爺爺雞飯 (金百利中心) (Closed)

嗰日約咗朋友去銅鑼灣，到咗食飯時間，決定去金百利中心搵嘢食。爺爺雞飯位於銅鑼灣金百利中心7樓，餐廳主打東南亞菜式。以湖水綠為主色，感覺柔和。三色拼盤亞卡辣辣地，椒鹽豆腐香脆，芭樂配梅粉，帶出水果獨有甜味。爺爺海南雞配油飯 雞肉質感嫩滑、雞皮爽脆、脂肪豐滿、雞味濃郁，飯粒煙韌粒粒分明。肉骨茶 肉骨茶充滿藥材精華，味道香甜，配上油條，非常可口。新加坡喇沙馬來西亞代表之一，湯底濃郁微辣，麵條口感彈牙。椰汁班蘭冰椰香十足，非常解渴。黃金大麥茶色澤金黃，味道甘美香醇。用餐後仲可以用OpenRice「全新流動支付服務」OpenRice Pay，攞盡最抵折扣埋單。

平時都比較少去金百利食飯，今次同事帶我嚟，有意外驚喜😎😎呢間餐廳光鮮整潔，而且座位舒適，整體感覺都好舒服。餐牌食物選擇都算幾多，除咗海南雞飯之外，仲有一啲東南亞風味嘅食物選擇。最特別嘅地方係，海南雞飯都可以雙拼！可以揀選肉骨茶，或者叻沙等等，貪心的人有福了😆😆我叫咗海南雞飯同埋肉骨茶嘅雙拼，如果一個人食嘅話，分分鐘食唔晒！海南雞份量都幾多，一啲都唔肥，就連雞皮都好好食！雞肉幼嫩，可以點三款唔同嘅醬汁，送飯一流！碗油飯都好大碗，好香，但食落又唔會太油膩👍🏼至於肉骨茶，都幾好飲，配料亦都非常多，淨係豬骨都有兩大舊，好多肉，都幾好食😋😋咖央多士好好食！多士非常香脆，厚厚既咖央加埋牛油，味道甜得來又好香，配奶茶咖啡真係冇得頂！馬來亞沙嗲串燒個沙嗲醬汁非常香濃，令到串燒更加惹味，啖啖肉，冇乜肥膏，唔錯唔錯。同冰凍嘅泰式奶茶都好夾😎😎

由環境到餐牌內故事.感覺到店家非常用心.真心希望把好吃海南雞帶來香港.給更多人分享其美味店內環境很文青. Tiffany's Bule 坐位很少女. 牆壁上有一束束小乾花. 店家用還原水機更是注重客人健康。我飲左2杯.感覺健康好重要 記得用open rice pay優惠，等同原價8折午餐中爺爺海南雞飯拼馬來肉骨茶 一次可以吃到2種款式，滿足2個願望.海南雞飯 有油飯一碗 雞皮爽口.肉質嫩滑有汁不乾. 啖啖肉無骨一大特色！肉骨茶味道香濃. (沒有很強藥材味 )覺得應該加碗白飯相配材料豐富： 有油條.豆腐卜.冬菇.一字骨排.金菇.炸腐竹.杞子....等所有材料浸透肉骨茶味道，感覺好有馬拉家鄉味道。花膠嫩雞湯河粉 河粉幼身滑溜.海南雞肉Ichiban. 花膠有3片軟綿綿滑溜.菜芯好淋好甜.湯底雞湯奶黃色.味道剛好咸度好好味！忍不住喝清了！選了特色班蘭椰子冰 淺綠色椰子冰有濃濃葉香. 消暑解渴！

今天下午約了朋友行灣仔素食展，我們行到大約6時半行完，想去那兒吃晚餐，大家一直想吃這間，搭地鐵入銅鑼灣，到達環境不錯，好有特色，我們選了卡位座，座位寬倘舒適，我們叫了，埋單時，要用Openrice Pay，折了優惠，真是好抵爺爺雞飯拼馬來肉骨茶雞肉同雞皮簿簿，特別嫩滑同好有雞味，飯軟滑油香馬來肉骨茶豬肉好香同霖，入口甘甘甜甜，好舒服同清凉咖央多士烘得好脆口，咬一口多士，奶油流心舖在嘴裡雞湯菜苗雞湯鮮香，菜苗新鮮爽脆洛神玫瑰花茶好有洛神同玫瑰花香，甜度適中

爺爺雞飯開張不久。聽店名就知是吃海南雞飯，還有我喜歡吃的叻沙，當然要去試試😝。餐廳設計清新舒適。大熱天時逛完街，上來涼涼冷氣休息一下吃點東西，很舒服。座位還有消毒酒精和清水提供。‖ 爺爺海南雞飯拼新加坡叻沙 ($88) ‖這個必叫😆。又有海南雞飯又有叻沙，都只是$88。送上時，好開心，感覺好豐富，色彩繽紛☺️☺️。先說說海南雞飯，雞好滑溜，油飯好香，飯粒粒分明，又軟熟。有三款醬料點，夾起雞肉點點醬連飯吃，正😋。而新加坡叻沙，湯底有好香椰奶味，味道濃郁口感順滑。配料有大大隻蝦、豆卜、魚蛋、芽菜和雞蛋。好味☺️。這個餐一口氣滿足兩個願望，感覺好滿足☺️。‖ 亞參叻沙 ($68) ‖和新加坡叻沙一樣，可選油麵/米粉/滲滲。湯底酸酸甜甜辣辣，吃到好香香茅味，還有魚味、羅望子味和菠蘿的香甜。菠蘿出奇地和湯底好夾。配料還有魚肉和洋蔥。飲品跟餐半價，我們要了凍泰式奶茶 ($10)，可惜味道略淡。店員服務好好，有禮貌又nice。提提，OpenRice 有85折買$100現金券，可以用OpenRice Pay即買即用😊。

有日放左工諗住簡單食個飯先返屋企，所以就行左落銅鑼灣，見sogo附近有海南雞食，一於就去試下啦。餐廳環境都簡潔舒服，唔錯。爺爺海南雞飯拼馬來肉骨茶 ($88)雞肉好嫩滑，雞皮富有彈性，有黑豉油、辣醬、薑蓉配埋一齊食。飯有油香，粒粒分明。肉骨茶好足料呀，有冬菇、杞子、排骨，d肉煲到好綿，好味!香葉雞($34)食落有香葉、香茅味，醃得入味香口，肉質亦juicy，唔錯。馬來沙爹串燒($68)有豬、牛、雞各2串，燒得好香呀! 沙爹醬有香濃花生醬，好惹味。泰式奶茶 ($20)桔桔($11)奶茶幾香滑又唔會太甜。桔桔酸酸甜甜好解渴

估唔到銅鑼灣都有咁好味既新加坡野食，而且價錢仲好抵，又唔洗加一。今日去開銅鑼灣行街，openrice 搵搵有咩食，見到呢間價錢又幾ok…仲有openrice coupon買，85折買$100券，用openrice pay就得。咁又真係幾抵。同埋見到d相都唔差，所以膽粗粗黎試下。星期六中午時分，都有唔少食客，但好彩唔洗等位。睇下餐牌，又真係幾抵，又有海南雞飯、肉骨茶、叻沙等等呢d出名既新加坡野食。我點了一客海南雞飯。其實我仲見有d可配埋肉骨茶或叻沙。不過今次我就主攻成個海南雞飯先。個海南雞飯套餐好豐盛，配上了一配又香又粒粒分明既黃油飯，食海南雞配上黃油飯，更香更好味，滋味到爆。另外仲有碗清雞湯，入面仲有菇，都幾多配料，湯好鮮甜，正。咁當然唔少得主角海南雞。海南雞又白又滑仲冇骨，啖啖肉好滋味。食海南雞仲配埋個三色醬，分別有甜豉油、辣醬、薑蓉。自行配搭，超惹味。另一個主食點了新加坡叻沙，濃濃既湯底好惹味，蝦味鮮甜仲要帶上微微辣辣好惹味既湯汁，湯汁掛住係油麵度，好惹味好吸引，係令人食到唔想停。呢碗叻沙都唔少餸，又有入曬味既豆卜、蝦等等，好正宗。小食點了一份咖央多士，超級好味。多士脆卜卜中間夾著

係金百利行完街，就順便係度食晚飯，樓上有好多餐廳，朋友話想食海南雞飯，我地就上左黎7樓既爺爺雞飯，估唔到性價比超高，晚飯價錢好抵食。爺爺海南雞配油飯雞肉好滑，就算雞胸都唔鞋，而且無骨，飯可選白飯或油飯，油飯好香，醬汁有3款，有甜豉油、辣醬同蒜蓉醬，非常惹味。新加坡叻沙可選油麵、米粉或滲滲，原來滲滲就係兩溝麵，叻沙湯底好香，又唔會太辣，配料有蝦、魚片、雞蛋。椒鹽豆腐豆腐炸到外脆內軟，好嫩滑，好惹味。桔桔、凍檸茶叫左主食半價就可以加購飲品。桔桔柑桔味香濃，酸酸地好開胃。

爺爺雞飯爺爺海南雞配油飯 68超好食！首先要講咗海南雞飯個油飯先，呢到個油飯係我暫時食過最香既！飯又唔會好濕，配番少少汁就好好送！海南雞皮下脂肪唔算多，食埋皮都無罪惡感🤣。自家製嘅辣汁樂香，後勁凌厲。我自己食法會用將油同辣汁配，成一半之後再蓉薑蓉食埋另一半，咁就可以食晒所有味道啦。馬來肉骨茶 70係馬來西亞肉骨茶嘅味道，亦都係我鍾意嘅味道。呢一碗肉骨茶有一個好犀利嘅特色，就係每一碗都有原個蒜頭！但係又唔會好辣。喺每一啖湯嘅時候我都會食一粒蒜頭，令到成個味道更加有層次。肉方面佢用咗豬肋骨，炆得好琳，亦都好入味。個人認為價錢都叫做平！椒鹽豆腐 34好食過某一間連鎖店嘅招牌菜，炸得幾脆，椒鹽份量剛好。夠咸夠香口，作前菜一流

海南雞飯响香港實在有太多選擇，有朋友介紹响銅鑼灣金百利一間叫雞飯爺爺，味道唔錯而且好抵食，即刻就去試吓金百利7樓有唔同食肆，雞飯爺爺一出𨋢就見到我哋兩個人分別叫咗海南雞飯拼肉骨茶套餐及海南雞飯拼叻沙套餐，再用半價叫多杯桔仔水，加多件咖央多士。全單都唔使加一，好抵食。店員仲介紹用Openrice pay可以有八五折，而且即買即用，抵上加抵一上枱就聞到肉骨茶嘅淡淡藥材香，夠深色又夠熱，足料又好飲雞飯就有淡淡的香茅南薑味，唔太油。雞件已經去骨，有雞胸又有雞髀，雞味都算濃叻沙個湯底都好濃，有淡淡的椰香味，落料都好足，我揀咗油麵加米粉，口感好特別最後食埋個咖央多，表面烤到微焦，入邊嘅咖央醬開始溶，真係要快啲趁熱食

偶然之下，有個馬來西亞客人介紹黎呢間餐廳食，我見有open rice pay，欣然前往，餐牌及裝潢有少少近排港式茶餐廳味道。我同友人都點了叻沙，見到阿參叻沙，忍唔住要試一試。原來，呢間叻沙隱藏了一種味道。重點推薦|亞參叻沙^佢湯底第一次飲會覺得怪，好似溝左一啲魚露，再飲會覺得類似沙丁魚噶罐頭，其實，正常黎講，多數用甘文魚馬較魚而熬製的特製有酸味的濃湯，濃湯裡面有薑花、洋蔥、叻沙葉等，其實。「Asam/亞參」在馬來文中代表「酸」，佢哋就係亞參叻沙酸味的主要來源。湯麵見到有魚肉已經撕成碎細狀，放置在碗內，會再加上已切成絲或碎片的菠蘿片薑花、辣椒等材料，但就未必每個地方會落有蝦膏。呢碗米粉簡直帶我返回檳城的感覺。|泰式奶茶^另外再額外點泰式奶茶，多奶少甜襯托叻沙微辣的味蕾。友人點普通柑桔。|新加坡叻沙^系南洋風味類似娘惹咖喱口感。多數重口味為主，辛辣口感。如果用新加坡叻沙對比阿參叻沙，就好似另外選擇酸辣粉噶感覺，無得比較。😆另外叫了小食椒鹽豆腐以及叁巴蘿蔔糕。豆腐外脆內嫩，食時候小心熱。蘿蔔糕香軟惹味。兩個人一起用餐分享馬來美食，餐廳性價比高。值得再來。

去銅鑼灣金百利食午餐，爺爺雞飯個名幾吸引，同友人去食先。「爺爺海南雞配油飯」$68 是去骨的海南雞飯，雞肉的肉質嫩滑，配上特製的3色醬汁，味道提算不少！油雞吸引了雞的油香，好出色，食唔停口！「檳城椰香咖哩雞飯配肉骨茶」$88是雙併，可以一次食晒2款，肉骨茶香味濃，有排骨，枝竹，冬菇等，好足料！湯入落去不會太重藥材味，岩晒香港人口味。另外咖喱雞都椰香味重，少少辣，配白飯食一流。「叁巴羅蔔糕」$20加了個小食，是少辣的款，有點似XO醬炒蘿蔔糕,好開胃，好食。飲品叫了椰汁班蘭冰，未係外面的餐廳見過，好香的班蘭味，都唔錯！

今次同朋友咁啱就去咗銅鑼灣行街，聽友人嘅推介發現原來銅鑼灣有一間幾適合食海南雞嘅餐廳。呢間餐廳叫做爺爺雞飯，我同朋友嗰日去到咁啱係下午茶時段，所以就叫咗兩個下午茶套餐，我就叫咗爺爺海南雞飯配馬來西亞肉骨茶。我覺得佢個海南雞真係做得好出色，首先佢嘅雞肉真係好嫩滑，再點埋海南雞飯必備嘅醬汁真係冇得輸。另外佢個肉骨茶都做得好好，除咗足料仲有質素㗎！而朋友就叫咗海南雞飯配新加坡叻沙，我有試過個叻沙覺得個喇沙做得好惹味，而且個湯底都做得好好。令到成碗野嘅味道都好有層次。至於飲品方面我就叫咗佢嘅特色冷泡茶，我今次就叫咗呢個黃金大麥茶，我覺得呢個天氣飲真係啱晒！真心誠意推介大家嚟呢間餐廳試吓，絕對唔會令你失望。

前排，同朋友去左銅鑼灣既爺爺雞飯食dinner，第一次幫襯就試下味道岩吾岩我地先。爺爺海南雞飯拼新加坡叻沙：非常抵食既set，因為一次過可以滿足我既願望，同時食到油飯同滲滲。兩者份量適中，整體夠飽肚啊！海南雞口感夠晒滑口，皮亦吾會太肥。肉質好嫩好滑，點埋三色醬汁，味道昇華！而油飯方面，帶有淡淡雞油香味，飯粒軟熟。而新加坡叻沙有半隻蛋、蝦、魚片，好似食緊個迷你麵甘。蝦亦實實的，吾系死蝦。而滲滲好爽口，吸入左湯底更入味啊！檳城椰香咖哩雞飯：咖哩有陣陣椰香, 微辣惹味, 雞件份量多, 肉質幾嫩, 雖然有幾件連有骨, 但整體都幾多肉食。伴有幾件偏林嘅紅蘿蔔, 咖哩汁足夠撈飯食, 味道一流, 開胃!咖央多士：表面稍為烘過至淡淡金黃, 微脆內軟, 夾住有dd厚度嘅牛油同薄薄咖吔, 一咬之下微脆中食到軟滑牛油, 同埋微甜咖吔醬, 整體不會太重口味, 不錯的一個小食。

每逢月尾，打工仔既荷包總係有啲乾硬化小妹都不例外！所以小妹鍾意周圍搵食等自己糧尾都有好西食😂😂小妹熱烈向大家推介爺爺雞飯！🐥佢嘅套餐真係好鬼抵食最緊要係咩啊！OpenRice仲有現金券啊！以優惠價$85蚊就買到餐廳$100既現金券小妹又慳返啲錢食早餐啦！😆😆事不宜遲，介紹吓今次食咗嘅套餐先！爺爺海南雞飯拼亞參叻沙（滲滲）海南雞係無骨嘅！啖啖肉好正😍肉嫩多汁口感一流，又唔會太肥。而佢嘅雞油飯都幾香，不過就稔咗少少🤏🏻但係一齊食嘅話亦都非常唔錯😋亞參叻沙喺香港比較少見湯底加入鮮菠蘿同埋沙甸魚等作調味好有特色入口味道酸酸辣辣，同平時食開較重椰香既新加坡叻沙好不同！檳城梛香咖喱雞飯配肉骨茶咖哩采用馬來西亞直送到港的香料香辣濃郁，溫順回甘😝配上肉嫩多汁嘅雞髀肉口感一流配菜亦都係少見嘅番薯🍠好特別！淨係撈個咖喱汁都可以食成碗飯😆另外肉骨茶既藥材味濃郁有金菇豆卜等嘅配菜仲有兩條多肉既骨🤣飲完真係成個身都暖晒好舒服😌餐廳仲有外賣自取優惠祝各位打工仔糧尾都有得食好西😝P.S餐廳既水仲要唔係水喉水，好有誠意喔🥹