薑媽

Open Now

Now Closed

今天約了朋友在九龍灣見面，中午就去間叫薑媽的新店試試，須是寫牛頭角，但看地圖是平路10分鐘左右，所以該是可以的。去到第一感覺是環境不錯，衛生情況很好。我們叫了一個蓮藕雞肉煎餅配盬酥甜不辣，另一個韓式辣醬燒雞排。飲品就叫了玄米茶，我就加錢叫了杯朱古力，要加錢該不是用粉開的罷！辣醬雞排不錯，辣度合適，雞排入味。雞煎餅就真是一流，入面相當juicy, 甜不辣也出色。日本米煮出來的飯就是不同，早知叫多飯。飲品方面，玄米茶中上水平。朱古力就超級好，不知是甚麼配方，朱古力味很濃。飲品上面有真正的朱古力。比很多酒店及高級西餐廳還要好。總的來説，這一餐相當滿意。下次定必再來試其他菜式。

服務態度好差。一定唔會再去。——————————————————————出錯餐，同隔籬枱客人鬧交鬧咗20幾分鐘。 你換個餐俾佢咪算囉。。。。。。——————————————————————店員對住客人態度惡劣，搞到成間餐廳氣氛好差。餐廳負責人完全唔覺得有問題，啲嘢食整到幾靚都冇用，全場人都冇晒胃口。——————————————————————食個午餐搞到一肚氣，何必要幫襯呢間餐廳。附近大把選擇。——————————————————————

專登行20分鐘過黎食lunch 食到一肚氣之前試過第一次食 本身叫左M2餐雞肉煎餅 $112 佢出左M3餐牛肋肉$120 俾我 我覺得冇乜所謂就食左M3牛肉 費時浪費食物今日第二次黎食lunch 再叫M2餐 今次又出左M3牛肋肉俾我 我今日唔想食牛肉 我同職員講 叫佢換返 佢不停話唔改得 因為個餐已經出左 如果唔要既就成份餐冇人食浪費左 姐係落錯單都冇得換返份岩既野食俾我 仲要我俾返$120食一份我唔想食既野 幫餐廳支付返餐廳既錯 職員仲話如果想要返M2餐就要再俾多一份錢買埋M2第一次錯係唔小心 第二次都係錯 仲錯得一模一樣 仲要堅持唔肯換返俾我要我硬食一個貴左但我唔想食既餐 呢種服務態度邊到搵 味道正常 但工廠大廈入面索價$120 加上叫既野食同上枱既野食完全唔同 叫人唔知點order先會岩 黎2次叫2次錯2次 錯誤率達100% 仲要唔肯換返岩 好嬲 冇下次

竟然係牛頭角工業區搵到間日本家庭式餐廳風味既餐廳 森系木調裝修 冇花巧既擺設 感覺舒服乾淨🎑餐廳主打日式定食同便當 見到一汁三菜定食相當精緻 包括主菜、副菜、味噌湯、漬物和茶飲 就試試佢～ 餐牌選擇都唔算多 今次就揀左蓮藕雞肉煎餅 椒麻涼拌帶子裙邊 +20$升級左飲蝶豆花檸檬梳打🥤 有成4大塊肉餅 好有誠意 個肉餅汁有少許薑味 肉質都唔錯 蝶豆花個賣相幾靚 飲落就冇咩特別啦 但略嫌送到嚟唔夠熱 同埋 等既時間有啲耐 朋友就叫左鹽燒鯖魚下巴 蟹籽沙律拌冷豆腐 凍玄米茶 朋友話魚下巴幾好食 但因為我冇食到 就講唔到啲咩評語啦～ 成間舖頭感覺好舒服 食物中規中矩 不過不失 如果唔趕時間又經開牛頭角 可以try try🤞🏻薑媽📍牛頭角大業街29號海洋工業中心1樓A室

一間咁出色既餐廳 唔知點解咁少好評😵‍💫老師教我有好野就要同大家分享；忍唔住要出手寫返篇小弟自從喺觀塘地獄返工，每日心情都一般般；直至薑媽出現，每日早餐都可以叉一叉電😍睇相都知d野食係心思之作，手沖咖啡仲唔洗加錢，價錢只係貴過茶記幾蚊雞，個人覺得超值。我差唔多個個餐都試過哂，大時大節仲會拉埋成Team人一齊黎breakfast club🤣除左咖啡，奶茶都好驚喜，開頭以為咁靚靚既鋪頭唔會沖得好，但原來好掂啊😻咪話唔益大家，Happy share 埋menu 呢間野完全拯救左觀塘lomo 😋Lunch 我都間唔中黎，食物一樣高質，但因為冇booking 唔想等位，閃左去第2到。感謝薑媽賜我飲食，加油😜

佢本身係附近嘅商廈搬左黎衣棟工廈地方大左好多 裝修又靚左野食擺盤好日式野食水準都keep到咁好食新menu 新加嘅都好吸引第一印象感覺都好良好所以食左幾次 但係有個弊病就係所有野都好慢樓面得兩個人 水吧得1個今次就試下叫外賣希望等短啲時間1150打去叫一個明太子三文魚xxx1205上到去 先要企係門口等一陣入去見到個飯滿心歡喜可以即刻攞佢話斟埋個野飲就得點知一等就等左成三個字1220先走得期待下次去會見到多啲人手

工廈區餐廳做午市最緊要就係‼️快‼️因為其實好多公司放lunch都係得一個鐘，但黎左兩次，第一次由落單計等左成粒鐘先有飯到⋯⋯⋯第二次等左40分鐘⋯💢😣😓其實真係好無奈，見到人手係多，客人不多，可能真係慢工出細貨🙈野食選擇都算多，價錢唔平，最平$86起的便當🍱，如果㨂三食，過百蚊，burger就$120，但仲要係豬肉，冇牛肉🤔我今日試左雞肉串帶子配糖心蛋飯，跟餐有杯熱茶/凍水果茶，雞肉串係一大舊肉，有2粒大帶子，3條獅子狗包蘆筍，仲有半隻糖心蛋，擺盤好靚，都好味😋份量夠晒食👌🏻同事試左炸雞🍗飯，跟蛋沙律，仲有味增湯，呢個套餐升級特飲唔使加錢👍🏻好多炸雞，都嫩既，不過厚厚地粉🙊蛋沙律好味！另外都有同事試左burger, 本地黑毛豬，等左50分鐘😳但好采質素搭救，係好高質，新鮮熱辣，勁多肉汁，好大個🤣🤣飽到上心口😆飲品都有心思，好靚，有層次，但快手啲更好😓😓😓咁既速度同服務仲要加一⋯要改善下～～

今早跟同事們去食早餐，經過這間餐廳諗住未食過去試下，點知真係中伏，食物係冇問題的，價錢有點貴，早餐叫左個忌廉通粉，多士炒蛋和豬柳，點知叫華田冇、檸檬茶冇，最後叫熱檸水，等左成半個鐘，野飲都冇杯，莫講話早餐，結果有兩個同事趕時間取消張單走左，餐具又唔俾又唔係自助攞餐具，好了，過左35分鐘終於上餐上飲品，杯檸水唔熱的最多可以話暖，通粉係迷你碗，食完唔會飽的，埋單四十幾蚊一個早餐，服務又唔掂，真心揾笨。講真等半個鐘以上連杯飲品都上唔到的第一次遇到

無驚無險又到12:00，又到放飯嘅時候。仲諗住介紹個同事去試新嘢，點知事隔唔夠一星期，餐牌同食物質素都大逆轉😅一早諗定要食嘅 #焗薯蓉 無咗💔 餐牌上嘅食物突然跟返舊舖嘅菜式，實在有啲失望👉🏻👈🏻 不過既然坐抵咗，無理由又走，唯有照點餐。呢日我要咗個「#照燒免治雞軟骨肉串、配 #牛油帆立貝，仲有 #醬油溏心蛋」☺️ 外觀上其實都幾吸引嘅，溏心蛋都做到流心嘅效果，雞軟骨肉串都算正常，只係唔夠熱，至於我最想食嘅牛油帆立貝就認真唔掂😅 裙邊煮得過火，好硬！而帆立貝咬落去居然仲痴住啲殼，好在我當時無大力咬落去啫，而且口感都唔係太新鮮… 失望！其實整個餐廳嘅裝修都唔錯㗎，好有日本洋食餐廳嘅風味，而且啲員工都幾有禮貌💪🏻 如果可以改返好啲食物質素，應該都有得做嘅😏

好耐冇去餐廳堂食，見到公司附近開咗間新餐廳，招牌嘅英文名係Grandma by WOM ，決定試（因為我以前去過幾次WOM,出品唔錯）原來佢地搬咗嚟呢度。店比以前大咗好多，環境係小清新風格，冇乜花巧，感覺舒服，一貫的乾浄，我揀餐廳，乾淨係最重要因素之一。個人認為，乾淨嘅店，對食材的要求一定唔會差。Menu 比以前增加了新品種，Waitress 妹妹告訴我，5月份Menu 更齊全，Burgers 回歸，（好期待）。疫情好轉，希望一切回歸🙏🙏。今日，我order 咗全日早餐，真係好正，食材新鮮味道好👍🏻👍🏻，連煙肉、薯寶都好用心咁煎、炸到唔油，蘆筍又爽脆。朋友order 咗蓮藕雞餅Donburi ，米用日本米，軟糯有米香，雞餅+釀秋葵，佢話味道十分好，而家有promotion, 飲品free upgrade ,我order 薑母奶茶，佢叫咗Green Tea Latte ,心滿意足的Lunch,午餐又多一個好去處。

日日叫外賣已經食到好無新意一見到呢間野想做Deluxe 早餐就揀黎試下可能新開張 有優惠 如果唔係原價外賣都幾貴忌廉濃湯通粉好好味 成份早餐冇野失望諗住上openrice 睇下間野響邊 見到新到咁既地步好啦 寫我第一次既食評 點知又要最少80字我淨係想講「忌廉濃湯通粉好好味 加油」咋