣，十分美味。豬潤燒賣的豬肉爽彈，上面的豬潤巨型得不成比例😂😂😂小菜方面，選擇了勝瓜同蒸魚雲。今天的燉湯是菜乾豬肺湯，十分清熱潤喉，好健康。再豪少少，額外叫了一隻冰鎮南非鮮飽，切左片的鮑魚十分爽口。值得一提，呢度個經理好好人，同我地介紹餐牌，又問下我地意見，好友善。

今晚去TST行街, 之後好友SUGGEST 話食台灣野~~ 所以黎左圓山~先叫個泡椒雞翼尖, 完全睇唔到辣椒, 但食落辣辣地, 愈食愈開胃！然後來個三杯雞，遠處都聞到香味，用蔥薑爆香，食落惹味，雞肉又嫩滑，份量又多，正！台式鹽水鴨，平時好少地方有，佢係一個比較咸既冷盤，不過加埋白醋，可以中和返味道，唔錯呀！炒A菜，其實即係油麥菜，食得健康，有麥香味～最後我地叫左擔仔麵+肉燥飯；肉燥飯，肉燥半肥半瘦，撈飯一流 ; 而擔仔麵，湯底好香，配埋肉燥超惹味，麵又滑溜，好食!OVERALL坐得舒服，食得開心，下次可以帶屋企人食！！ 

呢日同朋友慶祝生日，因為朋友都鍾意食台灣菜，所以就去左呢間位於尖沙咀嘅台灣菜館食午飯！餐館嘅裝潢似普通茶樓，雖然唔係好大，但座位尚算闊落，坐得幾舒服～餐廳提供嘅菜式包羅萬有，唔單只有台灣特色菜餚同小食，仲有提供中式點心添～我地order左以下菜式：麻油雞湯頭清甜，有麻油香味但又唔會過於油膩，雞肉雖然用左黎熬湯，但肉質仍然保持嫩滑。炒米粉米粉爽口，唔會炒到糊掉，配料都幾豐富，有冬菇、菜絲、紅蘿蔔、肉絲等，配上XO醬一齊食就更惹味！蚵仔煎有好多蚵仔！蛋漿較多，粘米粉較少，所以食落充滿蛋香，系我喜歡的口味！三杯杏鮑菇呢道菜好惹味！杏鮑菇好多汁，一咬就爆曬出來，而且口感爽甜！讚讚讚！鹽水雞拼雞蛋小卷鹽水雞肉質嫩滑，不會太鹹～小卷好特別，因為魷魚中間釀左雞蛋、蔬菜同肉粒，可以加沙律醬一齊食味道更特別！鹽酥雞外皮炸得好香脆，食落有少少南乳香味，惹味香口！蒜蓉炒A菜A菜爽甜，炒得剛剛好，蒜蓉味好香，味道不錯！呢間餐廳菜式種類豐富，而且色香味俱全，而且設有不少大枱，好適合一大班人聚餐哦！

這間台灣餐廳既格局好似港式酒樓咁 有魚缸 坐低就有人開壺茶俾你 依度可以嗌小菜 嗌時令海鮮 感覺真係好港式酒樓我地叫左個自選四度風味菜嘅餐 入邊揀咗三杯雞、五味鮮魚、咕嚕黑豚肉同台式小炒 最後再加多左一個滷肉飯👉🏻三杯雞三杯雞唔算辣 鼓油味重啲但食落發現好香香葉味 佢哋雞件數量都多 最鐘意係佢哋用砂煲上 咁就食到最後 啲三杯雞都係暖的👉🏻台式小炒台式小炒係辣辣地既香口菜 入面都有雜錦料 有蝦仁、豬肉、西芹、腰果小帶子等 因為佢地落左好多材料 感覺係好足料好豐富既味道 但食到後面有少少鹹👉🏻滷肉飯滷肉飯啲滷肉滷得好香 是三層肉來的😍😍👍🏻👉🏻五味鮮魚當五味魚一上枱就有人幫我地切開 等我地可以容易食啲 條魚酥炸左 醬料以甜酸味為主 好開胃 炸入面啲肉仲好嫩 👉🏻咕嚕黑豚肉咕嚕豚肉既肉係一片片既肉 唔同廣東式既一嚿嚿排骨 有蜜桃菠蘿炒底 同港式咕嚕肉一樣味 但佢地個咕嚕汁做得唔錯

今日同同事食好啲，黎呢度食台灣菜。呢度裝修到好似中式茶樓feel~ 食物選擇非常多😍叫左2人商務套餐再加小吃~老火靚湯❤️粟米紅夢白湯，鮮甜足料☺️麻辣鴨舌❤️唔會太辣易入口，非常入味好出色👍🏻擔仔麵❤️肉燥飯❤️肉燥惹味，湯底清甜，麵身彈牙~開洋高山菜❤️蝦米娃娃菜，蒜香味重，湯頭鮮!三杯雞❤️香料夠，有火候~濃郁酒味，突出三杯雞嘅精萃😍春風香脆百花腸粉❤️外滑內脆好打耳，內裡係好足料嘅春脆，出色👍🏻重有紅豆沙添😋😋😋

好耐冇同屋企人飲茶，難得放假但冇特別野做，一定要同佢地出來行下，我地幾鐘意來尖沙咀圓山，貪佢坐得幾舒服，又有點心又有小炒同飯麵。星期日未夠1點，入座時人流就未算多，一到點零鐘，啲人就陸續入座，既有一大班人，亦都有啲係附近嘅上班族。午市除左一般點心，例如即蒸、腸粉、煎炸點心外，仲有台式點心例如胡椒餅、蚵仔卷、鳳梨酥等，幾特別2點前係午市；下午茶2點後。如果驚齋食點心唔夠嘅話，仲可以點呢啲粉麵share，例如炒飯、新竹米、炒麵、伊麵等，款式都幾多，價錢約百零蚊。主餐牌我地都點左幾款點心同一份湯米，非常滿足，人均消費約百零蚊，呢度招呼唔錯，所以我地都會回訪。酸菜桂魚片湯米份量好多，3-4人足夠，米粉煮得爽口，而且幾入味，可以放心，湯底以酸味為主，完全唔辣，亦都唔會太鹹。桂魚片量多，片得薄身，帶少部份魚皮，無乜細骨，方便食用，魚肉都唔會太老石窩雞肉生煎包幾得意，以洋蔥墊底，上鍋仲滋淡作響，熱辣辣，店員細心提醒我地要注意鍋邊。生煎包熱辣辣，咬開可見內餡仍有少量汁，味道都可以。水晶鮮蝦餃一籠5隻，呢個真係睇住佢地有改善，蝦餃皮薄身，蝦肉明顯，沾少少辣椒油正蒸排骨同自家製醬蒸鳳爪都好入味！叉燒腸分成

第一次在這食晚餐, 之前行過經過都未見過。 可能因為在樓上舖, 所以從未留意過。但今次係openrice搵到,見留言不錯一於試下。感覺新鮮又帶一點傳統。口感味道不錯, 適合同長輩,一家大細來食。地理位置方便適合一大班朋友來食。價錢不是特別平,係中上價位。值得一試。😸

香港有好多台式餐廳，但小菜式的台式餐廳真係好少，而e間值得推薦食飯前已經係Openrice 睇左好多篇食評，所以一去到餐牌都唔洗睇就叫左他們以下幾味拿手小菜三杯雞，雞味鮮，味道剛剛好，一上枱就香味撲鼻蚵仔煎，好有台式的味道，蚵仔多，蛋又滑，推炒A菜，真心好食，菜好嫰，無咩油，好健康滷肉，好入味呀，唔會覺得好肥膩，肥肉瘦肉好平均，正蛋黃小卷，好特別的一味菜，真係無諗過味道可以甘夾屏東小炒王，我最中意的小菜炒得唔油，仲要材料足夠，好入味寫食評寫到好想再去食

今日約朋友嚟食台灣菜，圓山歷史好耐，有好正宗的感覺，以前大廚係台灣人，而家我就唔知，只不過都冇乜所謂，好食就得啦！估唔到送嘅青瓜都好好食，人未齊我又肚餓，幾乎比我食晒。我好鍾意食台式皮蛋豆腐，所以一定點，肉鬆夠乾身好爽，豆腐都好靚呀！鍾意佢上面有啲結結地嘅汁，皮蛋流心，真係好食㗎，下次來都要再點。今晚呢個肥仔麻油雞湯都好得，啲湯黃色嘅，好濃郁，好好味，雞都唔嚡好食。金門欖角骨我都好鍾意，最鍾意就係有啲鹹鹹地嘅欖角，吮吓骨，有一陣鹹香味，好食，滋味。樟茶鴨一份都幾多，仲配四個包，金黃色鴨皮夠脆，鴨肉連骨幾嫩，唔乾，只係味道有啲淡。極品流沙包少少流心，好食呀！服務環境等等，整體唔錯，滿意！

表姐突然興起想食台灣菜又想食下點心 上openrice見到尖沙咀有間餐廳可以滿足佢兩個願望我地點咗性價比高嘅午市商務二人套餐 包括涼菜小食 精美小菜 老火靚湯 麵或飯 以及甜品先飲個老黃瓜豬踭煲赤小豆老火湯 清暑祛濕飲完唔會口乾 無添加味精 夠真材實料開胃涼菜小食揀台灣特色嘅鹽水雞(例) 金黃色雞皮下係軟嫩香滑雞肉 入口肉汁帶鹹香但無過濃 香油 胡椒鹽反而引出雞肉原味 絕對比得上台灣夜市小食檔嘅味道精美小菜就食三杯雞 原煲上檯仲係滾緊同埋發出嗞嗞聲配合蒜頭 九層塔 薑片以及秘製醬汁炒起 散發陣陣米酒香氣 新鮮滾熱辣 雞肉色澤誘人肉質依然嫩滑帶麻油香 醬油上色滲透雞件內外 而且雞件份量多 用埋黎送飯一流 平煸四季豆 加入肉碎 蒜粒爆香 四季豆炒至軟腍嫩甜火喉啱啱好 唔會過老或者有渣 非常惹味滷肉飯肉粒肥瘦相間 每粒都好有咬口 而且多汁可以撈飯細細碗台南擔仔米 面層有大量肉燥 加上醬汁與清湯融合 越食越濃香 而且份量都唔少 好夠食另外我地又叫咗台式小籠包及招牌雪影叉燒包前者皮薄多餡 輕輕咬開肉汁湧現 豬肉餡彈牙配上浙醋食用 一口一隻最滋味 後者有別於一般叉燒包 外層質地厚實焗至微金黃帶脆入

係正諾士佛台下面咁就入咗嚟食啦因為近去飲嘢你做嘅價錢都比較貴但係台式野嚟講都算差唔多叫咗個七里香雞味都幾龍同埋呢度似酒樓坐得都算可以嘅啱晒一大班朋友黎整體來講都尚可以

-我呢個fd 明明上星期先係台灣返嚟， 都而家仲掛住緊啲台灣嘢食😲，喺對面馬路見到呢間餐廳寫住有「台灣」呢兩個字， 佢就決定咗我哋嘅Dinner喇😏。三杯雞🐔（$148）激讚！！！ 雞炆得夠入味、又夠嫩。香噴噴👃到呢......😙蚵仔煎（$98）同香港嘅煎蠔餅好唔同， 完全冇油益味👍，亦都唔會油淋淋👍。 食多兩嚿都唔怕肥。干煸四季豆（$98）大大碟，肉碎 + 四季豆比例完美。台南擔仔麵🍜（$28）就係想食多啲餸，叫一碗細細碗，2個人share 食算。薑茶湯丸🍡（$35）夠薑！！！ 仲有我最鍾意嘅芝麻湯丸。茶水🍵 ［$16 / 每位］（$32）夜媽媽食得太飽，開壺普洱消下滯先😹。==========圓山台灣料理地址：尖沙咀金巴利道25號長利商業大廈1及2樓

香港好少有好大間嘅台灣菜館, 通常都係台式小食店或餐廳, 今次去左食呢間台灣菜館有2層, 主打台灣菜但同香港嘅酒樓一樣咁大, 好適合一家大細, 帶埋長輩去都完全無問題!前菜涼盤叫左台式鹽水鴨, 份量都幾多, 第一次食凍嘅鴨, 叫得鹽水鴨, 味道就真係幾咸下, 個人覺得如果配埋飯or麵一齊食就唔錯喇!食台灣菜當然要食蚵仔煎, 呢度嘅蚵仔煎同我平時喺台灣夜市食嘅有少少唔同, 出面係煎蛋入面包住蠔仔, 食落有少少似潮州蠔餅, 都幾特別!炒海瓜子: 其實即係炒硯, 食落都幾入味仲有少少辣, 同來送飯就一流!台式肉燥飯, 佢地有兩種比我地揀, 一種係魯肉碎粒, 另一種就係一大舊肉咁, 我地就揀左肉粒, 食落都幾似台灣食到嘅魯肉飯, 魯水味都幾重同埋幾多油(覺得台灣魯肉飯就係多油嘅!), 不過一碗嘅份量唔算太多, 一個人食就岩岩好!台式擔仔麵, 呢個唔算太推介因為成碗麵好油下味道唔太似台灣食到嘅, 同埋份量都幾少, 一個人食都未必夠!炒A菜 即係香港嘅油麥菜, 蒜蓉清炒油麥菜覺得有少少太油, 不過食落都幾爽菜幾新鮮!三杯雞, 本身以為係辣嘅三杯雞點知我話唔食得太辣所以佢地無落到太多辣椒, 雞肉唔算

Lee間菜館每次行到諾士佛臺都會經過，因為就喺上斜路嗰個位，今晚一班好友嚟lee到呢度食個小菜farewell飯。菜館晚餐時間其實都幾多人嚟，我地坐一樓都眼見差唔多滿座。一座低侍應就會開茶俾我哋同上埋上小食-刀拍青瓜。我哋一行幾人其實都食咗唔少嘢，不過因為唔係樣樣都有影到相，所以就講吓影咗嗰幾款。今次我哋有嗌套餐亦有散嗌。蛋黃小卷，當我哋大家以為佢係簡單嘅熟蛋時候，食落先知原來佢蛋白位置係魷魚筒，中間蛋黃位置就係鹹蛋黃加蔥粒，呢款小食口感好特別。川歸蝦湯，呢個湯係用個好似竹筒既器皿裝住，湯入面有大概6-7隻蝦，個湯好有回甘嘅味道，而且材料十足，不過就要可以接受到藥材味同甘味嘅朋友先飲到啦。樟茶鴨味道咸咸哋，鴨肉都算幾嫩滑，仲有蒸包仔可以用嚟夾住食。呢度嘅小菜套餐都好抵食，$388已經有四個餸，下次唔同朋友嚟啦，同下屋企人嚟食下都好。